बुद्धस्तवः Buddhastavah

षट्चक्रे क्रमभावनापरिगतं हृत्पद्ममध्यस्थितंसम्पश्यच्छिवरूपिणं लयवशादात्मानमध्याश्रितः ।युष्माकं मधुसूदनो बुधवपुर्धारी स भूयान्मुदेयस्तिष्ठेत्कमलासने कृतरुचिर्बुद्धैकलिङ्गाकृतिः ॥ १॥

ṣaṭcakre kramabhāvanāparigataṃ hṛtpadmamadhyasthitaṃsampaśyacchivarūpiṇaṃ layavaśādātmānamadhyāśritaḥ |yuṣmākaṃ madhusūdano budhavapurdhārī sa bhūyānmudeyastiṣṭhetkamalāsane kṛtarucirbuddhaikaliṅgākṛtiḥ || 1||

रेतोरक्तमयान्यमूनि भविनां विण्मूत्रपूर्णोदराण्यालोक्येव कलेवराणि विगलत्तोयार्द्ररन्ध्राणि यः ।मायाजालनियन्त्रितानि घृणया नोन्मीलयत्यक्षिणीनिर्व्याजप्रणिधाननिश्चलमतिर्बुद्।ह्ध्यै स बुद्धोऽस्तु वः ॥ २॥

retoraktamayānyamūni bhavināṃ viṇmūtrapūrṇodarāṇyālokyeva kalevarāṇi vigalattoyārdrarandhrāṇi yaḥ |māyājālaniyantritāni ghṛṇayā nonmīlayatyakṣiṇīnirvyājapraṇidhānaniścalamatirbud|hdhyai sa buddho'stu vaḥ || 2||

ध्यानव्याजमुपेत्य चिन्तयसि कामुन्मील्य चक्षुः क्षणंपश्यानङ्गशरातुरं जनमिमं त्रातापि नो रक्षसि ।मिथ्याकारुणिकोऽसि निर्घृणतरस्त्वत्तः कुतोऽन्यः पुमान्शश्वन्मारवधूभिरित्यभिहितो बुद्धो जिनः पातु वः ॥ ३॥

dhyānavyājamupetya cintayasi kāmunmīlya cakṣuḥ kṣaṇaṃpaśyānaṅgaśarāturaṃ janamimaṃ trātāpi no rakṣasi |mithyākāruṇiko'si nirghṛṇatarastvattaḥ kuto'nyaḥ pumānśaśvanmāravadhūbhirityabhihito buddho jinaḥ pātu vaḥ || 3||

आबाहूद्गतमण्डलाग्ररुचयः सन्नद्धवक्षःस्थलाःसोष्माणो व्रणिनो विपक्षहृदयप्रोन्माथिनः कर्कशाः ।उत्सृष्टाम्बरदृष्टिविभ्रमभरा यस्य स्मराग्रेसरायोधा वारवधूस्तनाश्च न दधुः क्षोभं स वोऽव्याज्जिनः ॥ ४॥

ābāhūdgatamaṇḍalāgrarucayaḥ sannaddhavakṣaḥsthalāḥsoṣmāṇo vraṇino vipakṣahṛdayapronmāthinaḥ karkaśāḥ |utsṛṣṭāmbaradṛṣṭivibhramabharā yasya smarāgresarāyodhā vāravadhūstanāśca na dadhuḥ kṣobhaṃ sa vo'vyājjinaḥ || 4||

बद्ध्वा पद्मासनं यो नयनयुगमिदं न्यस्य नासाग्रदेशेधृत्वा मूर्तौ च शान्तौ समरसमिलितौ चन्द्रसूर्याख्यवातौ ।पश्यन्नन्तर्विशुद्धं किमपि च परमं ज्योतिराकारहीनंसौख्याम्भोधौ निमग्नः स दिशतु भवतां ज्ञानबोधं बुधोऽयम् ॥ ५॥

baddhvā padmāsanaṃ yo nayanayugamidaṃ nyasya nāsāgradeśedhṛtvā mūrtau ca śāntau samarasamilitau candrasūryākhyavātau |paśyannantarviśuddhaṃ kimapi ca paramaṃ jyotirākārahīnaṃsaukhyāmbhodhau nimagnaḥ sa diśatu bhavatāṃ jñānabodhaṃ budho'yam || 5||

कामेनाकृष्य चापं हतपटुपटहं वल्गुभिर्मारवीयैःभ्रूभङ्गोत्क्षेपजृम्भास्मितललितदृशा दिव्यनारीजनेन ।सिद्धैः प्रह्वोत्तमाङ्गैः पुलकितवपुषा विस्मयाद्वासवेनध्यायन्यो योगपीठादचलित इति वः पातु दृष्टो मुनीन्द्रः ॥ ६॥

kāmenākṛṣya cāpaṃ hatapaṭupaṭahaṃ valgubhirmāravīyaiḥbhrūbhaṅgotkṣepajṛmbhāsmitalalitadṛśā divyanārījanena |siddhaiḥ prahvottamāṅgaiḥ pulakitavapuṣā vismayādvāsavenadhyāyanyo yogapīṭhādacalita iti vaḥ pātu dṛṣṭo munīndraḥ || 6||

किं स्याद्भास्वान्न भानोरमृतघनरसस्यन्दनः सन्ति पादाःकिं वा राकाशशाङ्को न हि तुहिनरुचिः कुत्रचिन्निष्कलङ्कः ।साक्षाच्चिन्तामणिः किं विपुलफलमणेः सौकुमार्यं कुतस्त्यंसन्देहान्मुग्धधीभिः प्रथममिति मुनेः पातु दृष्टं वपुर्वः ॥ ७॥

kiṃ syādbhāsvānna bhānoramṛtaghanarasasyandanaḥ santi pādāḥkiṃ vā rākāśaśāṅko na hi tuhinaruciḥ kutracinniṣkalaṅkaḥ |sākṣāccintāmaṇiḥ kiṃ vipulaphalamaṇeḥ saukumāryaṃ kutastyaṃsandehānmugdhadhībhiḥ prathamamiti muneḥ pātu dṛṣṭaṃ vapurvaḥ || 7||

इति बुद्धस्तवः सम्पूर्णः ।

iti buddhastavaḥ sampūrṇaḥ |