दशावतारप्रार्थना Dashavatara Prarthana

मत्स्यरूपिणो भगवतः प्रार्थनात्रय्या दुर्जयदानवेन्द्रहृतया वैयाकुलीं प्रापितेनालीकासनमानसे सरसिजे भानोरपायेन वा ।मध्येऽम्भोनिधि यः प्रहृत्य तमरिं वाणीं पुराणीं पुनःप्रादात् तस्य यथापुरं स तनुतां श्रीमत्स्यमूर्तिः श्रियम् ॥ १॥

matsyarūpiṇo bhagavataḥ prārthanātrayyā durjayadānavendrahṛtayā vaiyākulīṃ prāpitenālīkāsanamānase sarasije bhānorapāyena vā |madhye'mbhonidhi yaḥ prahṛtya tamariṃ vāṇīṃ purāṇīṃ punaḥprādāt tasya yathāpuraṃ sa tanutāṃ śrīmatsyamūrtiḥ śriyam || 1||

कूर्मरूपिणो भगवतः प्रार्थनायच्छ्वासानिलपर्युदस्तजलधिक्रोडोच्चलद्वीचिकावेधःसौधविघट्टनोद्भटरवो ब्रह्माण्डमास्फोटयन् ।दैत्यान् मोहयतो हरेर्दिविषदां पीयूषदानक्षणेसाहाय्यं विततान शर्म कुहनामूर्तिः स निर्मातु नः ॥ २॥

kūrmarūpiṇo bhagavataḥ prārthanāyacchvāsānilaparyudastajaladhikroḍoccaladvīcikāvedhaḥsaudhavighaṭṭanodbhaṭaravo brahmāṇḍamāsphoṭayan |daityān mohayato harerdiviṣadāṃ pīyūṣadānakṣaṇesāhāyyaṃ vitatāna śarma kuhanāmūrtiḥ sa nirmātu naḥ || 2||

वराहरूपिणो भगवतः प्रार्थनादंष्ट्राग्रे पृथुसीम्नि यस्य जलधेरुन्मग्नमूर्तेः पुराघोणे घुर्घुरधूर्णमानतनुतामासेदुषी मेदिनी ।प्रीता शैलशिखाधिरोहजनितामाधत्त दिव्यां श्रियंमायासूकरशेखरः स दिशतामामोदभूमोदयम् ॥ ३॥

varāharūpiṇo bhagavataḥ prārthanādaṃṣṭrāgre pṛthusīmni yasya jaladherunmagnamūrteḥ purāghoṇe ghurghuradhūrṇamānatanutāmāseduṣī medinī |prītā śailaśikhādhirohajanitāmādhatta divyāṃ śriyaṃmāyāsūkaraśekharaḥ sa diśatāmāmodabhūmodayam || 3||

नरसिंहरूपिणो भगवतः प्रार्थनादंष्ट्रांशूच्चयपाण्डरैर्नखमुखैर्दैत्येन्द्रवक्षःस्थलीनिष्ट्यूतामितकुङ्कुमाभरुधिरप्राग्भारसम्भावितैः ।मालिन्यं द्युसदां ममार्ज हृदये प्रह्लादमाह्लादयन्यः पूर्वं तमिमं भजेम शरणं वैकुण्ठकण्ठीरवम् ॥ ४॥

narasiṃharūpiṇo bhagavataḥ prārthanādaṃṣṭrāṃśūccayapāṇḍarairnakhamukhairdaityendravakṣaḥsthalīniṣṭyūtāmitakuṅkumābharudhiraprāgbhārasambhāvitaiḥ |mālinyaṃ dyusadāṃ mamārja hṛdaye prahlādamāhlādayanyaḥ pūrvaṃ tamimaṃ bhajema śaraṇaṃ vaikuṇṭhakaṇṭhīravam || 4||

वामनरूपिणो भगवतः प्रार्थनाआसीद् यस्य वितानमम्बरसरित् पूर्वं परस्तादसौशीर्षत्राणमभूदथो गलतले मन्दारमालाभवत् ।जाता धौतमथांशुकं कटितटे पादारविन्दे ततःसम्पेदे मधुबिन्दुरीतिमवतात् याच्ञावटुस्तद्वदुः ॥ ५॥

vāmanarūpiṇo bhagavataḥ prārthanāāsīd yasya vitānamambarasarit pūrvaṃ parastādasauśīrṣatrāṇamabhūdatho galatale mandāramālābhavat |jātā dhautamathāṃśukaṃ kaṭitaṭe pādāravinde tataḥsampede madhubindurītimavatāt yācñāvaṭustadvaduḥ || 5||

परशुरामरूपिणो भगवतः प्रार्थनादृप्तक्षत्रवधाध्वरे पितृवधामर्षोदयाद् दीक्षितोबाहा हेहयनायकस्य समिधः साहस्रमप्युज्ज्वलाः ।धाराग्रज्वलदाशुशुक्षणिशिखामध्ये कुठारस्य योनिस्तन्द्रं जुहुवाम्बभूव मुनिराडव्यादभव्यात् स नः ॥ ६॥

paraśurāmarūpiṇo bhagavataḥ prārthanādṛptakṣatravadhādhvare pitṛvadhāmarṣodayād dīkṣitobāhā hehayanāyakasya samidhaḥ sāhasramapyujjvalāḥ |dhārāgrajvaladāśuśukṣaṇiśikhāmadhye kuṭhārasya yonistandraṃ juhuvāmbabhūva munirāḍavyādabhavyāt sa naḥ || 6||

श्रीरामभद्ररूपिणो भगवतः प्रार्थनावीरः कोऽपि सकृन्नतार्तिहरणश्रद्धाविशुद्धाशयःकामं कामपि सम्पदं वितनुतामाकल्पमल्पेतराम् ।यस्यापाङ्गजशोणिमा स्तनतटे सेहे न मुक्ताश्रियंनेत्रे कज्जलकालिमानमपि च क्रव्यादवामभ्रुवाम् ॥ ७॥

śrīrāmabhadrarūpiṇo bhagavataḥ prārthanāvīraḥ ko'pi sakṛnnatārtiharaṇaśraddhāviśuddhāśayaḥkāmaṃ kāmapi sampadaṃ vitanutāmākalpamalpetarām |yasyāpāṅgajaśoṇimā stanataṭe sehe na muktāśriyaṃnetre kajjalakālimānamapi ca kravyādavāmabhruvām || 7||

बलभद्ररूपिणो भगवतः प्रार्थनायस्याहुर्मुसलं हलं प्रहरणं सङ्ग्रामसीमाजुषोभेत्तुं वैरिशिरोधनान् नमयितुं चान्यानपेक्षं बुधाः ।येनाकार्षि च हस्तिनं कुरुमदज्वालारुजं जाह्नवीपूरे त्याजयितुं स लाङ्गलधरः कुर्वीत गुर्वी श्रियम् ॥ ८॥

balabhadrarūpiṇo bhagavataḥ prārthanāyasyāhurmusalaṃ halaṃ praharaṇaṃ saṅgrāmasīmājuṣobhettuṃ vairiśirodhanān namayituṃ cānyānapekṣaṃ budhāḥ |yenākārṣi ca hastinaṃ kurumadajvālārujaṃ jāhnavīpūre tyājayituṃ sa lāṅgaladharaḥ kurvīta gurvī śriyam || 8||

श्रीकृष्णरूपिणो भगवतः प्रार्थनाअन्विष्टोऽपि चिरादकृत्रिमगिरां श्रेणीभिरेणीदृशांगोपालाह्वयजन्मनां तु सुलभं स्वात्मानमाधत्त यः ।यो विश्वस्य नियन्तृतामनुभवन्त्रप्यावहद् दूततांबघ्नीमोऽञ्जलिमादरेण करुणादिग्धाय मुग्धात्मने ॥ ९॥

śrīkṛṣṇarūpiṇo bhagavataḥ prārthanāanviṣṭo'pi cirādakṛtrimagirāṃ śreṇībhireṇīdṛśāṃgopālāhvayajanmanāṃ tu sulabhaṃ svātmānamādhatta yaḥ |yo viśvasya niyantṛtāmanubhavantrapyāvahad dūtatāṃbaghnīmo'ñjalimādareṇa karuṇādigdhāya mugdhātmane || 9||

कल्किरूपिणो भगवतः प्रार्थनाराजन्यापशन्दैर्जगद्विपदलङ्कर्मीणचर्यापदैर्निर्मूले निखिले कलेरुपचयाद् धर्मे महीमण्डले ।प्रादुर्भूय कृपाणपाणिरथ तान् निर्धूय भूयः पुराधर्मं कार्तयुगं प्रवर्तयति यः कल्की श्रियै कल्पताम् ॥ १०॥

kalkirūpiṇo bhagavataḥ prārthanārājanyāpaśandairjagadvipadalaṅkarmīṇacaryāpadairnirmūle nikhile kalerupacayād dharme mahīmaṇḍale |prādurbhūya kṛpāṇapāṇiratha tān nirdhūya bhūyaḥ purādharmaṃ kārtayugaṃ pravartayati yaḥ kalkī śriyai kalpatām || 10||

इति कौशिकरङ्गनाथसूरिः सुकुमारैः पदगुम्भनैः स्तुवन् सन् ।परमं पुरुषं दशावतारम् । । । । शोभते कृतार्थः ॥इति रङ्गनाथसूरिविरचिता श्रीदशावतार प्रार्थना समाप्ता ।स्तोत्रसमुच्चयः २ (६१)

iti kauśikaraṅganāthasūriḥ sukumāraiḥ padagumbhanaiḥ stuvan san |paramaṃ puruṣaṃ daśāvatāram | | | | śobhate kṛtārthaḥ ||iti raṅganāthasūriviracitā śrīdaśāvatāra prārthanā samāptā |stotrasamuccayaḥ 2 (61)