पीताम्बराष्टोत्तरशतनामस्तोत्रम् Shripitambarashtottarashatanamastotram

श्रीगणेशाय नमः ।श्रीभगवान उवाच ।इतीदं नामसाहस्रं ब्रह्मन्स्ते गदितं मया ।नाम्नामष्टोत्तरशतं शृणुष्व गदितं मम ॥ १॥

śrīgaṇeśāya namaḥ |śrībhagavāna uvāca |itīdaṃ nāmasāhasraṃ brahmanste gaditaṃ mayā |nāmnāmaṣṭottaraśataṃ śṛṇuṣva gaditaṃ mama || 1||

ॐ पीताम्बरा शूलहस्ता वज्रा वज्रशरीरिणी ।तुष्टिपुष्टिकरी शान्तिर्ब्रह्माणी ब्रह्मवादिनी ॥ २॥

oṃ pītāmbarā śūlahastā vajrā vajraśarīriṇī |tuṣṭipuṣṭikarī śāntirbrahmāṇī brahmavādinī || 2||

सर्वालोकननेत्रा च सर्वरोगहरापि च ।मङ्गला मङ्गलास्नाता निष्कलङ्का निराकुला ॥ ३॥

sarvālokananetrā ca sarvarogaharāpi ca |maṅgalā maṅgalāsnātā niṣkalaṅkā nirākulā || 3||

विश्वेश्वरी विश्वमाता ललिता ललिताकृतिः ।सदाशिवैकग्रहणी चण्डिका चण्डविक्रमा ॥ ४॥

viśveśvarī viśvamātā lalitā lalitākṛtiḥ |sadāśivaikagrahaṇī caṇḍikā caṇḍavikramā || 4||

सर्वदेवमयी साक्षात्सर्वागमनिरूपिता ।ब्रह्मेशविष्णुनमिता सर्वकल्याणकारिणी ॥ ५॥

sarvadevamayī sākṣātsarvāgamanirūpitā |brahmeśaviṣṇunamitā sarvakalyāṇakāriṇī || 5||

योगमार्गपरायोगीयौगिध्येयपदाम्बुजा ।योगेन्द्रा योगिनीपूज्या योगसूर्याङ्गनन्दिनी ॥ ६॥

yogamārgaparāyogīyaugidhyeyapadāmbujā |yogendrā yoginīpūjyā yogasūryāṅganandinī || 6||

इन्द्रादिदेवतावृन्दस्तूयमानात्मवैभवा ।विशुद्धिदा भयहरा भक्तद्वेषीक्षयङ्करी ॥ ७॥

indrādidevatāvṛndastūyamānātmavaibhavā |viśuddhidā bhayaharā bhaktadveṣīkṣayaṅkarī || 7||

भवपाशविनिर्मुक्ता भेरुण्डा भैरवार्चिता ।बलभद्रप्रियाकाराहालामदरसोधृता ॥ ८॥

bhavapāśavinirmuktā bheruṇḍā bhairavārcitā |balabhadrapriyākārāhālāmadarasodhṛtā || 8||

पञ्चभूतशरीरस्था पञ्चकोशप्रपञ्चहृत् ।सिंहवाहा मनोमोहा मोहपाशनिकृन्तनी ॥ ९॥

pañcabhūtaśarīrasthā pañcakośaprapañcahṛt |siṃhavāhā manomohā mohapāśanikṛntanī || 9||

मदिरा मदिरोन्मादमुद्रा मुद्गरधारिणी ।सावित्री प्रसावित्री च परप्रियविनायका ॥ १०॥

madirā madironmādamudrā mudgaradhāriṇī |sāvitrī prasāvitrī ca parapriyavināyakā || 10||

यमदूती पिङ्गनेत्रा वैष्णवी शाङ्करी तथा ।चन्द्रप्रिया चन्दनस्था चन्दनारण्यवासिनी ॥ ११॥

yamadūtī piṅganetrā vaiṣṇavī śāṅkarī tathā |candrapriyā candanasthā candanāraṇyavāsinī || 11||

वदनेन्दुप्रभापूर पूर्णब्रह्माण्डमण्डला ।गान्धर्वी यक्षशक्तिश्च कैराती राक्षसी तथा ॥ १२॥

vadanenduprabhāpūra pūrṇabrahmāṇḍamaṇḍalā |gāndharvī yakṣaśaktiśca kairātī rākṣasī tathā || 12||

पापपर्वतदम्भोलिर्भयध्वान्तप्रभाकरा ।सृष्टिस्थित्युपसंहारकारिणि कनकप्रभा ॥ १३॥

pāpaparvatadambholirbhayadhvāntaprabhākarā |sṛṣṭisthityupasaṃhārakāriṇi kanakaprabhā || 13||

लोकानां देवतानाञ्च योषितां हितकारिणी ।ब्रह्मानन्दैकरसिका महाविद्या बलोन्नता ॥ १४॥

lokānāṃ devatānāñca yoṣitāṃ hitakāriṇī |brahmānandaikarasikā mahāvidyā balonnatā || 14||

महातेजोवती सूक्ष्मा महेन्द्रपरिपूजिता ।परापरवती प्राणा त्रैलोक्याकर्षकारिणी ॥ १५॥

mahātejovatī sūkṣmā mahendraparipūjitā |parāparavatī prāṇā trailokyākarṣakāriṇī || 15||

किरीटाङ्गदकेयूरमाला मञ्जिरभूषिता ।सुवर्णमालासञ्जप्ताहरिद्रास्रक् निषेविता ॥ १६॥

kirīṭāṅgadakeyūramālā mañjirabhūṣitā |suvarṇamālāsañjaptāharidrāsrak niṣevitā || 16||

उग्रविघ्नप्रशमनी दारिद्र्यद्रुमभञ्जिनी ।राजचोरनृपव्यालभूतप्रेतभयापहा ॥ १७॥

ugravighnapraśamanī dāridryadrumabhañjinī |rājacoranṛpavyālabhūtapretabhayāpahā || 17||

स्तम्भिनी परसैन्यानां मोहिनी परयोषिताम् ।त्रासिनी सर्वदुष्टानां ग्रासिनी दैत्यराक्षसाम् ॥ १८॥

stambhinī parasainyānāṃ mohinī parayoṣitām |trāsinī sarvaduṣṭānāṃ grāsinī daityarākṣasām || 18||

आकर्षिणी नरेन्द्राणां वशिनी पृथिवीमृताम् ।मारिणी मदमत्तानां द्वेषिणी द्विषितां बलात् ॥ १९॥

ākarṣiṇī narendrāṇāṃ vaśinī pṛthivīmṛtām |māriṇī madamattānāṃ dveṣiṇī dviṣitāṃ balāt || 19||

क्षोभिणि शत्रुसङ्घानां रोधिनी शस्त्रपाणिनाम् ।भ्रामिणी गिरिकूटानां राज्ञां विजय वर्द्धिनी ॥ २०॥

kṣobhiṇi śatrusaṅghānāṃ rodhinī śastrapāṇinām |bhrāmiṇī girikūṭānāṃ rājñāṃ vijaya varddhinī || 20||

ह्लीं कार बीज सञ्जाप्ता ह्लीं कार परिभूषिता ।बगला बगलावक्त्रा प्रणवाङ्कुर मातृका ॥ २१॥

hlīṃ kāra bīja sañjāptā hlīṃ kāra paribhūṣitā |bagalā bagalāvaktrā praṇavāṅkura mātṛkā || 21||

प्रत्यक्ष देवता दिव्या कलौ कल्पद्रुमोपमा ।कीर्त्तकल्याण कान्तीनां कलानां च कुलालया ॥ २२॥

pratyakṣa devatā divyā kalau kalpadrumopamā |kīrttakalyāṇa kāntīnāṃ kalānāṃ ca kulālayā || 22||

सर्व मन्त्रैक निलया सर्वसाम्राज्य शालिनी ।चतुःषष्ठी महामन्त्र प्रतिवर्ण निरूपिता ॥ २३॥

sarva mantraika nilayā sarvasāmrājya śālinī |catuḥṣaṣṭhī mahāmantra prativarṇa nirūpitā || 23||

स्मरणा देव सर्वेषां दुःखपाश निकृन्तिनी ।महाप्रलय सङ्घात सङ्कटद्रुम भेदिनी ॥ २४॥

smaraṇā deva sarveṣāṃ duḥkhapāśa nikṛntinī |mahāpralaya saṅghāta saṅkaṭadruma bhedinī || 24||

इतिते कथितं ब्रह्मन्नामसाहस्रमुत्तमम् ।अष्टोत्तरशतं चापि नाम्नामन्ते निरूपितम् ॥ २५॥

itite kathitaṃ brahmannāmasāhasramuttamam |aṣṭottaraśataṃ cāpi nāmnāmante nirūpitam || 25||

काश्मीर केरल प्रोक्तं सम्प्रदायानुसारतः ।नामानिजगदम्बायाः पठस्वकमलासन ॥ २६॥

kāśmīra kerala proktaṃ sampradāyānusārataḥ |nāmānijagadambāyāḥ paṭhasvakamalāsana || 26||

तेनेमौदानवौवीरौस्तब्ध शक्ति भविष्यतः ।नानयोर्विद्यते ब्रह्मनूभयं विद्या प्रभावतः ॥ २७॥

tenemaudānavauvīraustabdha śakti bhaviṣyataḥ |nānayorvidyate brahmanūbhayaṃ vidyā prabhāvataḥ || 27||

ईश्वर उवाच ।इत्युक्तः सतदाब्रह्मा पठन्नामसहस्रकम् ।स्तम्भयामास सहसा तयीः शक्तिपराक्रमात् ॥ २८॥

īśvara uvāca |ityuktaḥ satadābrahmā paṭhannāmasahasrakam |stambhayāmāsa sahasā tayīḥ śaktiparākramāt || 28||

इतिते कथितं देवि नामसाहस्रमुत्तमम् ।परं ब्रह्मास्त्र विद्याया भुक्ति मुक्ति फलप्रदम् ॥ २९॥

itite kathitaṃ devi nāmasāhasramuttamam |paraṃ brahmāstra vidyāyā bhukti mukti phalapradam || 29||

यः पठेत्पाठयेद्वापि शृणोति श्रावयेदिदम् ।स सर्वसिद्धि सम्प्राप्य स्तम्भयेदखिलं जगत् ॥ ३०॥

yaḥ paṭhetpāṭhayedvāpi śṛṇoti śrāvayedidam |sa sarvasiddhi samprāpya stambhayedakhilaṃ jagat || 30||

इति मे विष्णुना प्रोक्तं महास्तम्भकरं परम् ।धनधान्य गजाश्वादि साधकं राज्यदायकम् ॥ ३१॥

iti me viṣṇunā proktaṃ mahāstambhakaraṃ param |dhanadhānya gajāśvādi sādhakaṃ rājyadāyakam || 31||

प्रातःकाले च मध्याह्ने सन्ध्याकाले च पार्वति ।एकचित्तः पठेदेतत्सर्वसिद्धिं च विन्दति ॥ ३२॥

prātaḥkāle ca madhyāhne sandhyākāle ca pārvati |ekacittaḥ paṭhedetatsarvasiddhiṃ ca vindati || 32||

पठनादेकवारस्य सर्वपापक्षयो भवेत् ।वारद्वयस्य पठनाद्गणेश सदृशो भवेत् ॥ ३३॥

paṭhanādekavārasya sarvapāpakṣayo bhavet |vāradvayasya paṭhanādgaṇeśa sadṛśo bhavet || 33||

त्रिवारं पठनादस्य सर्वसिद्ध्यति नान्यथा ।स्तवस्यास्य प्रभावेण जीवन्मुक्तो भवेन्नरः ॥ ३४॥

trivāraṃ paṭhanādasya sarvasiddhyati nānyathā |stavasyāsya prabhāveṇa jīvanmukto bhavennaraḥ || 34||

मोक्षार्थी लभते मोक्षं धनार्थी लभते धनम् ।विद्यार्थी लभते विद्यां वश्यार्थी वशयेज्जगत् ॥ ३५॥

mokṣārthī labhate mokṣaṃ dhanārthī labhate dhanam |vidyārthī labhate vidyāṃ vaśyārthī vaśayejjagat || 35||

महीपतिर्वत्सरस्य पाठाच्छत्रुक्षयो भवेत् ।पृथ्वीपतिर्वशस्तस्य वत्सरात्स्मरसुन्दरः ॥ ३६॥

mahīpatirvatsarasya pāṭhācchatrukṣayo bhavet |pṛthvīpatirvaśastasya vatsarātsmarasundaraḥ || 36||

य पठेत्सर्वदा भक्त्या श्रीयुक्तो भवति प्रिये ।गणाध्यक्षः प्रतिनिधिः कविः काव्य इवापरः ॥ ३७॥

ya paṭhetsarvadā bhaktyā śrīyukto bhavati priye |gaṇādhyakṣaḥ pratinidhiḥ kaviḥ kāvya ivāparaḥ || 37||

गोपनीयं प्रयत्नेन जननीजारवत्प्रिये ।शक्तियुक्तः पठेन्नित्यं पीताम्बरधरः स्वयम् ॥ ३८॥

gopanīyaṃ prayatnena jananījāravatpriye |śaktiyuktaḥ paṭhennityaṃ pītāmbaradharaḥ svayam || 38||

य इदं पठते नित्यं शिवेन सदृशो भवेत् ।धर्मार्थकाममोक्षाणां पतिर्भवति मानवः ॥ ३९॥

ya idaṃ paṭhate nityaṃ śivena sadṛśo bhavet |dharmārthakāmamokṣāṇāṃ patirbhavati mānavaḥ || 39||

सत्यं सत्यं मया देवि रहस्यं सम्प्रकाशितम् ।स्तवस्यास्य प्रभावेन किं न सिद्ध्यति भूतले ॥ ४०॥

satyaṃ satyaṃ mayā devi rahasyaṃ samprakāśitam |stavasyāsya prabhāvena kiṃ na siddhyati bhūtale || 40||

स्तम्भितावास्कराः सर्वे स्तवराजस्य कीर्त्तनात् ।मधु कैटभ दैतेन्द्रौध्वस्तशक्ति बभूवतुः ॥ ४१॥

stambhitāvāskarāḥ sarve stavarājasya kīrttanāt |madhu kaiṭabha daitendraudhvastaśakti babhūvatuḥ || 41||

इदं सहस्रनामाख्यं स्तोत्रं त्रैलोक्य पावनम् ।एतत्पठति यो मन्त्री फलं तस्य वदाम्यहम् ॥ ४२॥

idaṃ sahasranāmākhyaṃ stotraṃ trailokya pāvanam |etatpaṭhati yo mantrī phalaṃ tasya vadāmyaham || 42||

राजानो वश्यतां यान्ति यान्ति पापानि संक्षयः ।गिरयः समतां यान्ति वह्निर्गच्छति शीतताम् ॥ ४३॥

rājāno vaśyatāṃ yānti yānti pāpāni saṃkṣayaḥ |girayaḥ samatāṃ yānti vahnirgacchati śītatām || 43||

प्रचण्डा सौम्यतां यान्ति शोषयान्त्येव सिन्धवः ।धनैः कोशा विवर्धते जनैश्च विविधालयाः ॥ ४४॥

pracaṇḍā saumyatāṃ yānti śoṣayāntyeva sindhavaḥ |dhanaiḥ kośā vivardhate janaiśca vividhālayāḥ || 44||

मन्दिराः स्करगैः पूर्णा हस्तिशालाश्च हस्तिभिः ।स्तम्भयेद्विषतां वाचं गतिं शस्त्रं पराक्रमम् ॥ ४५॥

mandirāḥ skaragaiḥ pūrṇā hastiśālāśca hastibhiḥ |stambhayedviṣatāṃ vācaṃ gatiṃ śastraṃ parākramam || 45||

रवेरथं स्तम्भयति सञ्चारं च नभस्वतः ।किमन्यं बहुनोक्तेन सर्वकार्यकृति क्षयम् ॥ ४६॥

raverathaṃ stambhayati sañcāraṃ ca nabhasvataḥ |kimanyaṃ bahunoktena sarvakāryakṛti kṣayam || 46||

स्तवराजमिदं जप्त्वा न मातुर्गर्भगो भवेत् ।तेनेष्टाक्रतवः सर्वे दत्तादानपरम्पराः ॥ ४७॥

stavarājamidaṃ japtvā na māturgarbhago bhavet |teneṣṭākratavaḥ sarve dattādānaparamparāḥ || 47||

व्रतानि सर्वाण्यातानियेनायं पठ्यते स्तवः ।निशीथकाले प्रजपेदेकाकी स्थिर मानसः ॥ ४८॥

vratāni sarvāṇyātāniyenāyaṃ paṭhyate stavaḥ |niśīthakāle prajapedekākī sthira mānasaḥ || 48||

पीताम्बरधरी पीतां पीतगन्धानुलेपनाम् ।सुवर्णरत्नखचितां दिव्य भूषण भूषिताम् ॥ ४९॥

pītāmbaradharī pītāṃ pītagandhānulepanām |suvarṇaratnakhacitāṃ divya bhūṣaṇa bhūṣitām || 49||

संस्थाप्य वामभागेतु शक्तिं स्वामि परायणाम् ।तस्य सर्वार्थ सिद्धिःस्याद्यद्यन्मनसि कल्पते ॥ ५०॥

saṃsthāpya vāmabhāgetu śaktiṃ svāmi parāyaṇām |tasya sarvārtha siddhiḥsyādyadyanmanasi kalpate || 50||

ब्रह्महत्यादि पापानि नश्यन्तेस्यजपादपि ।सहस्रनाम तन्त्राणां सारमाकृत पार्वति ॥ ५१॥

brahmahatyādi pāpāni naśyantesyajapādapi |sahasranāma tantrāṇāṃ sāramākṛta pārvati || 51||

मया प्रोक्तं रहस्यं ते किमन्य श्रोतुमर्हसि ॥ ५२॥

mayā proktaṃ rahasyaṃ te kimanya śrotumarhasi || 52||

॥ इति श्रीउत्कट शम्बरे नागेन्द्रप्रयाण तन्त्रेषोडश साहस्रग्रन्थे विष्णु शङ्कर संवादेश्रीपीताम्बरा अष्टोत्तरशतनामस्तोत्रं सम्पूर्णम् ॥

|| iti śrīutkaṭa śambare nāgendraprayāṇa tantreṣoḍaśa sāhasragranthe viṣṇu śaṅkara saṃvādeśrīpītāmbarā aṣṭottaraśatanāmastotraṃ sampūrṇam ||