राजराजेश्वर्यष्टकम् १ Shrirajarajeshvaryashtakam

अंबाष्टकम्॥ अथ श्रीराजराजेश्वर्यष्टकम् ॥अम्बा शाम्भवि चन्द्रमौलिरबलाऽपर्णा उमा पार्वतीकाली हैमवती शिवा त्रिनयनी कात्यायनी भैरवी ।सावित्री नवयौवना शुभकरी साम्राज्यलक्ष्मीप्रदाचिद्रूपी परदेवता भगवती श्रीराजराजेश्वरी ॥ १॥

aṃbāṣṭakam|| atha śrīrājarājeśvaryaṣṭakam ||ambā śāmbhavi candramaulirabalā'parṇā umā pārvatīkālī haimavatī śivā trinayanī kātyāyanī bhairavī |sāvitrī navayauvanā śubhakarī sāmrājyalakṣmīpradācidrūpī paradevatā bhagavatī śrīrājarājeśvarī || 1||

अम्बा मोहिनी देवता त्रिभुवनी आनन्दसंदायिनीवाणी पल्लवपाणिवेणुमुरलीगानप्रिया लोलिनी ।कल्याणी उडुराजबिम्ब वदना धूम्राक्षसंहारिणीचिद्रूपी परदेवता भगवती श्रीराजराजेश्वरी ॥ २॥

ambā mohinī devatā tribhuvanī ānandasaṃdāyinīvāṇī pallavapāṇiveṇumuralīgānapriyā lolinī |kalyāṇī uḍurājabimba vadanā dhūmrākṣasaṃhāriṇīcidrūpī paradevatā bhagavatī śrīrājarājeśvarī || 2||

अम्बा नूपुररत्नकङ्कणधरी केयूरहारावलीजातीचम्पकवैजयंतिलहरी ग्रैवेयकैराजिता ।वीणावेणुविनोदमण्डितकरा वीरासने संस्थिताचिद्रूपी परदेवता भगवती श्रीराजराजेश्वरी ॥ ३॥

ambā nūpuraratnakaṅkaṇadharī keyūrahārāvalījātīcampakavaijayaṃtilaharī graiveyakairājitā |vīṇāveṇuvinodamaṇḍitakarā vīrāsane saṃsthitācidrūpī paradevatā bhagavatī śrīrājarājeśvarī || 3||

अम्बा रौद्रिणि भद्रकालि बगला ज्वालामुखी वैष्णवीब्रह्माणी त्रिपुरान्तकी सुरनुता देदीप्यमानोज्वला ।चामुण्डा श्रितरक्षपोषजननी दाक्षायणी वल्लवीचिद्रूपी परदेवता भगवती श्रीराजराजेश्वरी ॥ ४॥

ambā raudriṇi bhadrakāli bagalā jvālāmukhī vaiṣṇavībrahmāṇī tripurāntakī suranutā dedīpyamānojvalā |cāmuṇḍā śritarakṣapoṣajananī dākṣāyaṇī vallavīcidrūpī paradevatā bhagavatī śrīrājarājeśvarī || 4||

अम्बा शूलधनुः कुशाङ्कुशधरी अर्धेन्दुबिम्बाधरीवाराहीमधुकैटभप्रशमनी वाणी रमासेविता ।मल्लाद्यासुरमूकदैत्यमथनी माहेश्वरी चाम्बिकाचिद्रूपी परदेवता भगवती श्रीराजराजेश्वरी ॥ ५॥

ambā śūladhanuḥ kuśāṅkuśadharī ardhendubimbādharīvārāhīmadhukaiṭabhapraśamanī vāṇī ramāsevitā |mallādyāsuramūkadaityamathanī māheśvarī cāmbikācidrūpī paradevatā bhagavatī śrīrājarājeśvarī || 5||

अम्बा सृष्टिविनाशपालनकरी आर्या विसंशोभितागायत्री प्रणवाक्षरामृतरसः पूर्णानुसंधी कृता ।ओङ्कारी विनतासुतार्चितपदा उद्दण्ड दैत्यापहाचिद्रूपी परदेवता भगवती श्रीराजराजेश्वरी ॥ ६॥

ambā sṛṣṭivināśapālanakarī āryā visaṃśobhitāgāyatrī praṇavākṣarāmṛtarasaḥ pūrṇānusaṃdhī kṛtā |oṅkārī vinatāsutārcitapadā uddaṇḍa daityāpahācidrūpī paradevatā bhagavatī śrīrājarājeśvarī || 6||

अम्बा शाश्वत आगमादिविनुता आर्या महादेवताया ब्रह्मादिपिपीलिकान्तजननी या वै जगन्मोहिनी ।या पञ्चप्रणवादिरेफजननी या चित्कला मालिनीचिद्रूपी परदेवता भगवती श्रीराजराजेश्वरी ॥ ७॥

ambā śāśvata āgamādivinutā āryā mahādevatāyā brahmādipipīlikāntajananī yā vai jaganmohinī |yā pañcapraṇavādirephajananī yā citkalā mālinīcidrūpī paradevatā bhagavatī śrīrājarājeśvarī || 7||

अम्बापालितभक्तराजदनिशं अम्बाष्टकं यः पठेत्अम्बालोलकटाक्षवीक्ष ललितं चैश्वर्यमव्याहतम् ।अम्बा पावनमन्त्रराजपठनादन्ते च मोक्षप्रदाचिद्रूपी परदेवता भगवती श्रीराजराजेश्वरी ॥ ८॥

ambāpālitabhaktarājadaniśaṃ ambāṣṭakaṃ yaḥ paṭhetambālolakaṭākṣavīkṣa lalitaṃ caiśvaryamavyāhatam |ambā pāvanamantrarājapaṭhanādante ca mokṣapradācidrūpī paradevatā bhagavatī śrīrājarājeśvarī || 8||

छन्दःपादयुगा निरूक्तासुनखा शिक्षासुजङ्घायुगाऋग्वेदोरूयुगा यजुर सुजधनां या सामवेदोदरा ।तर्कावित्तिकुचा श्रुति स्मृतिकरा काव्यरविन्दाननावेदान्तामृत लोचना भगवती श्रीराजराजेश्वरी ॥ ९॥

chandaḥpādayugā nirūktāsunakhā śikṣāsujaṅghāyugāṛgvedorūyugā yajura sujadhanāṃ yā sāmavedodarā |tarkāvittikucā śruti smṛtikarā kāvyaravindānanāvedāntāmṛta locanā bhagavatī śrīrājarājeśvarī || 9||

अम्बा शाङ्करी भारद्वाजगमनी आर्या भवानीश्वरीया अम्बा महिषासुरप्रमथिनी वाक्चातुरी सुन्दरी ।दुर्गाख्या कमला निशुम्भ दमनी दुर्भाग्य विच्छेदिनीचिद्रुपा परदेवता भगवती श्रीराजराजेश्वरी ॥ १०॥

ambā śāṅkarī bhāradvājagamanī āryā bhavānīśvarīyā ambā mahiṣāsurapramathinī vākcāturī sundarī |durgākhyā kamalā niśumbha damanī durbhāgya vicchedinīcidrupā paradevatā bhagavatī śrīrājarājeśvarī || 10||

अम्बा श्यामल एकदन्तजननी अत्युन्नतिकारिणीकल्याणी व्रजराजपुत्रजननी कामप्रदा चन्द्रिका ।पद्माक्षी त्रिदशेश्वरी सुरनता देदिप्यमानोज्वलाचिद्रुपा परदेवता भगवती श्रीराजराजेश्वरी ॥ ११॥

ambā śyāmala ekadantajananī atyunnatikāriṇīkalyāṇī vrajarājaputrajananī kāmapradā candrikā |padmākṣī tridaśeśvarī suranatā dedipyamānojvalācidrupā paradevatā bhagavatī śrīrājarājeśvarī || 11||

या देवी शिवकेशवादि जननी या वै जगद्रुपिणीया ब्रह्मादिपि पीलीकान्त जगता मानन्दसन्दायिनी ।या वै च प्रणवद् विरेफजननी या चित्कलामालिनीसा माया परदेवता भगवती श्रीराजराजेश्वरी ॥ १२॥

yā devī śivakeśavādi jananī yā vai jagadrupiṇīyā brahmādipi pīlīkānta jagatā mānandasandāyinī |yā vai ca praṇavad virephajananī yā citkalāmālinīsā māyā paradevatā bhagavatī śrīrājarājeśvarī || 12||

॥ इति भक्तराजविरचितं श्रीराजराजेश्वर्यष्टकं सम्पूर्णम् ॥

|| iti bhaktarājaviracitaṃ śrīrājarājeśvaryaṣṭakaṃ sampūrṇam ||