कमलाष्टोत्तरशतनामस्तोत्रम् Shrikamalashtottarashatanamastotram

श्रीशिव उवाचशतमष्टोत्तरं नाम्नां कमलाया वरानने ।प्रवक्ष्याम्यतिगुह्यं हि न कदापि प्रकाशयेत् ॥ १॥

śrīśiva uvācaśatamaṣṭottaraṃ nāmnāṃ kamalāyā varānane |pravakṣyāmyatiguhyaṃ hi na kadāpi prakāśayet || 1||

महामाया महालक्ष्मीर्महावाणी महेश्वरी ।महादेवी महारात्रिर्महिषासुरमर्दि नी ॥ २॥

mahāmāyā mahālakṣmīrmahāvāṇī maheśvarī |mahādevī mahārātrirmahiṣāsuramardi nī || 2||

कालरात्रिः कुहूः पूर्णा नन्दाऽऽद्या भद्रिका निशा ।जया रिक्ता महाशक्तिर्देवमाता कृशोदरी ॥ ३॥

kālarātriḥ kuhūḥ pūrṇā nandā''dyā bhadrikā niśā |jayā riktā mahāśaktirdevamātā kṛśodarī || 3||

शचीन्द्राणी शक्रनुता शङ्करप्रियवल्लभा ।महावराहजननी मदनोन्मथिनी मही ॥ ४॥

śacīndrāṇī śakranutā śaṅkarapriyavallabhā |mahāvarāhajananī madanonmathinī mahī || 4||

वैकुण्ठनाथरमणी विष्णुवक्षःस्थलस्थिता ।विश्वेश्वरी विश्वमाता वरदाऽभयदा शिवा ॥ ५॥

vaikuṇṭhanātharamaṇī viṣṇuvakṣaḥsthalasthitā |viśveśvarī viśvamātā varadā'bhayadā śivā || 5||

शूलिनी चक्रिणी मा च पाशिनी शङ्खधारिणी ।गदिनी मुण्डमाला च कमला करुणालया ॥ ६॥

śūlinī cakriṇī mā ca pāśinī śaṅkhadhāriṇī |gadinī muṇḍamālā ca kamalā karuṇālayā || 6||

पद्माक्षधारिणी ह्यम्बा महाविष्णुप्रियङ्करी ।गोलोकनाथरमणी गोलोकेश्वरपूजिता ॥ ७॥

padmākṣadhāriṇī hyambā mahāviṣṇupriyaṅkarī |golokanātharamaṇī golokeśvarapūjitā || 7||

गया गङ्गा च यमुना गोमती गरुडासना ।गण्डकी सरयूस्तापी रेवा चैव पयस्विनी ॥ ८॥

gayā gaṅgā ca yamunā gomatī garuḍāsanā |gaṇḍakī sarayūstāpī revā caiva payasvinī || 8||

नर्मदा चैव कावेरी केदारस्थलवासिनी ।किशोरी केशवनुता महेन्द्रपरिवन्दिता ॥ ९॥

narmadā caiva kāverī kedārasthalavāsinī |kiśorī keśavanutā mahendraparivanditā || 9||

ब्रह्मादिदेवनिर्माणकारिणी वेदपूजिता ।कोटिब्रह्माण्डमध्यस्था कोटिब्रह्माण्डकारिणी ॥ १०॥

brahmādidevanirmāṇakāriṇī vedapūjitā |koṭibrahmāṇḍamadhyasthā koṭibrahmāṇḍakāriṇī || 10||

श्रुतिरूपा श्रुतिकरी श्रुतिस्मृतिपरायणा ।इन्दिरा सिन्धुतनया मातङ्गी लोकमातृका ॥ ११॥

śrutirūpā śrutikarī śrutismṛtiparāyaṇā |indirā sindhutanayā mātaṅgī lokamātṛkā || 11||

त्रिलोकजननी तन्त्रा तन्त्रमन्त्रस्वरूपिणी ।तरुणी च तमोहन्त्री मङ्गला मङ्गलायना ॥ १२॥

trilokajananī tantrā tantramantrasvarūpiṇī |taruṇī ca tamohantrī maṅgalā maṅgalāyanā || 12||

मधुकैटभमथनी शुम्भासुरविनाशिनी ।निशुम्भादि हरा माता हरिशङ्करपूजिता ॥ १३॥

madhukaiṭabhamathanī śumbhāsuravināśinī |niśumbhādi harā mātā hariśaṅkarapūjitā || 13||

सर्वदेवमयी सर्वा शरणागतपालिनी ।शरण्या शम्भुवनिता सिन्धुतीरनिवासिनी ॥ १४॥

sarvadevamayī sarvā śaraṇāgatapālinī |śaraṇyā śambhuvanitā sindhutīranivāsinī || 14||

गन्धर्वगानरसिका गीता गोविन्दवल्लभा ।त्रैलोक्यपालिनी तत्त्वरूपा तारुण्यपूरिता ॥ १५॥

gandharvagānarasikā gītā govindavallabhā |trailokyapālinī tattvarūpā tāruṇyapūritā || 15||

चन्द्रावली चन्द्रमुखी चन्द्रिका चन्द्रपूजिता ।चन्द्रा शशाङ्कभगिनी गीतवाद्यपरायणा ॥ १६॥

candrāvalī candramukhī candrikā candrapūjitā |candrā śaśāṅkabhaginī gītavādyaparāyaṇā || 16||

सृष्टिरूपा सृष्टिकरी सृष्टिसंहारकारिणी ।इति ते कथितं देवि रमानामशताष्टकम् ॥ १७॥

sṛṣṭirūpā sṛṣṭikarī sṛṣṭisaṃhārakāriṇī |iti te kathitaṃ devi ramānāmaśatāṣṭakam || 17||

त्रिसन्ध्यं प्रयतो भूत्वा पठेदेतत्समाहितः ।यं यं कामयते कामं तं तं प्राप्नोत्यसंशयम् ॥ १८॥

trisandhyaṃ prayato bhūtvā paṭhedetatsamāhitaḥ |yaṃ yaṃ kāmayate kāmaṃ taṃ taṃ prāpnotyasaṃśayam || 18||

इमं स्तवं यः पठतीह मर्त्यो वैकुण्ठपत्न्याः परसादरेण ।धनाधिपाद्यैः परिवन्दितः स्यात् प्रयास्यति श्रीपदमन्तकाले ॥ १९॥

imaṃ stavaṃ yaḥ paṭhatīha martyo vaikuṇṭhapatnyāḥ parasādareṇa |dhanādhipādyaiḥ parivanditaḥ syāt prayāsyati śrīpadamantakāle || 19||

इति श्रीकमलाष्टोत्तरशतनामस्तोत्रं सम्पूर्णम् ॥

iti śrīkamalāṣṭottaraśatanāmastotraṃ sampūrṇam ||