धूमावत्यष्टोत्तरशतनामस्तोत्रम् Shridhumavatyashtottarashatanamastotram

ईश्वर उवाचधूमावती धूम्रवर्णा धूम्रपानपरायणा ।धूम्राक्षमथिनी धन्या धन्यस्थाननिवासिनी ॥ १॥

īśvara uvācadhūmāvatī dhūmravarṇā dhūmrapānaparāyaṇā |dhūmrākṣamathinī dhanyā dhanyasthānanivāsinī || 1||

अघोराचारसन्तुष्टा अघोराचारमण्डिता ।अघोरमन्त्रसम्प्रीता अघोरमन्त्रपूजिता ॥ २॥

aghorācārasantuṣṭā aghorācāramaṇḍitā |aghoramantrasamprītā aghoramantrapūjitā || 2||

अट्टाट्टहासनिरता मलिनाम्बरधारिणी ।वृद्धा विरूपा विधवा विद्या च विरलद्विजा ॥ ३॥

aṭṭāṭṭahāsaniratā malināmbaradhāriṇī |vṛddhā virūpā vidhavā vidyā ca viraladvijā || 3||

प्रवृद्धघोणा कुमुखी कुटिला कुटिलेक्षणा ।कराली च करालास्या कङ्काली शूर्पधारिणी ॥ ४॥

pravṛddhaghoṇā kumukhī kuṭilā kuṭilekṣaṇā |karālī ca karālāsyā kaṅkālī śūrpadhāriṇī || 4||

काकध्वजरथारूढा केवला कठिना कुहूः ।क्षुत्पिपासार्दिता नित्या ललज्जिह्वा दिगम्बरी ॥ ५॥

kākadhvajarathārūḍhā kevalā kaṭhinā kuhūḥ |kṣutpipāsārditā nityā lalajjihvā digambarī || 5||

दीर्घोदरी दीर्घरवा दीर्घाङ्गी दीर्घमस्तका ।विमुक्तकुन्तला कीर्त्या कैलासस्थानवासिनी ॥ ६॥

dīrghodarī dīrgharavā dīrghāṅgī dīrghamastakā |vimuktakuntalā kīrtyā kailāsasthānavāsinī || 6||

क्रूरा कालस्वरूपा च कालचक्रप्रवर्तिनी ।विवर्णा चञ्चला दुष्टा दुष्टविध्वंसकारिणी ॥ ७॥

krūrā kālasvarūpā ca kālacakrapravartinī |vivarṇā cañcalā duṣṭā duṣṭavidhvaṃsakāriṇī || 7||

चण्डी चण्डस्वरूपा च चामुण्डा चण्डनिस्वना ।चण्डवेगा चण्डगतिश्चण्डमुण्डविनाशिनी ॥ ८॥

caṇḍī caṇḍasvarūpā ca cāmuṇḍā caṇḍanisvanā |caṇḍavegā caṇḍagatiścaṇḍamuṇḍavināśinī || 8||

चाण्डालिनी चित्ररेखा चित्राङ्गी चित्ररूपिणी ।कृष्णा कपर्दिनी कुल्ला कृष्णारूपा क्रियावती ॥ ९॥

cāṇḍālinī citrarekhā citrāṅgī citrarūpiṇī |kṛṣṇā kapardinī kullā kṛṣṇārūpā kriyāvatī || 9||

कुम्भस्तनी महोन्मत्ता मदिरापानविह्वला ।चतुर्भुजा ललज्जिह्वा शत्रुसंहारकारिणी ॥ १०॥

kumbhastanī mahonmattā madirāpānavihvalā |caturbhujā lalajjihvā śatrusaṃhārakāriṇī || 10||

शवारूढा शवगता श्मशानस्थानवासिनी ।दुराराध्या दुराचारा दुर्जनप्रीतिदायिनी ॥ ११॥

śavārūḍhā śavagatā śmaśānasthānavāsinī |durārādhyā durācārā durjanaprītidāyinī || 11||

निर्मांसा च निराकारा धूतहस्ता वरान्विता ।कलहा च कलिप्रीता कलिकल्मषनाशिनी ॥ १२॥

nirmāṃsā ca nirākārā dhūtahastā varānvitā |kalahā ca kaliprītā kalikalmaṣanāśinī || 12||

महाकालस्वरूपा च महाकालप्रपूजिता ।महादेवप्रिया मेधा महासङ्कटनाशिनी ॥ १३॥

mahākālasvarūpā ca mahākālaprapūjitā |mahādevapriyā medhā mahāsaṅkaṭanāśinī || 13||

भक्तप्रिया भक्तगतिर्भक्तशत्रुविनाशिनी ।भैरवी भुवना भीमा भारती भुवनात्मिका ॥ १४॥

bhaktapriyā bhaktagatirbhaktaśatruvināśinī |bhairavī bhuvanā bhīmā bhāratī bhuvanātmikā || 14||

भेरुण्डा भीमनयना त्रिनेत्रा बहुरूपिणी ।त्रिलोकेशी त्रिकालज्ञा त्रिस्वरूपा त्रयीतनुः ॥ १५॥

bheruṇḍā bhīmanayanā trinetrā bahurūpiṇī |trilokeśī trikālajñā trisvarūpā trayītanuḥ || 15||

त्रिमूर्तिश्च तथा तन्वी त्रिशक्तिश्च त्रिशूलिनी ।इति धूमामहत्स्तोत्रं नाम्नामष्टोत्तरात्मकम् ॥ १६॥

trimūrtiśca tathā tanvī triśaktiśca triśūlinī |iti dhūmāmahatstotraṃ nāmnāmaṣṭottarātmakam || 16||

मया ते कथितं देवि शत्रुसङ्घविनाशनम् ।कारागारे रिपुग्रस्ते महोत्पाते महाभये ॥ १७॥

mayā te kathitaṃ devi śatrusaṅghavināśanam |kārāgāre ripugraste mahotpāte mahābhaye || 17||

इदं स्तोत्रं पठेन्मर्त्यो मुच्यते सर्वसङ्कटैः ।गुह्याद्गुह्यतरं गुह्यं गोपनीयं प्रयत्नतः ॥ १८॥

idaṃ stotraṃ paṭhenmartyo mucyate sarvasaṅkaṭaiḥ |guhyādguhyataraṃ guhyaṃ gopanīyaṃ prayatnataḥ || 18||

चतुष्पदार्थदं नॄणां सर्वसम्पत्प्रदायकम् ॥ १९॥

catuṣpadārthadaṃ nṝṇāṃ sarvasampatpradāyakam || 19||

इति श्रीधूमावत्यष्टोत्तरशतनामस्तोत्रं सम्पूर्णम् ॥

iti śrīdhūmāvatyaṣṭottaraśatanāmastotraṃ sampūrṇam ||