बालाध्यानम् Shribaladhyanam

रक्ताम्बरां चन्द्रकलावतंसां समुद्यदादित्यनिभां त्रिनेत्राम् ।विद्याक्षमालाभयदानहस्तां ध्यायामि बालामरुणाम्बुजस्थाम् ॥पाशाङ्कुशौ पुस्तकमक्षसूत्रं करैर्दधाना सकलामरार्च्या ।रक्ता त्रिनेत्रा शशिशेखरेयं ध्येयाऽखिलर्द्ध्यै त्रिपुराऽत्र बाला ॥मातुलिङ्गपयोजन्महस्तां कनकसन्निभाम् ।पद्मासनगतां बालां लक्ष्मीप्राप्त्यै विचिन्तये ॥वरपीयूषकलशपुस्तकाभीतिधारिणीम् ।सुधां स्रवन्तीं ज्ञानाप्त्यै ब्रह्मरन्ध्रे विचिन्तये ॥शुक्लाम्बरां शशाङ्काभां रोगनाशे भजे शिवाम् ।सृणिपाशधरां देवीं रत्नालङ्कारभूषिताम् ।प्रसन्नामरुणां वन्दे वशीकरणसिद्धिदाम् ॥वाग्बीजमूर्तिध्यानम्विद्याक्षमालाशुकपालमुद्राराजत्करां कुन्दसमानकान्तिम् ।मुक्ताफलालङ्कृतिशोभिताङ्गीं बालां भजे वाङ्मयसिद्धिहेतोः ॥कामबीजमूर्तिध्यानम्भजे कल्पवृक्षाध उद्दीप्तरत्नासने सन्निषण्णां मदाघूर्णिताक्षीम् ।करैर्बीजपूरं कपालेषुचापं सपाशाङ्कुशं रक्तवर्णां दधानाम् ॥शक्तिबीजमूर्तिध्यानम्व्याख्यानमुद्रामृतकुम्भविद्यामक्षस्रजं सन्दधतीं कराग्रैः ।चिद्रूपिणीं शारदचन्द्रकान्तिं बालां भजे मौक्तिकभूषिताङ्गीम् ॥

raktāmbarāṃ candrakalāvataṃsāṃ samudyadādityanibhāṃ trinetrām |vidyākṣamālābhayadānahastāṃ dhyāyāmi bālāmaruṇāmbujasthām ||pāśāṅkuśau pustakamakṣasūtraṃ karairdadhānā sakalāmarārcyā |raktā trinetrā śaśiśekhareyaṃ dhyeyā'khilarddhyai tripurā'tra bālā ||mātuliṅgapayojanmahastāṃ kanakasannibhām |padmāsanagatāṃ bālāṃ lakṣmīprāptyai vicintaye ||varapīyūṣakalaśapustakābhītidhāriṇīm |sudhāṃ sravantīṃ jñānāptyai brahmarandhre vicintaye ||śuklāmbarāṃ śaśāṅkābhāṃ roganāśe bhaje śivām |sṛṇipāśadharāṃ devīṃ ratnālaṅkārabhūṣitām |prasannāmaruṇāṃ vande vaśīkaraṇasiddhidām ||vāgbījamūrtidhyānamvidyākṣamālāśukapālamudrārājatkarāṃ kundasamānakāntim |muktāphalālaṅkṛtiśobhitāṅgīṃ bālāṃ bhaje vāṅmayasiddhihetoḥ ||kāmabījamūrtidhyānambhaje kalpavṛkṣādha uddīptaratnāsane sanniṣaṇṇāṃ madāghūrṇitākṣīm |karairbījapūraṃ kapāleṣucāpaṃ sapāśāṅkuśaṃ raktavarṇāṃ dadhānām ||śaktibījamūrtidhyānamvyākhyānamudrāmṛtakumbhavidyāmakṣasrajaṃ sandadhatīṃ karāgraiḥ |cidrūpiṇīṃ śāradacandrakāntiṃ bālāṃ bhaje mauktikabhūṣitāṅgīm ||

इति श्रीबालाध्यानम् ॥

iti śrībālādhyānam ||