बगलाष्टोत्तरशतनामस्तोत्रम् २ बगलामुखी Shribagalashtottarashatanamastotram (2)

अथवा बगलामुखी अष्टोत्तरशतनामस्तोत्रम् ।श्रीगणेशाय नमः ।नारद उवाच ।भगवन्देवदेवेश सृष्टिस्थितिलयात्मक ।शतमष्टोत्तरं नाम्नां बगलाया वदाधुना ॥ १॥

athavā bagalāmukhī aṣṭottaraśatanāmastotram |śrīgaṇeśāya namaḥ |nārada uvāca |bhagavandevadeveśa sṛṣṭisthitilayātmaka |śatamaṣṭottaraṃ nāmnāṃ bagalāyā vadādhunā || 1||

श्रीभगवानुवाच ।शृणु वत्स प्रवक्ष्यामि नाम्नामष्टोत्तरं शतम् ।पीताम्बर्यां महादेव्याः स्तोत्रं पापप्रणाशनम् ॥ २॥

śrībhagavānuvāca |śṛṇu vatsa pravakṣyāmi nāmnāmaṣṭottaraṃ śatam |pītāmbaryāṃ mahādevyāḥ stotraṃ pāpapraṇāśanam || 2||

यस्य प्रपठनात्सद्यो वादी मूको भवेत्क्षणात् ।रिपुणां स्तम्भनं याति सत्यं सत्यं वदाम्यहम् ॥ ३॥

yasya prapaṭhanātsadyo vādī mūko bhavetkṣaṇāt |ripuṇāṃ stambhanaṃ yāti satyaṃ satyaṃ vadāmyaham || 3||

ॐ अस्य श्रीपीताम्बराष्टोत्तरशतनामस्तोत्रस्य सदाशिव ऋषिः\,अनुष्टुप्छन्दः\, श्रीपीताम्बरा देवता\,श्रीपीताम्बराप्रीतये पाठे विनियोगः ।ॐ बगला विष्णुवनिता विष्णुशङ्करभामिनी ।बहुला वेदमाता च महाविष्णुप्रसूरपि ॥ ४॥

oṃ asya śrīpītāmbarāṣṭottaraśatanāmastotrasya sadāśiva ṛṣiḥ\,anuṣṭupchandaḥ\, śrīpītāmbarā devatā\,śrīpītāmbarāprītaye pāṭhe viniyogaḥ |oṃ bagalā viṣṇuvanitā viṣṇuśaṅkarabhāminī |bahulā vedamātā ca mahāviṣṇuprasūrapi || 4||

महामत्स्या महाकूर्म्मा महावाराहरूपिणी ।नारसिंहप्रिया रम्या वामना बटुरूपिणी ॥ ५॥

mahāmatsyā mahākūrmmā mahāvārāharūpiṇī |nārasiṃhapriyā ramyā vāmanā baṭurūpiṇī || 5||

जामदग्न्यस्वरूपा च रामा रामप्रपूजिता ।कृष्णा कपर्दिनी कृत्या कलहा कलकारिणी ॥ ६॥

jāmadagnyasvarūpā ca rāmā rāmaprapūjitā |kṛṣṇā kapardinī kṛtyā kalahā kalakāriṇī || 6||

बुद्धिरूपा बुद्धभार्या बौद्धपाखण्डखण्डिनी ।कल्किरूपा कलिहरा कलिदुर्गति नाशिनी ॥ ७॥

buddhirūpā buddhabhāryā bauddhapākhaṇḍakhaṇḍinī |kalkirūpā kaliharā kalidurgati nāśinī || 7||

कोटिसूर्य्यप्रतीकाशा कोटिकन्दर्पमोहिनी ।केवला कठिना काली कला कैवल्यदायिनी ॥ ८॥

koṭisūryyapratīkāśā koṭikandarpamohinī |kevalā kaṭhinā kālī kalā kaivalyadāyinī || 8||

केशवी केशवाराध्या किशोरी केशवस्तुता ।रुद्ररूपा रुद्रमूर्ती रुद्राणी रुद्रदेवता ॥ ९॥

keśavī keśavārādhyā kiśorī keśavastutā |rudrarūpā rudramūrtī rudrāṇī rudradevatā || 9||

नक्षत्ररूपा नक्षत्रा नक्षत्रेशप्रपूजिता ।नक्षत्रेशप्रिया नित्या नक्षत्रपतिवन्दिता ॥ १०॥

nakṣatrarūpā nakṣatrā nakṣatreśaprapūjitā |nakṣatreśapriyā nityā nakṣatrapativanditā || 10||

नागिनी नागजननी नागराजप्रवन्दिता ।नागेश्वरी नागकन्या नागरी च नगात्मजा ॥ ११॥

nāginī nāgajananī nāgarājapravanditā |nāgeśvarī nāgakanyā nāgarī ca nagātmajā || 11||

नगाधिराजतनया नगराजप्रपूजिता ।नवीना नीरदा पीता श्यामा सौन्दर्य्यकारिणी ॥ १२॥

nagādhirājatanayā nagarājaprapūjitā |navīnā nīradā pītā śyāmā saundaryyakāriṇī || 12||

रक्ता नीला घना शुभ्रा श्वेता सौभाग्यदायिनी ।सुन्दरी सौभगा सौम्या स्वर्णाभा स्वर्गतिप्रदा ॥ १३॥

raktā nīlā ghanā śubhrā śvetā saubhāgyadāyinī |sundarī saubhagā saumyā svarṇābhā svargatipradā || 13||

रिपुत्रासकरी रेखा शत्रुसंहारकारिणी ।भामिनी च तथा माया स्तम्भिनी मोहिनी शुभा ॥ १४॥

riputrāsakarī rekhā śatrusaṃhārakāriṇī |bhāminī ca tathā māyā stambhinī mohinī śubhā || 14||

रागद्वेषकरी रात्री रौरवध्वंसकारिणी ।यक्षिणी सिद्धनिवहा सिद्धेशा सिद्धिरूपिणी ॥ १५॥

rāgadveṣakarī rātrī rauravadhvaṃsakāriṇī |yakṣiṇī siddhanivahā siddheśā siddhirūpiṇī || 15||

लङ्कापतिध्वंसकरी लङ्केशी रिपुवन्दिता ।लङ्कानाथकुलहरा महारावणहारिणी ॥ १६॥

laṅkāpatidhvaṃsakarī laṅkeśī ripuvanditā |laṅkānāthakulaharā mahārāvaṇahāriṇī || 16||

देवदानवसिद्धौघपूजिता परमेश्वरी ।पराणुरूपा परमा परतन्त्रविनाशिनी ॥ १७॥

devadānavasiddhaughapūjitā parameśvarī |parāṇurūpā paramā paratantravināśinī || 17||

वरदा वरदाराध्या वरदानपरायणा ।वरदेशप्रिया वीरा वीरभूषणभूषिता ॥ १८॥

varadā varadārādhyā varadānaparāyaṇā |varadeśapriyā vīrā vīrabhūṣaṇabhūṣitā || 18||

वसुदा बहुदा वाणी ब्रह्मरूपा वरानना ।बलदा पीतवसना पीतभूषणभूषिता ॥ १९॥

vasudā bahudā vāṇī brahmarūpā varānanā |baladā pītavasanā pītabhūṣaṇabhūṣitā || 19||

पीतपुष्पप्रिया पीतहारा पीतस्वरूपिणी ।इति ते कथितं विप्र नाम्नामष्टोत्तरं शतम् ॥ २०॥

pītapuṣpapriyā pītahārā pītasvarūpiṇī |iti te kathitaṃ vipra nāmnāmaṣṭottaraṃ śatam || 20||

यः पठेत्पाठयेद्वापि शृणुयाद्वा समाहितः ।तस्य शत्रुः क्षयं सद्यो याति नैवात्र संशयः ॥ २१॥

yaḥ paṭhetpāṭhayedvāpi śṛṇuyādvā samāhitaḥ |tasya śatruḥ kṣayaṃ sadyo yāti naivātra saṃśayaḥ || 21||

प्रभातकाले प्रयतो मनुष्यः पठेत्सुभक्त्या परिचिन्त्य पीताम् ।द्रुतं भवेत्तस्य समस्तबुद्धिर्विनाशमायाति च तस्य शत्रुः ॥ २२॥

prabhātakāle prayato manuṣyaḥ paṭhetsubhaktyā paricintya pītām |drutaṃ bhavettasya samastabuddhirvināśamāyāti ca tasya śatruḥ || 22||

॥ इति श्रीविष्णुयामले नारदविष्णुसंवादेश्रीबगलाष्टोत्तरशतनामस्तोत्रं समाप्तम् ॥

|| iti śrīviṣṇuyāmale nāradaviṣṇusaṃvādeśrībagalāṣṭottaraśatanāmastotraṃ samāptam ||