त्रिपुरसुन्दर्यपराधक्षमापणस्तोत्रम् किङ्किणी स्तोत्रम् Shri Tripurasundari Aparadhakshamapana Stotram

अथ स्तोत्रं प्रवक्ष्यामि त्रिपुरार्णव ईरितम् ।किं किं द्वन्द्वं दनुजदलिनि क्षीयते न श्रुतायांकं कं भोगं त्वयि न चिनुते चित्तमालम्बितायाम् ॥ १॥

atha stotraṃ pravakṣyāmi tripurārṇava īritam |kiṃ kiṃ dvandvaṃ danujadalini kṣīyate na śrutāyāṃkaṃ kaṃ bhogaṃ tvayi na cinute cittamālambitāyām || 1||

सकुसं सकुसं रम्भ स्वारिता मोक्षविभ्रमे ।चिच्चन्द्रमण्डलान्तःस्थे नमस्ते हरवल्लभे ॥ २॥

sakusaṃ sakusaṃ rambha svāritā mokṣavibhrame |ciccandramaṇḍalāntaḥsthe namaste haravallabhe || 2||

जगदुद्धारणोद्योगयोगभोगवियोगिनि ।स्थितिभावस्थिते देवि नमः स्थाणुप्रियेऽम्बिके ॥ ३॥

jagaduddhāraṇodyogayogabhogaviyogini |sthitibhāvasthite devi namaḥ sthāṇupriye'mbike || 3||

भावाभावपृथग्भावानुभावे वेदकर्मणि ।चैतन्यपञ्चके देवि नमस्तुभ्यं हराङ्गने ॥ ४॥

bhāvābhāvapṛthagbhāvānubhāve vedakarmaṇi |caitanyapañcake devi namastubhyaṃ harāṅgane || 4||

सृष्टिस्थित्युपसंहारप्रत्युर्जितपदद्वये ।चिद्विश्रान्तिमहासत्तामात्रे मातर्नमोऽस्तु ते ॥ ५॥

sṛṣṭisthityupasaṃhārapratyurjitapadadvaye |cidviśrāntimahāsattāmātre mātarnamo'stu te || 5||

वह्न्यर्कशीतकिरणब्रह्मचक्रान्तरोदिते ।चतुष्पीठेश्वरि शिवे नमस्ते त्रिपुरेश्वरि ॥ ६॥

vahnyarkaśītakiraṇabrahmacakrāntarodite |catuṣpīṭheśvari śive namaste tripureśvari || 6||

चराचरमिदं विश्वं प्रकाशयसि तेजसा ।मातृकारूपमास्थाय तस्यै मातर्नमोऽस्तु ते ॥ ७॥

carācaramidaṃ viśvaṃ prakāśayasi tejasā |mātṛkārūpamāsthāya tasyai mātarnamo'stu te || 7||

स्मृता भवभयं हंसि पूजिताऽसि शुभङ्करि ।स्तुता त्वं वाच्छितं वस्तु ददासि करुणावरे ॥ ८॥

smṛtā bhavabhayaṃ haṃsi pūjitā'si śubhaṅkari |stutā tvaṃ vācchitaṃ vastu dadāsi karuṇāvare || 8||

भक्तस्य नित्यपूजायां रतस्य मम साम्प्रतम् ।वाग्भवादिमहासिद्धिं देहि त्रिपुरसुन्दरि ॥ ९॥

bhaktasya nityapūjāyāṃ ratasya mama sāmpratam |vāgbhavādimahāsiddhiṃ dehi tripurasundari || 9||

परमानन्दसन्दोहप्रमोदभरनिर्भरे ।दुःखत्रयपरिम्लानवदनं पाहि मां शिवे ॥ १०॥

paramānandasandohapramodabharanirbhare |duḥkhatrayaparimlānavadanaṃ pāhi māṃ śive || 10||

शब्दब्रह्ममयि यच्च देवि त्रिपुरसुन्दरि ।यथाशक्ति जपं पूजां गृहाण मदनुग्रहात् ॥ ११॥

śabdabrahmamayi yacca devi tripurasundari |yathāśakti japaṃ pūjāṃ gṛhāṇa madanugrahāt || 11||

अज्ञानादल्पबुद्धित्वादालस्याद् दुष्टभावतः ।ममापराधं कार्पण्यं क्षमस्व परदेवते ॥ १२॥

ajñānādalpabuddhitvādālasyād duṣṭabhāvataḥ |mamāparādhaṃ kārpaṇyaṃ kṣamasva paradevate || 12||

अज्ञानामसमर्थानामस्वस्थाननिवासिनाम् ।अशुद्धं बलमस्माकं शिशूनां हरवल्लभे ॥ १३॥

ajñānāmasamarthānāmasvasthānanivāsinām |aśuddhaṃ balamasmākaṃ śiśūnāṃ haravallabhe || 13||

कृपामयि कृपां भद्रे सकृन्मयि निवेशय ।तावदहं कृतार्थोऽस्मि न ते किञ्चन हीयते ॥ १४॥

kṛpāmayi kṛpāṃ bhadre sakṛnmayi niveśaya |tāvadahaṃ kṛtārtho'smi na te kiñcana hīyate || 14||

यन्मया क्रियते कर्म जाग्रत्स्वप्नसुषुप्तिषु ।तत् सर्वं तावकी पूजा भूयाद् भूत्यै रमे शिवे ॥ १५॥

yanmayā kriyate karma jāgratsvapnasuṣuptiṣu |tat sarvaṃ tāvakī pūjā bhūyād bhūtyai rame śive || 15||

द्रव्यहीनं क्रियाहीनं विधिहीनञ्च यद् भवेत् ।तत् सर्वं कृपया देवि क्षमस्व परदेवते ॥ १६॥

dravyahīnaṃ kriyāhīnaṃ vidhihīnañca yad bhavet |tat sarvaṃ kṛpayā devi kṣamasva paradevate || 16||

यन्मयोक्तं महाज्ञानं तन्महत् स्वल्पमेव वा ।तावत् सर्वं जगद्धात्रि क्षन्तव्यमयमञ्जलिः ॥ १७॥

yanmayoktaṃ mahājñānaṃ tanmahat svalpameva vā |tāvat sarvaṃ jagaddhātri kṣantavyamayamañjaliḥ || 17||

इति श्रीत्रिपुरसुन्दरी अपराधक्षमापणस्तोत्रं सम्पूर्णम् ।(तत्त्वचिन्तामणि एकोनविंशः प्रकाशःत्रिपुरार्णवोक्तं त्रिपुरसुन्दरीस्तोत्रम्)

iti śrītripurasundarī aparādhakṣamāpaṇastotraṃ sampūrṇam |(tattvacintāmaṇi ekonaviṃśaḥ prakāśaḥtripurārṇavoktaṃ tripurasundarīstotram)