त्रिपुराप्रातर्भजनम् Shri Tripura Pratarbhajanam

प्रातःस्मरामि भजतामभयङ्करं तंपादारविन्दमतिसुन्दरमम्बिकायाः ।दुस्स्वप्नदोषहरणं करणं सुखानांसुस्वप्नबोधमखिलौघनिबर्हणञ्च ॥ १॥

prātaḥsmarāmi bhajatāmabhayaṅkaraṃ taṃpādāravindamatisundaramambikāyāḥ |dussvapnadoṣaharaṇaṃ karaṇaṃ sukhānāṃsusvapnabodhamakhilaughanibarhaṇañca || 1||

प्रातःस्मरामि सकलार्थवरप्रदानंपादारविन्दमतिकोमलमम्बिकायाः ।इन्द्रादिदिक्पतिविरिञ्चमुकुन्दमौलिरत्नांशुसूर्यकिरणानुविकासितं तत् ॥ २॥

prātaḥsmarāmi sakalārthavarapradānaṃpādāravindamatikomalamambikāyāḥ |indrādidikpativiriñcamukundamauliratnāṃśusūryakiraṇānuvikāsitaṃ tat || 2||

प्रातःस्मरामि सुरधेनुपयोधरायमानं चतुष्टयकराम्बुजमम्बिकायाः ।पुण्ड्रेक्षुचापमदनास्त्रभुजङ्गपाशरत्नाङ्कुशौकनक(शोज्ज्वलित) कङ्कणभूषणाढ्यम् ॥ ३॥

prātaḥsmarāmi suradhenupayodharāyamānaṃ catuṣṭayakarāmbujamambikāyāḥ |puṇḍrekṣucāpamadanāstrabhujaṅgapāśaratnāṅkuśaukanaka(śojjvalita) kaṅkaṇabhūṣaṇāḍhyam || 3||

प्रातःस्मरामि पृथिवीजलवह्निवायुव्योमादिरूपमखिलं च पदारविन्दम् ।यद्रेणुमाप्य कमलासनमाधवेशाःकुर्वन्ति विश्वहरणस्थितिसर्गकेलिम् ॥ ४॥

prātaḥsmarāmi pṛthivījalavahnivāyuvyomādirūpamakhilaṃ ca padāravindam |yadreṇumāpya kamalāsanamādhaveśāḥkurvanti viśvaharaṇasthitisargakelim || 4||

प्रातःस्मरामि मुखपङ्कजमन्दहासंमन्दस्मिताधरतिरस्कृतचन्द्रबिम्बम् ।याद्दश्यकेन फणिताखिलवेदशास्त्रत (??) कचक्ररथमङ्गजयोधनस्य (?) ॥ ५॥

prātaḥsmarāmi mukhapaṅkajamandahāsaṃmandasmitādharatiraskṛtacandrabimbam |yāddaśyakena phaṇitākhilavedaśāstrata (??) kacakrarathamaṅgajayodhanasya (?) || 5||

यः श्लोकपञ्चकमिदं पठति प्रभातेधर्मादिदं परहितं कथितं हरेण ।तस्मै ददाति पदवीमणिमादिरूपांजप्ता (तृप्ता) तपोभिरचलां त्रिपुरा भवानी ॥ ६॥

yaḥ ślokapañcakamidaṃ paṭhati prabhātedharmādidaṃ parahitaṃ kathitaṃ hareṇa |tasmai dadāti padavīmaṇimādirūpāṃjaptā (tṛptā) tapobhiracalāṃ tripurā bhavānī || 6||

इति श्रीत्रिपुराप्रातर्भजनं सम्पूर्णम् ।

iti śrītripurāprātarbhajanaṃ sampūrṇam |