त्रिपुरसुन्दरी विजयस्तवः Shri Tripurasundari Vijayastavah

श्रीगणेशाय नमः ।॥ क॥कल्पान्तोदितचण्डभानुविलसद्देहप्रभामण्डिताकालाम्भोदसमानकुन्तलभरा कारुण्यवारां निधिः ।काद्यर्णाङ्कितमन्त्रराजविलसत्कूटत्रयोपासिताश्रीचक्राधिनिवासिनी विजयते श्रीराजराजेश्वरी ॥ १॥

śrīgaṇeśāya namaḥ ||| ka||kalpāntoditacaṇḍabhānuvilasaddehaprabhāmaṇḍitākālāmbhodasamānakuntalabharā kāruṇyavārāṃ nidhiḥ |kādyarṇāṅkitamantrarājavilasatkūṭatrayopāsitāśrīcakrādhinivāsinī vijayate śrīrājarājeśvarī || 1||

॥ ए॥एतत्प्राभवशालिनीति निगमैरद्याप्यनालोचिताहेमाम्भोजमुखी चलत्कुवलयप्रस्पर्धमानेक्षणा ।एणाङ्कांशसमानफालफलकप्रोल्लासिकस्तूरिकाश्रीचक्राधिनिवासिनी विजयते श्रीराजराजेश्वरी ॥ २॥

|| e||etatprābhavaśālinīti nigamairadyāpyanālocitāhemāmbhojamukhī calatkuvalayapraspardhamānekṣaṇā |eṇāṅkāṃśasamānaphālaphalakaprollāsikastūrikāśrīcakrādhinivāsinī vijayate śrīrājarājeśvarī || 2||

॥ ई॥ईषत्फुल्लकदम्बकुण्डलमहालावण्यगर्वापहास्निग्धस्वच्छसुदन्तकान्तिविलसन्मन्दस्मिताऽलंकृता ।ईशित्वाद्यखिलेष्टसिद्धिफलदा भक्त्या नतानां सदाश्रीचक्राधिनिवासिनी विजयते श्रीराजराजेश्वरी ॥ ३॥

|| ī||īṣatphullakadambakuṇḍalamahālāvaṇyagarvāpahāsnigdhasvacchasudantakāntivilasanmandasmitā'laṃkṛtā |īśitvādyakhileṣṭasiddhiphaladā bhaktyā natānāṃ sadāśrīcakrādhinivāsinī vijayate śrīrājarājeśvarī || 3||

॥ ल॥लक्ष्यालक्ष्यावलग्नदेशविलसद्रोमावलीवल्लरीवृत्तस्निग्धफलद्वयभ्रमकरोत्तुङ्गस्तनी सुन्दरी ।रक्ताशोकशुभप्रपाटलदुकूलाच्छादिताङ्गी मुदाश्रीचक्राधिनिवासिनी विजयते श्रीराजराजेश्वरी ॥ ४॥

|| la||lakṣyālakṣyāvalagnadeśavilasadromāvalīvallarīvṛttasnigdhaphaladvayabhramakarottuṅgastanī sundarī |raktāśokaśubhaprapāṭaladukūlācchāditāṅgī mudāśrīcakrādhinivāsinī vijayate śrīrājarājeśvarī || 4||

॥ ह्रीं॥ह्रींङ्कारी सुरवाहिनी जलगभीरावर्तनाभिर्धनश्रोणीमण्डलभारमन्द गमनाकाञ्चीकलापोज्ज्वला ।शुण्डादण्डसुवर्णवर्णकदलीकाण्डोपमोरुद्वयीश्रीचक्राधिनिवासिनी विजयते श्रीराजराजेश्वरी ॥ ५॥

|| hrīṃ||hrīṃṅkārī suravāhinī jalagabhīrāvartanābhirdhanaśroṇīmaṇḍalabhāramanda gamanākāñcīkalāpojjvalā |śuṇḍādaṇḍasuvarṇavarṇakadalīkāṇḍopamorudvayīśrīcakrādhinivāsinī vijayate śrīrājarājeśvarī || 5||

॥ ह॥हस्तप्रोज्ज्वलदिक्षुकार्मुकलसत्पुष्पेषुपाशांकुशाह्याद्यर्णाङ्कितमन्त्रराजनिलया हारादिभिर्भूषिता ।हस्तप्रान्तरणत्सुवर्णवलया हर्यक्षसम्पूजिताश्रीचक्राधिनिवासिनी विजयते श्रीराजराजेश्वरी ॥ ६॥

|| ha||hastaprojjvaladikṣukārmukalasatpuṣpeṣupāśāṃkuśāhyādyarṇāṅkitamantrarājanilayā hārādibhirbhūṣitā |hastaprāntaraṇatsuvarṇavalayā haryakṣasampūjitāśrīcakrādhinivāsinī vijayate śrīrājarājeśvarī || 6||

॥ स॥संरक्ताम्बुजपादयुग्मविलसन्मञ्जुक्वणन्नूपुरासंसारार्णवतारणैकतरणिर्लावण्यवारां निधिः ।लीलालोलतमं शुकं मधुरया संलालयन्ती गिराश्रीचक्राधिनिवासिनी विजयते श्रीराजराजेश्वरी ॥ ७॥

|| sa||saṃraktāmbujapādayugmavilasanmañjukvaṇannūpurāsaṃsārārṇavatāraṇaikataraṇirlāvaṇyavārāṃ nidhiḥ |līlālolatamaṃ śukaṃ madhurayā saṃlālayantī girāśrīcakrādhinivāsinī vijayate śrīrājarājeśvarī || 7||

॥ क॥कल्याणी करुणारसार्द्रहृदया कल्याणसन्दायिनीकाद्यर्णाङ्कितमन्त्रलक्षिततनुस्तन्वी तमोनाशिनी ।कामेशाङ्कविलासिनी कलगिरामावासभूमिः शिवाश्रीचक्राधिनिवासिनी विजयते श्रीराजराजेश्वरी ॥ ८॥

|| ka||kalyāṇī karuṇārasārdrahṛdayā kalyāṇasandāyinīkādyarṇāṅkitamantralakṣitatanustanvī tamonāśinī |kāmeśāṅkavilāsinī kalagirāmāvāsabhūmiḥ śivāśrīcakrādhinivāsinī vijayate śrīrājarājeśvarī || 8||

॥ ह॥हन्तुं दानवपुङ्गवं रणभुवि प्रोच्चण्डभण्डाभिधंहर्यक्षाद्यमरार्थिता भगवती दिव्यां तनूमाश्रिता ।श्रीमाता ललितेत्यचिन्त्यविभवैर्नाम्नां सहस्रैः स्तुताश्रीचक्राधिनिवासिनी विजयते श्रीराजराजेश्वरी ॥ ९॥

|| ha||hantuṃ dānavapuṅgavaṃ raṇabhuvi proccaṇḍabhaṇḍābhidhaṃharyakṣādyamarārthitā bhagavatī divyāṃ tanūmāśritā |śrīmātā lalitetyacintyavibhavairnāmnāṃ sahasraiḥ stutāśrīcakrādhinivāsinī vijayate śrīrājarājeśvarī || 9||

॥ ल॥लक्ष्मीर्वागगजादिभिर्बहुविधैः रूपैः स्तुताऽपि स्वयंनीरूपा गुणवर्जिता त्रिजगतां माता च चिद्रूपिणी ।भक्तानुग्रहकारणेन ललितं रूपं समासादिताश्रीचक्राधिनिवासिनी विजयते श्रीराजराजेश्वरी ॥ १०॥

|| la||lakṣmīrvāgagajādibhirbahuvidhaiḥ rūpaiḥ stutā'pi svayaṃnīrūpā guṇavarjitā trijagatāṃ mātā ca cidrūpiṇī |bhaktānugrahakāraṇena lalitaṃ rūpaṃ samāsāditāśrīcakrādhinivāsinī vijayate śrīrājarājeśvarī || 10||

॥ ह्रीं॥ह्रीङ्कारैकपरायणार्तजनतासंरक्षणे दीक्षिताहार्दासं तमसं व्यपोहितमलं भूष्णुर्हरप्रेयसी ।हत्यादिप्रकटाघसङ्घदलने दक्षा च दाक्षायणीश्रीचक्राधिनिवासिनी विजयते श्रीराजराजेश्वरी ॥ ११॥

|| hrīṃ||hrīṅkāraikaparāyaṇārtajanatāsaṃrakṣaṇe dīkṣitāhārdāsaṃ tamasaṃ vyapohitamalaṃ bhūṣṇurharapreyasī |hatyādiprakaṭāghasaṅghadalane dakṣā ca dākṣāyaṇīśrīcakrādhinivāsinī vijayate śrīrājarājeśvarī || 11||

॥ स॥सर्वानन्दमयी समस्तजगतामानन्दसन्दायिनीसर्वोत्तुङ्गसुवर्णशैलनिलया सा सारसाक्षी सती ।सर्वैर्योगिचयैः सदैव विचिता साम्राज्यदानक्षमाश्रीचक्राधिनिवासिनी विजयते श्रीराजराजेश्वरी ॥ १२॥

|| sa||sarvānandamayī samastajagatāmānandasandāyinīsarvottuṅgasuvarṇaśailanilayā sā sārasākṣī satī |sarvairyogicayaiḥ sadaiva vicitā sāmrājyadānakṣamāśrīcakrādhinivāsinī vijayate śrīrājarājeśvarī || 12||

॥ क॥कन्यारूपधरा गलाब्जविलसन्मुक्तालताऽलंकृताकादिक्षान्तमनुप्रविष्टहृदया कल्याणशीलान्विता ।कल्पान्तोद्भटताण्डवप्रमुदिता श्रीकामजित्साक्षिणीश्रीचक्राधिनिवासिनी विजयते श्रीराजराजेश्वरी ॥ १३॥

|| ka||kanyārūpadharā galābjavilasanmuktālatā'laṃkṛtākādikṣāntamanupraviṣṭahṛdayā kalyāṇaśīlānvitā |kalpāntodbhaṭatāṇḍavapramuditā śrīkāmajitsākṣiṇīśrīcakrādhinivāsinī vijayate śrīrājarājeśvarī || 13||

॥ ल॥लक्ष्या भक्तिरसार्द्रहृत्सरसिजे सद्भिः सदाऽऽराधितासान्द्रानन्दमयी सुधाकरकला खण्डोज्ज्वलन्मौलिका ।शर्वाणी शरणागताऽऽर्तिशमिनी सच्चिन्मयी सर्वदाश्रीचक्राधिनिवासिनी विजयते श्रीराजराजेश्वरी ॥ १४॥

|| la||lakṣyā bhaktirasārdrahṛtsarasije sadbhiḥ sadā''rādhitāsāndrānandamayī sudhākarakalā khaṇḍojjvalanmaulikā |śarvāṇī śaraṇāgatā''rtiśaminī saccinmayī sarvadāśrīcakrādhinivāsinī vijayate śrīrājarājeśvarī || 14||

॥ ह्रीं॥ह्रीङ्कारत्रयसम्पुटाऽतिमहता मन्त्रेण सम्पूजिताहोत्री चन्द्रसमीरणाऽग्निजलभूभास्वन्नभोरूपिणी ।हंसः सोहमिति प्रकृष्टधिषणैराराधिता योगिभिःश्रीचक्राधिनिवासिनी विजयते श्रीराजराजेश्वरी ॥ १५॥

|| hrīṃ||hrīṅkāratrayasampuṭā'timahatā mantreṇa sampūjitāhotrī candrasamīraṇā'gnijalabhūbhāsvannabhorūpiṇī |haṃsaḥ sohamiti prakṛṣṭadhiṣaṇairārādhitā yogibhiḥśrīcakrādhinivāsinī vijayate śrīrājarājeśvarī || 15||

॥ श्रीं॥श्रीङ्काराम्बुजहंसिकाऽऽश्रितजनक्षेमङ्करी शङ्करीशृङ्गारैकरसाकरस्य मदनस्योज्जीविकावल्लरी ।श्रीकामेशरहःसखी च ललिता श्रीमद्गुहाऽऽराधिताश्रीचक्राधिनिवासिनी विजयते श्रीराजराजेश्वरी ॥ १६॥

|| śrīṃ||śrīṅkārāmbujahaṃsikā''śritajanakṣemaṅkarī śaṅkarīśṛṅgāraikarasākarasya madanasyojjīvikāvallarī |śrīkāmeśarahaḥsakhī ca lalitā śrīmadguhā''rādhitāśrīcakrādhinivāsinī vijayate śrīrājarājeśvarī || 16||

इति ।

iti |