तारासहस्रनामस्तोत्रम् १ तकारादि Shri Tara Takaradi Sahasranamastotram

अथ श्रीतारातकारादिसहस्रनामस्तोत्रम् ।वसिष्ठ उवाचनाम्नां सहस्रन्ताराया मुखाम्भोजाद्विनिर्गतम् ।मन्त्रसिद्धिकरम्प्रोक्तन्तन्मे वद पितामह ॥ १॥

atha śrītārātakārādisahasranāmastotram |vasiṣṭha uvācanāmnāṃ sahasrantārāyā mukhāmbhojādvinirgatam |mantrasiddhikaramproktantanme vada pitāmaha || 1||

ब्रह्मोवाचशृणु वत्स प्रवक्ष्यामि रहस्यं सर्वसिद्धिदम् ।यस्योपदेशमात्रेण तव सिद्धिर्भविष्यति ॥ २॥

brahmovācaśṛṇu vatsa pravakṣyāmi rahasyaṃ sarvasiddhidam |yasyopadeśamātreṇa tava siddhirbhaviṣyati || 2||

महाप्रलयकालादौ नष्टे स्थावरजङ्गमे ।महाकारं समाकर्ण्य कृपया संहृतन्तनौ ॥ ३॥

mahāpralayakālādau naṣṭe sthāvarajaṅgame |mahākāraṃ samākarṇya kṛpayā saṃhṛtantanau || 3||

नाम्ना तेन महातारा ख्याता सा ब्रह्मरूपिणी ।महाशूलत्रयङ्कृत्वा तत्र चैकाकिनी स्थिता ॥ ४॥

nāmnā tena mahātārā khyātā sā brahmarūpiṇī |mahāśūlatrayaṅkṛtvā tatra caikākinī sthitā || 4||

पुनः सृष्टेश्चिकीर्षाभूद्दिव्यसाम्राज्यसञ्ज्ञकम् ।नाम्नां सहस्रमस्यास्तु तकाराद्यं मया स्मृतम् ॥ ५॥

punaḥ sṛṣṭeścikīrṣābhūddivyasāmrājyasañjñakam |nāmnāṃ sahasramasyāstu takārādyaṃ mayā smṛtam || 5||

तत्प्रभावेण ब्रह्माण्डन्निर्मितं सुदृढं महत् ।आविर्भूता वयन्तत्र यन्त्रैस्तस्याः पुरा द्विज ॥ ६॥

tatprabhāveṇa brahmāṇḍannirmitaṃ sudṛḍhaṃ mahat |āvirbhūtā vayantatra yantraistasyāḥ purā dvija || 6||

स्वस्य कार्यार्थिनस्तत्र भ्रान्ता भूम्यायथा वयम् ।तयोपदिष्टाः कृपया भवामस्सृष्टिकारकाः ॥ ७॥

svasya kāryārthinastatra bhrāntā bhūmyāyathā vayam |tayopadiṣṭāḥ kṛpayā bhavāmassṛṣṭikārakāḥ || 7||

तस्याः प्रसादाद्विप्रेन्द्र त्रयो ब्रह्माण्डनायकाः ।अन्ये सुरगणास्सर्वे तस्याः पादप्रसेवकाः ॥ ८॥

tasyāḥ prasādādviprendra trayo brahmāṇḍanāyakāḥ |anye suragaṇāssarve tasyāḥ pādaprasevakāḥ || 8||

पठनाद्धारणात्सृष्टेः कर्ताहम्पालको हरिः ।तत्त्वाक्षरोपदेशेन संहर्ता शङ्करस्स्वयम् ॥ ९॥

paṭhanāddhāraṇātsṛṣṭeḥ kartāhampālako hariḥ |tattvākṣaropadeśena saṃhartā śaṅkarassvayam || 9||

ऋषिच्छन्दादिकध्यानं मूलवत्परिकीर्तितम् ।नियोगोमात्रसिद्धौ च पुरुषार्थचतुष्टये ॥ १०॥

ṛṣicchandādikadhyānaṃ mūlavatparikīrtitam |niyogomātrasiddhau ca puruṣārthacatuṣṭaye || 10||

तारा तारादिपञ्चार्णा तारान्यावेदवीर्यजा ।तारातारहितावर्णा ताराद्या ताररूपिणी ॥ ११॥

tārā tārādipañcārṇā tārānyāvedavīryajā |tārātārahitāvarṇā tārādyā tārarūpiṇī || 11||

तारारात्रिसमुत्पन्ना तारारात्रिवरोद्यता ।तारारात्रिजपासक्ता तारारात्रिस्वरूपिणी ॥ १२॥

tārārātrisamutpannā tārārātrivarodyatā |tārārātrijapāsaktā tārārātrisvarūpiṇī || 12||

ताराराज्ञीस्वसन्तुष्टा ताराराज्ञीवरप्रदा ।ताराराज्ञीस्वरूपा च ताराराज्ञीप्रसिद्धिदा ॥ १३॥

tārārājñīsvasantuṣṭā tārārājñīvarapradā |tārārājñīsvarūpā ca tārārājñīprasiddhidā || 13||

ताराहृत्पङ्कजागारा ताराहृत्पङ्कजापरा ।ताराहृत्पङ्कजाधारा ताराहृत्पङ्कजा तथा ॥ १४॥

tārāhṛtpaṅkajāgārā tārāhṛtpaṅkajāparā |tārāhṛtpaṅkajādhārā tārāhṛtpaṅkajā tathā || 14||

तारेश्वरी च ताराभा तारागणस्वरूपिणी ।तारागणसमाकीर्णा तारागणनिषेविता ॥ १५॥

tāreśvarī ca tārābhā tārāgaṇasvarūpiṇī |tārāgaṇasamākīrṇā tārāgaṇaniṣevitā || 15||

तारा तारान्विता तारा रत्नान्वितविभूषणा ।तारागणरणासन्ना ताराकृत्यप्रपूजिता ॥ १६॥

tārā tārānvitā tārā ratnānvitavibhūṣaṇā |tārāgaṇaraṇāsannā tārākṛtyaprapūjitā || 16||

तारागणकृताहारा तारागणकृताश्रया ।तारागणकृतागारा तारागणनतत्परा ॥ १७॥

tārāgaṇakṛtāhārā tārāgaṇakṛtāśrayā |tārāgaṇakṛtāgārā tārāgaṇanatatparā || 17||

तारागुणगणाकीर्णा तारागुणगणप्रदा ।तारागुणगणासक्ता तारागुणगणालया ॥ १८॥

tārāguṇagaṇākīrṇā tārāguṇagaṇapradā |tārāguṇagaṇāsaktā tārāguṇagaṇālayā || 18||

तारेश्वरी तारपूज्या ताराजप्या तु तारणा ।तारमुख्या तु ताराख्या तारदक्षा तु तारिणी ॥ १९॥

tāreśvarī tārapūjyā tārājapyā tu tāraṇā |tāramukhyā tu tārākhyā tāradakṣā tu tāriṇī || 19||

तारागम्या तु तारस्था तारामृततरङ्गिणी ।तारभव्या तु तारार्णा तारहव्या तु तारिणी ॥ २०॥

tārāgamyā tu tārasthā tārāmṛtataraṅgiṇī |tārabhavyā tu tārārṇā tārahavyā tu tāriṇī || 20||

तारका तारकान्तस्स्था तारकाराशिभूषणा ।तारकाहारशोभाढ्या तारकावेष्टिताङ्गणा ॥ २१॥

tārakā tārakāntassthā tārakārāśibhūṣaṇā |tārakāhāraśobhāḍhyā tārakāveṣṭitāṅgaṇā || 21||

तारकाहंसकाकीर्णा तारकाकृतभूषणा ।तारकाङ्गदशोभाङ्गी तारकाश्रितकङ्कणा ॥ २२॥

tārakāhaṃsakākīrṇā tārakākṛtabhūṣaṇā |tārakāṅgadaśobhāṅgī tārakāśritakaṅkaṇā || 22||

तारकाञ्चितकाञ्ची च तारकान्वितभक्षणा ।तारकाचित्रवसना तारकासनमण्डला ॥ २३॥

tārakāñcitakāñcī ca tārakānvitabhakṣaṇā |tārakācitravasanā tārakāsanamaṇḍalā || 23||

तारकाकीर्णमुकुटा तारकाश्रितकुण्डला ।तारकान्वितताटङ्कयुग्मगण्डस्थलोज्ज्वला ॥ २४॥

tārakākīrṇamukuṭā tārakāśritakuṇḍalā |tārakānvitatāṭaṅkayugmagaṇḍasthalojjvalā || 24||

तारकाश्रितपादाब्जा तारकावरदायिका ।तारकादत्तहृदया तारकाञ्चितसायका ॥ २५॥

tārakāśritapādābjā tārakāvaradāyikā |tārakādattahṛdayā tārakāñcitasāyakā || 25||

तारकान्यासकुशला तारकान्यासविग्रहा ।तारकान्याससन्तुष्टा तारकान्याससिद्धिदा ॥ २६॥

tārakānyāsakuśalā tārakānyāsavigrahā |tārakānyāsasantuṣṭā tārakānyāsasiddhidā || 26||

तारकान्यासनिलया तारकान्यासपूजिता ।तारकान्याससंहृष्टा तारकान्याससिद्धिदा ॥ २७॥

tārakānyāsanilayā tārakānyāsapūjitā |tārakānyāsasaṃhṛṣṭā tārakānyāsasiddhidā || 27||

तारकान्याससंमग्ना तारकान्यासवासिनी ।तारकान्याससम्पूर्णमन्त्रसिद्धिविधायिनी ॥ २८॥

tārakānyāsasaṃmagnā tārakānyāsavāsinī |tārakānyāsasampūrṇamantrasiddhividhāyinī || 28||

तारकोपासकप्राणा तारकोपासकप्रिया ।तारकोपासकासाध्या तारकोपासकेष्टदा ॥ २९॥

tārakopāsakaprāṇā tārakopāsakapriyā |tārakopāsakāsādhyā tārakopāsakeṣṭadā || 29||

तारकोपासकासक्ता तारकोपासकार्थिनी ।तारकोपासकाराध्या तारकोपासकाश्रया ॥ ३०॥

tārakopāsakāsaktā tārakopāsakārthinī |tārakopāsakārādhyā tārakopāsakāśrayā || 30||

तारकासुरसन्तुष्टा तारकासुरपूजिता ।तारकासुरनिर्माणकर्त्री तारकवन्दिता ॥ ३१॥

tārakāsurasantuṣṭā tārakāsurapūjitā |tārakāsuranirmāṇakartrī tārakavanditā || 31||

तारकासुरसम्मान्या तारकासुरमानदा ।तारकासुरसंसिद्धा तारकासुरदेवता ॥ ३२॥

tārakāsurasammānyā tārakāsuramānadā |tārakāsurasaṃsiddhā tārakāsuradevatā || 32||

तारकासुरदेहस्था तारकासुरस्वर्गदा ।तारकासुरसंसृष्टा तारकासुरगर्वदा ॥ ३३॥

tārakāsuradehasthā tārakāsurasvargadā |tārakāsurasaṃsṛṣṭā tārakāsuragarvadā || 33||

तारकासुरसंहन्त्री तारकासुरमर्दिनी ।तारकासुरसङ्ग्रामनर्तकी तारकापहा ॥ ३४॥

tārakāsurasaṃhantrī tārakāsuramardinī |tārakāsurasaṅgrāmanartakī tārakāpahā || 34||

तारकासुरसङ्ग्रामकारिणी तारकारिभृत् ।तारकासुरसङ्ग्रामकबन्धवृन्दवन्दिता ॥ ३५॥

tārakāsurasaṅgrāmakāriṇī tārakāribhṛt |tārakāsurasaṅgrāmakabandhavṛndavanditā || 35||

तारकारिप्रसूतारिकारिमाता तु कारिका ।तारकारीमनोहारीवस्त्रभूषानुशासिका ॥ ३६॥

tārakāriprasūtārikārimātā tu kārikā |tārakārīmanohārīvastrabhūṣānuśāsikā || 36||

तारकारीविधात्री च तारकारिनिषेविता ।तारकारीवचस्तुष्टा तारकारीसुशिक्षिता ॥ ३७॥

tārakārīvidhātrī ca tārakāriniṣevitā |tārakārīvacastuṣṭā tārakārīsuśikṣitā || 37||

तारकारीसुसन्तुष्टा तारकारिविभूषिता ।तारकारिकृतोत्सङ्गी तारकारिप्रहर्षदा ॥ ३८॥

tārakārīsusantuṣṭā tārakārivibhūṣitā |tārakārikṛtotsaṅgī tārakāripraharṣadā || 38||

तमः सम्पूर्णसर्वाङ्गी तमोलिप्तकलेवरा ।तमोव्याप्तस्थलासङ्गा तमः पटलसन्निभा ॥ ३९॥

tamaḥ sampūrṇasarvāṅgī tamoliptakalevarā |tamovyāptasthalāsaṅgā tamaḥ paṭalasannibhā || 39||

तमोहन्त्री तमः कर्त्री तमःसञ्चारकारिणी ।तमोगात्री तमोदात्री तमः पात्री तमोपहा ॥ ४०॥

tamohantrī tamaḥ kartrī tamaḥsañcārakāriṇī |tamogātrī tamodātrī tamaḥ pātrī tamopahā || 40||

तमोराशिपूर्णराशिस्तमोराशिविनाशिनी ।तमोराशिकृतध्वंसी तमोराशिभयङ्करी ॥ ४१॥

tamorāśipūrṇarāśistamorāśivināśinī |tamorāśikṛtadhvaṃsī tamorāśibhayaṅkarī || 41||

तमोगुणप्रसन्नास्या तमोगुणसुसिद्धिदा ।तमोगुणोक्तमार्गस्था तमोगुणविराजिता ॥ ४२॥

tamoguṇaprasannāsyā tamoguṇasusiddhidā |tamoguṇoktamārgasthā tamoguṇavirājitā || 42||

तमोगुणस्तुतिपरा तमोगुणविवर्धिनी ।तमोगुणाश्रितपरा तमोगुणविनाशिनी ॥ ४३॥

tamoguṇastutiparā tamoguṇavivardhinī |tamoguṇāśritaparā tamoguṇavināśinī || 43||

तमोगुणाक्षयकरी तमोगुणकलेवरा ।तमोगुणध्वंसतुष्टा तमः पारेप्रतिष्ठिता ॥ ४४॥

tamoguṇākṣayakarī tamoguṇakalevarā |tamoguṇadhvaṃsatuṣṭā tamaḥ pārepratiṣṭhitā || 44||

तमोभवभवप्रीता तमोभवभवप्रिया ।तमोभवभवाश्रद्धा तमोभवभवाश्रया ॥ ४५॥

tamobhavabhavaprītā tamobhavabhavapriyā |tamobhavabhavāśraddhā tamobhavabhavāśrayā || 45||

तमोभवभवप्राणा तमोभवभवार्चिता ।तमोभवभवप्रीत्यालीढकुम्भस्थलस्थिता ॥ ४६॥

tamobhavabhavaprāṇā tamobhavabhavārcitā |tamobhavabhavaprītyālīḍhakumbhasthalasthitā || 46||

तपस्विवृन्दसन्तुष्टा तपस्विवृन्दपुष्टिदा ।तपस्विवृन्दसंस्तुत्या तपस्विवृन्दवन्दिता ॥ ४७॥

tapasvivṛndasantuṣṭā tapasvivṛndapuṣṭidā |tapasvivṛndasaṃstutyā tapasvivṛndavanditā || 47||

तपस्विवृन्दसम्पन्ना तपस्विवृन्दहर्षदा ।तपस्विवृन्दसम्पूज्या तपस्विवृन्दभूषिता ॥ ४८॥

tapasvivṛndasampannā tapasvivṛndaharṣadā |tapasvivṛndasampūjyā tapasvivṛndabhūṣitā || 48||

तपस्विचित्ततल्पस्था तपस्विचित्तमध्यगा ।तपस्विचित्तचित्तार्हा तपस्विचित्तहारिणी ॥ ४९॥

tapasvicittatalpasthā tapasvicittamadhyagā |tapasvicittacittārhā tapasvicittahāriṇī || 49||

तपस्विकल्पवल्ल्याभा तपस्विकल्पपादपी ।तपस्विकामधेनुश्च तपस्विकामपूर्तिदा ॥ ५०॥

tapasvikalpavallyābhā tapasvikalpapādapī |tapasvikāmadhenuśca tapasvikāmapūrtidā || 50||