ताराशतनामस्तोत्रम् १ Shri Tara Shatanama Stotram

श्रीशिव उवाच ॥ॐ तारिणी तरला तन्वी तारा तरुणवल्लरी ।तीव्ररूपा तरी श्यामा तनुक्षीणपयोधरा ॥ १॥

śrīśiva uvāca ||oṃ tāriṇī taralā tanvī tārā taruṇavallarī |tīvrarūpā tarī śyāmā tanukṣīṇapayodharā || 1||

तुरीया तरला(तरुणा) तीव्रगमना नीलवाहिनी ।उग्रतारा जया चण्डी श्रीमदेकजटाशिराः ॥ २॥

turīyā taralā(taruṇā) tīvragamanā nīlavāhinī |ugratārā jayā caṇḍī śrīmadekajaṭāśirāḥ || 2||

तरुणी शाम्भवीछिन्नभाला च भद्रतारिणी ।उग्रा चोग्रप्रभा नीला कृष्णा नीलसरस्वती ॥ ३॥

taruṇī śāmbhavīchinnabhālā ca bhadratāriṇī |ugrā cograprabhā nīlā kṛṣṇā nīlasarasvatī || 3||

द्वितीया शोभना नित्या नवीना नित्यनूतना ।चण्डिका विजयाराध्या देवी गगनवाहिनी ॥ ४॥

dvitīyā śobhanā nityā navīnā nityanūtanā |caṇḍikā vijayārādhyā devī gaganavāhinī || 4||

अट्टहास्या करालास्या चरास्या दितिपूजिता ।सगुणा सगुणाराध्या हरीन्द्रदेवपूजिता ॥ ५॥

aṭṭahāsyā karālāsyā carāsyā ditipūjitā |saguṇā saguṇārādhyā harīndradevapūjitā || 5||

रक्तप्रिया च रक्ताक्षी रुधिरास्यविभूषिता ।बलिप्रिया बलिरता दुर्गा बलवती बला ॥ ६॥

raktapriyā ca raktākṣī rudhirāsyavibhūṣitā |balipriyā baliratā durgā balavatī balā || 6||

बलप्रिया बलरता बलरामप्रपूजिता ।अर्धकेशेश्वरी केशा केशवासविभूषिता ॥ ७॥

balapriyā balaratā balarāmaprapūjitā |ardhakeśeśvarī keśā keśavāsavibhūṣitā || 7||

पद्ममाला च पद्माक्षी कामाख्या गिरिनन्दिनी ।दक्षिणा चैव दक्षा च दक्षजा दक्षिणे रता ॥ ८॥

padmamālā ca padmākṣī kāmākhyā girinandinī |dakṣiṇā caiva dakṣā ca dakṣajā dakṣiṇe ratā || 8||

वज्रपुष्पप्रिया रक्तप्रिया कुसुमभूषिता ।माहेश्वरी महादेवप्रिया पञ्चविभूषिता ॥ ९॥

vajrapuṣpapriyā raktapriyā kusumabhūṣitā |māheśvarī mahādevapriyā pañcavibhūṣitā || 9||

इडा च पिङ्गला चैव सुषुम्ना प्राणरूपिणी ।गान्धारी पञ्चमी पञ्चाननादि परिपूजिता ॥ १०॥

iḍā ca piṅgalā caiva suṣumnā prāṇarūpiṇī |gāndhārī pañcamī pañcānanādi paripūjitā || 10||

तथ्यविद्या तथ्यरूपा तथ्यमार्गानुसारिणी ।तत्त्वप्रिया तत्त्वरूपा तत्त्वज्ञानात्मिकाऽनघा ॥ ११॥

tathyavidyā tathyarūpā tathyamārgānusāriṇī |tattvapriyā tattvarūpā tattvajñānātmikā'naghā || 11||

ताण्डवाचारसन्तुष्टा ताण्डवप्रियकारिणी ।तालदानरता क्रूरतापिनी तरणिप्रभा ॥ १२॥

tāṇḍavācārasantuṣṭā tāṇḍavapriyakāriṇī |tāladānaratā krūratāpinī taraṇiprabhā || 12||

त्रपायुक्ता त्रपामुक्ता तर्पिता तृप्तिकारिणी ।तारुण्यभावसन्तुष्टा शक्तिर्भक्तानुरागिणी ॥ १३॥

trapāyuktā trapāmuktā tarpitā tṛptikāriṇī |tāruṇyabhāvasantuṣṭā śaktirbhaktānurāgiṇī || 13||

शिवासक्ता शिवरतिः शिवभक्तिपरायणा ।ताम्रद्युतिस्ताम्ररागा ताम्रपात्रप्रभोजिनी ॥ १४॥

śivāsaktā śivaratiḥ śivabhaktiparāyaṇā |tāmradyutistāmrarāgā tāmrapātraprabhojinī || 14||

बलभद्रप्रेमरता बलिभुग्बलिकल्पिनी ।रामरूपा रामशक्ती रामरूपानुकारिणी ॥ १५॥

balabhadrapremaratā balibhugbalikalpinī |rāmarūpā rāmaśaktī rāmarūpānukāriṇī || 15||

इत्येतत्कथितं देवि रहस्यं परमाद्भुतम् ।श्रुत्वा मोक्षमवाप्नोति तारादेव्याः प्रसादतः ॥ १६॥

ityetatkathitaṃ devi rahasyaṃ paramādbhutam |śrutvā mokṣamavāpnoti tārādevyāḥ prasādataḥ || 16||

य इदं पठति स्तोत्रं तारास्तुतिरहस्यकम् ।सर्वसिद्धियुतो भूत्वा विहरेत् क्षितिमण्डले ॥ १७॥

ya idaṃ paṭhati stotraṃ tārāstutirahasyakam |sarvasiddhiyuto bhūtvā viharet kṣitimaṇḍale || 17||

तस्यैव मन्त्रसिद्धिः स्यान्ममसिद्धिरनुत्तमा ।भवत्येव महामाये सत्यं सत्यं न संशयः ॥ १८॥

tasyaiva mantrasiddhiḥ syānmamasiddhiranuttamā |bhavatyeva mahāmāye satyaṃ satyaṃ na saṃśayaḥ || 18||

मन्दे मङ्गलवारे च यः पठेन्निशि संयतः ।तस्यैव मन्त्रसिद्धिस्स्याद्गाणपत्यं लभेत सः ॥ १९॥

mande maṅgalavāre ca yaḥ paṭhenniśi saṃyataḥ |tasyaiva mantrasiddhissyādgāṇapatyaṃ labheta saḥ || 19||

श्रद्धयाऽश्रद्धया वापि पठेत्तारारहस्यकम् ।सोऽचिरेणैव कालेन जीवन्मुक्तः शिवो भवेत् ॥ २०॥

śraddhayā'śraddhayā vāpi paṭhettārārahasyakam |so'cireṇaiva kālena jīvanmuktaḥ śivo bhavet || 20||

सहस्रावर्तनाद्देवि पुरश्चर्याफलं लभेत् ।एवं सततयुक्ता ये ध्यायन्तस्त्वामुपासते ।ते कृतार्था महेशानि मृत्युसंसारवर्त्मनः ॥ २१॥

sahasrāvartanāddevi puraścaryāphalaṃ labhet |evaṃ satatayuktā ye dhyāyantastvāmupāsate |te kṛtārthā maheśāni mṛtyusaṃsāravartmanaḥ || 21||

इति स्वर्णमालातन्त्रे ताराशतनामस्तोत्रं समाप्तम् ॥एवं चइति मुण्डमालातन्त्रे हरपार्वतीसंवादे त्रयोदशपटलान्तर्गतंताराशतनामस्तोत्रं सम्पूर्णम् ॥रौद्रा रौद्रमयी मूर्तिर्विशोका शोकनाशिनी ॥ ५१॥

iti svarṇamālātantre tārāśatanāmastotraṃ samāptam ||evaṃ caiti muṇḍamālātantre harapārvatīsaṃvāde trayodaśapaṭalāntargataṃtārāśatanāmastotraṃ sampūrṇam ||raudrā raudramayī mūrtirviśokā śokanāśinī || 51||

शिवपूज्या शिवाराध्या शिवध्येया सनातनीब्रह्मविद्या जगद्धात्री निर्गुणा गुणपूजिता ॥ ५२॥)

śivapūjyā śivārādhyā śivadhyeyā sanātanībrahmavidyā jagaddhātrī nirguṇā guṇapūjitā || 52||)