पञ्चस्तवी Shri Panchastavi

१\। लघुस्तवः ।२\। चर्चास्तवः ।३\। घटस्तवः ।४\। अम्बास्तवः ।५\। सकलजननीस्तवः ।

1\| laghustavaḥ | 2\| carcāstavaḥ | 3\| ghaṭastavaḥ | 4\| ambāstavaḥ | 5\| sakalajananīstavaḥ |

॥ श्रीः ॥श्रीगणेशाय नमः ।

|| śrīḥ ||śrīgaṇeśāya namaḥ |

श्रीगुरुभ्यो नमः ।

śrīgurubhyo namaḥ |

ॐ नमस्त्रिपुरसुन्दर्यै ।

oṃ namastripurasundaryai |

(श्री बालाविंशतिस्तवः अथवा श्रीबालालघुस्तवराजः लघुस्तवः इत्यपि नामान्तरम् ।)ऐन्द्रस्येव शरासनस्य दधती मध्येललाटं प्रभांशौक्लीं कान्तिमनुष्णगोरिव शिरस्यातन्वती सर्वतः ।एषाऽसौ त्रिपुरा हृदि द्युतिरिवोष्णांशोः सदाहः स्थिताछिन्द्यान्नः सहसा पदैस्त्रिभिरघं ज्योतिर्मयी वाङ्मयी ॥ १॥

(śrī bālāviṃśatistavaḥ athavā śrībālālaghustavarājaḥ laghustavaḥ ityapi nāmāntaram |)aindrasyeva śarāsanasya dadhatī madhyelalāṭaṃ prabhāṃśauklīṃ kāntimanuṣṇagoriva śirasyātanvatī sarvataḥ |eṣā'sau tripurā hṛdi dyutirivoṣṇāṃśoḥ sadāhaḥ sthitāchindyānnaḥ sahasā padaistribhiraghaṃ jyotirmayī vāṅmayī || 1||

या मात्रा त्रपुसीलतातनुलसत्तन्तूत्थितिस्पर्धिनीवाग्बीजे प्रथमे स्थिता तव सदा तां मन्महे ते वयम् ।शक्तिः कुण्डलिनीति विश्वजननव्यापारबद्धोद्यमांज्ञात्वेत्थं न पुनः स्पृशन्ति जननी गर्भेऽर्भकत्वं नराः ॥ २॥

yā mātrā trapusīlatātanulasattantūtthitispardhinīvāgbīje prathame sthitā tava sadā tāṃ manmahe te vayam |śaktiḥ kuṇḍalinīti viśvajananavyāpārabaddhodyamāṃjñātvetthaṃ na punaḥ spṛśanti jananī garbhe'rbhakatvaṃ narāḥ || 2||

दृष्ट्वा संभ्रमकारि वस्तुसहसा ऐ ऐ इति व्याहृतंयेनाऽकूतवशादऽपीह वरदे ! बिन्दुं विनाप्यक्षरम् ।तस्यापि ध्रुवमेव देवि तरसा जाते तवानुग्रहेवाचःसूक्तिसुधारसद्रवमुचो निर्यान्ति वक्त्राम्बुजात् ॥ ३॥

dṛṣṭvā saṃbhramakāri vastusahasā ai ai iti vyāhṛtaṃyenā'kūtavaśāda'pīha varade ! binduṃ vināpyakṣaram |tasyāpi dhruvameva devi tarasā jāte tavānugrahevācaḥsūktisudhārasadravamuco niryānti vaktrāmbujāt || 3||

यन्नित्ये तव कामराजमपरं मन्त्राक्षरं निष्कलंतत्सारस्वतमित्यवैति विरलः कश्चिद्बुधश्चेद्भुवि ।आख्यानं प्रतिपर्व सत्यतपसो यत्कीर्तयन्तो द्विजाःप्रारम्भे प्रणवास्पदप्रणयितां नीत्वोच्चरन्ति स्फुटम् ॥ ४॥

yannitye tava kāmarājamaparaṃ mantrākṣaraṃ niṣkalaṃtatsārasvatamityavaiti viralaḥ kaścidbudhaścedbhuvi |ākhyānaṃ pratiparva satyatapaso yatkīrtayanto dvijāḥprārambhe praṇavāspadapraṇayitāṃ nītvoccaranti sphuṭam || 4||

यत्सद्यो वचसां प्रवृत्तिकरणे दृष्टप्रभावं बुधैःतार्तीयीकमहं नमामि मनसा त्वद्बीजमिन्दुप्रभम् ।अस्त्वौर्वोऽपि सरस्वतीमनुगतो जाड्याम्बुविच्छित्तयेगौः शब्दो गिरि वर्तते सनियतं योगं विना सिद्धिदः ॥ ५॥

yatsadyo vacasāṃ pravṛttikaraṇe dṛṣṭaprabhāvaṃ budhaiḥtārtīyīkamahaṃ namāmi manasā tvadbījaminduprabham |astvaurvo'pi sarasvatīmanugato jāḍyāmbuvicchittayegauḥ śabdo giri vartate saniyataṃ yogaṃ vinā siddhidaḥ || 5||

एकैकं तव देवि बीजमनघं सव्यञ्जनाऽव्यञ्जनंकूटस्थं यदि वा पृथक् क्रमगतं यद्वा स्थितं व्युत्क्रमात् ।यं यं काममपेक्ष्य येन विधिना केनापि वा चिन्तितंजप्तं वा सफलीकरोति सहसा तं तं समस्तं नृणाम् ॥ ६॥

ekaikaṃ tava devi bījamanaghaṃ savyañjanā'vyañjanaṃkūṭasthaṃ yadi vā pṛthak kramagataṃ yadvā sthitaṃ vyutkramāt |yaṃ yaṃ kāmamapekṣya yena vidhinā kenāpi vā cintitaṃjaptaṃ vā saphalīkaroti sahasā taṃ taṃ samastaṃ nṛṇām || 6||

वामे पुस्तकधारिणीमभयदां साक्षस्रजं दक्षिणेभक्तेभ्यो वरदानपेशलकरां कर्पूरकुन्दोज्ज्वलाम् ।उज्जृम्भाम्बुजपत्रकान्तिनयनस्निग्धप्रभालोकिनींये त्वामम्ब न शीलयन्ति मनसा तेषां कवित्वं कुतः ॥ ७॥

vāme pustakadhāriṇīmabhayadāṃ sākṣasrajaṃ dakṣiṇebhaktebhyo varadānapeśalakarāṃ karpūrakundojjvalām |ujjṛmbhāmbujapatrakāntinayanasnigdhaprabhālokinīṃye tvāmamba na śīlayanti manasā teṣāṃ kavitvaṃ kutaḥ || 7||

ये त्वां पाण्डुरपुण्डरीकपटलस्पष्टाभिरामप्रभांसिञ्चन्तीममृतद्रवैरिव शिरो ध्यायन्ति मूर्ध्नि स्थिताम् ।अश्रान्तं विकटस्फुटाक्षरपदा निर्यान्ति वक्त्राम्बुजात्तेषां भारति भारती सुरसरित्कल्लोललोलोर्मिवत् ॥ ८॥

ye tvāṃ pāṇḍurapuṇḍarīkapaṭalaspaṣṭābhirāmaprabhāṃsiñcantīmamṛtadravairiva śiro dhyāyanti mūrdhni sthitām |aśrāntaṃ vikaṭasphuṭākṣarapadā niryānti vaktrāmbujātteṣāṃ bhārati bhāratī surasaritkallolalolormivat || 8||

ये सिन्दूरपरागपुञ्जपिहितां त्वत्तेजसा द्यामिमामुर्वीं चापि विलीनयावकरसप्रस्तारमग्नामिव ।पश्यन्ति क्षणमप्यनन्यमनसस्तेषामनङ्गज्वरक्लान्तास्त्रस्तकुरङ्गशावकदृशोवश्याः भवन्ति स्फुटम् ॥ ९॥

ye sindūraparāgapuñjapihitāṃ tvattejasā dyāmimāmurvīṃ cāpi vilīnayāvakarasaprastāramagnāmiva |paśyanti kṣaṇamapyananyamanasasteṣāmanaṅgajvaraklāntāstrastakuraṅgaśāvakadṛśovaśyāḥ bhavanti sphuṭam || 9||

चञ्चत्काञ्चनकुण्डलाङ्गदधरामाबद्धकाञ्चीस्रजंये त्वां चेतसि तद्गतेक्षणमपि ध्यायन्ति कृत्वा स्थिराम् ।तेषां वेश्मसु विभ्रमादहरहः स्फारीभवन्त्यश्चिरम् ।माद्यत्कुञ्जरकर्णतालतरलाः स्थैर्यं भजन्ते श्रियः ॥ १०॥

cañcatkāñcanakuṇḍalāṅgadadharāmābaddhakāñcīsrajaṃye tvāṃ cetasi tadgatekṣaṇamapi dhyāyanti kṛtvā sthirām |teṣāṃ veśmasu vibhramādaharahaḥ sphārībhavantyaściram |mādyatkuñjarakarṇatālataralāḥ sthairyaṃ bhajante śriyaḥ || 10||

आर्भट्याशशिखण्डमण्डितजटाजूटां नृमुण्डस्रजंबन्धूकप्रसवारुणाम्बरधरां प्रेतासनाध्यासिनीम् । वरिअतिओन् कुसुमारुणात्वां ध्यायन्ति चतुर्भुजां त्रिनयनामापीनतुङ्गस्तनींमध्ये निम्नवलित्रयाङ्किततनुं त्वद्रूपसंवित्तये ॥ ११॥

ārbhaṭyāśaśikhaṇḍamaṇḍitajaṭājūṭāṃ nṛmuṇḍasrajaṃbandhūkaprasavāruṇāmbaradharāṃ pretāsanādhyāsinīm | variation kusumāruṇātvāṃ dhyāyanti caturbhujāṃ trinayanāmāpīnatuṅgastanīṃmadhye nimnavalitrayāṅkitatanuṃ tvadrūpasaṃvittaye || 11||

जातोऽप्य्ऽल्पपरिच्छदे क्षितिभुजां सामान्यमात्रे कुलेनिःशेषावनिचक्रवर्तिपदवीं लब्ध्वा प्रतापोन्नतः ।यद्विद्याधर वृन्दवन्दितपदः श्रीवत्सराजोऽभवत्देवि त्वच्चरणाम्बुज प्रणतिजः सोऽयं प्रसादोदयः ॥ १२॥

jāto'py'lpaparicchade kṣitibhujāṃ sāmānyamātre kuleniḥśeṣāvanicakravartipadavīṃ labdhvā pratāponnataḥ |yadvidyādhara vṛndavanditapadaḥ śrīvatsarājo'bhavatdevi tvaccaraṇāmbuja praṇatijaḥ so'yaṃ prasādodayaḥ || 12||

चण्डि त्वच्चरणाम्बुजार्चनविधौ बिल्वीदलोल्लुण्ठनत्रुट्यत्कण्टककोटिभिः परिचयं येषां न जग्मुः कराः ।ते दण्डाङ्कुशचक्रचापकुलिशश्रीवत्समत्स्याङ्कितैर्जायन्ते पृथिवीभुजः कथमिवाम्भोजप्रभैः पाणिभिः ॥ १३॥

caṇḍi tvaccaraṇāmbujārcanavidhau bilvīdalolluṇṭhanatruṭyatkaṇṭakakoṭibhiḥ paricayaṃ yeṣāṃ na jagmuḥ karāḥ |te daṇḍāṅkuśacakracāpakuliśaśrīvatsamatsyāṅkitairjāyante pṛthivībhujaḥ kathamivāmbhojaprabhaiḥ pāṇibhiḥ || 13||

विप्राः क्षोणिभुजो विशस्तदितरे क्षीराज्यमध्वासवैः ।त्वां देवि त्रिपुरे परापरमयीं सन्तर्प्य पूजाविधौ ।यां यां प्रार्थयते मनः स्थिरधियां तेषां त एव ध्रुवंतां तां सिद्धिमवाप्नुवन्ति तरसा विघ्नैरविघ्नीकृताः ॥ १४॥

viprāḥ kṣoṇibhujo viśastaditare kṣīrājyamadhvāsavaiḥ |tvāṃ devi tripure parāparamayīṃ santarpya pūjāvidhau |yāṃ yāṃ prārthayate manaḥ sthiradhiyāṃ teṣāṃ ta eva dhruvaṃtāṃ tāṃ siddhimavāpnuvanti tarasā vighnairavighnīkṛtāḥ || 14||

शब्दानां जननी त्वमत्र भुवने वाग्वादिनीत्युच्यसेत्वत्तः केशववासव प्रभृतयोऽप्याविर्भवन्ति स्फुटम् ।लीयन्ते खलु यत्र कल्पविरमे ब्रह्मादयस्तेऽप्यमीसा त्वं काचिदचिन्त्यरूपमहिमा शक्तिः परा गीयसे ॥ १५॥

śabdānāṃ jananī tvamatra bhuvane vāgvādinītyucyasetvattaḥ keśavavāsava prabhṛtayo'pyāvirbhavanti sphuṭam |līyante khalu yatra kalpavirame brahmādayaste'pyamīsā tvaṃ kācidacintyarūpamahimā śaktiḥ parā gīyase || 15||

देवानां त्रितयं त्रयी हुतभुजां शक्तित्रयं त्रिस्वरास्त्रैलोक्यं त्रिपदी त्रिपुष्करमथो त्रिब्रह्म वर्णास्त्रयः ।यत्किञ्चिज्जगति त्रिधा नियमितं वस्तु त्रिवर्गामकंतत्सर्वं त्रिपुरेति नाम भगवत्यन्वेति ते तत्त्वतः ॥ १६॥

devānāṃ tritayaṃ trayī hutabhujāṃ śaktitrayaṃ trisvarāstrailokyaṃ tripadī tripuṣkaramatho tribrahma varṇāstrayaḥ |yatkiñcijjagati tridhā niyamitaṃ vastu trivargāmakaṃtatsarvaṃ tripureti nāma bhagavatyanveti te tattvataḥ || 16||

लक्ष्मी राजकुले जयां रणभिवि क्षेमङ्करीमध्वनिक्रव्यादद्विपसर्पभाजि शवरीं कान्तारदुर्गे गिरौ ।भूतप्रेतपिशाचजम्बुकभये स्मृत्वा महाभैरवींव्यामोहे त्रिपुरां तरन्ति विपदस्ताराञ्च तोयप्लवे ॥ १७॥

lakṣmī rājakule jayāṃ raṇabhivi kṣemaṅkarīmadhvanikravyādadvipasarpabhāji śavarīṃ kāntāradurge girau |bhūtapretapiśācajambukabhaye smṛtvā mahābhairavīṃvyāmohe tripurāṃ taranti vipadastārāñca toyaplave || 17||

माया कुण्डलिनी क्रिया मधुमती काली कला मालिनीमातङ्गी विजया जया भगवती देवी शिवा शाम्भवी ।शक्तिः शङ्करवल्लभा त्रिनयना वाग्वादिनी भैरवीह्रिङ्कारी त्रिपुरा परापरमयी माता कुमारीत्यसि ॥ १८॥

māyā kuṇḍalinī kriyā madhumatī kālī kalā mālinīmātaṅgī vijayā jayā bhagavatī devī śivā śāmbhavī |śaktiḥ śaṅkaravallabhā trinayanā vāgvādinī bhairavīhriṅkārī tripurā parāparamayī mātā kumārītyasi || 18||

आईपल्लवितैपरस्परयुतैर्द्वित्रिक्रमाद्यक्षरैःकाद्यैः क्षान्तगतैः स्वरादिभिरथो क्षान्तैश्च तैः सस्वरैः ।नामानि त्रिपुरे भवन्ति खलु यान्यत्यन्तगुह्यानि तेतेभ्यो भैरवपत्नि विंशतिसहस्रेभ्यः परेभ्यो नमः ॥ १९॥

āīpallavitaiparasparayutairdvitrikramādyakṣaraiḥkādyaiḥ kṣāntagataiḥ svarādibhiratho kṣāntaiśca taiḥ sasvaraiḥ |nāmāni tripure bhavanti khalu yānyatyantaguhyāni tetebhyo bhairavapatni viṃśatisahasrebhyaḥ parebhyo namaḥ || 19||

बोद्धव्या निपुणं बुधैः स्तुतिरियं कृत्वा मनस्तद्गतंभारत्यास्त्रिपुरेत्यनन्यमनसो यत्राद्यवृत्ते स्फुटम् ।एकद्वित्रिपदक्रमेण कथितस्तत्पाद सङ्ख्याक्षरैर्मन्त्रोद्धारविधिर्विशेषसहितः सत्संप्रदायान्वितः ॥ २०॥

boddhavyā nipuṇaṃ budhaiḥ stutiriyaṃ kṛtvā manastadgataṃbhāratyāstripuretyananyamanaso yatrādyavṛtte sphuṭam |ekadvitripadakrameṇa kathitastatpāda saṅkhyākṣarairmantroddhāravidhirviśeṣasahitaḥ satsaṃpradāyānvitaḥ || 20||

सावद्यं निरवद्यमस्तु यदि वा किं वानया चिन्तयानूनं स्तोत्रमिदं पठिष्यति जनो यस्यास्ति भक्तिस्त्वयि ।सञ्चिन्त्यापि लघुत्वमात्मनि दृढं सञ्जायमानं हठात्त्वद्भक्त्या मुखरीकृतेन रचितं यस्मान्मयापि स्फुटम् ॥ २१॥

sāvadyaṃ niravadyamastu yadi vā kiṃ vānayā cintayānūnaṃ stotramidaṃ paṭhiṣyati jano yasyāsti bhaktistvayi |sañcintyāpi laghutvamātmani dṛḍhaṃ sañjāyamānaṃ haṭhāttvadbhaktyā mukharīkṛtena racitaṃ yasmānmayāpi sphuṭam || 21||

इति श्रीधर्माचार्यकृतौ श्री पञ्चस्तव्यां लघुस्तवः प्रथमः समाप्तः ।१

iti śrīdharmācāryakṛtau śrī pañcastavyāṃ laghustavaḥ prathamaḥ samāptaḥ | 1

ॐ नमस्त्रिपुरसुन्दर्यै ।आनन्दसुन्दरपुरन्दरमुक्तमाल्यंमौलौ हठेन निहितं महिषासुरस्य ।पादाम्बुजं भवतु मे विजयाय मञ्जुमञ्जीरशिञ्जितमनोहरमम्बिकायाः ॥ १॥

oṃ namastripurasundaryai |ānandasundarapurandaramuktamālyaṃmaulau haṭhena nihitaṃ mahiṣāsurasya |pādāmbujaṃ bhavatu me vijayāya mañjumañjīraśiñjitamanoharamambikāyāḥ || 1||

सौन्दर्यविभ्रमभुवो भुवनाधिपत्यसम्पत्तिकल्पतरवस्त्रिपुरे! जयन्ति ।एते कवित्वकुमदप्रकरावबोधपूर्णेन्दवस्त्वयि जगज्जननि प्रणामाः ॥ २॥

saundaryavibhramabhuvo bhuvanādhipatyasampattikalpataravastripure! jayanti |ete kavitvakumadaprakarāvabodhapūrṇendavastvayi jagajjanani praṇāmāḥ || 2||

देवि ! स्तुतिव्यतिकरे कृतबुद्धयस्तेवाचस्पति प्रभृतयोऽपि जडी भवन्ति ।तस्मान्निसर्गजडिमा कतमोऽहमत्रस्तोत्रर्ं तव त्रिपुरतापनपत्नि ! कर्तुम् ॥ ३॥

devi ! stutivyatikare kṛtabuddhayastevācaspati prabhṛtayo'pi jaḍī bhavanti |tasmānnisargajaḍimā katamo'hamatrastotrarṃ tava tripuratāpanapatni ! kartum || 3||

मातस्तथापि भवतीं भवतीव्रतापविच्छित्तये स्तुतिमहार्णव कर्णधारः ।स्तोतुं भवानि स भवच्चरणारविन्दभक्तिग्रहः किमपि मां मुखरी करोति ॥ ४॥

mātastathāpi bhavatīṃ bhavatīvratāpavicchittaye stutimahārṇava karṇadhāraḥ |stotuṃ bhavāni sa bhavaccaraṇāravindabhaktigrahaḥ kimapi māṃ mukharī karoti || 4||

सूते जगन्ति भवती भवती बिभर्तिजागर्ति तत्क्षयकृते भवती भवानि ।मोहं भिनत्ति भवती भवती रुणद्धिलीलायितं जयति चित्रमिदं भवत्याः ॥ ५॥

sūte jaganti bhavatī bhavatī bibhartijāgarti tatkṣayakṛte bhavatī bhavāni |mohaṃ bhinatti bhavatī bhavatī ruṇaddhilīlāyitaṃ jayati citramidaṃ bhavatyāḥ || 5||

यस्मिन्मनागपि नवाम्बुजपत्रगौरि!गौरि! प्रसादमधुरां दृशमादधासि ।तस्मिन्निरन्तरमनङ्गशरावकीर्णसीमन्तिनीनयनसन्ततयः पतन्ति ॥ ६॥

yasminmanāgapi navāmbujapatragauri!gauri! prasādamadhurāṃ dṛśamādadhāsi |tasminnirantaramanaṅgaśarāvakīrṇasīmantinīnayanasantatayaḥ patanti || 6||

पृथ्वीभुजोऽप्युदयनप्रवरस्य तस्यविद्याधर प्रणति चुम्बित पाद पीठः ।यच्चक्रवर्तिपदवीप्रणयः स एष (स एव)त्वत्पादपङ्कजरजः कणजः प्रसादः ॥ ७॥

pṛthvībhujo'pyudayanapravarasya tasyavidyādhara praṇati cumbita pāda pīṭhaḥ |yaccakravartipadavīpraṇayaḥ sa eṣa (sa eva)tvatpādapaṅkajarajaḥ kaṇajaḥ prasādaḥ || 7||

कल्पद्रुमप्रसवकल्पितचित्रपूजामुद्दीपित प्रियतमामदरक्तगीतिम् ।नित्यं भवानि! भवतीमुपवीणयन्तिविद्याधराः कनकशैल गुहागृहेषु ॥ ८॥

kalpadrumaprasavakalpitacitrapūjāmuddīpita priyatamāmadaraktagītim |nityaṃ bhavāni! bhavatīmupavīṇayantividyādharāḥ kanakaśaila guhāgṛheṣu || 8||

लक्ष्मीवशीकरणकर्मणिकामिनीनामाकर्षणव्यतिकरेषु च सिद्धमन्त्रः ।नीरन्ध्रमोहतिमिरच्छिदुरप्रदीपोदेवि! त्वदऽङ्घ्रिजनितो जयति प्रसादः ॥ ९॥

lakṣmīvaśīkaraṇakarmaṇikāminīnāmākarṣaṇavyatikareṣu ca siddhamantraḥ |nīrandhramohatimiracchidurapradīpodevi! tvada'ṅghrijanito jayati prasādaḥ || 9||

देवि! त्वदऽङ्घ्रनखरत्नभुवो मयूखाःप्रत्यग्रमौक्तिकरुचो मुदमुद्वहन्ति ।सेवानतिव्यतिकरे सुरसुन्दरीणांसीमन्तसीम्नि कुसुमस्तवकायितं यैः ॥ १०॥

devi! tvada'ṅghranakharatnabhuvo mayūkhāḥpratyagramauktikaruco mudamudvahanti |sevānativyatikare surasundarīṇāṃsīmantasīmni kusumastavakāyitaṃ yaiḥ || 10||

मूर्ध्नि स्फुरत्तुहिनदीधितिदीप्तिदीप्तंमध्ये ललाटममरायुधरश्मिचित्रम् ।हृच्चक्रचुम्बि हुतभुक्कणिकानुरूपंज्योतिर्यदेतदिदमम्ब! तव स्वरूपम् ॥ ११॥

mūrdhni sphurattuhinadīdhitidīptidīptaṃmadhye lalāṭamamarāyudharaśmicitram |hṛccakracumbi hutabhukkaṇikānurūpaṃjyotiryadetadidamamba! tava svarūpam || 11||

रूपं तव स्फुरितचन्द्रमरीचिगौरमाम्लोकते शिरसि वागधिदैवतं यः ।निःसीमसूक्तिरचनामृतनिर्भरस्यतस्य प्रसादमधुराः प्रसरन्ति वाचः ॥ १२॥

rūpaṃ tava sphuritacandramarīcigauramāmlokate śirasi vāgadhidaivataṃ yaḥ |niḥsīmasūktiracanāmṛtanirbharasyatasya prasādamadhurāḥ prasaranti vācaḥ || 12||

सिन्दूरपांसुपटलच्छुरितामिव द्यांत्वत्तेजसा जतुरसस्नपितामिवोर्वीम् ।यः पश्यति क्षणमपि त्रिपुरे! विहायव्रीडां मृडानि! सुदृशस्तमनुद्रवन्ति ॥ १३॥

sindūrapāṃsupaṭalacchuritāmiva dyāṃtvattejasā jaturasasnapitāmivorvīm |yaḥ paśyati kṣaṇamapi tripure! vihāyavrīḍāṃ mṛḍāni! sudṛśastamanudravanti || 13||

मातर्मुहूर्तमपि यः स्मरति स्वरूपंलाक्षारसप्रसरतन्तुनिभं भवत्याः ।ध्यायन्त्यनन्यमनसस्तमनङ्गतप्ताःप्रद्युम्नसीम्नि सुभगत्वगुणं तरुण्यः ॥ १४॥

mātarmuhūrtamapi yaḥ smarati svarūpaṃlākṣārasaprasaratantunibhaṃ bhavatyāḥ |dhyāyantyananyamanasastamanaṅgataptāḥpradyumnasīmni subhagatvaguṇaṃ taruṇyaḥ || 14||

योऽयं चकास्ति गगनार्णवरत्नमिन्दुर्योऽयं सुरासुरगुरुः पुरुषः पुराणः ।यद्वाममर्धमिदमन्धकसूदनस्यदेवि! त्वमेव तदिति प्रतिपादयन्ति ॥ १५॥

yo'yaṃ cakāsti gaganārṇavaratnaminduryo'yaṃ surāsuraguruḥ puruṣaḥ purāṇaḥ |yadvāmamardhamidamandhakasūdanasyadevi! tvameva taditi pratipādayanti || 15||

इच्छानुरूपमनुरूपगुणप्रकर्षंसङ्कर्षिणि ! त्वमनुसृत्य यदा विभर्षि ।जायेत स त्रिभुवनैक गुरुस्तदानींदेवः शिवोऽपि भुवनत्रयसूत्रधारः ॥ १६॥

icchānurūpamanurūpaguṇaprakarṣaṃsaṅkarṣiṇi ! tvamanusṛtya yadā vibharṣi |jāyeta sa tribhuvanaika gurustadānīṃdevaḥ śivo'pi bhuvanatrayasūtradhāraḥ || 16||

रुद्राणि ! विद्रुममयीं प्रतिमामिव त्वांये चिन्तयन्त्यरुणकान्तिमऽनन्यरूपाम् ।तानेत्य पक्ष्मलदृशः प्रसभं भजन्तेकण्ठावसक्तमृदुबाहुलतास्तरुण्यः ॥ १७॥

rudrāṇi ! vidrumamayīṃ pratimāmiva tvāṃye cintayantyaruṇakāntima'nanyarūpām |tānetya pakṣmaladṛśaḥ prasabhaṃ bhajantekaṇṭhāvasaktamṛdubāhulatāstaruṇyaḥ || 17||

त्वद्रूपमुल्लसितदाडिमपुष्परक्तमुद्भावयेन्मदनदैवतमक्षरं यः ।तं रूपहीनमपि मन्मथनिर्विशेषमालोकयन्त्युरुनितम्बभरास्तरुण्यः ॥ १८॥

tvadrūpamullasitadāḍimapuṣparaktamudbhāvayenmadanadaivatamakṣaraṃ yaḥ |taṃ rūpahīnamapi manmathanirviśeṣamālokayantyurunitambabharāstaruṇyaḥ || 18||

ध्याताऽसि हैमवति! येन हिमांशुरश्मिमालाऽमलद्युतिरकल्मष मानसेन ।तस्याऽविलम्बमनवद्यमनल्पकल्पमल्पैर्दिनैः सृजसि सुन्दरि! वाग्विलासम् ॥ १९॥

dhyātā'si haimavati! yena himāṃśuraśmimālā'maladyutirakalmaṣa mānasena |tasyā'vilambamanavadyamanalpakalpamalpairdinaiḥ sṛjasi sundari! vāgvilāsam || 19||

आधारमारुतनिरोधवशेन येषांसिन्दूररञ्जितसरोजगुणानुकारि ।दीप्तं हृदि स्फुरति देवि! वपुस्त्वदीयं (तीव्रं हृदि)ध्यायन्ति तानिह समीहितसिद्धसाध्याः ॥ २०॥

ādhāramārutanirodhavaśena yeṣāṃsindūrarañjitasarojaguṇānukāri |dīptaṃ hṛdi sphurati devi! vapustvadīyaṃ (tīvraṃ hṛdi)dhyāyanti tāniha samīhitasiddhasādhyāḥ || 20||

त्वामैन्दवीमिव कलामनुभालदेशमुद्भासिताम्बरतलामवलोकयन्तः ।सद्यो भवानि! सुधियः कवयो भवन्तित्वं भावनाहितधियां कुल कामधेनुः ॥ २१॥

tvāmaindavīmiva kalāmanubhāladeśamudbhāsitāmbaratalāmavalokayantaḥ |sadyo bhavāni! sudhiyaḥ kavayo bhavantitvaṃ bhāvanāhitadhiyāṃ kula kāmadhenuḥ || 21||

त्वां व्यापिनीति समना इति कुण्डलीतित्वां कामिनीति कमलेति कलावतीति ।त्वां मालिनीति ललितेत्यपराजितेतिदेवि! स्तुवन्ति विजयेति जयेत्युमेति ॥ २२॥

tvāṃ vyāpinīti samanā iti kuṇḍalītitvāṃ kāminīti kamaleti kalāvatīti |tvāṃ mālinīti lalitetyaparājitetidevi! stuvanti vijayeti jayetyumeti || 22||

ये चिन्तयन्त्यरुणमण्डलमध्यवर्तिरूपं तवाम्ब! नवयावकपङ्कपिङ्गम् ।तेषां सदैव कुसुमायुधबाणभिन्नवक्षःस्थला मृगदृशो वशगा भवन्ति ॥ २३॥

ye cintayantyaruṇamaṇḍalamadhyavartirūpaṃ tavāmba! navayāvakapaṅkapiṅgam |teṣāṃ sadaiva kusumāyudhabāṇabhinnavakṣaḥsthalā mṛgadṛśo vaśagā bhavanti || 23||

उत्तप्तहेमरुचिरे त्रिपुरे! पुनीहिचेतश्चिरन्तनमघौघवनं लुनीहि ।कारागृहे निगडबन्धनपीडितस्यत्वत्संस्मृतौ झटिति मे निगडास्त्रुटन्तु ॥ २४॥

uttaptahemarucire tripure! punīhicetaścirantanamaghaughavanaṃ lunīhi |kārāgṛhe nigaḍabandhanapīḍitasyatvatsaṃsmṛtau jhaṭiti me nigaḍāstruṭantu || 24||