बालानीराजनम् Shri Bala Nirajanam

जय बाले त्रिपुरे जय बाले जय त्रिपुरे ।द्वेधा विधृतशरीरे शिवशक्त्याकारे ॥ १॥

jaya bāle tripure jaya bāle jaya tripure |dvedhā vidhṛtaśarīre śivaśaktyākāre || 1||

अरुणकिरणनिभासे बहुकृतविश्वासे ।मौक्तिकशोभितनासे कमलमुकुलवासे ॥ २॥

aruṇakiraṇanibhāse bahukṛtaviśvāse |mauktikaśobhitanāse kamalamukulavāse || 2||

निजशक्तिस्वविलासे दनुजकृतत्रासे ।शशिवदनाधरहासे भक्तार्पितरासे ॥ ३॥

nijaśaktisvavilāse danujakṛtatrāse |śaśivadanādharahāse bhaktārpitarāse || 3||

इन्दुविराजितभाले करधृतजपमाले ।भक्तं रक्षसि बाले करपुस्तकजाले ॥ ४॥

induvirājitabhāle karadhṛtajapamāle |bhaktaṃ rakṣasi bāle karapustakajāle || 4||

इतराभशयशीले नाशितभवजाले ।रत्नविभूषितमाले खलजनकृतकाले ॥ ५॥

itarābhaśayaśīle nāśitabhavajāle |ratnavibhūṣitamāle khalajanakṛtakāle || 5||

मुकुलाभस्तनभारे कण्ठार्पितहारे ।तारितभवाब्धिपारे श्रितमूलाधारे ॥ ६॥

mukulābhastanabhāre kaṇṭhārpitahāre |tāritabhavābdhipāre śritamūlādhāre || 6||

कर्णीरथकृतचारे जयसि निराकारे ।कामेश्यङ्काधारे भक्तहृदयसञ्चारे ॥ ७॥

karṇīrathakṛtacāre jayasi nirākāre |kāmeśyaṅkādhāre bhaktahṛdayasañcāre || 7||

आदौ वाग्भवबीजे मध्ये क्लीम्बीजे ।अन्ते सुशक्तिबीजे क्रीडसि हृदि निर्बीजे ॥ ८॥

ādau vāgbhavabīje madhye klīmbīje |ante suśaktibīje krīḍasi hṛdi nirbīje || 8||

मञ्जीरध्वनिमण्डितमृदुतरशुभचरणे ।रमतां मम चित्तमिदं तव पूजनकरणे ॥ ९॥

mañjīradhvanimaṇḍitamṛdutaraśubhacaraṇe |ramatāṃ mama cittamidaṃ tava pūjanakaraṇe || 9||

तव नीराजनकरणं भवसागरतरणम् ।बाले भव मम शरणम् । बाले भव शरणम् ॥ १०॥

tava nīrājanakaraṇaṃ bhavasāgarataraṇam |bāle bhava mama śaraṇam | bāle bhava śaraṇam || 10||