बालानामस्मरणपूर्वकस्वरूपध्यानम् Shri Bala Namasmaranapurvakasvarupa Dhyanam

कल्याणी त्रिपुरा बाला माया त्रिपुरसुन्दरी ।सुन्दरी सर्वसौभाग्यवती ह्रीङ्काररूपिणी ॥ १॥

kalyāṇī tripurā bālā māyā tripurasundarī |sundarī sarvasaubhāgyavatī hrīṅkārarūpiṇī || 1||

ऐङ्कारी सर्वजननी क्लीङ्कारी परमेश्वरी ।सौःकारी सर्वशक्त्याढ्या त्र्यक्षरी दिव्यगन्धिनी ॥ २॥

aiṅkārī sarvajananī klīṅkārī parameśvarī |sauḥkārī sarvaśaktyāḍhyā tryakṣarī divyagandhinī || 2||

संविदानन्दलहरी श्रीविद्या त्रिपुरेश्वरी ।गुप्ता गुत्पतरा नित्या नित्या षोडशकावृता ॥ ३॥

saṃvidānandalaharī śrīvidyā tripureśvarī |guptā gutpatarā nityā nityā ṣoḍaśakāvṛtā || 3||

भक्तानुरक्ता रक्ताङ्गी शिवा सर्वारुणा शुभा ।मोहिनी परमानन्दा कामेशी तरुणी कला ॥ ४॥

bhaktānuraktā raktāṅgī śivā sarvāruṇā śubhā |mohinī paramānandā kāmeśī taruṇī kalā || 4||

पद्मावती भगवती पद्मरागकिरीटिनी ।रक्तवस्त्रा रक्तभूषा रक्तगन्धानुलेपना ॥ ५॥

padmāvatī bhagavatī padmarāgakirīṭinī |raktavastrā raktabhūṣā raktagandhānulepanā || 5||

सौगन्धिकमिलद्वेणी मन्त्रिणी मन्त्रपुष्पिणी ।तत्त्वासना तत्त्वमयी सिद्धान्तःपुरवासिनी ॥ ६॥

saugandhikamiladveṇī mantriṇī mantrapuṣpiṇī |tattvāsanā tattvamayī siddhāntaḥpuravāsinī || 6||

श्रीवाणीड्या महादेवी कौलिनी परदेवता ।कैवल्यरेखा वशिनी सर्वेशी सर्वमङ्गला ॥ ७॥

śrīvāṇīḍyā mahādevī kaulinī paradevatā |kaivalyarekhā vaśinī sarveśī sarvamaṅgalā || 7||

नारायणी वेदवेद्या सर्वसम्पत्प्रदा सती ।चतुर्भुजा चन्द्रचूडा पुराणागमबोधिता ॥ ८॥

nārāyaṇī vedavedyā sarvasampatpradā satī |caturbhujā candracūḍā purāṇāgamabodhitā || 8||

भूतेश्वरी भूतमयी पञ्चाशद्वर्णरूपिणी ।सर्वमङ्गलमाङ्गल्या कामाक्षी कामदायिनी ॥ ९॥

bhūteśvarī bhūtamayī pañcāśadvarṇarūpiṇī |sarvamaṅgalamāṅgalyā kāmākṣī kāmadāyinī || 9||

किङ्करीभूतगीर्वाणी सुधापानविनोदिनी ।आधारवीथीपथिका स्वाधिष्ठानसमाश्रिता ॥ १०॥

kiṅkarībhūtagīrvāṇī sudhāpānavinodinī |ādhāravīthīpathikā svādhiṣṭhānasamāśritā || 10||

मणिपूरसमासीना अनाहतनिवासिनी ।विशुद्धिचक्रनिलया आज्ञाचक्रनिवासिनी ॥ ११॥

maṇipūrasamāsīnā anāhatanivāsinī |viśuddhicakranilayā ājñācakranivāsinī || 11||

अष्टत्रिंशत्कलामूर्तिः सुषुम्नागारमध्यगा ।योगीश्वरमुनिध्येया परब्रह्मस्वरूपिणी ॥ १२॥

aṣṭatriṃśatkalāmūrtiḥ suṣumnāgāramadhyagā |yogīśvaramunidhyeyā parabrahmasvarūpiṇī || 12||

दिक्पालशक्तिसंयुक्ता सर्वाशापरिपूरका ।अनङ्गकुसुमादीड्या वाग्देव्यष्टकसंवृता ॥ १३॥

dikpālaśaktisaṃyuktā sarvāśāparipūrakā |anaṅgakusumādīḍyā vāgdevyaṣṭakasaṃvṛtā || 13||

सर्वसौभाग्यदेशानी मात्रष्टकसमावृता ।भैरवष्टकसंसेव्या सर्वाभीष्टार्थसाधिका ॥ १४॥

sarvasaubhāgyadeśānī mātraṣṭakasamāvṛtā |bhairavaṣṭakasaṃsevyā sarvābhīṣṭārthasādhikā || 14||

योगिनीषट्कसंसेव्या सर्वरक्षाकराधिपा ।रतिप्रीतिविजयाख्यत्रिशक्तिगुरुसेविता ॥ १५॥

yoginīṣaṭkasaṃsevyā sarvarakṣākarādhipā |ratiprītivijayākhyatriśaktigurusevitā || 15||

सर्वसिद्धिप्रदेशानी सर्वानन्दमयाधिपा ।रहःपूजासमालोला बिन्दुस्थलमनोहरा ॥ १६॥

sarvasiddhipradeśānī sarvānandamayādhipā |rahaḥpūjāsamālolā bindusthalamanoharā || 16||

त्रिकोणमध्यनिलया षट्कोणपुरवासिनी ।वसुपत्रद्वयावासा भूपुरद्वयमध्यगा ॥ १७॥

trikoṇamadhyanilayā ṣaṭkoṇapuravāsinī |vasupatradvayāvāsā bhūpuradvayamadhyagā || 17||

शिवकामेश्वराङ्कस्थकामेश्वर्यङ्कवासिनी ।कामेश्वरीसमाकारा फुल्लकल्हारमध्यगा ॥ १८॥

śivakāmeśvarāṅkasthakāmeśvaryaṅkavāsinī |kāmeśvarīsamākārā phullakalhāramadhyagā || 18||

पुस्तकाभीतिवरदजपमालालसत्करा ।तरुणारुणदेहाभा दिव्याभरणभूषिता ॥ १९॥

pustakābhītivaradajapamālālasatkarā |taruṇāruṇadehābhā divyābharaṇabhūṣitā || 19||

बन्धूककुसुमप्रख्या बाललीलाविनोदिनी ।काश्मीरकर्दमालिप्ततनुच्छायाविराजिता ॥ २०॥

bandhūkakusumaprakhyā bālalīlāvinodinī |kāśmīrakardamāliptatanucchāyāvirājitā || 20||

सपर्याचारनिरतगुरुमण्डलसेविता ।चतुर्वर्गप्रदानोत्क नित्यकल्याणरूपिणी ॥ २१॥

saparyācāraniratagurumaṇḍalasevitā |caturvargapradānotka nityakalyāṇarūpiṇī || 21||

एवं ध्याता हृदि सदा पराम्बा बालरूपिणी ।देवि ! भाग्यवशादत्र सन्निधत्से चिदाकृतिः ॥ २२॥

evaṃ dhyātā hṛdi sadā parāmbā bālarūpiṇī |devi ! bhāgyavaśādatra sannidhatse cidākṛtiḥ || 22||

इति श्रीबालानामस्मरणपूर्वकस्वरूपध्यानं सम्पूर्णम् ।

iti śrībālānāmasmaraṇapūrvakasvarūpadhyānaṃ sampūrṇam |