बालाकर्पूरस्तोत्रम् Shri Bala Karpura Stotram

कर्पूराभेन्दुगौरां शशिसकलधरां रक्तपद्मासनस्थांविद्यापात्राक्षमुद्राधृतकरकमलां त्वां स्मरन्सन् त्रिलक्षम् ।जप्त्वा चन्द्रार्धभूषं सुरुचिरमधरं बीजमाद्यं तवेदंहुत्वा पञ्चात्पलाशैः स भवति कविराड् देवि बाले महेशि ॥ १॥

karpūrābhendugaurāṃ śaśisakaladharāṃ raktapadmāsanasthāṃvidyāpātrākṣamudrādhṛtakarakamalāṃ tvāṃ smaransan trilakṣam |japtvā candrārdhabhūṣaṃ suruciramadharaṃ bījamādyaṃ tavedaṃhutvā pañcātpalāśaiḥ sa bhavati kavirāḍ devi bāle maheśi || 1||

हस्ताब्जैः पात्रपाशाङ्कुशकुसुमधनुर्बीजपूरां दधानांरक्तां त्वां संस्मरन्सन् प्रजपति मनुजो यस्त्रिलक्षं भवानि ।वामाक्षी चन्द्रसंस्थं क्षितिसहितविधिं कामबीजं तवेदंचन्द्रैर्हुत्वा दशांशं स नयति सकलान् वश्यतां सर्वदैव ॥ २॥

hastābjaiḥ pātrapāśāṅkuśakusumadhanurbījapūrāṃ dadhānāṃraktāṃ tvāṃ saṃsmaransan prajapati manujo yastrilakṣaṃ bhavāni |vāmākṣī candrasaṃsthaṃ kṣitisahitavidhiṃ kāmabījaṃ tavedaṃcandrairhutvā daśāṃśaṃ sa nayati sakalān vaśyatāṃ sarvadaiva || 2||

विद्याक्षज्ञानमुद्राऽमृतकलशधरां त्वां मनोज्ञां किशोरींस्मेरां ध्यायंस्त्रिनेत्रां शशधरधवलां यो जपेद्वै त्रिलक्षम् ।जीवं सङ्कर्षणाढ्यं तव सुरनमिते सर्गयुक्तं सुबीजंहुत्वाऽन्ते मालतीभिर्भवति स ललिते श्रीयुतो भोगवांश्च ॥ ३॥

vidyākṣajñānamudrā'mṛtakalaśadharāṃ tvāṃ manojñāṃ kiśorīṃsmerāṃ dhyāyaṃstrinetrāṃ śaśadharadhavalāṃ yo japedvai trilakṣam |jīvaṃ saṅkarṣaṇāḍhyaṃ tava suranamite sargayuktaṃ subījaṃhutvā'nte mālatībhirbhavati sa lalite śrīyuto bhogavāṃśca || 3||

ध्यायंस्त्वां पुस्तक्लाक्षाभयवरदकरां लोहिताभां कुमारींकश्चिद्यः साधकेन्द्रो जपति कुलविधौ प्रत्यहं षट्सहस्रम् ।मातर्वाङ्मारशक्तिप्रयुतमनुमिमं त्र्यक्षरं त्रैपुरं तेभुक्त्वा भोगाननेकान् जननि स लभतेऽवश्यमेवाष्टसिद्धीः ॥ ४॥

dhyāyaṃstvāṃ pustaklākṣābhayavaradakarāṃ lohitābhāṃ kumārīṃkaścidyaḥ sādhakendro japati kulavidhau pratyahaṃ ṣaṭsahasram |mātarvāṅmāraśaktiprayutamanumimaṃ tryakṣaraṃ traipuraṃ tebhuktvā bhogānanekān janani sa labhate'vaśyamevāṣṭasiddhīḥ || 4||

आरक्तां कान्तदोर्भ्यां मणिचषकमथो रत्नपद्मं दधानांवाङ्मायाश्रीयुतान्यं मनुमयि ललिते तत्त्वलक्षं जपेद्यः ।ध्यायन् रूपं त्वदीयं तदनु च हवनं पायसान्नैः प्रकुर्याद्योगीशस्तत्त्ववेत्ता परशिवमहिले भूतले जायते सः ॥ ५॥

āraktāṃ kāntadorbhyāṃ maṇicaṣakamatho ratnapadmaṃ dadhānāṃvāṅmāyāśrīyutānyaṃ manumayi lalite tattvalakṣaṃ japedyaḥ |dhyāyan rūpaṃ tvadīyaṃ tadanu ca havanaṃ pāyasānnaiḥ prakuryādyogīśastattvavettā paraśivamahile bhūtale jāyate saḥ || 5||

वाणी चेटी रमा वाग्भवमथ मदनः शक्तिबीजं च षड्भिःएतैश्चन्द्रार्धचूडे भवति तव महामन्त्रराजः षडर्णः ।जप्त्वैनं साधको यः स्मरहरदयिते भक्तितस्त्वामुपास्तेविद्यैश्वर्याणि भुक्त्वा तदनु स लभते दिव्यसायुज्यमुक्तिम् ॥ ६॥

vāṇī ceṭī ramā vāgbhavamatha madanaḥ śaktibījaṃ ca ṣaḍbhiḥetaiścandrārdhacūḍe bhavati tava mahāmantrarājaḥ ṣaḍarṇaḥ |japtvainaṃ sādhako yaḥ smaraharadayite bhaktitastvāmupāstevidyaiśvaryāṇi bhuktvā tadanu sa labhate divyasāyujyamuktim || 6||

महाबिन्दुः शुद्धो जननि नवयोन्यन्तरगतोभवेदेतद्बाह्ये वसुछदनपद्मं सुरुचिरम् ।ततो वेदद्वारं भवति तव यन्त्रं गिरिसुतेतदस्मिन् त्वां ध्यायेत् कहरिहररुद्रेश्वरपदाम् ॥ ७॥

mahābinduḥ śuddho janani navayonyantaragatobhavedetadbāhye vasuchadanapadmaṃ suruciram |tato vedadvāraṃ bhavati tava yantraṃ girisutetadasmin tvāṃ dhyāyet kaharihararudreśvarapadām || 7||

नवीनादित्याभां त्रिनयनयुतां स्मेरवदनांमहाक्षस्रग्विद्याऽभयवरकरां रक्तवसनाम् ।किशोरीं त्वां ध्यायन्निजहृदयपद्मे परशिवेजपेन्मोक्षाप्त्यर्थं तदनु जुहुयात् किंशुकसुमैः ॥ ८॥

navīnādityābhāṃ trinayanayutāṃ smeravadanāṃmahākṣasragvidyā'bhayavarakarāṃ raktavasanām |kiśorīṃ tvāṃ dhyāyannijahṛdayapadme paraśivejapenmokṣāptyarthaṃ tadanu juhuyāt kiṃśukasumaiḥ || 8||

हृदम्भोजे ध्यायन् कनकसदृशामिन्दुमुकुटांत्रिनेत्रां स्मेरास्यां कमलमधुलुङ्गाङ्कितकराम् ।जपेद्दिग्लक्षं यस्तव मनुमयो देवि जुहुयात्सुपक्वैर्मालूरैरतुलधनवान् स प्रभवति ॥ ९॥

hṛdambhoje dhyāyan kanakasadṛśāmindumukuṭāṃtrinetrāṃ smerāsyāṃ kamalamadhuluṅgāṅkitakarām |japeddiglakṣaṃ yastava manumayo devi juhuyātsupakvairmālūrairatuladhanavān sa prabhavati || 9||

स्मरेद्धस्तैर्वेदाभयवरसुधाकुम्भधरिणींस्रवन्तीं पीयूषं धवलवसनामिन्दुशकलाम् ।सुविद्याप्त्यै मन्त्रं तव हरनुते लक्षनवकंजपेत्त्वां कर्पूरैरगरु सहितैरेव जुहुयात् ॥ १०॥

smareddhastairvedābhayavarasudhākumbhadhariṇīṃsravantīṃ pīyūṣaṃ dhavalavasanāminduśakalām |suvidyāptyai mantraṃ tava haranute lakṣanavakaṃjapettvāṃ karpūrairagaru sahitaireva juhuyāt || 10||

सहस्रारे ध्यायन् शशधरनिभां शुभ्रवसनांअकारादिक्षान्तावयवयुतरूपां शशिधराम् ।जपेद्भक्त्या मन्त्रं तव रससहस्रं प्रतिदिनंतथारोग्याप्त्यर्थं भगवति गुडूच्यैः प्रजुहुयात् ॥ ११॥

sahasrāre dhyāyan śaśadharanibhāṃ śubhravasanāṃakārādikṣāntāvayavayutarūpāṃ śaśidharām |japedbhaktyā mantraṃ tava rasasahasraṃ pratidinaṃtathārogyāptyarthaṃ bhagavati guḍūcyaiḥ prajuhuyāt || 11||

कुलज्ञः कश्चिद्यो यजति कुलपुष्पैः कुलविधौकुलागारे ध्यायन् कुलजननि ते मन्मथकलाम् ।षडर्णं पूर्वोक्तं जपति कुलमन्त्रं तव शिवेस जीवन्मुक्तः स्यादकुलकुलपङ्केरुहगते ॥ १२॥

kulajñaḥ kaścidyo yajati kulapuṣpaiḥ kulavidhaukulāgāre dhyāyan kulajanani te manmathakalām |ṣaḍarṇaṃ pūrvoktaṃ japati kulamantraṃ tava śivesa jīvanmuktaḥ syādakulakulapaṅkeruhagate || 12||

शिवे मद्यैर्मांसेश्चणकवटकैर्मीनसहितैःप्रकुर्वंश्चक्रार्चां सुकुलभगलिङ्गामृतरसैः ।बलिं शङ्कामोहादिकपशुगणान्यो विदधतित्रिकालज्ञो ज्ञानी स भवति महाभैरवसमः ॥ १३॥

śive madyairmāṃseścaṇakavaṭakairmīnasahitaiḥprakurvaṃścakrārcāṃ sukulabhagaliṅgāmṛtarasaiḥ |baliṃ śaṅkāmohādikapaśugaṇānyo vidadhatitrikālajño jñānī sa bhavati mahābhairavasamaḥ || 13||

मनोवाचागम्यामकुलकुलगम्यां परशिवांस्तवीमि त्वां मातः कथमहमहो देवि जडधीः ।तथापि त्वद्भक्तिर्मुखरयति मां तद्विरचितंस्तवं क्षन्तव्यं मे त्रिपुरललिते दोषमधुना ॥ १४॥

manovācāgamyāmakulakulagamyāṃ paraśivāṃstavīmi tvāṃ mātaḥ kathamahamaho devi jaḍadhīḥ |tathāpi tvadbhaktirmukharayati māṃ tadviracitaṃstavaṃ kṣantavyaṃ me tripuralalite doṣamadhunā || 14||

अनुष्ठानध्यानार्चामनु समुद्धारणयुतंशिवे ते कर्पूरस्तवमिति पठेदर्चनपरः ।स योगी भोगी स्यात् स हि निखिलशास्त्रेषु निपुणःयमोऽन्यो वैरीणां विलसति सदा कल्पतरुवत् ॥ १५॥

anuṣṭhānadhyānārcāmanu samuddhāraṇayutaṃśive te karpūrastavamiti paṭhedarcanaparaḥ |sa yogī bhogī syāt sa hi nikhilaśāstreṣu nipuṇaḥyamo'nyo vairīṇāṃ vilasati sadā kalpataruvat || 15||

बालां बालदिवाकरद्युतिनिभां पद्मासने संस्थितांपञ्चप्रेतमयाम्बुजासनगतां वाग्वादिनीरूपिणीम् ।चन्द्रार्कानलभूषितत्रिनयनां चन्द्रावतंसान्वितांविद्याक्षाभयधारिणीं वरकरां वन्दे परामम्बिकाम् ॥ १६॥

bālāṃ bāladivākaradyutinibhāṃ padmāsane saṃsthitāṃpañcapretamayāmbujāsanagatāṃ vāgvādinīrūpiṇīm |candrārkānalabhūṣitatrinayanāṃ candrāvataṃsānvitāṃvidyākṣābhayadhāriṇīṃ varakarāṃ vande parāmambikām || 16||

इति श्रीपरातन्त्रान्तर्गतं श्रीबालाकर्पूरस्तोत्रं सम्पूर्णम् ।

iti śrīparātantrāntargataṃ śrībālākarpūrastotraṃ sampūrṇam |