बालाहृदयम् २ Shri Bala Hridayam 2

अस्य श्रीबालादेव्या हृदयमहामन्त्रस्य सदाशिवः ऋषिः ।अनुष्टुप्छन्दः । बालात्रिपुरसुन्दरी देवता ।न्यासा मूलमन्त्रवत् ।ध्यानम्वन्दे देवीं शिवां बालां भास्वन्मण्डलमध्यगाम् ।चञ्चच्चन्द्राननां तप्तचामीकरसमप्रभाम् ॥ १॥

asya śrībālādevyā hṛdayamahāmantrasya sadāśivaḥ ṛṣiḥ |anuṣṭupchandaḥ | bālātripurasundarī devatā |nyāsā mūlamantravat |dhyānamvande devīṃ śivāṃ bālāṃ bhāsvanmaṇḍalamadhyagām |cañcaccandrānanāṃ taptacāmīkarasamaprabhām || 1||

नृत्यत्खञ्ननेत्रस्य लोचनात्यन्तवल्लभाम् ।मध्यभागे लसत्काञ्ची मणिमुक्ताविनिर्मिताम् ॥ २॥

nṛtyatkhañnanetrasya locanātyantavallabhām |madhyabhāge lasatkāñcī maṇimuktāvinirmitām || 2||

पदविन्यस्तहंसालीं शुकनासाविराजिताम् ।करिशुण्डोरुयुगलां मत्तकोकिलनिः स्वानाम् ॥ ३॥

padavinyastahaṃsālīṃ śukanāsāvirājitām |kariśuṇḍoruyugalāṃ mattakokilaniḥ svānām || 3||

पुस्तकं जपमालाञ्च वरदाभयपाणिनीम् ।कुमारीवेशशोभाढ्यां कुमारीवृन्दमण्डिताम् ॥ ४॥

pustakaṃ japamālāñca varadābhayapāṇinīm |kumārīveśaśobhāḍhyāṃ kumārīvṛndamaṇḍitām || 4||

विद्रुमाधरशोभाढ्यां विद्रुमालिनखालिकाम् ।क्कणत्काञ्चीं कलानाथसमानरुचिराननाम् ॥ ५॥

vidrumādharaśobhāḍhyāṃ vidrumālinakhālikām |kkaṇatkāñcīṃ kalānāthasamānarucirānanām || 5||

मृणालबाहुलतिकां नानारत्नविराजिताम् ।करपद्मसमानाभां पादपद्मविराजिताम् ॥ ६॥

mṛṇālabāhulatikāṃ nānāratnavirājitām |karapadmasamānābhāṃ pādapadmavirājitām || 6||

चारुचाम्पेयवसनां देवदेवनमस्कृताम् ।चन्दनेन्दुविलप्ताङ्गीं रोमराजीविचित्रिताम् ॥ ७॥

cārucāmpeyavasanāṃ devadevanamaskṛtām |candanenduvilaptāṅgīṃ romarājīvicitritām || 7||

तिलपुष्पसमानाभां नासारत्नसमन्विताम् ।गजगण्डनितम्बाभां रम्भाजङ्घाविराजिताम् ॥ ८॥

tilapuṣpasamānābhāṃ nāsāratnasamanvitām |gajagaṇḍanitambābhāṃ rambhājaṅghāvirājitām || 8||

हरविष्णुमहेन्द्राद्यैः पूज्यश्रीपादपङ्कजाम् ।कल्याणीं कमलां कालीं कुञ्चिकां कमलेश्वरीम् ॥ ९॥

haraviṣṇumahendrādyaiḥ pūjyaśrīpādapaṅkajām |kalyāṇīṃ kamalāṃ kālīṃ kuñcikāṃ kamaleśvarīm || 9||

पावनीं परमां शक्तिं पवित्रां पावनीं शिवाम् ।भवानीं भवपाशघ्नीं भीतिहां भुवनेश्वरीम् ॥ १०॥

pāvanīṃ paramāṃ śaktiṃ pavitrāṃ pāvanīṃ śivām |bhavānīṃ bhavapāśaghnīṃ bhītihāṃ bhuvaneśvarīm || 10||

भवानीं भवशक्तिञ्च भेरुण्डां मुण्डमालिनीम् ।जलन्धरगिर्युत्सङ्गां पूर्णगिर्यनुरागिणीम् ॥ ११॥

bhavānīṃ bhavaśaktiñca bheruṇḍāṃ muṇḍamālinīm |jalandharagiryutsaṅgāṃ pūrṇagiryanurāgiṇīm || 11||

कामरूपां च कामाख्यां देवीकोटकृतालयाम् ।ओङ्कारपीठनिलयां महामायां महेश्वरीम् ॥ १२॥

kāmarūpāṃ ca kāmākhyāṃ devīkoṭakṛtālayām |oṅkārapīṭhanilayāṃ mahāmāyāṃ maheśvarīm || 12||

विश्वेश्वरीं च मधुरां नानारूपाकृतापुरीम् ।ऐं क्लीं सौः त्र्यक्षरां बालां तद्विलोमां कुमारिकाम् ॥ १३॥

viśveśvarīṃ ca madhurāṃ nānārūpākṛtāpurīm |aiṃ klīṃ sauḥ tryakṣarāṃ bālāṃ tadvilomāṃ kumārikām || 13||

ह्यैः ऐं हंसः नमो देवि त्रिपुरां जीवभैरवीम् ।नारदो यस्य देवर्षिः महाशान्तिफलप्रदाम् ॥ १४॥

hyaiḥ aiṃ haṃsaḥ namo devi tripurāṃ jīvabhairavīm |nārado yasya devarṣiḥ mahāśāntiphalapradām || 14||

ॐ नमो श्रीमहालक्ष्म्यै लक्ष्मीं त्रिपुरभैरवीम् ।ॐ ह्रीं जूं सः प्राणग्रन्थिः द्विधार्गकवचद्वयम् ॥ १५॥

oṃ namo śrīmahālakṣmyai lakṣmīṃ tripurabhairavīm |oṃ hrīṃ jūṃ saḥ prāṇagranthiḥ dvidhārgakavacadvayam || 15||

इयं सञ्जीविनी देवी मृतान् जीवत्वदायिनी ।फ्रेः फ्रं न फ ल व र यूं श्रों श्रों अमृतमावदेत् ॥ १६॥

iyaṃ sañjīvinī devī mṛtān jīvatvadāyinī |phreḥ phraṃ na pha la va ra yūṃ śroṃ śroṃ amṛtamāvadet || 16||

स्रावय स्रावय तथा व्रीं व्रीं मृत्युञ्जयाभिधा ।ॐ नमो प्रथममाभाष्य कालीबीजं द्विधा पठेत् ॥ १७॥

srāvaya srāvaya tathā vrīṃ vrīṃ mṛtyuñjayābhidhā |oṃ namo prathamamābhāṣya kālībījaṃ dvidhā paṭhet || 17||

कूर्चद्वयं तथा माया आगामिपदमावदेत् ।मृत्युं छिन्दि तथा भिन्दि महामृत्युञ्जयो भवेत् ॥ १८॥

kūrcadvayaṃ tathā māyā āgāmipadamāvadet |mṛtyuṃ chindi tathā bhindi mahāmṛtyuñjayo bhavet || 18||

तव शब्दं ममाभाष्य खड्गेन च विदारय ।द्विधा भाष्य महेशानि तदन्ते वह्निसुन्दरी ॥ १९॥

tava śabdaṃ mamābhāṣya khaḍgena ca vidāraya |dvidhā bhāṣya maheśāni tadante vahnisundarī || 19||

इयं देवी महाविद्या आगामि कालवञ्चिनी ।प्रातर्दीपदलाकारं वाग्भवं रसनातले ॥ २०॥

iyaṃ devī mahāvidyā āgāmi kālavañcinī |prātardīpadalākāraṃ vāgbhavaṃ rasanātale || 20||

विचिन्त्य प्रजपेतच्च महाकविर्भवेद्ध्रुवम् ।मध्याह्ने कामराजाख्यं जपाकुसुमसन्निभम् ॥ २१॥

vicintya prajapetacca mahākavirbhaveddhruvam |madhyāhne kāmarājākhyaṃ japākusumasannibham || 21||

विचिन्त्य हृदि मध्ये तु तच्च मन्त्रं जपेत्प्रिये ।धर्मार्थकाममोक्षाणां भाजनो जायते ध्रुवम् ॥ २२॥

vicintya hṛdi madhye tu tacca mantraṃ japetpriye |dharmārthakāmamokṣāṇāṃ bhājano jāyate dhruvam || 22||

तार्तीयं चन्द्रसङ्काशं सायङ्काले विचिन्त्य च ।प्रजपेत्तत्र देवेशि जायते मदनोपमः ॥ २३॥

tārtīyaṃ candrasaṅkāśaṃ sāyaṅkāle vicintya ca |prajapettatra deveśi jāyate madanopamaḥ || 23||

वाग्भवं कामराजं तु तार्तीयं वह्निवल्लभाम् ।अयुतं प्रजपेन्नित्यं आगामी कालो वञ्च्यते ॥ २४॥

vāgbhavaṃ kāmarājaṃ tu tārtīyaṃ vahnivallabhām |ayutaṃ prajapennityaṃ āgāmī kālo vañcyate || 24||

त्रिकोणं चक्रमालिख्य मायायुक्तं महेश्वरि ।तस्योपरि समास्तीर्य चासनं रक्तवर्णकम् ।तस्योपरि विशेद्देवि साधकः प्राङ्मुखो निशि ॥ २६॥

trikoṇaṃ cakramālikhya māyāyuktaṃ maheśvari |tasyopari samāstīrya cāsanaṃ raktavarṇakam |tasyopari viśeddevi sādhakaḥ prāṅmukho niśi || 26||

क्रमेण प्रजपेद्वर्णान् वागादि नियतः शुचिः ।मण्डलत्रितये देवि प्राप्यते सिद्धिरुत्तमा ॥ २७॥

krameṇa prajapedvarṇān vāgādi niyataḥ śuciḥ |maṇḍalatritaye devi prāpyate siddhiruttamā || 27||

नवयोन्यात्मकं चक्रं पूजयेच्छास्त्रवर्त्मना ।प्रजपेद् द्वयक्षरीं बालां सर्वसिद्धीश्वरो भवेत् ॥ २८॥

navayonyātmakaṃ cakraṃ pūjayecchāstravartmanā |prajaped dvayakṣarīṃ bālāṃ sarvasiddhīśvaro bhavet || 28||

यं यं चिन्तयते कामं तं तं प्राप्नोति सर्वशः ।इदं तु हृदयं देवि तवाग्रे कथितं मया ॥ २९॥

yaṃ yaṃ cintayate kāmaṃ taṃ taṃ prāpnoti sarvaśaḥ |idaṃ tu hṛdayaṃ devi tavāgre kathitaṃ mayā || 29||

मम भाग्यं च सर्वस्वं ब्रह्मादीनां च दुर्लभम् ।गोपनीयं त्वया भाद्रे स्वयोनिरिव पार्वति ॥ ३०॥

mama bhāgyaṃ ca sarvasvaṃ brahmādīnāṃ ca durlabham |gopanīyaṃ tvayā bhādre svayoniriva pārvati || 30||

शतवर्तेन देवेशि मानुषी वशमाप्नुयात् ।सहस्रावर्तनाद्देवि देवा वै वशमाप्नुयुः ॥ ३१॥

śatavartena deveśi mānuṣī vaśamāpnuyāt |sahasrāvartanāddevi devā vai vaśamāpnuyuḥ || 31||

लक्षमावर्तनाद्देवि शुनासीरः स्वकासनात् ।क्षणाच्च्यवति तत्र वै किं पुनः क्षुद्रजन्तवः ॥ ३२॥

lakṣamāvartanāddevi śunāsīraḥ svakāsanāt |kṣaṇāccyavati tatra vai kiṃ punaḥ kṣudrajantavaḥ || 32||

तस्मात्सर्वप्रयत्नेन ज्ञात्वा देवि जपेन्मनुम् ।सर्वसिद्धिमपाप्नोति सर्वदा सुखवान्भवेत् ॥ ३३॥

tasmātsarvaprayatnena jñātvā devi japenmanum |sarvasiddhimapāpnoti sarvadā sukhavānbhavet || 33||

(जालशम्बरमहातन्त्रे)पूजाङ्गत्वेन जपकाले मूलमन्त्रजपानन्तरं विग्रहादौ मूलमन्त्रेणदेवीमावाह्य यथोचितं आवाहनाद्युपचारान् कृत्वा पूजासमाप्तौ पुनःहृदयादिन्यासं भूर्भुवस्सुवरों इति दिग्बन्धं ध्यानं लमित्यादिपूजांकृत्वा मूलमन्त्रं यथाशक्ति जप्त्वा पुनः हृदयादिन्यासं भूर्भुवस्सुवरोंइति दिग्विमोकं लमित्यादि पञ्चपूजां च कृत्वा जपं देव्यग्रे समर्पयेत् ।इति श्रीबालाहृदयं (२) समाप्तम् ।

(jālaśambaramahātantre)pūjāṅgatvena japakāle mūlamantrajapānantaraṃ vigrahādau mūlamantreṇadevīmāvāhya yathocitaṃ āvāhanādyupacārān kṛtvā pūjāsamāptau punaḥhṛdayādinyāsaṃ bhūrbhuvassuvaroṃ iti digbandhaṃ dhyānaṃ lamityādipūjāṃkṛtvā mūlamantraṃ yathāśakti japtvā punaḥ hṛdayādinyāsaṃ bhūrbhuvassuvaroṃiti digvimokaṃ lamityādi pañcapūjāṃ ca kṛtvā japaṃ devyagre samarpayet |iti śrībālāhṛdayaṃ (2) samāptam |