बालाकवचम् १ Shri Bala Kavacham 1

वाग्भवः पातु शिरसि कामराजः सदा हृदि ।शक्तिबीजं सदा पातु नाभौ गुह्ये च पादयोः ॥ १॥

vāgbhavaḥ pātu śirasi kāmarājaḥ sadā hṛdi |śaktibījaṃ sadā pātu nābhau guhye ca pādayoḥ || 1||

ऐं क्लीं सौः वदने पातु बाला सर्वार्थसिद्धये ।जिह्वां पातु महाहंसी स्कन्धदेशे तु भैरवी ॥ २॥

aiṃ klīṃ sauḥ vadane pātu bālā sarvārthasiddhaye |jihvāṃ pātu mahāhaṃsī skandhadeśe tu bhairavī || 2||

सुन्दरी नाभिदेशं तु शिरसि कमला सदा ।भ्रुवौ नासाद्वयं पातु महात्रिपुरसुन्दरी ॥ ३॥

sundarī nābhideśaṃ tu śirasi kamalā sadā |bhruvau nāsādvayaṃ pātu mahātripurasundarī || 3||

ललाटे सुभगा पातु कण्ठदेशे तु मालिनी ।वाग्भवं पातु हृदये उदरे भगसर्पिणी ॥ ४॥

lalāṭe subhagā pātu kaṇṭhadeśe tu mālinī |vāgbhavaṃ pātu hṛdaye udare bhagasarpiṇī || 4||

भगमालिनी नाभिदेशे लिङ्गे पातु मनोभवा ।गुह्ये पातु महादेवी राजराजेश्वरी शिवा ॥ ५॥

bhagamālinī nābhideśe liṅge pātu manobhavā |guhye pātu mahādevī rājarājeśvarī śivā || 5||

चैतन्यरूपिणी पातु पादयोर्जगदम्बिका ।नारायणी सर्वगात्रे सर्वकाले शिवङ्करी ॥ ६॥

caitanyarūpiṇī pātu pādayorjagadambikā |nārāyaṇī sarvagātre sarvakāle śivaṅkarī || 6||

ब्रह्माणी पातु मां पूर्वे दक्षिणे पातु वैष्णवी ।पश्चिमे पातु वाराही उत्तरे तु महेश्वरी ॥ ७॥

brahmāṇī pātu māṃ pūrve dakṣiṇe pātu vaiṣṇavī |paścime pātu vārāhī uttare tu maheśvarī || 7||

आग्नेय्यां पातु कौमारी महालक्ष्मीस्तु नैरृते ।वायव्यां पातु चामुण्डा इन्द्राणी पातु ईशके ॥ ८॥

āgneyyāṃ pātu kaumārī mahālakṣmīstu nairṛte |vāyavyāṃ pātu cāmuṇḍā indrāṇī pātu īśake || 8||

आकाशे च महामाया पृथिव्यां सर्वमङ्गला ।आत्मानं पातु वरदा सर्वाङ्गे भुवनेश्वरी ॥ ९॥

ākāśe ca mahāmāyā pṛthivyāṃ sarvamaṅgalā |ātmānaṃ pātu varadā sarvāṅge bhuvaneśvarī || 9||

इति सिद्धयामलान्तर्गतं श्रीबालाकवचं सम्पूर्णम् ।

iti siddhayāmalāntargataṃ śrībālākavacaṃ sampūrṇam |