कालीस्तवनम् Kalistavanam

अथ द्विसप्ततितमः पटलःश्रीआनन्दभैरवी उवाचमहाकाल शिवानन्द परमानन्दनिर्भर ।त्रैलोक्यसिद्धिद प्राणवल्लभ श्रूयतां स्तवः ॥ ७२१॥

atha dvisaptatitamaḥ paṭalaḥśrīānandabhairavī uvācamahākāla śivānanda paramānandanirbhara |trailokyasiddhida prāṇavallabha śrūyatāṃ stavaḥ || 721||

शाकिनी हृदये भाति सा देवी जननी शिवा ।कालीति जगति ख्याता सा देवी हृदयस्थिता ॥ ७२२॥

śākinī hṛdaye bhāti sā devī jananī śivā |kālīti jagati khyātā sā devī hṛdayasthitā || 722||

निरञ्जना निराकारा नीलाञ्जनविकासिनी ।आद्या देवी कालिकाख्या केवला निष्कला शिवा ॥ ७२३॥

nirañjanā nirākārā nīlāñjanavikāsinī |ādyā devī kālikākhyā kevalā niṣkalā śivā || 723||

अनन्ताऽनन्तरूपस्था शाकिनी हृदयस्थिता ।तामसी तारिणी तारा महोग्रा नीलविग्रहा ॥ ७२४॥

anantā'nantarūpasthā śākinī hṛdayasthitā |tāmasī tāriṇī tārā mahogrā nīlavigrahā || 724||

कपाला मुण्डमालाढ्या शववाहनवाहना ।ललज्जिह्वा सरोजाक्षी चन्द्रकोटिसमोदया ॥ ७२५॥

kapālā muṇḍamālāḍhyā śavavāhanavāhanā |lalajjihvā sarojākṣī candrakoṭisamodayā || 725||

वाय्वग्निभूजलान्तस्था भवानी शून्यवासिनी ।तस्मात् स्तोत्रमप्रकाश्यं कृष्णकाल्याः कुलोदयम् ॥ ७२६॥

vāyvagnibhūjalāntasthā bhavānī śūnyavāsinī |tasmāt stotramaprakāśyaṃ kṛṣṇakālyāḥ kulodayam || 726||

श्रीकृष्णभगवत्याश्च नीलदेव्या कुलार्णवम् ।गोपनीयं प्रयत्नेन सावधानोऽवधारय ॥ ७२७॥

śrīkṛṣṇabhagavatyāśca nīladevyā kulārṇavam |gopanīyaṃ prayatnena sāvadhāno'vadhāraya || 727||

महाभैरवी उवाचश्रीकालीचरणं चराचरगुणं सौदामिनीस्तम्भनंगुञ्जद्गर्वगुरुप्रभानखमुखाह्लादैककृष्णासनम् ।प्रेतारण्यासननिर्मितामलकजा नन्दोपरिश्वासनंश्रीमन्नाथ करारविन्दमिलनं नेत्राञ्जनं राजते ॥ ७२८॥

mahābhairavī uvācaśrīkālīcaraṇaṃ carācaraguṇaṃ saudāminīstambhanaṃguñjadgarvaguruprabhānakhamukhāhlādaikakṛṣṇāsanam |pretāraṇyāsananirmitāmalakajā nandopariśvāsanaṃśrīmannātha karāravindamilanaṃ netrāñjanaṃ rājate || 728||

दीप्तिः प्राप्तिः समाप्तिः प्रियमतिसुगतिः सङ्गतिः शीतनीतौमिथ्यामिथ्यासुरथ्या नतिररतिसती जातिवृत्तिर्गुणोक्तिः ।व्यापारार्थी क्षुधार्थी वसति रतिपतिर्ज्योतिराकाशगङ्गाश्रीदुर्गाशम्भुकालीचरणकमलकं सर्वदा भाति सूक्ष्मम् ॥ ७२९॥

dīptiḥ prāptiḥ samāptiḥ priyamatisugatiḥ saṅgatiḥ śītanītaumithyāmithyāsurathyā natiraratisatī jātivṛttirguṇoktiḥ |vyāpārārthī kṣudhārthī vasati ratipatirjyotirākāśagaṅgāśrīdurgāśambhukālīcaraṇakamalakaṃ sarvadā bhāti sūkṣmam || 729||

देवेन्द्राः पञ्चभूता रविशशिमुकुटाः क्रोधवेतालकोलाःकैलासस्थाः प्रशस्ताः स्तवनमपि तत्प्रत्यहं सम्पठन्ति ।आत्मानं श्रीदकालीकुलचरणतलं हृत्कुलानन्दपद्मेध्यात्वा ध्यात्वा प्रवीरा अहमनुबहुधीः स्तौमि किं ध्याननिष्ठः ॥ ७२१०॥

devendrāḥ pañcabhūtā raviśaśimukuṭāḥ krodhavetālakolāḥkailāsasthāḥ praśastāḥ stavanamapi tatpratyahaṃ sampaṭhanti |ātmānaṃ śrīdakālīkulacaraṇatalaṃ hṛtkulānandapadmedhyātvā dhyātvā pravīrā ahamanubahudhīḥ staumi kiṃ dhyānaniṣṭhaḥ || 7210||

श्रुत्वा स्तोत्रगुणं तवैव चरणाम्भोजस्य वाञ्छाफलंप्रेच्छामीहयति प्रियाय कुरुते मोक्षाय तत्त्वार्थतः ।मातर्मोहिनिदानमानतरुणी कातीति मन्यामहेयोग्यश्रीचरणाम्बुजे त्रिजगतामानन्दपुञ्जे सुखम् ॥ ७२११॥

śrutvā stotraguṇaṃ tavaiva caraṇāmbhojasya vāñchāphalaṃprecchāmīhayati priyāya kurute mokṣāya tattvārthataḥ |mātarmohinidānamānataruṇī kātīti manyāmaheyogyaśrīcaraṇāmbuje trijagatāmānandapuñje sukham || 7211||

पुत्रौ श्रीदेवपूज्यौ प्रकुरुत इतिहासादिगूढार्थगुप्तिंश्यामे मातः प्रसन्ना भव वरदकरी कारणं देहि नित्यम् ।योगानन्दं शिवान्तः सुरतरुफलदं सर्ववेदान्तभाष्यंसत्सङ्गं सद्विवेकं कुरु कुरु कवितापञ्चभूतप्रकाशम् ॥ ७२१२॥

putrau śrīdevapūjyau prakuruta itihāsādigūḍhārthaguptiṃśyāme mātaḥ prasannā bhava varadakarī kāraṇaṃ dehi nityam |yogānandaṃ śivāntaḥ surataruphaladaṃ sarvavedāntabhāṣyaṃsatsaṅgaṃ sadvivekaṃ kuru kuru kavitāpañcabhūtaprakāśam || 7212||

आह्लादोद्रेककारी परमपदविदां प्रोल्बणार्थप्रकाशःप्रेष्यः पारार्थचिन्तामणिगुण सरलः पारणः प्रेमगानः ।सारात्मा श्रीस्तवोऽयं जयसुरवसतां शुक्रसंस्कारगन्तामन्ता मोहादिकानां सुरगणतरुणी कोटिभिर्ध्येय इन्द्रैः ॥ ७२१३॥

āhlādodrekakārī paramapadavidāṃ prolbaṇārthaprakāśaḥpreṣyaḥ pārārthacintāmaṇiguṇa saralaḥ pāraṇaḥ premagānaḥ |sārātmā śrīstavo'yaṃ jayasuravasatāṃ śukrasaṃskāragantāmantā mohādikānāṃ suragaṇataruṇī koṭibhirdhyeya indraiḥ || 7213||

नामग्रहणविमलपावनपुण्यजलनिधिमन्थनेन ।निर्मलचित्तगसुरगुणपारग सुखसुधाकरस्थितहास्येन ।योगधराधरनरवर कुञ्जरभुजयुगदीर्घपद्ममृणालेन ॥ ७२१४॥

nāmagrahaṇavimalapāvanapuṇyajalanidhimanthanena |nirmalacittagasuraguṇapāraga sukhasudhākarasthitahāsyena |yogadharādharanaravara kuñjarabhujayugadīrghapadmamṛṇālena || 7214||

हरिविधिहर अपरपरसरभावकपाल सेवनेन ।सुन्दरी काली चरणेन ॥ ७२१५॥

harividhihara aparaparasarabhāvakapāla sevanena |sundarī kālī caraṇena || 7215||

भास्वत्कोटिप्रचण्डानलगुणललिताभाविता सिद्धकालीप्रोक्तं यद्योगगीतावचनसुरचनामङ्गलं योगिनाद्या ।श्यामानन्दद्रुमाख्ये भजनयजनगङ्गाङ्गतीरप्रकाशंसर्वानन्दोत्सवत्वं वरदसुरवदासम्भवे मय्यभावे ॥ ७२१६॥

bhāsvatkoṭipracaṇḍānalaguṇalalitābhāvitā siddhakālīproktaṃ yadyogagītāvacanasuracanāmaṅgalaṃ yoginādyā |śyāmānandadrumākhye bhajanayajanagaṅgāṅgatīraprakāśaṃsarvānandotsavatvaṃ varadasuravadāsambhave mayyabhāve || 7216||

एतत्प्रथमे कुलं गुरुकुलं लावण्यलीलाकुलंप्राणानन्दकुलं कुलाकुलकुलं कालीकुलं सङ्कुलम् ।मातः कालियुगादि कौलिनि शिवे सर्वन्तराङ्गस्थितंनित्यं तत्र नियोजय श्रुतिगिरा श्रीधर्मपुत्रं भवे ॥ ७२१७॥

etatprathame kulaṃ gurukulaṃ lāvaṇyalīlākulaṃprāṇānandakulaṃ kulākulakulaṃ kālīkulaṃ saṅkulam |mātaḥ kāliyugādi kaulini śive sarvantarāṅgasthitaṃnityaṃ tatra niyojaya śrutigirā śrīdharmaputraṃ bhave || 7217||

हेरम्बादि कुलेशयोगजननि त्वं योगतत्त्वप्रियायद्येवं कुरुते पदाम्बुजरजो योगं तवानन्ददम् ।सः स्यात्सङ्कटपाटलारिसदनं जित्वा स्वयं मन्मथंश्रीमान्मन्मथमन्मथः प्रचयति ह्यष्टाङ्गयोगं परम् ॥ ७२१८॥

herambādi kuleśayogajanani tvaṃ yogatattvapriyāyadyevaṃ kurute padāmbujarajo yogaṃ tavānandadam |saḥ syātsaṅkaṭapāṭalārisadanaṃ jitvā svayaṃ manmathaṃśrīmānmanmathamanmathaḥ pracayati hyaṣṭāṅgayogaṃ param || 7218||

योगी याति परं पदं सुखपदं वाञ्छास्पदं सम्पदंत्रैलोक्यं परमेश्वरं यदि पुनः पारं भवाम्भोनिधेः ।भावं भूधरराजराजदुहिते ज्ञातं विचारं तवश्रीपादाम्बुजपूजनं प्रकुरुते ते नीरदप्रोज्ज्वले ॥ ७२१९॥

yogī yāti paraṃ padaṃ sukhapadaṃ vāñchāspadaṃ sampadaṃtrailokyaṃ parameśvaraṃ yadi punaḥ pāraṃ bhavāmbhonidheḥ |bhāvaṃ bhūdhararājarājaduhite jñātaṃ vicāraṃ tavaśrīpādāmbujapūjanaṃ prakurute te nīradaprojjvale || 7219||

आदावष्टाङ्गयोगं वदति भवसुखं भक्तिसिद्धान्तमेकंभूलोके पावनाख्यं पवनगमनगं श्रीनगेन्द्राङ्गजायाः ।सिद्धीनामष्टसिद्धिं यमनियमवशादासनप्राणयोगात्प्रत्याहारं विभोर्ध्वारुणगुणवसनं ध्यानमेवं समाधिम् ॥ ७२२०॥

ādāvaṣṭāṅgayogaṃ vadati bhavasukhaṃ bhaktisiddhāntamekaṃbhūloke pāvanākhyaṃ pavanagamanagaṃ śrīnagendrāṅgajāyāḥ |siddhīnāmaṣṭasiddhiṃ yamaniyamavaśādāsanaprāṇayogātpratyāhāraṃ vibhordhvāruṇaguṇavasanaṃ dhyānamevaṃ samādhim || 7220||

मातः शान्तिगुणावलम्बिनि शिवे शान्तिप्रदे योगिनांदारे देवगुणे विधेहि सकलं शान्तिक्रियामङ्गलम् ।यज्ञानामुदयं प्रयाति सहसा यस्याः प्रसादाद् भुवंतां सर्वां प्रवदामि कामदहनस्तम्भाय मोहक्षयात् ॥ ७२२१॥

mātaḥ śāntiguṇāvalambini śive śāntiprade yogināṃdāre devaguṇe vidhehi sakalaṃ śāntikriyāmaṅgalam |yajñānāmudayaṃ prayāti sahasā yasyāḥ prasādād bhuvaṃtāṃ sarvāṃ pravadāmi kāmadahanastambhāya mohakṣayāt || 7221||

एको जीवति योगिराडतिसुखी जीवन्ति न श्रीसुताःसर्वं योगभवं भवे विभवगाः पश्यन् स्वकीयायुषम् ।इत्येवं परिभाव्य सर्वविषयं शान्तिं समालम्ब्यकौमूले वेददलोज्ज्वले कुलपथे श्रीकुण्डलीं भावय ॥ ७२२२॥

eko jīvati yogirāḍatisukhī jīvanti na śrīsutāḥsarvaṃ yogabhavaṃ bhave vibhavagāḥ paśyan svakīyāyuṣam |ityevaṃ paribhāvya sarvaviṣayaṃ śāntiṃ samālambyakaumūle vedadalojjvale kulapathe śrīkuṇḍalīṃ bhāvaya || 7222||

शान्तिभ्रान्तिनिकृन्तनी स्वरमणी प्रेमोद्गता भक्तिदालावण्याम्बुधिरत्नकोटिकिरणाह्लादैकमूर्तिप्रभा ।एकाकारपराक्रमादपय मा क्रोधक्रमक्षोभिणीया मूलामलपङ्कजे रचयति श्रीमाधुरी तां भजे ॥ ७२२३॥

śāntibhrāntinikṛntanī svaramaṇī premodgatā bhaktidālāvaṇyāmbudhiratnakoṭikiraṇāhlādaikamūrtiprabhā |ekākāraparākramādapaya mā krodhakramakṣobhiṇīyā mūlāmalapaṅkaje racayati śrīmādhurī tāṃ bhaje || 7223||

रे रे पामर दुर्भग प्रतिदिनं किं कर्म वा राधसेव्यापारं विषयाश्रयं प्रकुरुषे न ध्यायसे श्रीपदम् ।मिथ्यैतत्क्षणभङ्गुरं त्यज मुदा संसारभावं विषंश्रीकालीं कुलपण्डितां गुणवतीं शान्तिं समाराधय ॥ ७२२४॥

re re pāmara durbhaga pratidinaṃ kiṃ karma vā rādhasevyāpāraṃ viṣayāśrayaṃ prakuruṣe na dhyāyase śrīpadam |mithyaitatkṣaṇabhaṅguraṃ tyaja mudā saṃsārabhāvaṃ viṣaṃśrīkālīṃ kulapaṇḍitāṃ guṇavatīṃ śāntiṃ samārādhaya || 7224||

शिवस्त्री या शान्तिः परमसुखदा भावजनिकाविवेकः सञ्जातो वहसि च तया भाति नियतम् ।विवेकोऽसौ त्यागी जनयति सुधासिन्धुसुन्दरमदो ब्रह्मज्ञानं परमममले योगिनिं परे ॥ ७२२५॥

śivastrī yā śāntiḥ paramasukhadā bhāvajanikāvivekaḥ sañjāto vahasi ca tayā bhāti niyatam |viveko'sau tyāgī janayati sudhāsindhusundaramado brahmajñānaṃ paramamamale yoginiṃ pare || 7225||

द्वयं ब्रह्मज्ञानं परमममले चागममयंविवेकोद्भूतं स्यादमलपरमं शब्दमपरम् ।द्वयोर्मूलीभूता हृदि सपदि शान्तिः प्रियतमाप्रभा कालीपादाम्बुजयुगलभक्तिप्रलयदा ॥ ७२२६॥

dvayaṃ brahmajñānaṃ paramamamale cāgamamayaṃvivekodbhūtaṃ syādamalaparamaṃ śabdamaparam |dvayormūlībhūtā hṛdi sapadi śāntiḥ priyatamāprabhā kālīpādāmbujayugalabhaktipralayadā || 7226||

कुलश्रीकुण्डल्याः परमरसभावं नवमयंपदं मातुः काल्याः प्रथमरविकान्त्याः सुखमयम् ।वदामि प्रोत्साहे वशषसशुभे हाटकनिभेविधिः श्रीडाकिन्याऽमरपतिधरित्रीति च भजेत् ॥ ७२२७॥

kulaśrīkuṇḍalyāḥ paramarasabhāvaṃ navamayaṃpadaṃ mātuḥ kālyāḥ prathamaravikāntyāḥ sukhamayam |vadāmi protsāhe vaśaṣasaśubhe hāṭakanibhevidhiḥ śrīḍākinyā'marapatidharitrīti ca bhajet || 7227||

त्रयं स्थानं नित्यं रविशशिकलावह्निघटितंमहातीर्थं सम्यक् पवनगगनस्थं भवकरम् ।विभिन्नं सङ्कृत्य द्वयमपि कुलग्रन्थिसहितंसुषुम्नाश्रीतीर्थे महति गगने पूर्णलयवान् ॥ ७२२८॥

trayaṃ sthānaṃ nityaṃ raviśaśikalāvahnighaṭitaṃmahātīrthaṃ samyak pavanagaganasthaṃ bhavakaram |vibhinnaṃ saṅkṛtya dvayamapi kulagranthisahitaṃsuṣumnāśrītīrthe mahati gagane pūrṇalayavān || 7228||

त्रयं संशोध्यादौ परमपदवीं गच्छति महान्सुदृष्टाङ्गैर्योगैः परिभवति शुद्धं मम तनुम् ।अतो योगाष्टाङ्गं कलुषसुखमुक्तं वितनुतेक्रियादौ सङ्कुर्याद्यमनियमकार्यं यतिवरः ॥ ७२२९॥

trayaṃ saṃśodhyādau paramapadavīṃ gacchati mahānsudṛṣṭāṅgairyogaiḥ paribhavati śuddhaṃ mama tanum |ato yogāṣṭāṅgaṃ kaluṣasukhamuktaṃ vitanutekriyādau saṅkuryādyamaniyamakāryaṃ yativaraḥ || 7229||

अहिंसासत्यार्थी प्रचयति सुयोगं तव पदंधनस्ते यद्योगी शुचिधृतिदयादाननिपुणः ।क्षमालध्वाहारी समगुणपरानन्दनिपुणःस्वयं सिद्धः सद्ब्राह्मणकुलपताकी सुखमयी ॥ ७२३०॥

ahiṃsāsatyārthī pracayati suyogaṃ tava padaṃdhanaste yadyogī śucidhṛtidayādānanipuṇaḥ |kṣamāladhvāhārī samaguṇaparānandanipuṇaḥsvayaṃ siddhaḥ sadbrāhmaṇakulapatākī sukhamayī || 7230||

तपः सन्तोषाढ्यो हरयजन आस्तिक्यमतिमान्यतीनां सिद्धान्तश्रवणहृदयप्राणविलयः ।जयानन्दामग्नो हवनमनलेपः प्रकुरुतेमहाभक्तः श्रीह्रीर्मतिरतिकुलीनस्तव पदः ॥ ७२३१॥

tapaḥ santoṣāḍhyo harayajana āstikyamatimānyatīnāṃ siddhāntaśravaṇahṛdayaprāṇavilayaḥ |jayānandāmagno havanamanalepaḥ prakurutemahābhaktaḥ śrīhrīrmatiratikulīnastava padaḥ || 7231||

सुषुम्नामुखाम्भोरुहाग्रे च पद्मंदलं चेदहेमाक्षरं मूलदेशे ।स्थिरापृष्ठवंशस्य मध्ये सुषुम्नान्तरे वज्रिणी चित्रिणीभासिपद्मैः ॥ ७२३२॥

suṣumnāmukhāmbhoruhāgre ca padmaṃdalaṃ cedahemākṣaraṃ mūladeśe |sthirāpṛṣṭhavaṃśasya madhye suṣumnāntare vajriṇī citriṇībhāsipadmaiḥ || 7232||

सुषुम्नादिनाड्या युगात् कर्णमूलात्प्रकाशप्रकाशा बहिर्युग्मनाडी ।इडा पिङ्गला वामभागे च दक्षेसुधांशूरवी राजसे तत्र नित्यम् ॥ ७२३३॥

suṣumnādināḍyā yugāt karṇamūlātprakāśaprakāśā bahiryugmanāḍī |iḍā piṅgalā vāmabhāge ca dakṣesudhāṃśūravī rājase tatra nityam || 7233||

विसर्गं बिन्द्वन्तं स्वगुणनिलयं त्वं जनयसित्वमेका कल्याणी गिरिशजननी कालिकलया ।परानन्दं कृत्वा यदि परिजपन्ति प्रियतमाःपरिक्षाल्य ज्ञानैरिह परिजयन्ति प्रियपदम् ॥ ७२३४॥

visargaṃ bindvantaṃ svaguṇanilayaṃ tvaṃ janayasitvamekā kalyāṇī giriśajananī kālikalayā |parānandaṃ kṛtvā yadi parijapanti priyatamāḥparikṣālya jñānairiha parijayanti priyapadam || 7234||

अष्टादशाङ्गुलगतं ऋजुदन्तकाष्ठंस्वीयाङ्गुलार्धघटितं प्रशरं शनैर्यः ।संयोज्य तालुरसनागलरन्ध्रमध्येदन्तीक्रियामुपचरेत् तव भावनाय ॥ ७२३५॥

aṣṭādaśāṅgulagataṃ ṛjudantakāṣṭhaṃsvīyāṅgulārdhaghaṭitaṃ praśaraṃ śanairyaḥ |saṃyojya tālurasanāgalarandhramadhyedantīkriyāmupacaret tava bhāvanāya || 7235||

नाडीक्षालनमाकरोति यतिराड् दण्डे त्रयं धारयन्युष्मच्छ्रीचरणार्पणो नवमदण्डस्यानिलस्तम्भनात् ।प्राणायामफलं यतिः प्रतिदिनं संवर्धते सुश्रमादानन्दाम्बुधिमज्जनं कुलरसैर्मुक्तो भवेत् तत्क्षणात् ॥ ७२३६॥

nāḍīkṣālanamākaroti yatirāḍ daṇḍe trayaṃ dhārayanyuṣmacchrīcaraṇārpaṇo navamadaṇḍasyānilastambhanāt |prāṇāyāmaphalaṃ yatiḥ pratidinaṃ saṃvardhate suśramādānandāmbudhimajjanaṃ kularasairmukto bhavet tatkṣaṇāt || 7236||

वदामि परमश्रिये पदपद्मयोगं शुभंहिताय जगतां मम प्रियगणस्य भागश्रिये ।सदा हि कुरुते नरः सकलयोगसिद्धिं मुदातदैव तव सेवको जननि मातरेकाक्षरम् ॥ ७२३७॥

vadāmi paramaśriye padapadmayogaṃ śubhaṃhitāya jagatāṃ mama priyagaṇasya bhāgaśriye |sadā hi kurute naraḥ sakalayogasiddhiṃ mudātadaiva tava sevako janani mātarekākṣaram || 7237||

करुणासागरे मग्नः सदा निर्मलतेजसा ।तवाङ्घ्रिकोमलाम्भोजं ध्यात्वा योगीश्वरो भवेत् ॥ ७२३८॥

karuṇāsāgare magnaḥ sadā nirmalatejasā |tavāṅghrikomalāmbhojaṃ dhyātvā yogīśvaro bhavet || 7238||

करुणासागरे मग्नो येन योगेन निर्मलःतद्योगं तव पादाब्जं को मूर्खः कः सुपण्डितः ॥ ७२३९॥

karuṇāsāgare magno yena yogena nirmalaḥtadyogaṃ tava pādābjaṃ ko mūrkhaḥ kaḥ supaṇḍitaḥ || 7239||

यमनियमसुकाले नेउलीयोगशिक्षाप्रभवति कफनाशा नाशरन्ध्रे त्रिसूत्री ।हृदयकफविनाशा धोतिका योगशिक्षागलविलगलवस्त्रं षष्टिहस्तं वहन्ती ॥ ७२४०॥

yamaniyamasukāle neulīyogaśikṣāprabhavati kaphanāśā nāśarandhre trisūtrī |hṛdayakaphavināśā dhotikā yogaśikṣāgalavilagalavastraṃ ṣaṣṭihastaṃ vahantī || 7240||

सुसूक्ष्मरसनस्य च स्वभुजषष्टिहस्तं गलप्रमाणमिति सन्ततप्रसरपञ्चयुग्माङ्गुलम् ।पवित्रशुचिधोतिकारं भवसि सर्वपीडापहास्वकण्ठकमलोदयाममलभीतदामा भजे ॥ ७२४१॥

susūkṣmarasanasya ca svabhujaṣaṣṭihastaṃ galapramāṇamiti santataprasarapañcayugmāṅgulam |pavitraśucidhotikāraṃ bhavasi sarvapīḍāpahāsvakaṇṭhakamalodayāmamalabhītadāmā bhaje || 7241||

भजति यदि कुमारीं नेउली योगदृष्ट्यास भवति परवेत्ता मोहजालं छिनत्ति ।स्मितमुखि भवति त्वां मूढ एवातिजीवोभ्रमितमुदवधूर्ना कारसिद्धिं ददासि ॥ ७२४२॥

bhajati yadi kumārīṃ neulī yogadṛṣṭyāsa bhavati paravettā mohajālaṃ chinatti |smitamukhi bhavati tvāṃ mūḍha evātijīvobhramitamudavadhūrnā kārasiddhiṃ dadāsi || 7242||

शनैर्दन्ती योगं स्वपदयुगपद्मे वितनुतेशिवे योगी मासादपि भवति वायुं स्थगयति ।असौ मन्त्री चाम्रातकदलं सुदण्डं गलविलेनियोज्यादौ ध्यात्वा तव चरणपङ्केरुहतलम् ॥ ७२४३॥

śanairdantī yogaṃ svapadayugapadme vitanuteśive yogī māsādapi bhavati vāyuṃ sthagayati |asau mantrī cāmrātakadalaṃ sudaṇḍaṃ galavileniyojyādau dhyātvā tava caraṇapaṅkeruhatalam || 7243||

कुलाकुलचेतता परिकरोषि विल्वच्छदीसुशान्तिगुणदा जया परमभक्तिनिर्गुण्डिका ।मुकुन्दतुलसी प्रिया गुणिनि मुक्तिदा योगिनीददास्यमरसम्पदं दलवियोगमूर्ध्वोदरीम् ॥ ७२४४॥

kulākulacetatā parikaroṣi vilvacchadīsuśāntiguṇadā jayā paramabhaktinirguṇḍikā |mukundatulasī priyā guṇini muktidā yoginīdadāsyamarasampadaṃ dalaviyogamūrdhvodarīm || 7244||

पञ्चामरासाधनयोगकर्त्री पञ्चामरानाम महौषधिः स्थिता ।त्वमेव सर्वेश्वररूपधारिणी यैः पूज्यते सोऽहिकपारमेष्ठी ॥ ७२४५॥

pañcāmarāsādhanayogakartrī pañcāmarānāma mahauṣadhiḥ sthitā |tvameva sarveśvararūpadhāriṇī yaiḥ pūjyate so'hikapārameṣṭhī || 7245||

पठति यदि भवान्याः शाकिनीदेहदेव्याःस्तवनमरुणवर्णामार्कलक्ष्म्याः प्रकाशम् ।व्रजति परमराज्यं देवपूज्यः प्रतिष्ठोमनुजपनसुशीलो लीलया शम्भुरूपम् ॥ ७२४६॥

paṭhati yadi bhavānyāḥ śākinīdehadevyāḥstavanamaruṇavarṇāmārkalakṣmyāḥ prakāśam |vrajati paramarājyaṃ devapūjyaḥ pratiṣṭhomanujapanasuśīlo līlayā śambhurūpam || 7246||

प्रातर्मध्याह्नकाले च सायाह्ने च त्रिसप्तके ।शतं पठित्वा मोक्षः स्यात् पुरश्चर्याफलं लभेत् ॥ ७२४७॥

prātarmadhyāhnakāle ca sāyāhne ca trisaptake |śataṃ paṭhitvā mokṣaḥ syāt puraścaryāphalaṃ labhet || 7247||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेषट्चक्रप्रकाशे भैरवीभैरवसंवादे शाकिनीकृत कालीस्तवनंनाम द्विसप्ततितमः पटलः ॥ ७२॥

iti śrīrudrayāmale uttaratantre mahātantroddīpane siddhamantraprakaraṇeṣaṭcakraprakāśe bhairavībhairavasaṃvāde śākinīkṛta kālīstavanaṃnāma dvisaptatitamaḥ paṭalaḥ || 72||

ऱुद्रयमल उत्तरतन्त्र।

rudrayamala uttaratantra|