महाशास्ताष्टकम् Shri Mahashasta Ashtakam

गजेन्द्रशार्दूल मृगेन्द्रवाहनंमुनीन्द्रसंसेवित पादपङ्कजम् ।देवीद्वयेनावृत पार्श्वयुग्मंशास्तारमाद्यं सततं नमामि ॥ १॥

gajendraśārdūla mṛgendravāhanaṃmunīndrasaṃsevita pādapaṅkajam |devīdvayenāvṛta pārśvayugmaṃśāstāramādyaṃ satataṃ namāmi || 1||

हरिहरभवमेकं सच्चिदानन्दरूपंभवभयहरपादं भावनागम्यमूर्तिम् ।सकलभुवनहेतुं सत्यधर्मानुकूलंश्रितजनकुलपालं धर्मशास्तारमीडे ॥ २॥

hariharabhavamekaṃ saccidānandarūpaṃbhavabhayaharapādaṃ bhāvanāgamyamūrtim |sakalabhuvanahetuṃ satyadharmānukūlaṃśritajanakulapālaṃ dharmaśāstāramīḍe || 2||

हरिहरसुतमीशं वीरवर्यं सुरेशंकलियुगभवभीतिध्वंसलीलावतारम् ।जयविजयलक्ष्मी सुसंसृताजानुबाहुंमलयगिरिनिवासं धर्मशास्तारमीडे ॥ ३॥

hariharasutamīśaṃ vīravaryaṃ sureśaṃkaliyugabhavabhītidhvaṃsalīlāvatāram |jayavijayalakṣmī susaṃsṛtājānubāhuṃmalayagirinivāsaṃ dharmaśāstāramīḍe || 3||

परशिवमयमीड्यं भूतनाथं मुनीन्द्रंकरधृतविकचाब्जं ब्रह्मपञ्चस्वरूपम् ।मणिमयसुकिरीटं मल्लिकापुष्पहारंवरवितरणशीलं धर्मशास्तारमीडे ॥ ४॥

paraśivamayamīḍyaṃ bhūtanāthaṃ munīndraṃkaradhṛtavikacābjaṃ brahmapañcasvarūpam |maṇimayasukirīṭaṃ mallikāpuṣpahāraṃvaravitaraṇaśīlaṃ dharmaśāstāramīḍe || 4||

हरिहरमयमाय बिम्बमादित्यकोटित्विषममलमुखेन्दुं सत्यसन्धं वरेण्यम् ।उपनिषदविभाव्यं ओंइतिध्यानगम्यंमुनिजनहृदि चिन्त्यं धर्मशास्तारमीडे ॥ ५॥

hariharamayamāya bimbamādityakoṭitviṣamamalamukhenduṃ satyasandhaṃ vareṇyam |upaniṣadavibhāvyaṃ oṃitidhyānagamyaṃmunijanahṛdi cintyaṃ dharmaśāstāramīḍe || 5||

कनकमय दुकूलं चन्दनार्द्रावसिक्तंसरसमृदुलहासं ब्राह्मणानन्दकारम् ।मधुरसमयपाणिं मारजीवातुलीलंसकलदुरितनाशं धर्मशास्तारमीडे ॥ ६॥

kanakamaya dukūlaṃ candanārdrāvasiktaṃsarasamṛdulahāsaṃ brāhmaṇānandakāram |madhurasamayapāṇiṃ mārajīvātulīlaṃsakaladuritanāśaṃ dharmaśāstāramīḍe || 6||

मुनिजनगणसेव्यं मुक्तिसाम्राज्यमूलंविदितसकलतत्वज्ञानमन्त्रोपदेशम् ।इहपरफलहेतुं तारकं ब्रह्मसंज्ञंषडरिमलविनाशं धर्मशास्तारमीडे ॥ ७॥

munijanagaṇasevyaṃ muktisāmrājyamūlaṃviditasakalatatvajñānamantropadeśam |ihaparaphalahetuṃ tārakaṃ brahmasaṃjñaṃṣaḍarimalavināśaṃ dharmaśāstāramīḍe || 7||

मधुरसफलमुख्यैः पायसैर्भक्ष्यजालैःदधिघृत परिपूर्णैरन्नदानैस्सन्तुष्टम् ।निजपदनमितानां नित्यवात्सल्यभावंहृदयकमलमध्ये धर्मशास्तारमीडे ॥ ८॥

madhurasaphalamukhyaiḥ pāyasairbhakṣyajālaiḥdadhighṛta paripūrṇairannadānaissantuṣṭam |nijapadanamitānāṃ nityavātsalyabhāvaṃhṛdayakamalamadhye dharmaśāstāramīḍe || 8||

भवगुणजनितानां भोगमोक्षाय नित्यंहरिहरभवदेवस्याष्टकं सन्निधौ यः ।पठति सकलभोगान् मुक्तिसाम्राज्यभाग्येभुविदिवि? च तस्मै नित्यतुष्टो ददाति ॥ ९॥

bhavaguṇajanitānāṃ bhogamokṣāya nityaṃhariharabhavadevasyāṣṭakaṃ sannidhau yaḥ |paṭhati sakalabhogān muktisāmrājyabhāgyebhuvidivi? ca tasmai nityatuṣṭo dadāti || 9||

इति श्रीमहाशास्ताष्टकं सम्पूर्णम् ।

iti śrīmahāśāstāṣṭakaṃ sampūrṇam |