हरिहरपुत्राष्टोत्तरशतनामस्तोत्रम् १ Shri Hariharaputrashtottarashatanama Stotram

अस्य श्रीहरिहरपुत्राष्टोत्तरशतनामस्तोत्रस्य ब्रह्मा ऋषिः । अनुष्टुप् छन्दः ।श्रीहरिहरपुत्रो देवता । ह्रीं बीजम् ।श्रीं शक्तिः । क्लीं कीलकम् ।श्रीहरिहरपुत्रप्रीत्यर्थे जपे विनियोगः ॥ह्रीं इत्यादिभिः षडङ्गन्यासः ॥ध्यानम् ॥त्रिगुणितमणिपद्मं वज्रमाणिक्यदण्डंसितसुमशरपाशमिक्षुकोदण्डकाण्डम् ।??घृतमधुपात्रं बिभ्रतं हस्तपद्मैःहरिहरसुतमीडे चक्रमन्त्रात्ममूर्तिम् ॥ॐ । महाशास्ता विश्वशास्ता लोकशास्ता तथैव च ।धर्मशास्ता वेदशास्ता कालशस्ता गजाधिपः ॥ १॥

asya śrīhariharaputrāṣṭottaraśatanāmastotrasya brahmā ṛṣiḥ | anuṣṭup chandaḥ |śrīhariharaputro devatā | hrīṃ bījam |śrīṃ śaktiḥ | klīṃ kīlakam |śrīhariharaputraprītyarthe jape viniyogaḥ ||hrīṃ ityādibhiḥ ṣaḍaṅganyāsaḥ ||dhyānam ||triguṇitamaṇipadmaṃ vajramāṇikyadaṇḍaṃsitasumaśarapāśamikṣukodaṇḍakāṇḍam |??ghṛtamadhupātraṃ bibhrataṃ hastapadmaiḥhariharasutamīḍe cakramantrātmamūrtim ||oṃ | mahāśāstā viśvaśāstā lokaśāstā tathaiva ca |dharmaśāstā vedaśāstā kālaśastā gajādhipaḥ || 1||

गजारूढो गणाध्यक्षो व्याघ्रारूढो महद्युतिः ।गोप्तागीर्वाणसंसेव्यो गतातङ्को गणाग्रणीः ॥ २॥

gajārūḍho gaṇādhyakṣo vyāghrārūḍho mahadyutiḥ |goptāgīrvāṇasaṃsevyo gatātaṅko gaṇāgraṇīḥ || 2||

ऋग्वेदरूपो नक्षत्रं चन्द्ररूपो बलाहकः ।दूर्वाश्यामो महारूपः क्रूरदृष्टिरनामयः ॥ ३॥

ṛgvedarūpo nakṣatraṃ candrarūpo balāhakaḥ |dūrvāśyāmo mahārūpaḥ krūradṛṣṭiranāmayaḥ || 3||

त्रिनेत्र उत्पलकरः कालहन्ता नराधिपः ।खण्डेन्दुमौळितनयः कल्हारकुसुमप्रियः ॥ ४॥

trinetra utpalakaraḥ kālahantā narādhipaḥ |khaṇḍendumauḷitanayaḥ kalhārakusumapriyaḥ || 4||

मदनो माधवसुतो मन्दारकुसुमर्चितः ।महाबलो महोत्साहो महापापविनाशनः ॥ ५॥

madano mādhavasuto mandārakusumarcitaḥ |mahābalo mahotsāho mahāpāpavināśanaḥ || 5||

महाशूरो महाधीरो महासर्पविभूषणः ।असिहस्तः शरधरो हालाहलधरात्मजः ॥ ६॥

mahāśūro mahādhīro mahāsarpavibhūṣaṇaḥ |asihastaḥ śaradharo hālāhaladharātmajaḥ || 6||

अर्जुनेशोऽग्निनयनश्चानङ्गमदनातुरः ।दुष्टग्रहाधिपः श्रीदः शिष्टरक्षणदीक्षितः ॥ ७॥

arjuneśo'gninayanaścānaṅgamadanāturaḥ |duṣṭagrahādhipaḥ śrīdaḥ śiṣṭarakṣaṇadīkṣitaḥ || 7||

कस्तूरीतिलको राजशेखरो राजसत्तमः ।राजराजार्चितो विष्णुपुत्रो वनजनाधिपः ॥ ८॥

kastūrītilako rājaśekharo rājasattamaḥ |rājarājārcito viṣṇuputro vanajanādhipaḥ || 8||

वर्चस्करोवररुचिर्वरदो वायुवाहनः ।वज्रकायः खड्गपाणिर्वज्रहस्तो बलोद्धतः ॥ ९॥

varcaskarovararucirvarado vāyuvāhanaḥ |vajrakāyaḥ khaḍgapāṇirvajrahasto baloddhataḥ || 9||

त्रिलोकज्ञश्चातिबलः पुष्कलो वृत्तपावनः ।पूर्णाधवः पुष्कलेशः पाशहस्तो भयापहः ॥ १०॥

trilokajñaścātibalaḥ puṣkalo vṛttapāvanaḥ |pūrṇādhavaḥ puṣkaleśaḥ pāśahasto bhayāpahaḥ || 10||

फट्काररूपः पापघ्नः पाषण्डरुधिराशनः ।पञ्चपाण्डवसन्त्राता परपञ्चाक्षराश्रितः ॥ ११॥

phaṭkārarūpaḥ pāpaghnaḥ pāṣaṇḍarudhirāśanaḥ |pañcapāṇḍavasantrātā parapañcākṣarāśritaḥ || 11||

पञ्चवक्त्रसुतः पूज्यः पण्डितः परमेश्वरः ।भवतापप्रशमनो भक्ताभीष्टप्रदायकः ॥ १२॥

pañcavaktrasutaḥ pūjyaḥ paṇḍitaḥ parameśvaraḥ |bhavatāpapraśamano bhaktābhīṣṭapradāyakaḥ || 12||

कविः कवीनामधिपः कृपाळुः क्लेशनाशनः ।समोऽरूपश्च सेनानिर्भक्तसम्पत्प्रदायकः ॥ १३॥

kaviḥ kavīnāmadhipaḥ kṛpāḷuḥ kleśanāśanaḥ |samo'rūpaśca senānirbhaktasampatpradāyakaḥ || 13||

व्याघ्रचर्मधरः शूली कपाली वेणुवादनः ।कम्बुकण्ठः कलरवः किरीटादिविभूषणः ॥ १४॥

vyāghracarmadharaḥ śūlī kapālī veṇuvādanaḥ |kambukaṇṭhaḥ kalaravaḥ kirīṭādivibhūṣaṇaḥ || 14||

धूर्जटिर्वीरनिलयो वीरो वीरेन्दुवन्दितः ।विश्वरूपो वृषपतिर्विविधार्थफलप्रदः ॥ १५॥

dhūrjaṭirvīranilayo vīro vīrenduvanditaḥ |viśvarūpo vṛṣapatirvividhārthaphalapradaḥ || 15||

दीर्घनासो महाबाहुश्चतुर्बाहुर्जटाधरः ।सनकादिमुनिश्रेष्ठस्तुत्यो हरिहरात्मजः ॥ १६॥

dīrghanāso mahābāhuścaturbāhurjaṭādharaḥ |sanakādimuniśreṣṭhastutyo hariharātmajaḥ || 16||

इति श्री हरिहरपुत्राष्टोत्तरशतनामस्तोत्रं सम्पूर्णम् ॥

iti śrī hariharaputrāṣṭottaraśatanāmastotraṃ sampūrṇam ||