शबरिगिरीशाष्टकम् Shri Shabarigirisha Ashtakam

यजनसुपूजितयोगिवरार्चित यादुविनाशक योगतनोयतिवरकल्पितयन्त्रकृतासनयक्षवरार्पितपुष्पतनो ।यमनियमासनयोगिहृदासनपापनिवारणकालतनोजय जय हे शबरीगिरिमन्दिरसुन्दर पालय मामनिशम् ॥ १॥

yajanasupūjitayogivarārcita yāduvināśaka yogatanoyativarakalpitayantrakṛtāsanayakṣavarārpitapuṣpatano |yamaniyamāsanayogihṛdāsanapāpanivāraṇakālatanojaya jaya he śabarīgirimandirasundara pālaya māmaniśam || 1||

मकरमहोत्सव मङ्गलदायक भूतगणावृत देवतनोमधुरिपुमन्मथमारकमानित दीक्षितमानस मान्यतनो ।मदगजसेवित मञ्जुलनादकवाद्यसुघोषितमोदतनोजय जय हे शबरीगिरिमन्दिरसुन्दर पालय मामनिशम् ॥ २॥

makaramahotsava maṅgaladāyaka bhūtagaṇāvṛta devatanomadhuripumanmathamārakamānita dīkṣitamānasa mānyatano |madagajasevita mañjulanādakavādyasughoṣitamodatanojaya jaya he śabarīgirimandirasundara pālaya māmaniśam || 2||

जय जय हे शबरीगिरिनायक साधय चिन्तितमिष्टतनोकलिवरदोत्तम कोमलकुन्तल कञ्जसुमावलिकान्ततनो ।कलिवरसंस्थित कालभयार्दित भक्तजनावनतुष्टमतेजय जय हे शबरीगिरिमन्दिरसुन्दर पालय मामनिशम् ॥ ३॥

jaya jaya he śabarīgirināyaka sādhaya cintitamiṣṭatanokalivaradottama komalakuntala kañjasumāvalikāntatano |kalivarasaṃsthita kālabhayārdita bhaktajanāvanatuṣṭamatejaya jaya he śabarīgirimandirasundara pālaya māmaniśam || 3||

निशिसुरपूजनमङ्गलवादनमाल्यविभूषणमोदमतेसुरयुवतीकृतवन्दन नर्तननन्दितमानस मञ्जुतनो ।कलिमनुजाद्भुत कल्पितकोमलनामसुकीर्तनमोदतनोजय जय हे शबरीगिरिमन्दिरसुन्दर पालय मामनिशम् ॥ ४॥

niśisurapūjanamaṅgalavādanamālyavibhūṣaṇamodamatesurayuvatīkṛtavandana nartanananditamānasa mañjutano |kalimanujādbhuta kalpitakomalanāmasukīrtanamodatanojaya jaya he śabarīgirimandirasundara pālaya māmaniśam || 4||

अपरिमिताद्भुतलील जगत्परिपाल निजालयचारुतनोकलिजनपालन सङ्कटवारण पापजनावनलब्धतनो ।प्रतिदिवसागतदेववरार्चित साधुमुखागतकीर्तितनोजय जय हे शबरीगिरिमन्दिरसुन्दर पालय मामनिशम् ॥ ५॥

aparimitādbhutalīla jagatparipāla nijālayacārutanokalijanapālana saṅkaṭavāraṇa pāpajanāvanalabdhatano |pratidivasāgatadevavarārcita sādhumukhāgatakīrtitanojaya jaya he śabarīgirimandirasundara pālaya māmaniśam || 5||

कलिमलकालन कञ्जविलोचन कुन्दसुमानन कान्ततनोबहुजनमानसकामसुपूरण नामजपोत्तम मन्त्रतनो ।निजगिरिदर्शनयातुजनार्पितपुत्रधनादिकधर्मतनोजय जय हे शबरीगिरिमन्दिरसुन्दर पालय मामनिशम् ॥ ६॥

kalimalakālana kañjavilocana kundasumānana kāntatanobahujanamānasakāmasupūraṇa nāmajapottama mantratano |nijagiridarśanayātujanārpitaputradhanādikadharmatanojaya jaya he śabarīgirimandirasundara pālaya māmaniśam || 6||

शतमुखपालक शान्तिविदायक शत्रुविनाशक शुद्धतनोतरुनिकरालय दीनकृपालय तापसमानस दीप्ततनो ।हरिहरसम्भव पद्मसमुद्भव वासवशम्भवसेव्यतनोजय जय हे शबरीगिरिमन्दिरसुन्दर पालय मामनिशम् ॥ ७॥

śatamukhapālaka śāntividāyaka śatruvināśaka śuddhatanotarunikarālaya dīnakṛpālaya tāpasamānasa dīptatano |hariharasambhava padmasamudbhava vāsavaśambhavasevyatanojaya jaya he śabarīgirimandirasundara pālaya māmaniśam || 7||

ममकुलदैवत मत्पितृपूजित माधवलालितमञ्जुमतेमुनिजनसंस्तुत मुक्तिविदायक शङ्करपालित शान्तमते ।जगदभयङ्कर जन्मफलप्रद चन्दनचर्चितचन्द्ररुचेजय जय हे शबरीगिरिमन्दिरसुन्दर पालय मामनिशम् ॥ ८॥

mamakuladaivata matpitṛpūjita mādhavalālitamañjumatemunijanasaṃstuta muktividāyaka śaṅkarapālita śāntamate |jagadabhayaṅkara janmaphalaprada candanacarcitacandrarucejaya jaya he śabarīgirimandirasundara pālaya māmaniśam || 8||

अमलमनन्तपदान्वितरामसुदीक्षित सत्कविपद्यमिदंशिवशबरीगिरिमन्दिरसंस्थिततोषदमिष्टदमार्तिहरम् ।पठति शृणोति च भक्तियुतो यदि भाग्यसमृद्धिमथो लभतेजय जय हे शबरीगिरिमन्दिरसुन्दर पालय मामनिशम् ॥ ९॥

amalamanantapadānvitarāmasudīkṣita satkavipadyamidaṃśivaśabarīgirimandirasaṃsthitatoṣadamiṣṭadamārtiharam |paṭhati śṛṇoti ca bhaktiyuto yadi bhāgyasamṛddhimatho labhatejaya jaya he śabarīgirimandirasundara pālaya māmaniśam || 9||

इति श्री शबरीगिरिशाष्टकं सम्पूर्णम् ॥

iti śrī śabarīgiriśāṣṭakaṃ sampūrṇam ||