भूतनाथाष्टकम् Shri Bhutanatha Ashtakam

पञ्चाक्षरप्रिय विरिञ्चादिपूजित परञ्ज्योतिरूपभगवन्पञ्चाद्रिवास शिखिपिञ्छावतंस जयवाञ्छानुकूलवरद ।पञ्चास्यवाह मणिकाञ्ची गुणाञ्छित सुमञ्जीर मञ्जुलपदपञ्चास्त्रकोटिरुचिरञ्जीकृताङ्ग सुरसञ्जीवनप्रद विभो ॥ १॥

pañcākṣarapriya viriñcādipūjita parañjyotirūpabhagavanpañcādrivāsa śikhipiñchāvataṃsa jayavāñchānukūlavarada |pañcāsyavāha maṇikāñcī guṇāñchita sumañjīra mañjulapadapañcāstrakoṭirucirañjīkṛtāṅga surasañjīvanaprada vibho || 1||

लीलावतार मणिमालाकलाप शरशूलायुधोज्ज्वलकरशैलाग्रवास मृगलीलामदालस कलाधीश चारुवदन ।हालास्यनाथ पदलोलस्यपाण्ड्यनरपालस्य बालवरदश्रीलास्यदेवतरुमूलाधिवास जगदालम्बपासयविभो ॥ २॥

līlāvatāra maṇimālākalāpa śaraśūlāyudhojjvalakaraśailāgravāsa mṛgalīlāmadālasa kalādhīśa cāruvadana |hālāsyanātha padalolasyapāṇḍyanarapālasya bālavaradaśrīlāsyadevatarumūlādhivāsa jagadālambapāsayavibho || 2||

नृत्ताभिमोद निजभक्तानुमोद विलसत्तार केशवदनसत्तापसार्चित समस्तान्तरस्थित विशुद्धात्मबोधजनक ।चित्ताभिरम्य जगदोद्धारशक्तिधर शार्दूलदुग्धहरणमुग्धाङ्गराग मणियुक्तप्रभारमण नित्यं नमोऽस्तु भगवन् ॥ ३॥

nṛttābhimoda nijabhaktānumoda vilasattāra keśavadanasattāpasārcita samastāntarasthita viśuddhātmabodhajanaka |cittābhiramya jagadoddhāraśaktidhara śārdūladugdhaharaṇamugdhāṅgarāga maṇiyuktaprabhāramaṇa nityaṃ namo'stu bhagavan || 3||

वेतालभूतगणनाथा विनोदसुरगीताभिमानचरितापातालनाकवसुधाधार पाण्ड्यसुत चेतोविमोहनकर ।वेदागमादिनुतपादादिकेश जगदाधार भूतशरणवीतामयात्मसुखबोधा विभूतिधर नाथा नमोऽस्तुभगवन् ॥ ४॥

vetālabhūtagaṇanāthā vinodasuragītābhimānacaritāpātālanākavasudhādhāra pāṇḍyasuta cetovimohanakara |vedāgamādinutapādādikeśa jagadādhāra bhūtaśaraṇavītāmayātmasukhabodhā vibhūtidhara nāthā namo'stubhagavan || 4||

मन्दारकुन्दकुरुविन्दारविन्द सुमवृन्दादिहार सुषमवृन्दारकेन्द्रमुनिवृन्दाभिवन्द्यपदः वन्दारुचिन्तितकर ।कन्दर्प सुन्दरसुगन्धानुलेप भवसन्तापशान्तिदविभोसन्तानदायक परन्धाम पाहिसुरबन्धो हरीशतनय ॥ ५॥

mandārakundakuruvindāravinda sumavṛndādihāra suṣamavṛndārakendramunivṛndābhivandyapadaḥ vandārucintitakara |kandarpa sundarasugandhānulepa bhavasantāpaśāntidavibhosantānadāyaka parandhāma pāhisurabandho harīśatanaya || 5||

धाराधराभ मणिहारावलीवलय हीराङ्गदातिरुचिरधीरावतंस घनसारादि भूतपरिवाराभिरम्यचरित ।घोरारिमर्दन सदारामनर्तन विहार त्रिलोक शरणताराधिनाथमुख माराभिराम जय वीरासनस्थितविभो ॥ ६॥

dhārādharābha maṇihārāvalīvalaya hīrāṅgadātiruciradhīrāvataṃsa ghanasārādi bhūtaparivārābhiramyacarita |ghorārimardana sadārāmanartana vihāra triloka śaraṇatārādhināthamukha mārābhirāma jaya vīrāsanasthitavibho || 6||

ज्ञानाभिगम्य सुरगानाभिरम्य भवदीनावनैक निपुणज्ञानस्वरूप परमानन्दचिन्मय जगन्नाथ भूतशरण ।नानामृगेन्द्रमृगयानन्द पाण्ड्यहृदयानन्दनन्दन विभोसूनायुधाञ्चितसमानाङ्ग पाहिसुरसेनासमूहभरण ॥ ७॥

jñānābhigamya suragānābhiramya bhavadīnāvanaika nipuṇajñānasvarūpa paramānandacinmaya jagannātha bhūtaśaraṇa |nānāmṛgendramṛgayānanda pāṇḍyahṛdayānandanandana vibhosūnāyudhāñcitasamānāṅga pāhisurasenāsamūhabharaṇa || 7||

वेदान्तसार विबुधाद्धार वेत्रधर पादारविन्द शरणंभूताधिनाथ पुरुहूतादि पूजित किरातावतार शरणम् ।आधारभूत रिपुबाधाविमोचन सुराधारनाथ शरणंनादान्तरङ्ग गुरुनाथानतार्त्तिहर गीताभिमोद शरणम् ॥ ८॥

vedāntasāra vibudhāddhāra vetradhara pādāravinda śaraṇaṃbhūtādhinātha puruhūtādi pūjita kirātāvatāra śaraṇam |ādhārabhūta ripubādhāvimocana surādhāranātha śaraṇaṃnādāntaraṅga gurunāthānatārttihara gītābhimoda śaraṇam || 8||

इति श्रीभूतनाथाष्टकं सम्पूर्णम् ।

iti śrībhūtanāthāṣṭakaṃ sampūrṇam |