देवानां स्तुत्यष्टकम् Shri Devanam Stutya Ashtakam

ॐ नमस्ते भगवते नमो नारायणाय ते ।ॐ नमस्ते भगवते सर्वज्ञाय नमो नमः ॥ १॥

oṃ namaste bhagavate namo nārāyaṇāya te |oṃ namaste bhagavate sarvajñāya namo namaḥ || 1||

घोर संसारार्णवस्य तारकाय नमो नमः ।तारक ब्रह्मरूपाय भूतनाथाय ते नमः ॥ २॥

ghora saṃsārārṇavasya tārakāya namo namaḥ |tāraka brahmarūpāya bhūtanāthāya te namaḥ || 2||

बोधरूपाय पूताय पुण्यपूर्णाय ते नमः ।मर्त्रङ्गुतेकाय ओङ्काराय नमो नमः ॥ ३॥

bodharūpāya pūtāya puṇyapūrṇāya te namaḥ |martraṅgutekāya oṅkārāya namo namaḥ || 3||

भकाराय नमस्तुभ्यं रेफान्ताय नमो नमः ।यकाराय नमस्तुभ्यं गोकाराय नमो नमः ॥ ४॥

bhakārāya namastubhyaṃ rephāntāya namo namaḥ |yakārāya namastubhyaṃ gokārāya namo namaḥ || 4||

भकाराय तकाराय रेफान्ताय नमो नमः ।नकाराय नमस्तुभ्यं मकाराय नमो नमः ॥ ५॥

bhakārāya takārāya rephāntāya namo namaḥ |nakārāya namastubhyaṃ makārāya namo namaḥ || 5||

श्रीश शङ्करपुत्राय सर्वदा ते नमो नमः ।हर भो सङ्कटं देव सकलं सकलेश्वर ॥ ६॥

śrīśa śaṅkaraputrāya sarvadā te namo namaḥ |hara bho saṅkaṭaṃ deva sakalaṃ sakaleśvara || 6||

देवेश विश्वकर्ता त्वं परिपाहि जगत्पते ।विश्वभर्ता जय सदा विश्वहर्ता जय प्रभो ॥ ७॥

deveśa viśvakartā tvaṃ paripāhi jagatpate |viśvabhartā jaya sadā viśvahartā jaya prabho || 7||

सर्वेषां जीवलोकानामेक जीवस्वरूपक ।देवदेव जय त्वं भो सर्वदा सर्वनायक ।धर्मशास्ता जयभवन् जन्मदुःख विनाशन ॥ ८॥

sarveṣāṃ jīvalokānāmeka jīvasvarūpaka |devadeva jaya tvaṃ bho sarvadā sarvanāyaka |dharmaśāstā jayabhavan janmaduḥkha vināśana || 8||

इति श्रीदेवानां स्तुत्यष्टकं सम्पूर्णम् ।

iti śrīdevānāṃ stutyaṣṭakaṃ sampūrṇam |