शास्तृध्यानश्लोकानि Shastrridhyanashlokani

जीमूतश्यामधामा मणिमयविलसत्कुण्डलोल्लासिवक्त्रंहस्ताभ्यां दक्षमात्रोत्पलमितरभुजं वामजानूपरिस्थम् ।बिभ्रत्पद्मासनस्थः परिकलिततनुर्योगपट्टेन जुष्टःश्रीपूर्णापुष्कलाभ्यां पुरहरमुरजित्पुत्रकः पातु शास्ता ॥ १॥

jīmūtaśyāmadhāmā maṇimayavilasatkuṇḍalollāsivaktraṃhastābhyāṃ dakṣamātrotpalamitarabhujaṃ vāmajānūparistham |bibhratpadmāsanasthaḥ parikalitatanuryogapaṭṭena juṣṭaḥśrīpūrṇāpuṣkalābhyāṃ puraharamurajitputrakaḥ pātu śāstā || 1||

तेजोमण्डलमध्यगं त्रिनयनं दिव्याम्बरालङ्कृतंदेवं पुष्पशरेक्षुचापविलसन्माणिक्यपात्राभयम् ।बिभ्राणं करपङ्कजैर्मदगजस्कन्धाधिरूढं विभुंशास्तारं शरणं नमामि सततं त्रैलोक्यसम्मोहनम् ॥ २॥

tejomaṇḍalamadhyagaṃ trinayanaṃ divyāmbarālaṅkṛtaṃdevaṃ puṣpaśarekṣucāpavilasanmāṇikyapātrābhayam |bibhrāṇaṃ karapaṅkajairmadagajaskandhādhirūḍhaṃ vibhuṃśāstāraṃ śaraṇaṃ namāmi satataṃ trailokyasammohanam || 2||

तमालश्यामलं भद्रं पिङ्गलाकल्पसुन्दरम् ।अधिज्यकार्मुकं वन्दे सत्यमव्यक्तयौवनम् ॥ ३॥

tamālaśyāmalaṃ bhadraṃ piṅgalākalpasundaram |adhijyakārmukaṃ vande satyamavyaktayauvanam || 3||

सुश्यामलकोमलविशालतनुं विचित्रंवासोवसानमरुणोत्पलदामहस्तम् ।उत्तुङ्गरत्नमकुटं कुटिलाग्रकेशंशास्तारमिष्टवरदं शरणं प्रपद्ये ॥ ४॥

suśyāmalakomalaviśālatanuṃ vicitraṃvāsovasānamaruṇotpaladāmahastam |uttuṅgaratnamakuṭaṃ kuṭilāgrakeśaṃśāstāramiṣṭavaradaṃ śaraṇaṃ prapadye || 4||

इति शास्तृध्यानश्लोकानि समाप्ता ।

iti śāstṛdhyānaślokāni samāptā |