शास्तृ पञ्चाक्षरस्तोत्रम् Shastrri Panchakshara Shtotram

ॐ ओङ्कारमूर्तिमार्तिघ्नं देवं हरिहरात्मजम् ।शबरीपीठनिलयं शास्तारं प्रणतोऽस्म्यहम् ॥ १॥

oṃ oṅkāramūrtimārtighnaṃ devaṃ hariharātmajam |śabarīpīṭhanilayaṃ śāstāraṃ praṇato'smyaham || 1||

न नक्षत्रनाथवदनं नाथं त्रिभुवनावनम् ।नमिताशेषभुवनं शास्तारं प्रणतोऽस्म्यहम् ॥ २॥

na nakṣatranāthavadanaṃ nāthaṃ tribhuvanāvanam |namitāśeṣabhuvanaṃ śāstāraṃ praṇato'smyaham || 2||

म मन्मथायुतसौन्दर्यं महाभूतनिषेवितम् ।मृगयारसिकं शूरं शास्तारं प्रणतोऽस्म्यहम् ॥ ३॥

ma manmathāyutasaundaryaṃ mahābhūtaniṣevitam |mṛgayārasikaṃ śūraṃ śāstāraṃ praṇato'smyaham || 3||

शि शिवप्रदायिनं भक्तदैवतं पाण्ड्यबालकम् ।शार्दूलदुग्धहर्तारं शास्तारं प्रणतोऽस्म्यहम् ॥ ४॥

śi śivapradāyinaṃ bhaktadaivataṃ pāṇḍyabālakam |śārdūladugdhahartāraṃ śāstāraṃ praṇato'smyaham || 4||

वा वारणेन्द्रसमारूढं विश्वत्राणपरायणम् ।वेत्रोद्भासिकराम्भोजं शास्तारं प्रणतोऽस्म्यहम् ॥ ५॥

vā vāraṇendrasamārūḍhaṃ viśvatrāṇaparāyaṇam |vetrodbhāsikarāmbhojaṃ śāstāraṃ praṇato'smyaham || 5||

य यक्षिण्यभिमतं पूर्णापुष्कलापरिसेवितम् ।क्षिप्रप्रसादकं नित्यं शास्तारं प्रणतोऽस्म्यहम् ॥ ६॥

ya yakṣiṇyabhimataṃ pūrṇāpuṣkalāparisevitam |kṣipraprasādakaṃ nityaṃ śāstāraṃ praṇato'smyaham || 6||

इति श्रीशास्तृ पञ्चाक्षरस्तोत्रं सम्पूर्णम् ॥

iti śrīśāstṛ pañcākṣarastotraṃ sampūrṇam ||