शास्तृ भुजङ्गस्तोत्रम् Shastri Bhujangastotram

श्रितानन्दचिन्तामणिश्रीनिवासंसदा सच्चिदानन्दपूर्णप्रकाशम् ।उदारं सदारं सुराधारमीशंपरं ज्योतिरूपं भजे भूतनाथम् ॥ १॥

śritānandacintāmaṇiśrīnivāsaṃsadā saccidānandapūrṇaprakāśam |udāraṃ sadāraṃ surādhāramīśaṃparaṃ jyotirūpaṃ bhaje bhūtanātham || 1||

विभुं वेदवेदान्तवेद्यं वरिष्ठंविभूतिप्रदं विश्रुतं ब्रह्मनिष्ठम् ।विभास्वत्प्रभावप्रभं पुष्कलेषुंपरं ज्योतिरूपं भजे भूतनाथम् ॥ २॥

vibhuṃ vedavedāntavedyaṃ variṣṭhaṃvibhūtipradaṃ viśrutaṃ brahmaniṣṭham |vibhāsvatprabhāvaprabhaṃ puṣkaleṣuṃparaṃ jyotirūpaṃ bhaje bhūtanātham || 2||

परित्राणदक्षं परब्रह्मसूत्रंस्फुरच्चारुगात्रं भवध्वान्तमित्रम् ।परं प्रेमपात्रं पवित्रं विचित्रंपरं ज्योतिरूपं भजे भूतनाथम् ॥ ३॥

paritrāṇadakṣaṃ parabrahmasūtraṃsphuraccārugātraṃ bhavadhvāntamitram |paraṃ premapātraṃ pavitraṃ vicitraṃparaṃ jyotirūpaṃ bhaje bhūtanātham || 3||

परेशं प्रभुं पूर्णकारुण्यरूपंगिरीशाधिपीठोज्ज्वलच्चारुदीपम् ।सुरेशादि संसेवितं सुप्रतापंपरं ज्योतिरूपं भजे भूतनाथम् ॥ ४॥

pareśaṃ prabhuṃ pūrṇakāruṇyarūpaṃgirīśādhipīṭhojjvalaccārudīpam |sureśādi saṃsevitaṃ supratāpaṃparaṃ jyotirūpaṃ bhaje bhūtanātham || 4||

गुरुं पूर्णलावण्यपादादिकेशंगरिष्ठं महाकोटिसूर्यप्रकाशम् ।कराम्भोरुहन्यस्तवेत्रं सुरेशंपरं ज्योतिरूपं भजे भूतनाथम् ॥ ५॥

guruṃ pūrṇalāvaṇyapādādikeśaṃgariṣṭhaṃ mahākoṭisūryaprakāśam |karāmbhoruhanyastavetraṃ sureśaṃparaṃ jyotirūpaṃ bhaje bhūtanātham || 5||

हरीशानसंयुक्तशक्त्येकवीरंकिरातावतारं कृपापाङ्गपूरम् ।किरीटावतंसोज्ज्वलत्पिञ्छभारंपरं ज्योतिरूपं भजे भूतनाथम् ॥ ६॥

harīśānasaṃyuktaśaktyekavīraṃkirātāvatāraṃ kṛpāpāṅgapūram |kirīṭāvataṃsojjvalatpiñchabhāraṃparaṃ jyotirūpaṃ bhaje bhūtanātham || 6||

महायोगपीठे ज्वलन्तं महान्तंमहावाक्यसारोपदेशं सुशान्तम् ।महर्षिप्रहर्षप्रदं ज्ञानकन्दंपरं ज्योतिरूपं भजे भूतनाथम् ॥ ७॥

mahāyogapīṭhe jvalantaṃ mahāntaṃmahāvākyasāropadeśaṃ suśāntam |maharṣipraharṣapradaṃ jñānakandaṃparaṃ jyotirūpaṃ bhaje bhūtanātham || 7||

महारण्यमन्मानसान्तर्निवासानहङ्कार दुर्वारहिंस्रान्मृगादीन् ।निहन्तुं किरातावतारं चरन्तंपरं ज्योतिरूपं भजे भूतनाथम् ॥ ८॥

mahāraṇyamanmānasāntarnivāsānahaṅkāra durvārahiṃsrānmṛgādīn |nihantuṃ kirātāvatāraṃ carantaṃparaṃ jyotirūpaṃ bhaje bhūtanātham || 8||

पृथिव्यादि भूतप्रपञ्चान्तरस्थंपृथग्भूतचैतन्यजन्यं प्रशस्तम् ।प्रधानं प्रमाणं पुराणं प्रसिद्धंपरं ज्योतिरूपं भजे भूतनाथम् ॥ ९॥

pṛthivyādi bhūtaprapañcāntarasthaṃpṛthagbhūtacaitanyajanyaṃ praśastam |pradhānaṃ pramāṇaṃ purāṇaṃ prasiddhaṃparaṃ jyotirūpaṃ bhaje bhūtanātham || 9||

जगज्जीवनं पावनं भावनीयंजगद्व्यापकं दीपकं मोहनीयम् ।सुखाधारमाधारभूतं तुरीयंपरं ज्योतिरूपं भजे भूतनाथम् ॥ १०॥

jagajjīvanaṃ pāvanaṃ bhāvanīyaṃjagadvyāpakaṃ dīpakaṃ mohanīyam |sukhādhāramādhārabhūtaṃ turīyaṃparaṃ jyotirūpaṃ bhaje bhūtanātham || 10||

इहामुत्रसत्सौख्यसम्पन्निधानंमहद्योनिमव्याहृतात्माभिधानम् ।अहः पुण्डरीकाननं दीप्यमानंपरं ज्योतिरूपं भजे भूतनाथम् ॥ ११॥

ihāmutrasatsaukhyasampannidhānaṃmahadyonimavyāhṛtātmābhidhānam |ahaḥ puṇḍarīkānanaṃ dīpyamānaṃparaṃ jyotirūpaṃ bhaje bhūtanātham || 11||

त्रिकालस्थितं सुस्थिरं ज्ञानसंस्थंत्रिधामत्रिमूर्त्यात्मकं ब्रह्मसंस्थम् ।त्रयीमूर्तिमार्तिछिदं शक्तियुक्तंपरं ज्योतिरूपं भजे भूतनाथम् ॥ १२॥

trikālasthitaṃ susthiraṃ jñānasaṃsthaṃtridhāmatrimūrtyātmakaṃ brahmasaṃstham |trayīmūrtimārtichidaṃ śaktiyuktaṃparaṃ jyotirūpaṃ bhaje bhūtanātham || 12||

इडां पिङ्गळां सत्सुषुम्नां विशन्तंस्फुटं ब्रह्मरन्ध्रस्वतन्त्रं सुशान्तम् ।दृढं नित्य निर्वाणमुद्भासयन्तंपरं ज्योतिरूपं भजे भूतनाथम् ॥ १३॥

iḍāṃ piṅgaḷāṃ satsuṣumnāṃ viśantaṃsphuṭaṃ brahmarandhrasvatantraṃ suśāntam |dṛḍhaṃ nitya nirvāṇamudbhāsayantaṃparaṃ jyotirūpaṃ bhaje bhūtanātham || 13||

अनुब्रह्मपर्यन्तजीवैक्यबिम्बंगुणाकारमत्यन्तभक्तानुकम्पम् ।अनर्घं शुभोदर्कमात्मावलम्बंपरं ज्योतिरूपं भजे भूतनाथम् ॥ १४॥

anubrahmaparyantajīvaikyabimbaṃguṇākāramatyantabhaktānukampam |anarghaṃ śubhodarkamātmāvalambaṃparaṃ jyotirūpaṃ bhaje bhūtanātham || 14||

इति शास्तृभुजङ्गस्तोत्रं सम्पूर्णम् ॥

iti śāstṛbhujaṅgastotraṃ sampūrṇam ||