शबरीशगीताञ्जलिः Shabarisha Gitanjali

अयि शबरीश्वर विश्वमनोहर, विश्वजनाभयदानरतेत्वयि गतमस्तु निरस्तसमाधि समाधि समाधि मनो महिते ।दयिततमं तव मानसपूजमानतमौलिरसौ तनुतेमयिकरुणां कुरु पङ्कजलोचन, पङ्कविनाशन, पुण्यगते! ॥

ayi śabarīśvara viśvamanohara, viśvajanābhayadānaratetvayi gatamastu nirastasamādhi samādhi samādhi mano mahite |dayitatamaṃ tava mānasapūjamānatamaulirasau tanutemayikaruṇāṃ kuru paṅkajalocana, paṅkavināśana, puṇyagate! ||

शबरिकेश्वरं शान्तसुन्दरं पतितपावनं पापनाशनम् ।भवनभावकं भूतिदायकं शरणमाश्रये भूतनायकम् ॥ १॥

śabarikeśvaraṃ śāntasundaraṃ patitapāvanaṃ pāpanāśanam |bhavanabhāvakaṃ bhūtidāyakaṃ śaraṇamāśraye bhūtanāyakam || 1||

अयि विभो मुदा कल्पितं हृदा भवदुपासनं भावशोधनम् ।वरद, गृह्रतां; नाथ, दासतामनुगृहण मे; शान्तिरस्तु मे ॥ २॥

ayi vibho mudā kalpitaṃ hṛdā bhavadupāsanaṃ bhāvaśodhanam |varada, gṛhratāṃ; nātha, dāsatāmanugṛhaṇa me; śāntirastu me || 2||

अरुणसुप्रभामण्डलावृतिं कनकचम्पकापाटलद्युतिम् ।मनुचिन्तये सत्यसद्गतिं भुवननाथ, ते मङ्गलाकृतिम् ॥ ३॥

aruṇasuprabhāmaṇḍalāvṛtiṃ kanakacampakāpāṭaladyutim |manucintaye satyasadgatiṃ bhuvananātha, te maṅgalākṛtim || 3||

जलदकोमलं नीलकुन्तलं, विमलफालकं वीरलासकम् ।ललितचञ्जलं भ्रूलताञ्चलं, नलिनशोभनं धीरलोचनम् ॥ ४॥

jaladakomalaṃ nīlakuntalaṃ, vimalaphālakaṃ vīralāsakam |lalitacañjalaṃ bhrūlatāñcalaṃ, nalinaśobhanaṃ dhīralocanam || 4||

तिलसुमोपमा नालिका,ऽधरस्फुरितसुस्मितं शूरसुन्दरम् ।कनककुण्डलं गण्डमण्डनं, मुखमिदं विभो, तापखण्डनम् ॥ ५॥

tilasumopamā nālikā,'dharasphuritasusmitaṃ śūrasundaram |kanakakuṇḍalaṃ gaṇḍamaṇḍanaṃ, mukhamidaṃ vibho, tāpakhaṇḍanam || 5||

मणिवरोज्वलत्कण्ठभूषणं, विपुलवक्षसा वैरिभीषणम् ।करतलोल्लसद्वाणकार्मुकं, सजलनीरदानीलचेलकम् ॥ ६॥

maṇivarojvalatkaṇṭhabhūṣaṇaṃ, vipulavakṣasā vairibhīṣaṇam |karatalollasadvāṇakārmukaṃ, sajalanīradānīlacelakam || 6||

सुदृढजङ्घया साधुशोभितं चरणपङ्कजे सज्जनार्चितम् ।अरिविमर्दने नित्यदीक्षितं त्रिदशपूजितं व्याघ्रसंस्थितम् ॥ ७॥

sudṛḍhajaṅghayā sādhuśobhitaṃ caraṇapaṅkaje sajjanārcitam |arivimardane nityadīkṣitaṃ tridaśapūjitaṃ vyāghrasaṃsthitam || 7||

वपुरिदं मनःकाननान्तरे लसतु मामके भक्तिमन्दिरे ।महितसन्निधिप्राभवोदिता मनसि भासतां देव, शान्तता ॥ ८॥

vapuridaṃ manaḥkānanāntare lasatu māmake bhaktimandire |mahitasannidhiprābhavoditā manasi bhāsatāṃ deva, śāntatā || 8||

मम तु चेतना वेपिता परं भृगुमये पथि क्लेशिता चिरम् ।द्रुतहृदन्तरा ते कृपामृतं शरणमाश्रिता देवसेवितम् ॥ १॥

mama tu cetanā vepitā paraṃ bhṛgumaye pathi kleśitā ciram |drutahṛdantarā te kṛpāmṛtaṃ śaraṇamāśritā devasevitam || 1||

भवदुपायनं जिवितात्मकं मधुरतिक्तकाकीर्णभाण्डकम् ।शिरसि गृह्णती भक्तिपाविता हरिहरात्मज, त्वामुपागता ॥ २॥

bhavadupāyanaṃ jivitātmakaṃ madhuratiktakākīrṇabhāṇḍakam |śirasi gṛhṇatī bhaktipāvitā hariharātmaja, tvāmupāgatā || 2||

तव च सन्निधौ हर्षसङ्कुला नवनवोन्मिषन्मूच्र्छनाकुला ।शरणकीर्तनोन्मादिताशया पुलकपूरिता नृत्यतीह या ॥ ३॥

tava ca sannidhau harṣasaṅkulā navanavonmiṣanmūcrchanākulā |śaraṇakīrtanonmāditāśayā pulakapūritā nṛtyatīha yā || 3||

निहितमग्रतो नालिकेरकं मम मनोमयं भिद्यते स्वयम् ।मधुरनिर्मलं तद्रसं सृतं परिगृहाण ते पाद्यमर्पितम् ॥ ४॥

nihitamagrato nālikerakaṃ mama manomayaṃ bhidyate svayam |madhuranirmalaṃ tadrasaṃ sṛtaṃ parigṛhāṇa te pādyamarpitam || 4||

दुरितसञ्चयं भक्तिदीपितं ज्वलति हन्त कर्पूरमर्पितम् ।प्रसरतां ततः सौरभं तथा ज्वलितपूतनावर्ष्मणो यथा ॥ ५॥

duritasañcayaṃ bhaktidīpitaṃ jvalati hanta karpūramarpitam |prasaratāṃ tataḥ saurabhaṃ tathā jvalitapūtanāvarṣmaṇo yathā || 5||

अहमबात्मना कल्पयामि ते जलसमर्चनं भूतसत्पते ।तरलवीचिकैर्मन्त्रसुस्वरैर्नदनदीशतैर्नैकसागरैः ॥ १॥

ahamabātmanā kalpayāmi te jalasamarcanaṃ bhūtasatpate |taralavīcikairmantrasusvarairnadanadīśatairnaikasāgaraiḥ || 1||

पुनरिदं पृथिव्यात्मना विभो विरचयाम्यहं गन्धकल्पनम् ।कलितकुङ्कुमैश्वन्दनैर्महीकनकभाजने गन्धयुक्तिभिः ॥ २॥

punaridaṃ pṛthivyātmanā vibho viracayāmyahaṃ gandhakalpanam |kalitakuṅkumaiśvandanairmahīkanakabhājane gandhayuktibhiḥ || 2||

वितनुते च ते पुष्पपूजनं गगनतन्मयीभावभावना ।मरतकस्फुरद्भाजने चितैः शबलकान्तिभिः सूनसञ्चयैः ॥ ३॥

vitanute ca te puṣpapūjanaṃ gaganatanmayībhāvabhāvanā |maratakasphuradbhājane citaiḥ śabalakāntibhiḥ sūnasañcayaiḥ || 3||

पवनरूपवान् भावनाबलाद् भुवननाथ, ते कल्पयाम्यहम् ।ललितवीजनैर्भक्तिपावनैः प्रियतमं प्रभो, धूपतर्पणम् ॥ ४॥

pavanarūpavān bhāvanābalād bhuvananātha, te kalpayāmyaham |lalitavījanairbhaktipāvanaiḥ priyatamaṃ prabho, dhūpatarpaṇam || 4||

परमुपास्महे तैजसात्मना शरणदायकं त्वामिहात्मना ।दिवि च भूतले दीप्तिवर्षिभिर्दिविषदां पते, दीपकोटिभिः ॥ ५॥

paramupāsmahe taijasātmanā śaraṇadāyakaṃ tvāmihātmanā |divi ca bhūtale dīptivarṣibhirdiviṣadāṃ pate, dīpakoṭibhiḥ || 5||

अमृतमस्मि यद् भूतनिह्युतं विरचयामि नैवेद्यमत्र तत् ।अमृतरूप, ते सच्चिदात्मनि त्वयि निलीयते भेदभावना ॥ ६॥

amṛtamasmi yad bhūtanihyutaṃ viracayāmi naivedyamatra tat |amṛtarūpa, te saccidātmani tvayi nilīyate bhedabhāvanā || 6||

देवदेव, ते शरणकीर्तनं भावबन्धुरं श्रवणसुन्दरम् ।वारिराशिभिस्तलवीचिभिस्तारनिस्वनं वरद, गीयते ॥ १॥

devadeva, te śaraṇakīrtanaṃ bhāvabandhuraṃ śravaṇasundaram |vārirāśibhistalavīcibhistāranisvanaṃ varada, gīyate || 1||

मन्द्रमर्मरैर्मलयमारुतास्त्वामुपासते शरणगीतकैः ।गानमाधुरीतरलतारकं नाथ, निश्चलं गगनमण्डलम् ॥ २॥

mandramarmarairmalayamārutāstvāmupāsate śaraṇagītakaiḥ |gānamādhurītaralatārakaṃ nātha, niścalaṃ gaganamaṇḍalam || 2||

पावनोपया विहगनिस्वनैः स्तूयसे विभो, शरणकीर्तनैः ।अच्र्यसे तया कनकपङ्कजैरुच्चितैर्नभोमहितमानसात् ॥ ३॥

pāvanopayā vihaganisvanaiḥ stūyase vibho, śaraṇakīrtanaiḥ |acryase tayā kanakapaṅkajairuccitairnabhomahitamānasāt || 3||

गानवैखरीतुमुलसङ्करस्तालरञ्जितो हृदयढक्कया ।नन्दना मया समनुगीयते प्रीयतां भवान् सुमनसां पते! ॥ ४॥

gānavaikharītumulasaṅkarastālarañjito hṛdayaḍhakkayā |nandanā mayā samanugīyate prīyatāṃ bhavān sumanasāṃ pate! || 4||

कान्तविग्रहं शान्तमानसं पन्तलाधिपोपान्तसेवितम् ।दान्तसद्गतिं विन्तितप्रदं भूतनायकं देवमाश्रये ॥ १॥

kāntavigrahaṃ śāntamānasaṃ pantalādhipopāntasevitam |dāntasadgatiṃ vintitapradaṃ bhūtanāyakaṃ devamāśraye || 1||

धर्मबोधकं कर्मसाक्षिणं शर्मसाधकं दुर्मदान्तकम् ।निर्ममार्चितं निर्मलात्मकं भूतपालकं देवमाश्रये ॥ २॥

dharmabodhakaṃ karmasākṣiṇaṃ śarmasādhakaṃ durmadāntakam |nirmamārcitaṃ nirmalātmakaṃ bhūtapālakaṃ devamāśraye || 2||

इन्द्रवापिकातीरवासिनं सान्द्रचन्द्रिकाहाससुन्दरम् ।मन्द्रचापनिर्घोषभीषणं भूतभावनं देवमाश्रये ॥ ३॥

indravāpikātīravāsinaṃ sāndracandrikāhāsasundaram |mandracāpanirghoṣabhīṣaṇaṃ bhūtabhāvanaṃ devamāśraye || 3||

वेदबोधितं भेदवर्जितं खेदनाशनं मोददायिनम् ।श्रीदसेवितं नादरूपिणं भूतिभूषणं देवमाश्रये ॥ ४॥

vedabodhitaṃ bhedavarjitaṃ khedanāśanaṃ modadāyinam |śrīdasevitaṃ nādarūpiṇaṃ bhūtibhūṣaṇaṃ devamāśraye || 4||

सक्तिनाशकं रक्तिदारकं भक्तिवर्धकं भुक्तिसाधकम् ।मुक्तिदायकं व्यक्तवैभवं भूतिपुष्कलं देवमाश्रये ॥ ५॥

saktināśakaṃ raktidārakaṃ bhaktivardhakaṃ bhuktisādhakam |muktidāyakaṃ vyaktavaibhavaṃ bhūtipuṣkalaṃ devamāśraye || 5||

अरुणकोमलं तरुणसुन्दरं करणयाकुलं वरुणपूजितम् ।तरणितेजसं मरणप्रोचकं शरणमाश्रये शवरिकेश्वरम् ॥ १॥

aruṇakomalaṃ taruṇasundaraṃ karaṇayākulaṃ varuṇapūjitam |taraṇitejasaṃ maraṇaprocakaṃ śaraṇamāśraye śavarikeśvaram || 1||

मदनमोहनं मदविनाशनं कदनभोदिनं गदविमोचनम् ।रदनशोभिनं हृदधिवासिनं शरणमाश्रये शबरिकेश्वरम् ॥ २॥

madanamohanaṃ madavināśanaṃ kadanabhodinaṃ gadavimocanam |radanaśobhinaṃ hṛdadhivāsinaṃ śaraṇamāśraye śabarikeśvaram || 2||

सुजनपालकं कुजनभीषकं पतनवारकं मननसाधकम् ।जनननाशकं भुवननायकं शरणमाश्रये शबरिकेश्वरम् ॥ ३॥

sujanapālakaṃ kujanabhīṣakaṃ patanavārakaṃ mananasādhakam |janananāśakaṃ bhuvananāyakaṃ śaraṇamāśraye śabarikeśvaram || 3||

हरिहरात्मजं हरिवरासनं कलिदुरासदं कलितराजसम् ।परपराक्रमं परतराश्रयं शरणमाश्रये शबरिकेश्वरम् ॥ ४॥

hariharātmajaṃ harivarāsanaṃ kalidurāsadaṃ kalitarājasam |paraparākramaṃ paratarāśrayaṃ śaraṇamāśraye śabarikeśvaram || 4||

शकलितद्विषं शशधरत्विषं शमलनाशनं शमविभूषणम् ।शतमखार्चितं शनिनिवारकं शरणमाश्रये शबरिकेश्वरम् ॥ ५॥

śakalitadviṣaṃ śaśadharatviṣaṃ śamalanāśanaṃ śamavibhūṣaṇam |śatamakhārcitaṃ śaninivārakaṃ śaraṇamāśraye śabarikeśvaram || 5||

सकलदेवतागीतकीर्तये शैववैष्णवाद्वैतमूर्तये ।विहितसज्जनाभीष्टपूर्तये हा! नमोऽस्तु ते नाशितार्तये ॥ १॥

sakaladevatāgītakīrtaye śaivavaiṣṇavādvaitamūrtaye |vihitasajjanābhīṣṭapūrtaye hā! namo'stu te nāśitārtaye || 1||

सर्वमङ्गलं दिव्यकोमलं शर्वनन्दनं भुवननन्दनम् ।गर्वनाशकं भव्यदायकं सर्वथा विभुं समनुचिन्तये ॥ २॥

sarvamaṅgalaṃ divyakomalaṃ śarvanandanaṃ bhuvananandanam |garvanāśakaṃ bhavyadāyakaṃ sarvathā vibhuṃ samanucintaye || 2||

भक्तपालनासक्तमानसं दिनकरायुतोद्वामतेजसम् ।मोहनाकृतिं मोहिनीसुतं विमलचेतसा नौमि सन्ततम् ॥ ३॥

bhaktapālanāsaktamānasaṃ dinakarāyutodvāmatejasam |mohanākṛtiṃ mohinīsutaṃ vimalacetasā naumi santatam || 3||

सुखचिदात्मके भुवनभासके नित्यभासुरे सत्यसुन्दरे ।परिसमर्पितं भवति मत्कृतं धर्मशास्तरि ब्रह्महृन्मये ॥ ४॥

sukhacidātmake bhuvanabhāsake nityabhāsure satyasundare |parisamarpitaṃ bhavati matkṛtaṃ dharmaśāstari brahmahṛnmaye || 4||

तरलमुद्बणं करणजालकं परमतेजसि ब्रह्मसंज्ञके ।परिसमप्र्यते त्वयि जगत्प्रभो, निरघनिर्भमे पर्युपासिते ॥ ५॥

taralamudbaṇaṃ karaṇajālakaṃ paramatejasi brahmasaṃjñake |parisamapryate tvayi jagatprabho, niraghanirbhame paryupāsite || 5||

दिव्यशाबराकारधारिणे शरणकीर्तनश्रवणतोषिणे ।अर्पयामि ते धर्मरक्षिणे हृदयमात्मना कमनरूपिणे ॥ ६॥

divyaśābarākāradhāriṇe śaraṇakīrtanaśravaṇatoṣiṇe |arpayāmi te dharmarakṣiṇe hṛdayamātmanā kamanarūpiṇe || 6||

देवदेव, ते वपुरिदं जगत् सततविस्मयोत्पुलकदर्शनम् ।अर्चयाभ्यथो विगलितव्यथो विनिहिताशयस्त्वयि चिदात्मके ॥ ७॥

devadeva, te vapuridaṃ jagat satatavismayotpulakadarśanam |arcayābhyatho vigalitavyatho vinihitāśayastvayi cidātmake || 7||

इति श्रीवासुदेवन् एलयथेन विरचिता शबरीशगीताञ्जलिः समाप्ता ।

iti śrīvāsudevan elayathena viracitā śabarīśagītāñjaliḥ samāptā |