श्रीनिवासगद्यम् Shrinivasagadyam

॥ श्रीरस्तु ॥श्रीवेङ्कटाद्रिनिलयः कमलाकामुकः पुमान् ।अभङ्।ह्गुर विभूतिर्नस्तरङ्गयतु मङ्गलम्श्रीमदखिल महीमण्डल मण्डन धरणिधर मण्डलाखण्डलस्य ॥ १॥

|| śrīrastu ||śrīveṅkaṭādrinilayaḥ kamalākāmukaḥ pumān |abhaṅ|hgura vibhūtirnastaraṅgayatu maṅgalamśrīmadakhila mahīmaṇḍala maṇḍana dharaṇidhara maṇḍalākhaṇḍalasya || 1||

निखिल सुरासुर वन्दित वराह क्षेत्र विभूषणस्य ॥ २॥

nikhila surāsura vandita varāha kṣetra vibhūṣaṇasya || 2||

शेषाचल गरुडाचल वृषभाचल नारायणाचलाञ्जनाचलादि शिखरिमालाकुलस्य ॥ ३॥

śeṣācala garuḍācala vṛṣabhācala nārāyaṇācalāñjanācalādi śikharimālākulasya || 3||

नाथमुख बोधनिधि वीथिगुण साभरण सत्त्वनिधि तत्त्वनिधिभक्तिगुणपूर्ण श्रीशैल पूर्ण गुणवशंवद परमपुरुष कृपापूरविभ्रमदतुङ्गशृङ्ग गलद्गगन गङ्गासमालिङ्गितस्य ॥ ४॥

nāthamukha bodhanidhi vīthiguṇa sābharaṇa sattvanidhi tattvanidhibhaktiguṇapūrṇa śrīśaila pūrṇa guṇavaśaṃvada paramapuruṣa kṛpāpūravibhramadatuṅgaśṛṅga galadgagana gaṅgāsamāliṅgitasya || 4||

सीमातिगगुण रामानुज मुनि नामाङ्कित बहुभूमाश्रय सुरधामा लयवनरामायतवनसीमा परिवृत विशङ्कटतट निरन्तर विजृम्भित भक्तिरसनिर्झरानन्तार्याहार्य प्रस्रवण धारापूर विभ्रमद सलिलभर भरितमहा तटाकमण्डितस्य ॥ ५॥

sīmātigaguṇa rāmānuja muni nāmāṅkita bahubhūmāśraya suradhāmā layavanarāmāyatavanasīmā parivṛta viśaṅkaṭataṭa nirantara vijṛmbhita bhaktirasanirjharānantāryāhārya prasravaṇa dhārāpūra vibhramada salilabhara bharitamahā taṭākamaṇḍitasya || 5||

कलिकर्दममलमर्दन कलितोद्यम विलसद्यमनियमादिम मुनिगण निषेव्यमाणप्रत्यक्षीभवन्निजसलिल समज्जननमज्जन निखिल पापनाशन पापनाशनतिर्थाध्यासितस्य ॥ ६॥

kalikardamamalamardana kalitodyama vilasadyamaniyamādima munigaṇa niṣevyamāṇapratyakṣībhavannijasalila samajjananamajjana nikhila pāpanāśana pāpanāśanatirthādhyāsitasya || 6||

मुरारि सेवक जराधिपीडित निरार्तिजीवन निराशभूसुर वरातिसुन्दरसुराङ्गना रतिकराङ्ग सौष्ठव कुमारताकृति कुमारतारकसमापनोदय दमानपातक महापदामय विहापनोदित सकल भुवन विदितकुमारधाराभिधान तिर्थाधिष्ठितस्य ॥ ७॥

murāri sevaka jarādhipīḍita nirārtijīvana nirāśabhūsura varātisundarasurāṅganā ratikarāṅga sauṣṭhava kumāratākṛti kumāratārakasamāpanodaya damānapātaka mahāpadāmaya vihāpanodita sakala bhuvana viditakumāradhārābhidhāna tirthādhiṣṭhitasya || 7||

धरणि तलगत सकलहत कलिलशुभ सलिलगत बहुलविविध मलहतिचतुर रुचिरतर विलोकमात्रविदलित विविध महापातक स्वामिपुष्करिणीसमेतस्य ॥ ८॥

dharaṇi talagata sakalahata kalilaśubha salilagata bahulavividha malahaticatura ruciratara vilokamātravidalita vividha mahāpātaka svāmipuṣkariṇīsametasya || 8||

बहुसङ्कट नरकावट पतदुत्कट कलिकङ्कट कलुषोद्भट जनपातकविनिपातक रुचिनाटक करहाटक कलशाहृत कमलारत शुभमज्जनजलसज्जन भरित निजदुरित हतिनिरत जनसतत निरर्गलपेयीयमानसलिल सम्भृत विशङ्कट कटाहतीर्थ भूषितस्य ॥ ९॥

bahusaṅkaṭa narakāvaṭa patadutkaṭa kalikaṅkaṭa kaluṣodbhaṭa janapātakavinipātaka rucināṭaka karahāṭaka kalaśāhṛta kamalārata śubhamajjanajalasajjana bharita nijadurita hatinirata janasatata nirargalapeyīyamānasalila sambhṛta viśaṅkaṭa kaṭāhatīrtha bhūṣitasya || 9||

एवमादिम भुरिमञ्जिम सर्वपातक गर्वहापक सिन्धुडम्बरहारिशम्बर विविधविपुल पुण्यतीर्थ निवह निवासस्य ॥ १०॥

evamādima bhurimañjima sarvapātaka garvahāpaka sindhuḍambarahāriśambara vividhavipula puṇyatīrtha nivaha nivāsasya || 10||

श्री वेङ्कटाचलस्य ॥ ११॥

śrī veṅkaṭācalasya || 11||

शिखरशेखर महाकल्प शाखी ॥ १२॥

śikharaśekhara mahākalpa śākhī || 12||

खर्वीभवदतिगर्वि कृतगुरुमेर्विशगिरिमुखोर्वीधरकुलदर्वीकर दयितोर्वी धरशिखरोर्वी सततसदुर्वी कृतिचणनवघनगर्वचर्वणनिपुण तनुकिरण मसृणितगिरिशिखरशेखर तरुनिकर तिमिरः ॥ १३॥

kharvībhavadatigarvi kṛtagurumerviśagirimukhorvīdharakuladarvīkara dayitorvī dharaśikharorvī satatasadurvī kṛticaṇanavaghanagarvacarvaṇanipuṇa tanukiraṇa masṛṇitagiriśikharaśekhara tarunikara timiraḥ || 13||

वाणीपति शर्वाणीदयितेन्द्राणीश्वरमुखनाणीयो रसवेणी निभ शुभवाणीनुतमहिमाणी यस्तरकोणी भवदखिलभुवन भवनोदरः ॥ १४॥

vāṇīpati śarvāṇīdayitendrāṇīśvaramukhanāṇīyo rasaveṇī nibha śubhavāṇīnutamahimāṇī yastarakoṇī bhavadakhilabhuvana bhavanodaraḥ || 14||

वैमानिक गुरुभूमाधिक गुण रामानुज कृतधामाकर करधामारिदरललामाच्छ कनक दामायित निजरामालयनवकिसलयमय तोरणमालायितवनमालाधरः ॥ १५॥

vaimānika gurubhūmādhika guṇa rāmānuja kṛtadhāmākara karadhāmāridaralalāmāccha kanaka dāmāyita nijarāmālayanavakisalayamaya toraṇamālāyitavanamālādharaḥ || 15||

कालाम्बुद मालानिभ नीलालक जालावृत बालाब्ज सलीलामलफालाङ्कसमूलामृत धाराद्वयावधीरण धीरललिततर विशदतर घनघनसारमयोर्ध्वपुण्ड्र रेखाद्वयरुचिरः ॥ १६॥

kālāmbuda mālānibha nīlālaka jālāvṛta bālābja salīlāmalaphālāṅkasamūlāmṛta dhārādvayāvadhīraṇa dhīralalitatara viśadatara ghanaghanasāramayordhvapuṇḍra rekhādvayaruciraḥ || 16||

सुविकस्वरदलभास्वरकमलोदरगतमेदुरनवकेसरततिभासुरपरिपिञ्जरकनकाम्बरकलितादरललितोदरतदालम्बजम्भरिपुमणिस्तम्भगम्भीरिमदम्भस्तम्भन समुज्जृम्भमाणपीवरोरुयुगलतदालम्बपृथुलकदलीमुकुलमदहरणजङ्घालजङ्।ह्घायुगलः ॥ १७॥

suvikasvaradalabhāsvarakamalodaragatameduranavakesaratatibhāsuraparipiñjarakanakāmbarakalitādaralalitodaratadālambajambharipumaṇistambhagambhīrimadambhastambhana samujjṛmbhamāṇapīvaroruyugalatadālambapṛthulakadalīmukulamadaharaṇajaṅghālajaṅ|hghāyugalaḥ || 17||

नव्यदल भव्यकल पीतमल शोणिमल सन्मृदुल सत्किसलयाश्रुजलकारिबलशोणतल पत्कमलनिजाश्रय बलबन्दीकृत शरदिन्दुमण्डलीविभ्रमदादभ्रशुभ्र पुनर्भवाधिष्ठिताङ्गुलीगाढनिपीडित पद्मासनः ॥ १८॥

navyadala bhavyakala pītamala śoṇimala sanmṛdula satkisalayāśrujalakāribalaśoṇatala patkamalanijāśraya balabandīkṛta śaradindumaṇḍalīvibhramadādabhraśubhra punarbhavādhiṣṭhitāṅgulīgāḍhanipīḍita padmāsanaḥ || 18||

जानुतलावधिलम्भिविडम्बित वारणशुण्डा दण्डविजृम्भित नीलमणिमयकल्पकशाखा विभ्रमदायि मृणाललतायत समुज्ज्वलतर कनकवलयवेल्लितैकतर बाहुदण्डयुगलः ॥ १९॥

jānutalāvadhilambhiviḍambita vāraṇaśuṇḍā daṇḍavijṛmbhita nīlamaṇimayakalpakaśākhā vibhramadāyi mṛṇālalatāyata samujjvalatara kanakavalayavellitaikatara bāhudaṇḍayugalaḥ || 19||

युगपदुदित कोटिखरकर हिमकर मण्डल जाज्ज्वल्यमान सुदर्शनपाञ्चजन्य समुत्तुङ्गित शृङ्गापरबाहुयुगलः ॥ २०॥

yugapadudita koṭikharakara himakara maṇḍala jājjvalyamāna sudarśanapāñcajanya samuttuṅgita śṛṅgāparabāhuyugalaḥ || 20||

अभिनवशाणा समुत्तेजित महामहानीलखण्ड मदखण्डननिपुण नवीनपरितप्त कार्तस्वरकवचित महनीय पृथुलसालग्राम परम्परागुम्फितनाभिमण्डलपर्यन्त लम्बमानप्रालम्बदीप्तिसमालम्बित विशालवक्षस्थलः ॥ २१॥

abhinavaśāṇā samuttejita mahāmahānīlakhaṇḍa madakhaṇḍananipuṇa navīnaparitapta kārtasvarakavacita mahanīya pṛthulasālagrāma paramparāgumphitanābhimaṇḍalaparyanta lambamānaprālambadīptisamālambita viśālavakṣasthalaḥ || 21||

गङ्गाझरतुङ्गाकृतिभङ्गावलिभङ्गावह सौधावलि बावह धारानिभहारावलि दूराहत गेहान्तरमोहावह महिम मसृणित महातिमिरः ॥ २२॥

gaṅgājharatuṅgākṛtibhaṅgāvalibhaṅgāvaha saudhāvali bāvaha dhārānibhahārāvali dūrāhata gehāntaramohāvaha mahima masṛṇita mahātimiraḥ || 22||

पिङ्गाकृतिभृङ्गारुनिभाङ्गार दलाङ्गामल निष्कासित दुष्कार्यघनिष्कावलि दीपप्रभ नीपऽच्छवि तापप्रद कनकमालिकापिशङ्गितसर्वाङ्गः ॥ २३॥

piṅgākṛtibhṛṅgārunibhāṅgāra dalāṅgāmala niṣkāsita duṣkāryaghaniṣkāvali dīpaprabha nīpa'cchavi tāpaprada kanakamālikāpiśaṅgitasarvāṅgaḥ || 23||

नवदलित दलवलित मृदुललित कमलतति मदविहति चतुरतरपृथुलतर सरसतर कनकसर मयरुचिरकण्ठिका कमनीयकण्ठः ॥ २४॥

navadalita dalavalita mṛdulalita kamalatati madavihati caturatarapṛthulatara sarasatara kanakasara mayarucirakaṇṭhikā kamanīyakaṇṭhaḥ || 24||

वाताशनाधिपतिशयन कमनपरिचरण रतिसमेताखिल फणधरततिमतिकर कनकमय नागाभरण परिवीताखिलाङ्गावगमित शयन भूताहिराजजातातिशयः ॥ २५॥

vātāśanādhipatiśayana kamanaparicaraṇa ratisametākhila phaṇadharatatimatikara kanakamaya nāgābharaṇa parivītākhilāṅgāvagamita śayana bhūtāhirājajātātiśayaḥ || 25||

रविकोटी परिपाटी धरकोटिर वराटीकितवाटि रसधाटि धरमणिगण किरणविसरण सततविधुत तिमिरमोहगर्भगेहः ॥ २६॥

ravikoṭī paripāṭī dharakoṭira varāṭīkitavāṭi rasadhāṭi dharamaṇigaṇa kiraṇavisaraṇa satatavidhuta timiramohagarbhagehaḥ || 26||

अपरिमित विविधभुवनभरिताखण्ड ब्रह्माण्डमण्डल पिचण्डिलः ॥ २७॥

aparimita vividhabhuvanabharitākhaṇḍa brahmāṇḍamaṇḍala picaṇḍilaḥ || 27||

आर्यधुर्यानन्तार्य पवित्रखनित्रपात पात्रीकृत निजचुबुकगत व्रणकिणविभूषणवहन सूचितश्रित जनवत्सलतातिशयः ॥ २८॥

āryadhuryānantārya pavitrakhanitrapāta pātrīkṛta nijacubukagata vraṇakiṇavibhūṣaṇavahana sūcitaśrita janavatsalatātiśayaḥ || 28||

मड्।ह्डुडिण्डिम डमरुझर्झर काहली पटहावली मृदुमर्दलालि मृदङ्गदुन्दुभि ढक्किकामुख हृद्यवाद्यक मधुरमङ्गल नादमेदुर विसृमरसरसगान रसरुचिर सन्ततसन्तन्यमान नित्योत्सव पक्षोत्सव मासोत्सवसंवत्सरोत्सवादि विविधोत्सव कृतानन्दः ॥ २९॥

maḍ|hḍuḍiṇḍima ḍamarujharjhara kāhalī paṭahāvalī mṛdumardalāli mṛdaṅgadundubhi ḍhakkikāmukha hṛdyavādyaka madhuramaṅgala nādamedura visṛmarasarasagāna rasarucira santatasantanyamāna nityotsava pakṣotsava māsotsavasaṃvatsarotsavādi vividhotsava kṛtānandaḥ || 29||

श्रीमदानन्दनिलयविमानवासः ॥ ३०॥

śrīmadānandanilayavimānavāsaḥ || 30||

सततपद्मालयापदपद्मरेणुसञ्चित वक्षस्स्थलपटवासः ॥ ३१॥

satatapadmālayāpadapadmareṇusañcita vakṣassthalapaṭavāsaḥ || 31||

श्रीश्रीनिवासस्सुप्रसन्नो विजयताम् ॥ ३२॥

śrīśrīnivāsassuprasanno vijayatām || 32||

श्रीरङ्गसूरिणेदं श्रीशैलानन्तसुरिवंश्येन ।भक्त्या रचितं हृद्यम् गद्यम् गृह्णातु वेङ्कटेशानः ॥॥ श्री श्रीनिवासगद्यं सम्पूर्णम् ॥

śrīraṅgasūriṇedaṃ śrīśailānantasurivaṃśyena |bhaktyā racitaṃ hṛdyam gadyam gṛhṇātu veṅkaṭeśānaḥ |||| śrī śrīnivāsagadyaṃ sampūrṇam ||