अरुणाचलाष्टकम् Shri Arunachala Ashtakam

दर्शनादभ्रसदसि जननात्कमलालये ।काश्यां तु मरणान्मुक्तिः स्मरणादरुणाचले ॥ १॥

darśanādabhrasadasi jananātkamalālaye |kāśyāṃ tu maraṇānmuktiḥ smaraṇādaruṇācale || 1||

करुणापूरितापाङ्गं शरणागतवत्सलम् ।तरुणेन्दुजटामौलिं स्मरणादरुणाचलम् ॥ २॥

karuṇāpūritāpāṅgaṃ śaraṇāgatavatsalam |taruṇendujaṭāmauliṃ smaraṇādaruṇācalam || 2||

समस्तजगदाधारं सच्चिदानन्दविग्रहम् ।सहस्ररथसोपेतं स्मरणादरुणाचलम् ॥ ३॥

samastajagadādhāraṃ saccidānandavigraham |sahasrarathasopetaṃ smaraṇādaruṇācalam || 3||

काञ्चनप्रतिमाभासं वाञ्छितार्थफलप्रदम् ।मां च रक्ष सुराध्यक्षं स्मरणादरुणाचलम् ॥ ४॥

kāñcanapratimābhāsaṃ vāñchitārthaphalapradam |māṃ ca rakṣa surādhyakṣaṃ smaraṇādaruṇācalam || 4||

बद्धचन्द्रजटाजूटमर्धनारीकलेवरम् ।वर्धमानदयाम्भोधिं स्मरणादरुणाचलम् ॥ ५॥

baddhacandrajaṭājūṭamardhanārīkalevaram |vardhamānadayāmbhodhiṃ smaraṇādaruṇācalam || 5||

काञ्चनप्रतिमाभासं सूर्यकोटिसमप्रभम् ।बद्धव्याघ्रपुरीध्यानं स्मरणादरुणाचलम् ॥ ६॥

kāñcanapratimābhāsaṃ sūryakoṭisamaprabham |baddhavyāghrapurīdhyānaṃ smaraṇādaruṇācalam || 6||

शिक्षयाखिलदेवारिभक्षितक्ष्वेलकन्धरम् ।रक्षयाखिलभक्तानां स्मरणादरुणाचलम् ॥ ७॥

śikṣayākhiladevāribhakṣitakṣvelakandharam |rakṣayākhilabhaktānāṃ smaraṇādaruṇācalam || 7||

अष्टभूतिसमायुक्तमिष्टकामफलप्रदम् ।शिष्टभक्तिसमायुक्तान् स्मरणादरुणाचलम् ॥ ८॥

aṣṭabhūtisamāyuktamiṣṭakāmaphalapradam |śiṣṭabhaktisamāyuktān smaraṇādaruṇācalam || 8||

विनायकसुराध्यक्षं विष्णुब्रह्मेन्द्रसेवितम् ।विमलारुणपादाब्जं स्मरणादरुणाचलम् ॥ ९॥

vināyakasurādhyakṣaṃ viṣṇubrahmendrasevitam |vimalāruṇapādābjaṃ smaraṇādaruṇācalam || 9||

मन्दारमल्लिकाजातिकुन्दचम्पकपङ्कजैः ।इन्द्रादिपूजितां देवीं स्मरणादरुणाचलम् ॥ १०॥

mandāramallikājātikundacampakapaṅkajaiḥ |indrādipūjitāṃ devīṃ smaraṇādaruṇācalam || 10||

सम्पत्करं पार्वतीशं सूर्यचन्द्राग्निलोचनम् ।मन्दस्मितमुखाम्भोजं स्मरणादरुणाचलम् ॥ ११॥

sampatkaraṃ pārvatīśaṃ sūryacandrāgnilocanam |mandasmitamukhāmbhojaṃ smaraṇādaruṇācalam || 11||

॥ इति श्रीअरुणाचलाष्टकं सम्पूर्णम् ॥

|| iti śrīaruṇācalāṣṭakaṃ sampūrṇam ||