सरस्वतीकवचम् २ Shri Sharasvati Khavacham

भैरव उवाचशृणु देवि! प्रवक्ष्यामि वाणीकवचमुत्तमम् ।त्रैलोक्यमोहनं नाम दिव्यं भोगापवर्गदम् ॥ १॥

bhairava uvācaśṛṇu devi! pravakṣyāmi vāṇīkavacamuttamam |trailokyamohanaṃ nāma divyaṃ bhogāpavargadam || 1||

मूलमन्त्रमयं साध्यमष्टसिद्धिप्रदायकम् ।सर्वैश्वर्यप्रदं लोके सर्वाङ्गमविनिश्चितम् ॥ २॥

mūlamantramayaṃ sādhyamaṣṭasiddhipradāyakam |sarvaiśvaryapradaṃ loke sarvāṅgamaviniścitam || 2||

पठनाच्छ्रवणात् देवि! महापातकनाशनम् ।महोत्पातप्रशमनं मूलविद्यामनोहरम् ॥ ३॥

paṭhanācchravaṇāt devi! mahāpātakanāśanam |mahotpātapraśamanaṃ mūlavidyāmanoharam || 3||

यद्धृत्वा कवचं ब्रह्मा विष्णुरीशः शचीपतिः ।यमोऽपि वरुणश्चैव कुबेरोऽपि दिगीश्वराः ॥ ४॥

yaddhṛtvā kavacaṃ brahmā viṣṇurīśaḥ śacīpatiḥ |yamo'pi varuṇaścaiva kubero'pi digīśvarāḥ || 4||

ब्रह्मा सृजति विश्वं च विष्णुर्दैत्यनिसूदनः ।शिवः संहरते विश्व जिष्णुः सुमनसां पतिः ॥ ५॥

brahmā sṛjati viśvaṃ ca viṣṇurdaityanisūdanaḥ |śivaḥ saṃharate viśva jiṣṇuḥ sumanasāṃ patiḥ || 5||

दिगीश्वराश्च दिक्पाला यथावदनुभूतये ।त्रैलोक्यमोहनं वक्ष्ये भोगमोक्षैकसाधनम् ॥ ६॥

digīśvarāśca dikpālā yathāvadanubhūtaye |trailokyamohanaṃ vakṣye bhogamokṣaikasādhanam || 6||

सर्वविद्यामयं ब्रह्मविद्यानिधिमनुत्तमम् ।त्रैलोक्यमोहनस्यास्य कवचस्य प्रकीर्तितः ॥ ७॥

sarvavidyāmayaṃ brahmavidyānidhimanuttamam |trailokyamohanasyāsya kavacasya prakīrtitaḥ || 7||

विनियोगःऋषिः कण्वो विराट् छन्दो देवी सरस्वती शुभा ।अस्य श्रीसरस्वती देवता\, ह्रीं बीजं\, ॐ शक्तिः\, ऐं कीलकं\,त्रिवर्गफलसाधने विनियोगः ।ऋष्यादिन्यासःकण्वऋषये नमः शिरसि । विराट् छन्दसे नमः मुखे ।देवीसरस्वत्यै नमः हृदि । ह्रीं बीजाय नमः गुह्ये ।ॐ शक्तये नमः नाभौ । ऐं कीलकाय नमः पादयोः ।त्रिवर्गफलसाधने विनियोगाय नमः सर्वाङ्गे॥ॐ ऐं ह्रीं ह्रीं पातु वाणी शिरो मे सर्वदा सती ।ॐ ह्रीं सरस्वती देवी भालं पातु सदा मम ॥ ८॥

viniyogaḥṛṣiḥ kaṇvo virāṭ chando devī sarasvatī śubhā |asya śrīsarasvatī devatā\, hrīṃ bījaṃ\, oṃ śaktiḥ\, aiṃ kīlakaṃ\,trivargaphalasādhane viniyogaḥ |ṛṣyādinyāsaḥkaṇvaṛṣaye namaḥ śirasi | virāṭ chandase namaḥ mukhe |devīsarasvatyai namaḥ hṛdi | hrīṃ bījāya namaḥ guhye |oṃ śaktaye namaḥ nābhau | aiṃ kīlakāya namaḥ pādayoḥ |trivargaphalasādhane viniyogāya namaḥ sarvāṅge||oṃ aiṃ hrīṃ hrīṃ pātu vāṇī śiro me sarvadā satī |oṃ hrīṃ sarasvatī devī bhālaṃ pātu sadā mama || 8||

ॐ ह्रीं भ्रुवौ पातु दुर्गा दैत्यानां भयदायिनी ।ॐ ऐं ह्रीं पातु नेत्रे सर्वमङ्गलमङ्गला ॥ ९॥

oṃ hrīṃ bhruvau pātu durgā daityānāṃ bhayadāyinī |oṃ aiṃ hrīṃ pātu netre sarvamaṅgalamaṅgalā || 9||

ॐ ह्रीं पातु श्रोत्रयुग्मं जगदभयकारिणी ।ॐ ऐं नासा पातु नित्यं विद्या विद्यावरप्रदा ॥ १०॥

oṃ hrīṃ pātu śrotrayugmaṃ jagadabhayakāriṇī |oṃ aiṃ nāsā pātu nityaṃ vidyā vidyāvarapradā || 10||

ॐ ह्रीं ऐं पातु वक्त्रं वाग्देवी भयनाशिनी ।अं आं इं ईं पातु दन्तान् त्रिदन्तेश्वर पूजिताः ॥ ११॥

oṃ hrīṃ aiṃ pātu vaktraṃ vāgdevī bhayanāśinī |aṃ āṃ iṃ īṃ pātu dantān tridanteśvara pūjitāḥ || 11||

उं ऊं ऋं ॠं ऌं ॡं एं ऐं पातु ओष्ठौ च भारती ।ओं औं अं अः पातु कण्ठं नीलकण्ठाङ्कवासिनी ॥ १२॥

uṃ ūṃ ṛṃ ṝṃ ḷṃ ḹṃ eṃ aiṃ pātu oṣṭhau ca bhāratī |oṃ auṃ aṃ aḥ pātu kaṇṭhaṃ nīlakaṇṭhāṅkavāsinī || 12||

कं खं गं घं ङं पायान्मे चांसौ देवेशपूजिता ।चं छं जं झं ञं मे पातु वक्षो वक्षःस्थलाश्रया ॥ १३॥

kaṃ khaṃ gaṃ ghaṃ ṅaṃ pāyānme cāṃsau deveśapūjitā |caṃ chaṃ jaṃ jhaṃ ñaṃ me pātu vakṣo vakṣaḥsthalāśrayā || 13||

टं ठं डं ढं णं पायान्मे पार्श्वौ पार्श्वनिवासिनी ।तं थं दं धं नं मे पातु मध्ये लोकेशपूजिता ॥ १४॥

ṭaṃ ṭhaṃ ḍaṃ ḍhaṃ ṇaṃ pāyānme pārśvau pārśvanivāsinī |taṃ thaṃ daṃ dhaṃ naṃ me pātu madhye lokeśapūjitā || 14||

पं फं बं भं मं पायान्मे नाभिं ब्रह्मेशसेविता ।यं रं लं वं पातु गुह्य नितम्बप्रियवादिनी ॥ १५॥

paṃ phaṃ baṃ bhaṃ maṃ pāyānme nābhiṃ brahmeśasevitā |yaṃ raṃ laṃ vaṃ pātu guhya nitambapriyavādinī || 15||

शं षं सं हं कटिं पातु देवी श्रीवगलामुखी ।ऊरू ळं क्षं सदा पातु सर्वाविद्याप्रदा शिवा ॥ १६॥

śaṃ ṣaṃ saṃ haṃ kaṭiṃ pātu devī śrīvagalāmukhī |ūrū ḷaṃ kṣaṃ sadā pātu sarvāvidyāpradā śivā || 16||

सरस्वती पातु जङ्घे रमेश्वरप्रपूजिता ।ॐ ह्रीं ऐं ह्रीं पातु पादौ पादपीठनिवासिनी ॥ १७॥

sarasvatī pātu jaṅghe rameśvaraprapūjitā |oṃ hrīṃ aiṃ hrīṃ pātu pādau pādapīṭhanivāsinī || 17||

विस्मारितं च यत् स्थानं यद्देशो नाम वर्जितः ।तत्सर्वं पातु वागेशी मूलविद्यामयी परा ॥ १८॥

vismāritaṃ ca yat sthānaṃ yaddeśo nāma varjitaḥ |tatsarvaṃ pātu vāgeśī mūlavidyāmayī parā || 18||

पूर्वे मां पातु वाग्देवी वागेशी वह्निके च माम् ।सरस्वती दक्षिणे च नैरृत्ये चानलप्रिया ॥ १९॥

pūrve māṃ pātu vāgdevī vāgeśī vahnike ca mām |sarasvatī dakṣiṇe ca nairṛtye cānalapriyā || 19||

पश्चिमे पातु वागीशा वायौ वेणामुखी तथा ।उत्तरे पातु विद्या चैशान्यां विद्याधरी तथा ॥ २०॥

paścime pātu vāgīśā vāyau veṇāmukhī tathā |uttare pātu vidyā caiśānyāṃ vidyādharī tathā || 20||

असिताङ्गो जलात् पातु पयसो रुरुभैरवः ।चण्डश्च पातु वातान्मे क्रोधेशः पातु धावतः ॥ २१॥

asitāṅgo jalāt pātu payaso rurubhairavaḥ |caṇḍaśca pātu vātānme krodheśaḥ pātu dhāvataḥ || 21||

उन्मत्तस्तिष्ठतः पातु भीषणश्चाग्रतोऽवतु ।कपाली मार्गमध्ये च संहारश्च प्रवेशतः ॥ २२॥

unmattastiṣṭhataḥ pātu bhīṣaṇaścāgrato'vatu |kapālī mārgamadhye ca saṃhāraśca praveśataḥ || 22||

पादादिमूर्धपर्यन्तं वपुः सर्वत्र मेऽवतु ।शिरसः पादपर्यन्तं देवी सरस्वती मम ॥ २३॥

pādādimūrdhaparyantaṃ vapuḥ sarvatra me'vatu |śirasaḥ pādaparyantaṃ devī sarasvatī mama || 23||

इतीदं कवचं वाणी मन्त्रगर्भं जयावहम् ।त्रैलोक्यमोहनं नाम दारिद्र्यभयनाशनम् ॥ २४॥

itīdaṃ kavacaṃ vāṇī mantragarbhaṃ jayāvaham |trailokyamohanaṃ nāma dāridryabhayanāśanam || 24||

सर्वरोगहरं साक्षात् सिद्धिदं पापनाशनम् ।विद्याप्रदं साधकानां मूलविद्यामयं परम् ॥ २५॥

sarvarogaharaṃ sākṣāt siddhidaṃ pāpanāśanam |vidyāpradaṃ sādhakānāṃ mūlavidyāmayaṃ param || 25||

परमार्थप्रदं नित्यं भोगमोक्षैककारणम् ।यः पठेत् कवचं देवि! विवादे शत्रुसङ्कटे ॥ २६॥

paramārthapradaṃ nityaṃ bhogamokṣaikakāraṇam |yaḥ paṭhet kavacaṃ devi! vivāde śatrusaṅkaṭe || 26||

वादिमुखं स्तम्भयित्वा विजयी गृहमेष्यति ।पठनात् कवचस्यास्य राज्यकोपः प्रशाम्यति ॥ २७॥

vādimukhaṃ stambhayitvā vijayī gṛhameṣyati |paṭhanāt kavacasyāsya rājyakopaḥ praśāmyati || 27||

त्रिवारं यः पठेद् रात्रो श्मशाने सिद्धिमाप्नुयात् ।रसैर्भूजे लिखेद् वर्म रविवारे महेश्वरि! ॥ २८॥

trivāraṃ yaḥ paṭhed rātro śmaśāne siddhimāpnuyāt |rasairbhūje likhed varma ravivāre maheśvari! || 28||

अष्टगन्धेर्लाक्षया च धूपदीपादितर्पणैः ।सुवर्णगुटिकां तत्स्थां पूजयेत् यन्त्रराजवत् ॥ २९॥

aṣṭagandherlākṣayā ca dhūpadīpāditarpaṇaiḥ |suvarṇaguṭikāṃ tatsthāṃ pūjayet yantrarājavat || 29||

गुटिकैषा महारूपा शुभा सरस्वतीप्रदा ।सर्वार्थसाधनी लोके यथाऽभीष्टफलप्रदा ॥ ३०॥

guṭikaiṣā mahārūpā śubhā sarasvatīpradā |sarvārthasādhanī loke yathā'bhīṣṭaphalapradā || 30||

गुटिकेयं शुभा देव्या न देया यस्य कस्यचित् ।इदं कवचमीशानि मूलविद्यामयं ध्रुवम् ॥ ३१॥

guṭikeyaṃ śubhā devyā na deyā yasya kasyacit |idaṃ kavacamīśāni mūlavidyāmayaṃ dhruvam || 31||

विद्याप्रदं श्रीपदं च पुत्रपौत्रविवर्धनम् ।आयुष्यकरं पुष्टिकरं श्रीकरं च यशः प्रदम् ॥ ३२॥

vidyāpradaṃ śrīpadaṃ ca putrapautravivardhanam |āyuṣyakaraṃ puṣṭikaraṃ śrīkaraṃ ca yaśaḥ pradam || 32||

इतीदं कवचं देवि! त्रैलोक्यमोहनाभिधम ।कवचं मन्त्रगर्भं तु त्रैलोक्य मोहनाभिधम् ॥ ३३॥

itīdaṃ kavacaṃ devi! trailokyamohanābhidhama |kavacaṃ mantragarbhaṃ tu trailokya mohanābhidham || 33||

॥ इति श्रीरुद्रयामले तन्त्रे दशविद्यारहस्ये सरस्वती कवचम् ॥

|| iti śrīrudrayāmale tantre daśavidyārahasye sarasvatī kavacam ||