गायत्र्यष्टकम् २ अथवा स्तोत्रम् Gayatri Ashtakam

गायत्र्यष्टकम्सुकल्याणीं वाणीं सुरमुनिवरैः पूजितपदाम्शिवामाद्यां वन्द्यां त्रिभुवनमयीं वेदजननीम् ।परं शक्तिं स्रष्टुं विविधविध रूपां गुणमयींभजेऽम्बां गायत्रीं परमसुभगानन्दजननीम् ॥ १॥

gāyatryaṣṭakamsukalyāṇīṃ vāṇīṃ suramunivaraiḥ pūjitapadāmśivāmādyāṃ vandyāṃ tribhuvanamayīṃ vedajananīm |paraṃ śaktiṃ sraṣṭuṃ vividhavidha rūpāṃ guṇamayīṃbhaje'mbāṃ gāyatrīṃ paramasubhagānandajananīm || 1||

विशुद्धां सत्त्वस्थामखिल दुरवस्थादिहरणींनिराकारां सारां सुविमल तपो मूर्तिमतुलाम् ।जगज्ज्येष्ठां श्रेष्ठामसुरसुरपूज्यां श्रुतिनुतांभजेऽम्बां गायत्रीं परमसुभगानन्दजननीम् ॥ २॥

viśuddhāṃ sattvasthāmakhila duravasthādiharaṇīṃnirākārāṃ sārāṃ suvimala tapo mūrtimatulām |jagajjyeṣṭhāṃ śreṣṭhāmasurasurapūjyāṃ śrutinutāṃbhaje'mbāṃ gāyatrīṃ paramasubhagānandajananīm || 2||

तपो निष्ठाभीष्टांस्वजनमनसन्तापशमनींदयामूर्तिं स्फूर्तिं यतितति प्रसादैकसुलभाम् ।वरेण्यां पुण्यां तां निखिल भव बन्धापहरणींभजेऽम्बां गायत्रीं परमसुभगानन्दजननीम् ॥ ३॥

tapo niṣṭhābhīṣṭāṃsvajanamanasantāpaśamanīṃdayāmūrtiṃ sphūrtiṃ yatitati prasādaikasulabhām |vareṇyāṃ puṇyāṃ tāṃ nikhila bhava bandhāpaharaṇīṃbhaje'mbāṃ gāyatrīṃ paramasubhagānandajananīm || 3||

सदाराध्यां साध्यां सुमति मति विस्तारकरणींविशोकामालोकां हृदयगत मोहान्धहरणीम् ।परां दिव्यां भव्यामगमभवसिन्ध्वेक तरणींभजेऽम्बां गायत्रीं परमसुभगानन्दजननीम् ॥ ४॥

sadārādhyāṃ sādhyāṃ sumati mati vistārakaraṇīṃviśokāmālokāṃ hṛdayagata mohāndhaharaṇīm |parāṃ divyāṃ bhavyāmagamabhavasindhveka taraṇīṃbhaje'mbāṃ gāyatrīṃ paramasubhagānandajananīm || 4||

अजां द्वैतां त्रैतां विविधगुणरूपां सुविमलांतमो हन्त्रींतन्त्रीं श्रुति मधुरनादां रसमयीम् ।महामान्यां धन्यां सततकरुणाशील विभवांभजेऽम्बां गायत्रीं परमसुभगानन्दजननीम् ॥ ५॥

ajāṃ dvaitāṃ traitāṃ vividhaguṇarūpāṃ suvimalāṃtamo hantrīṃtantrīṃ śruti madhuranādāṃ rasamayīm |mahāmānyāṃ dhanyāṃ satatakaruṇāśīla vibhavāṃbhaje'mbāṃ gāyatrīṃ paramasubhagānandajananīm || 5||

जगद्धात्रीं पात्रीं सकल भव संहारकरणींसुवीरां धीरां तां सुविमल तपो राशि सरणीम् ।अनेकामेकां वै त्रिजगसदधिष्ठानपदवींभजेऽम्बां गायत्रीं परमसुभगानन्दजननीम् ॥ ६॥

jagaddhātrīṃ pātrīṃ sakala bhava saṃhārakaraṇīṃsuvīrāṃ dhīrāṃ tāṃ suvimala tapo rāśi saraṇīm |anekāmekāṃ vai trijagasadadhiṣṭhānapadavīṃbhaje'mbāṃ gāyatrīṃ paramasubhagānandajananīm || 6||

प्रबुद्धां बुद्धां तां स्वजनमति जाड्यापहरणांहिरण्यां गुण्यां तां सुकविजन गीतां सुनिपुणीम् ।सुविद्यां निरवद्याममल गुणगाथां भगवतींभजेऽम्बां गायत्रीं परमसुभगानन्दजननीम् ॥ ७॥

prabuddhāṃ buddhāṃ tāṃ svajanamati jāḍyāpaharaṇāṃhiraṇyāṃ guṇyāṃ tāṃ sukavijana gītāṃ sunipuṇīm |suvidyāṃ niravadyāmamala guṇagāthāṃ bhagavatīṃbhaje'mbāṃ gāyatrīṃ paramasubhagānandajananīm || 7||

अनन्तां शान्तां यां भजति बुध वृन्दः श्रुतिमयींसुगेयां ध्येयां यां स्मरति हृदि नित्यं सुरपतिः ।सदा भक्त्या शक्त्या प्रणतमतिभिः प्रीतिवशगांभजेऽम्बां गायत्रीं परमसुभगानन्दजननीम् ॥ ८॥

anantāṃ śāntāṃ yāṃ bhajati budha vṛndaḥ śrutimayīṃsugeyāṃ dhyeyāṃ yāṃ smarati hṛdi nityaṃ surapatiḥ |sadā bhaktyā śaktyā praṇatamatibhiḥ prītivaśagāṃbhaje'mbāṃ gāyatrīṃ paramasubhagānandajananīm || 8||

शुद्ध चित्तः पठेद्यस्तु गायत्र्या अष्टकं शुभम् ।अहो भाग्यो भवेल्लोके तस्मिन् माता प्रसीदति ॥ ९॥

śuddha cittaḥ paṭhedyastu gāyatryā aṣṭakaṃ śubham |aho bhāgyo bhavelloke tasmin mātā prasīdati || 9||

इति गायत्र्यष्टकं अथवा स्तोत्रं सम्पूर्णम् ।

iti gāyatryaṣṭakaṃ athavā stotraṃ sampūrṇam |