गङ्गाष्टकम् (शङ्कराचार्यविरचितम्) Ganga Ashtakam

ॐभगवति तव तीरे नीरमात्राशनोऽहंविगतविषयतृष्णः कृष्णमाराधयामि ।सकलकलुषभङ्गे स्वर्गसोपानगङ्गेतरलतरतरङ्गे देवि गङ्गे प्रसीद ॥ १॥

oṃbhagavati tava tīre nīramātrāśano'haṃvigataviṣayatṛṣṇaḥ kṛṣṇamārādhayāmi |sakalakaluṣabhaṅge svargasopānagaṅgetaralatarataraṅge devi gaṅge prasīda || 1||

भगवति भवलीलामौलिमाले तवाम्भःकणमणुपरिमाणं प्राणिनो ये स्पृशन्ति ।अमरनगरनारीचामरमरग्राहिणीनांविगतकलिकलङ्कातङ्कमङ्के लुठन्ति ॥ २॥

bhagavati bhavalīlāmaulimāle tavāmbhaḥkaṇamaṇuparimāṇaṃ prāṇino ye spṛśanti |amaranagaranārīcāmaramaragrāhiṇīnāṃvigatakalikalaṅkātaṅkamaṅke luṭhanti || 2||

ब्रह्माण्डं खण्डयन्ती हरशिरसि जटावल्लिमुल्लासयन्तीस्वर्लोकात् आपतन्ती कनकगिरिगुहागण्डशैलात् स्खलन्ती ।क्षोणी पृष्ठे लुठन्ती दुरितचयचमूर्निर्भरं भर्त्सयन्तीपाथोधिं पूरयन्ती सुरनगरसरित् पावनी नः पुनातु ॥ ३॥

brahmāṇḍaṃ khaṇḍayantī haraśirasi jaṭāvallimullāsayantīsvarlokāt āpatantī kanakagiriguhāgaṇḍaśailāt skhalantī |kṣoṇī pṛṣṭhe luṭhantī duritacayacamūrnirbharaṃ bhartsayantīpāthodhiṃ pūrayantī suranagarasarit pāvanī naḥ punātu || 3||

मज्जन्मातङ्गकुम्भच्युतमदमदिरामोदमत्तालिजालंस्नानैः सिद्धाङ्गनानां कुचयुगविगलत् कुङ्कुमासङ्गपिङ्गम् ।सायम्प्रातर्मुनीनां कुशकुसुमचयैः छन्नतीरस्थनीरंपायान्नो गाङ्गमम्भः करिकलभकराक्रान्तरंहस्तरङ्गम् ॥ ४॥

majjanmātaṅgakumbhacyutamadamadirāmodamattālijālaṃsnānaiḥ siddhāṅganānāṃ kucayugavigalat kuṅkumāsaṅgapiṅgam |sāyamprātarmunīnāṃ kuśakusumacayaiḥ channatīrasthanīraṃpāyānno gāṅgamambhaḥ karikalabhakarākrāntaraṃhastaraṅgam || 4||

आदावादि पितामहस्य नियमव्यापारपात्रे जलंपश्चात् पन्नगशायिनो भगवतः पादोदकं पावनम् ।भूयः शम्भुजटाविभूषणमणिः जह्वोर्महर्षेरियंकन्या कल्मषनाशिनी भगवती भागीरथी दृश्यते ॥ ५॥

ādāvādi pitāmahasya niyamavyāpārapātre jalaṃpaścāt pannagaśāyino bhagavataḥ pādodakaṃ pāvanam |bhūyaḥ śambhujaṭāvibhūṣaṇamaṇiḥ jahvormaharṣeriyaṃkanyā kalmaṣanāśinī bhagavatī bhāgīrathī dṛśyate || 5||

शैलेन्द्रात् अवतारिणी निजजले मज्जत् जनोत्तारिणीपारावारविहारिणी भवभयश्रेणी समुत्सारिणी ।शेषाहेरनुकारिणी हरशिरोवल्लीदलाकारिणीकाशीप्रान्तविहारिणी विजयते गङ्गा मनोहारिणी ॥ ६॥

śailendrāt avatāriṇī nijajale majjat janottāriṇīpārāvāravihāriṇī bhavabhayaśreṇī samutsāriṇī |śeṣāheranukāriṇī haraśirovallīdalākāriṇīkāśīprāntavihāriṇī vijayate gaṅgā manohāriṇī || 6||

कुतो वीचिर्वीचिस्तव यदि गता लोचनपथंत्वमापीता पीताम्बरपुरनिवासं वितरसि ।त्वदुत्सङ्गे गङ्गे पतति यदि कायस्तनुभृतांतदा मातः शातक्रतवपदलाभोऽप्यतिलघुः ॥ ७॥

kuto vīcirvīcistava yadi gatā locanapathaṃtvamāpītā pītāmbarapuranivāsaṃ vitarasi |tvadutsaṅge gaṅge patati yadi kāyastanubhṛtāṃtadā mātaḥ śātakratavapadalābho'pyatilaghuḥ || 7||

गङ्गे त्रैलोक्यसारे सकलसुरवधूधौतविस्तीर्णतोयेपूर्णब्रह्मस्वरूपे हरिचरणरजोहारिणि स्वर्गमार्गे ।प्रायश्चित्तं यदि स्यात् तव जलकणिका ब्रह्महत्यादिपापेकस्त्वां स्तोतुं समर्थः त्रिजगदघहरे देवि गङ्गे प्रसीद ॥ ८॥

gaṅge trailokyasāre sakalasuravadhūdhautavistīrṇatoyepūrṇabrahmasvarūpe haricaraṇarajohāriṇi svargamārge |prāyaścittaṃ yadi syāt tava jalakaṇikā brahmahatyādipāpekastvāṃ stotuṃ samarthaḥ trijagadaghahare devi gaṅge prasīda || 8||

मातर्जाह्नवी शम्भुसङ्गमिलिते मौलौ निधायाञ्जलिंत्वत्तीरे वपुषोऽवसानसमये नारायणाङ्घ्रिद्वयम् ।सानन्दं स्मरतो भविष्यति मम प्राणप्रयाणोत्सवेभूयात् भक्तिरविच्युता हरिहराद्वैतात्मिका शाश्वती ॥ ९॥

mātarjāhnavī śambhusaṅgamilite maulau nidhāyāñjaliṃtvattīre vapuṣo'vasānasamaye nārāyaṇāṅghridvayam |sānandaṃ smarato bhaviṣyati mama prāṇaprayāṇotsavebhūyāt bhaktiravicyutā hariharādvaitātmikā śāśvatī || 9||

गङ्गाष्टकमिदं पुण्यं यः पठेत् प्रयतो नरः ।सर्वपापविनिर्भुक्तो विष्णुलोकं स गच्छति ॥ १०॥

gaṅgāṣṭakamidaṃ puṇyaṃ yaḥ paṭhet prayato naraḥ |sarvapāpavinirbhukto viṣṇulokaṃ sa gacchati || 10||

इति श्रीमत्परमहंसपरिव्राजकाचार्य श्रीगोविन्दभगवत्पूज्यपादस्यशिष्याश्रीमच्छङ्करभगवतः कृतौ गङ्गाष्टकस्तोत्रं सम्पूर्णम् ।

iti śrīmatparamahaṃsaparivrājakācārya śrīgovindabhagavatpūjyapādasyaśiṣyāśrīmacchaṅkarabhagavataḥ kṛtau gaṅgāṣṭakastotraṃ sampūrṇam |