नवदुर्गास्तोत्रम् २ Nava Durga Stotram

सच्चित्कला भगवती प्रथमं सुसूक्ष्माविद्योतते सुकृतिनां हृदये पराख्या ।भर्गाख्यया सवितृमण्डलमध्यसस्थासा बुद्धिचोदनपरा भवतु वरेण्या ॥ १॥

saccitkalā bhagavatī prathamaṃ susūkṣmāvidyotate sukṛtināṃ hṛdaye parākhyā |bhargākhyayā savitṛmaṇḍalamadhyasasthāsā buddhicodanaparā bhavatu vareṇyā || 1||

ध्यायन्ति यां सहृदया हृदये प्रभातेगायन्ति यां सुकवयो ललितैर्वचोभिः ।यां योगिनः सुहृदये परिशीलयन्तितां मोक्षदां भगवतीं शरणं प्रपद्ये ॥ २॥

dhyāyanti yāṃ sahṛdayā hṛdaye prabhātegāyanti yāṃ sukavayo lalitairvacobhiḥ |yāṃ yoginaḥ suhṛdaye pariśīlayantitāṃ mokṣadāṃ bhagavatīṃ śaraṇaṃ prapadye || 2||

शैलात्मजा कमलभूषितहंसयानादुर्गा च दुर्गतिहरा भवनौ सुतारा ।नारायणेन सुकृतैः स्मृतनामधेयाविघ्नान्निवारयतु द्वादशषड् भुजाढ्या ॥ ३॥

śailātmajā kamalabhūṣitahaṃsayānādurgā ca durgatiharā bhavanau sutārā |nārāyaṇena sukṛtaiḥ smṛtanāmadheyāvighnānnivārayatu dvādaśaṣaḍ bhujāḍhyā || 3||

हे वासुदेवसहजे! प्रतार्तिहर्त्रि !हे नन्दगोपजयदे ! वसुदेवनीते ! ।हे कंसराजदलिनि! श्रितव्योम मार्गे!देवैस्तुते! भगवति! वरदे नमोऽस्तु ॥ ४॥

he vāsudevasahaje! pratārtihartri !he nandagopajayade ! vasudevanīte ! |he kaṃsarājadalini! śritavyoma mārge!devaistute! bhagavati! varade namo'stu || 4||

श्रीनीलकण्ठस्य हृतार्धकाया पद्मे सहस्रे धृतपद्मपादा ।योगीन्द्रवर्यैर्विहितप्रणामा शैलात्मजा विन्ध्यनिवासिनी सा ॥ ५॥

śrīnīlakaṇṭhasya hṛtārdhakāyā padme sahasre dhṛtapadmapādā |yogīndravaryairvihitapraṇāmā śailātmajā vindhyanivāsinī sā || 5||

पूर्णेन्दुवक्त्रा शरदिन्दुशुभ्रा भोगेन्द्रहारा नवद्विभुजाढ्या ।सिंहाधिरूढा सुविशालनेत्रा सा शैलपुत्री भवतु प्रसन्ना ॥ ६॥

pūrṇenduvaktrā śaradinduśubhrā bhogendrahārā navadvibhujāḍhyā |siṃhādhirūḍhā suviśālanetrā sā śailaputrī bhavatu prasannā || 6||

या षट् सरोजे च कृताधिवासा तारं जपन्ती प्रणवं प्रमोदात् ।सार्धत्रिवृत्या च समुल्लसन्ती सा वेदमाता भवतु प्रसन्ना ॥ ७॥

yā ṣaṭ saroje ca kṛtādhivāsā tāraṃ japantī praṇavaṃ pramodāt |sārdhatrivṛtyā ca samullasantī sā vedamātā bhavatu prasannā || 7||

या चन्द्रभाला कमलासने स्वे विन्यस्य पादौ धृतकोणहस्ता ।कुक्षौ दधाना च सुशुभ्रवीणा सा शारदा नो वरदा सदास्तु ॥ ८॥

yā candrabhālā kamalāsane sve vinyasya pādau dhṛtakoṇahastā |kukṣau dadhānā ca suśubhravīṇā sā śāradā no varadā sadāstu || 8||

कुमारमाता द्विरदाननार्चिता शब्दात्मिका गद्यपदैरुदीरिता ।उद्गीथबीजा प्रणवस्वरूपिणी सा पद्महस्ता भवतु प्रसन्ना ॥ ९॥

kumāramātā dviradānanārcitā śabdātmikā gadyapadairudīritā |udgīthabījā praṇavasvarūpiṇī sā padmahastā bhavatu prasannā || 9||

(१) गायत्री (२) मोक्षदा (३) दुर्गा, (४) वरदा (५) विन्ध्यवासिनी ।(६) शैलजा (७) वेदमाता च, (८) शारदा (९) पद्मधारिणी ॥ १०॥

(1) gāyatrī (2) mokṣadā (3) durgā, (4) varadā (5) vindhyavāsinī |(6) śailajā (7) vedamātā ca, (8) śāradā (9) padmadhāriṇī || 10||

नवद्वारमयेहर्म्ये गीयतेऽहर्निशं बुधैः ।हंसीवहंस सहगा खेचरीखगगामिनी ॥ ११॥

navadvāramayeharmye gīyate'harniśaṃ budhaiḥ |haṃsīvahaṃsa sahagā khecarīkhagagāminī || 11||

मूलाधाराद्विधेरन्ध्रं प्राप्य सहस्रदलेस्थिता ।नवभिर्गीयते पद्यैर्नवदुर्गा भयापहा ॥ १२॥

mūlādhārādvidherandhraṃ prāpya sahasradalesthitā |navabhirgīyate padyairnavadurgā bhayāpahā || 12||

इति श्रीजगन्नाथ रविशास्त्रीविरचितम् नवदुर्गास्तोत्रं सम्पूर्णम् ।विनीतः जगत् रविः

iti śrījagannātha raviśāstrīviracitam navadurgāstotraṃ sampūrṇam |vinītaḥ jagat raviḥ