दुर्गाष्टकम् १ Durga Ashtakam (2)

दुर्गे परेशि शुभदेशि परात्परेशिवन्द्ये महेशदयिते करुणार्णवेशि ।स्तुत्ये स्वधे सकलतापहरे सुरेशिकृष्णस्तुते कुरु कृपां ललितेऽखिलेशि ॥ १॥

durge pareśi śubhadeśi parātpareśivandye maheśadayite karuṇārṇaveśi |stutye svadhe sakalatāpahare sureśikṛṣṇastute kuru kṛpāṃ lalite'khileśi || 1||

दिव्ये नुते श्रुतिशतैर्विमले भवेशिकन्दर्पदाराशतसुन्दरि माधवेशि ।मेधे गिरीशतनये नियते शिवेशिकृष्णस्तुते कुरु कृपां ललितेऽखिलेशि ॥ २॥

divye nute śrutiśatairvimale bhaveśikandarpadārāśatasundari mādhaveśi |medhe girīśatanaye niyate śiveśikṛṣṇastute kuru kṛpāṃ lalite'khileśi || 2||

रासेश्वरि प्रणततापहरे कुलेशिधर्मप्रिये भयहरे वरदाग्रगेशि ।वाग्देवते विधिनुते कमलासनेशिकृष्णस्तुतेकुरु कृपां ललितेऽखिलेशि ॥ ३॥

rāseśvari praṇatatāpahare kuleśidharmapriye bhayahare varadāgrageśi |vāgdevate vidhinute kamalāsaneśikṛṣṇastutekuru kṛpāṃ lalite'khileśi || 3||

पूज्ये महावृषभवाहिनि मंगलेशिपद्मे दिगम्बरि महेश्वरि काननेशि ।रम्येधरे सकलदेवनुते गयेशिकृष्णस्तुते कुरु कृपां ललितेऽखिलेशि ॥ ४॥

pūjye mahāvṛṣabhavāhini maṃgaleśipadme digambari maheśvari kānaneśi |ramyedhare sakaladevanute gayeśikṛṣṇastute kuru kṛpāṃ lalite'khileśi || 4||

श्रद्धे सुराऽसुरनुते सकले जलेशिगंगे गिरीशदयिते गणनायकेशि ।दक्षे स्मशाननिलये सुरनायकेशिकृष्णस्तुते कुरु कृपां ललितेऽखिलेशि ॥ ५॥

śraddhe surā'suranute sakale jaleśigaṃge girīśadayite gaṇanāyakeśi |dakṣe smaśānanilaye suranāyakeśikṛṣṇastute kuru kṛpāṃ lalite'khileśi || 5||

तारे कृपार्द्रनयने मधुकैटभेशिविद्येश्वरेश्वरि यमे निखलाक्षरेशि ।ऊर्जे चतुःस्तनि सनातनि मुक्तकेशिकृष्णस्तुते कुरु कृपां ललितऽखिलेशि ॥ ६॥

tāre kṛpārdranayane madhukaiṭabheśividyeśvareśvari yame nikhalākṣareśi |ūrje catuḥstani sanātani muktakeśikṛṣṇastute kuru kṛpāṃ lalita'khileśi || 6||

मोक्षेऽस्थिरे त्रिपुरसुन्दरिपाटलेशिमाहेश्वरि त्रिनयने प्रबले मखेशि ।तृष्णे तरंगिणि बले गतिदे ध्रुवेशिकृष्णस्तुते कुरु कृपां ललितेऽखिलेशि ॥ ७॥

mokṣe'sthire tripurasundaripāṭaleśimāheśvari trinayane prabale makheśi |tṛṣṇe taraṃgiṇi bale gatide dhruveśikṛṣṇastute kuru kṛpāṃ lalite'khileśi || 7||

विश्वम्भरे सकलदे विदिते जयेशिविन्ध्यस्थिते शशिमुखि क्षणदे दयेशि ।मातः सरोजनयने रसिके स्मरेशिकृष्णस्तुते कुरु कृपां ललितेऽखिलेशि ॥ ८॥

viśvambhare sakalade vidite jayeśivindhyasthite śaśimukhi kṣaṇade dayeśi |mātaḥ sarojanayane rasike smareśikṛṣṇastute kuru kṛpāṃ lalite'khileśi || 8||

दुर्गाष्टकं पठति यः प्रयतः प्रभातेसर्वार्थदं हरिहरादिनुतां वरेण्यां ।दुर्गां सुपूज्य महितां विविधोपचारैःप्राप्नोति वांछितफलं न चिरान्मनुष्यः ॥ ९॥

durgāṣṭakaṃ paṭhati yaḥ prayataḥ prabhātesarvārthadaṃ hariharādinutāṃ vareṇyāṃ |durgāṃ supūjya mahitāṃ vividhopacāraiḥprāpnoti vāṃchitaphalaṃ na cirānmanuṣyaḥ || 9||

॥ इति श्री मत्परमहंसपरिव्राजकाचार्यश्रीमदुत्तरांनायज्योतिष्पीठाधीश्वरजगद्गुरूशंकराचार्यस्वामिश्रीशान्तानन्द सरस्वती शिष्यस्वामि श्रीमदनन्तानन्दसरस्वतिविरचितं श्री दुर्गाष्टकं सम्पूर्णम्॥

|| iti śrī matparamahaṃsaparivrājakācāryaśrīmaduttarāṃnāyajyotiṣpīṭhādhīśvarajagadgurūśaṃkarācāryasvāmiśrīśāntānanda sarasvatī śiṣyasvāmi śrīmadanantānandasarasvativiracitaṃ śrī durgāṣṭakaṃ sampūrṇam||