वाराहीनिग्रहाष्टकम् Varahinigrahashtakam

श्रीगणेशाय नमः ।देवि क्रोडमुखि त्वदंघ्रिकमलद्वन्द्वानुरक्तात्मनेमह्यं द्रुह्यति यो महेशि मनसा कायेन वाचा नरः ।तस्याशु त्वदयोग्रनिष्ठुरहलाघातप्रभूतव्यथापर्यस्यन्मनसो भवन्तु वपुषः प्राणाः प्रयाणोन्मुखाः ॥ १॥

śrīgaṇeśāya namaḥ |devi kroḍamukhi tvadaṃghrikamaladvandvānuraktātmanemahyaṃ druhyati yo maheśi manasā kāyena vācā naraḥ |tasyāśu tvadayograniṣṭhurahalāghātaprabhūtavyathāparyasyanmanaso bhavantu vapuṣaḥ prāṇāḥ prayāṇonmukhāḥ || 1||

देवि त्वत्पदपद्मभक्तिविभवप्रक्षीणदुष्कर्मणिप्रादुर्भूतनृशंसभावमलिनां वृत्तिं विधत्ते मयि ।यो देही भुवने तदीयहृदयान्निर्गत्वरैर्लोहितैःसद्यः पूरयसे कराब्जचषकं वांछाफलैर्मामपि ॥ २॥

devi tvatpadapadmabhaktivibhavaprakṣīṇaduṣkarmaṇiprādurbhūtanṛśaṃsabhāvamalināṃ vṛttiṃ vidhatte mayi |yo dehī bhuvane tadīyahṛdayānnirgatvarairlohitaiḥsadyaḥ pūrayase karābjacaṣakaṃ vāṃchāphalairmāmapi || 2||

चण्डोत्तुण्डविदीर्णदुष्टहृदयप्रोद्भिन्नरक्तच्छटा (विदीर्णदंष्ट्र)हालापानमदाट्टहासनिनदाटोपप्रतापोत्कटम् ।मातर्मत्परिपन्थिनामपहृतैः प्राणैस्त्वदंघ्रिद्वयंध्यानोद्दामरवैर्भवोदयवशात्सन्तर्पयामि क्षणात् ॥ ३॥

caṇḍottuṇḍavidīrṇaduṣṭahṛdayaprodbhinnaraktacchaṭā (vidīrṇadaṃṣṭra)hālāpānamadāṭṭahāsaninadāṭopapratāpotkaṭam |mātarmatparipanthināmapahṛtaiḥ prāṇaistvadaṃghridvayaṃdhyānoddāmaravairbhavodayavaśātsantarpayāmi kṣaṇāt || 3||

श्यामां तामरसाननांघ्रिनयनां सोमार्धचूडांजगत्त्राणव्यग्रहलायुधाग्रमुसलां सन्त्रासमुद्रावतीम् ।ये त्वां रक्तकपालिनीं हरवरारोहे वराहाननांभावैः सन्दधते कथं क्षणमपि प्राणन्ति तेषां द्विषः ॥ ४॥

śyāmāṃ tāmarasānanāṃghrinayanāṃ somārdhacūḍāṃjagattrāṇavyagrahalāyudhāgramusalāṃ santrāsamudrāvatīm |ye tvāṃ raktakapālinīṃ haravarārohe varāhānanāṃbhāvaiḥ sandadhate kathaṃ kṣaṇamapi prāṇanti teṣāṃ dviṣaḥ || 4||

विश्वाधीश्वरवल्लभे विजयसे या त्वं नियन्त्र्यात्मिकाभूतान्ता पुरुषायुषावधिकरी पाकप्रदा कर्मणाम् । (भूतानां)त्वां याचे भवतीं किमप्यवितथं यो मद्विरोधीजनस्तस्यायुर्मम वांछितावधि भवेन्मातस्तवैवाज्ञया ॥ ५॥

viśvādhīśvaravallabhe vijayase yā tvaṃ niyantryātmikābhūtāntā puruṣāyuṣāvadhikarī pākapradā karmaṇām | (bhūtānāṃ)tvāṃ yāce bhavatīṃ kimapyavitathaṃ yo madvirodhījanastasyāyurmama vāṃchitāvadhi bhavenmātastavaivājñayā || 5||

मातः सम्यगुपासितुं जडमतिस्त्वां नैव शक्नोम्यहंयद्यप्यन्वितदैशिकांघ्रिकमलानुक्रोशपात्रस्य मे ।जन्तुः कश्चन चिन्तयत्यकुशलं यस्तस्य तद्वैशसंभूयाद्देवि विरोधिनो मम च ते श्रेयः पदासङ्गिनः ॥ ६॥

mātaḥ samyagupāsituṃ jaḍamatistvāṃ naiva śaknomyahaṃyadyapyanvitadaiśikāṃghrikamalānukrośapātrasya me |jantuḥ kaścana cintayatyakuśalaṃ yastasya tadvaiśasaṃbhūyāddevi virodhino mama ca te śreyaḥ padāsaṅginaḥ || 6||

वाराहि व्यथमानमानसगलत्सौख्यं तदाशाबलिंसीदन्तं यमपाकृताध्यवसितं प्राप्ताखिलोत्पादितम् ।क्रन्दद्बन्धुजनैः कलङ्कितकुलं कण्ठव्रणोद्यत्कृमिंपश्यामि प्रतिपक्षमाशु पतितं भ्रान्तं लुठन्तं मुहुः ॥ ७॥

vārāhi vyathamānamānasagalatsaukhyaṃ tadāśābaliṃsīdantaṃ yamapākṛtādhyavasitaṃ prāptākhilotpāditam |krandadbandhujanaiḥ kalaṅkitakulaṃ kaṇṭhavraṇodyatkṛmiṃpaśyāmi pratipakṣamāśu patitaṃ bhrāntaṃ luṭhantaṃ muhuḥ || 7||

वाराहि त्वमशेषजन्तुषु पुनः प्राणात्मिका स्पन्दसेशक्ति व्याप्तचराचरा खलु यतस्त्वामेतदभ्यर्थये ।त्वत्पादाम्बुजसङ्गिनो मम सकृत्पापं चिकीर्षन्ति येतेषां मा कुरु शङ्करप्रियतमे देहान्तरावस्थितिम् ॥ ८॥

vārāhi tvamaśeṣajantuṣu punaḥ prāṇātmikā spandaseśakti vyāptacarācarā khalu yatastvāmetadabhyarthaye |tvatpādāmbujasaṅgino mama sakṛtpāpaṃ cikīrṣanti yeteṣāṃ mā kuru śaṅkarapriyatame dehāntarāvasthitim || 8||

॥ इति श्रीवाराहीनिग्रहाष्टकं सम्पूर्णम् ॥

|| iti śrīvārāhīnigrahāṣṭakaṃ sampūrṇam ||