वसुधारानामधारणीस्तोत्रम् Vasudharanamadharani Stotram

ॐ नमोभगवत्यै आर्यश्रीवसुधारायै ।दिव्यरूपी सुरूपी च सौम्यरूपी बलप्रदा । (वरप्रदा)वसुधरी वसुधारणी वसुश्री श्रीकरी वरा ॥ १॥

oṃ namobhagavatyai āryaśrīvasudhārāyai |divyarūpī surūpī ca saumyarūpī balapradā | (varapradā)vasudharī vasudhāraṇī vasuśrī śrīkarī varā || 1||

धरणी धारणी धाता शरण्या भक्तवत्सला ।प्रज्ञापारमिता देवी प्रज्ञा श्रीबुद्धिवर्धिनी ॥ २॥

dharaṇī dhāraṇī dhātā śaraṇyā bhaktavatsalā |prajñāpāramitā devī prajñā śrībuddhivardhinī || 2||

विद्याधरी शिवा सूक्ष्मा शास्ता सर्वत्र मातृका । (शान्ता)तरुणी तारु(र)णी देवी विद्यादानेश्वरेश्वरी ॥ ३॥

vidyādharī śivā sūkṣmā śāstā sarvatra mātṛkā | (śāntā)taruṇī tāru(ra)ṇī devī vidyādāneśvareśvarī || 3||

भूषिता भूतमाता च सर्वाभरणभूषिता ।दुर्दान्तत्रासनी भीता उग्रा उग्रपराक्रमा ॥ ४॥ (दुर्दान्तवासिनी भीमा)

bhūṣitā bhūtamātā ca sarvābharaṇabhūṣitā |durdāntatrāsanī bhītā ugrā ugraparākramā || 4|| (durdāntavāsinī bhīmā)

दानपारमिता देवी वर्षणी दिव्यरूपिणी ।निधानं सर्वमाङ्गल्या कीर्तिर्लक्ष्मीर्यशःशुभा ॥ ५॥ (यशस्विनी)

dānapāramitā devī varṣaṇī divyarūpiṇī |nidhānaṃ sarvamāṅgalyā kīrtirlakṣmīryaśaḥśubhā || 5|| (yaśasvinī)

दहनी मालिनी चण्डी शबरी सर्वमात्रिका ।कृतान्तशासनी रौद्री कौमारी विश्वरूपिणी ॥ ६॥

dahanī mālinī caṇḍī śabarī sarvamātrikā |kṛtāntaśāsanī raudrī kaumārī viśvarūpiṇī || 6||

वीर्यपारमिता देवी जगदानन्दरोचनी ।तापसी उग्ररूपी च ऋद्धिसिद्धिबलप्रदा ॥ ७॥

vīryapāramitā devī jagadānandarocanī |tāpasī ugrarūpī ca ṛddhisiddhibalapradā || 7||

धन्या पुण्या महाभागा अजिता जितविक्रमा ।जगदेकहिता विद्या सङ्ग्रामे तारणी शुभा ॥ ८॥

dhanyā puṇyā mahābhāgā ajitā jitavikramā |jagadekahitā vidyā saṅgrāme tāraṇī śubhā || 8||

क्षान्तिपारमिता देवी शीलिनी ध्यानध्यायिनो ।पद्मिनी पद्मधारी च पद्मप्रिया पद्मासनी ॥ ९॥

kṣāntipāramitā devī śīlinī dhyānadhyāyino |padminī padmadhārī ca padmapriyā padmāsanī || 9||

शुद्धरूपी महातेजा हेमवर्णा प्रभाकरी ।चिन्तामणिमहादेवी प्रज्ञापुस्तकधारिणी ॥ १०॥

śuddharūpī mahātejā hemavarṇā prabhākarī |cintāmaṇimahādevī prajñāpustakadhāriṇī || 10||

निधानं कूटिमारुढिधन्यागारधनप्रिया ।त्रैधातुकं महा आदि दिव्याभरणभूषिणी ॥ ११॥

nidhānaṃ kūṭimāruḍhidhanyāgāradhanapriyā |traidhātukaṃ mahā ādi divyābharaṇabhūṣiṇī || 11||

मातरी सर्वबुद्धानां रत्नधाते(त्वी)श्वरेश्वरी ।शून्यता भावनी देवी भावाभावविवर्जिता ॥ १२॥

mātarī sarvabuddhānāṃ ratnadhāte(tvī)śvareśvarī |śūnyatā bhāvanī devī bhāvābhāvavivarjitā || 12||

वैन्ये(ने)य किं न विन्यस्ता दिव्यक्लेशनिछेदनी ।भी(भे) दिनी सर्वमाराणां सप्तपातालक्षोभिनी (णी) ॥ १३॥

vainye(ne)ya kiṃ na vinyastā divyakleśanichedanī |bhī(bhe) dinī sarvamārāṇāṃ saptapātālakṣobhinī (ṇī) || 13||

ब्रह्माणी वेदमाता च गुह्या च गुह्यवासिनी ।सरस्वती विशालाक्षी चतुर्ब्रह्मविहारिणी ॥ १४॥

brahmāṇī vedamātā ca guhyā ca guhyavāsinī |sarasvatī viśālākṣī caturbrahmavihāriṇī || 14||

ताथागती महारम्या वज्रिणी धर्मधारिणी ।कर्मधातेश्वरी विद्या विश्वज्वालाभमण्डली ॥ १५॥

tāthāgatī mahāramyā vajriṇī dharmadhāriṇī |karmadhāteśvarī vidyā viśvajvālābhamaṇḍalī || 15||

बोध(धि)नी सर्वसत्त्वानां बोध्यङ्गकृतशेखरी ।ध्याना धीर्मुक्तिसम्पन्ना अद्वयद्वयभाविनी ॥ १६॥

bodha(dhi)nī sarvasattvānāṃ bodhyaṅgakṛtaśekharī |dhyānā dhīrmuktisampannā advayadvayabhāvinī || 16||

सर्वार्थसाधनी भद्रा स्त्रीरूपामितविक्रमा ।दर्शिनी बुद्धमार्गाणां नष्टमार्गप्रदर्शिनी ॥ १७॥

sarvārthasādhanī bhadrā strīrūpāmitavikramā |darśinī buddhamārgāṇāṃ naṣṭamārgapradarśinī || 17||

वागीश्वरी महाशान्तिर्गोप्त्री धात्री धनप्रदा ।स्त्रीरूपधारिणी सिद्धा योगिनी योगजेश्वरी ॥ १८॥

vāgīśvarī mahāśāntirgoptrī dhātrī dhanapradā |strīrūpadhāriṇī siddhā yoginī yogajeśvarī || 18||

मनोहरी महाक्रान्तिः सौभाग्यप्रियदर्शिनी ।सार्थवाहकृपादृष्टिः सर्वताथागतात्मकी ॥ १९॥

manoharī mahākrāntiḥ saubhāgyapriyadarśinī |sārthavāhakṛpādṛṣṭiḥ sarvatāthāgatātmakī || 19||

नमस्तेऽस्तु महादेवी सर्वसत्त्वार्थदायिनी ।नमस्ते दिव्यरूपी च वसुधारा नमोऽस्तु ते ॥ २०॥

namaste'stu mahādevī sarvasattvārthadāyinī |namaste divyarūpī ca vasudhārā namo'stu te || 20||

अष्टोत्तरशतं नाम त्रिकालं यं पठेत् पुमान् ।प्राप्नोति नियतं सिद्धिमीप्सितार्थमनोरथान् ॥ २१॥

aṣṭottaraśataṃ nāma trikālaṃ yaṃ paṭhet pumān |prāpnoti niyataṃ siddhimīpsitārthamanorathān || 21||

यदज्ञानकृतं पापमानन्तर्यसुदारुणम् ।तत्सर्वं क्षपयत्याशु स्मरणात् स(र्व)भद्रकम् ॥ २२॥

yadajñānakṛtaṃ pāpamānantaryasudāruṇam |tatsarvaṃ kṣapayatyāśu smaraṇāt sa(rva)bhadrakam || 22||

अथवा शीलसम्पन्नः सप्तजातिस्मरो भवेत् ।प्रियश्चादेयवाक्येन रूपवान् प्रियदर्शनः ॥ २३॥

athavā śīlasampannaḥ saptajātismaro bhavet |priyaścādeyavākyena rūpavān priyadarśanaḥ || 23||

विप्रक्षत्रियकुलेषु आदेयमुपजायते ।अन्ते भूमीश्वरं प्राप्तः पश्चात् प्राप्त(ः) सुखावतीम् ॥ २४॥

viprakṣatriyakuleṣu ādeyamupajāyate |ante bhūmīśvaraṃ prāptaḥ paścāt prāpta(ḥ) sukhāvatīm || 24||

इति श्रीवसुधारानामधारणीस्तोत्रं सम्यक्सम्बुद्धभाषितं सम्पूर्णम् ॥वसुन्धरास्तोत्रम्

iti śrīvasudhārānāmadhāraṇīstotraṃ samyaksambuddhabhāṣitaṃ sampūrṇam ||vasundharāstotram