गोपालशतनामस्तोत्रम् Shrigopalashatanamastotram

श्रीगणेशाय नमः ॥पार्वत्युवाचदेवदेव महादेव सर्ववाञ्छाप्रपूरक ।पुरा प्रियं देवदेव कृष्णस्य परमाद्भुतम् ॥ १॥

śrīgaṇeśāya namaḥ ||pārvatyuvācadevadeva mahādeva sarvavāñchāprapūraka |purā priyaṃ devadeva kṛṣṇasya paramādbhutam || 1||

नाम्नां शतं समासेन कथायामीति सूचितम् ।श्रीभगवानुवाच ।शृणु प्राणप्रिये देवि गोपनादतिगोपितम् ॥ २॥

nāmnāṃ śataṃ samāsena kathāyāmīti sūcitam |śrībhagavānuvāca |śṛṇu prāṇapriye devi gopanādatigopitam || 2||

मम प्राणस्वरूपं च तव स्नेहात्प्रकाश्यते ।यस्यैकवारं पठनात्सर्वयज्ञफलं लभेत् ॥ ३॥

mama prāṇasvarūpaṃ ca tava snehātprakāśyate |yasyaikavāraṃ paṭhanātsarvayajñaphalaṃ labhet || 3||

मोहनस्तम्भनाकर्षपठनाज्जायते नृणाम् ।स मुक्तः सर्वपापेभ्यो यस्य स्मरणमात्रतः ॥ ४॥

mohanastambhanākarṣapaṭhanājjāyate nṛṇām |sa muktaḥ sarvapāpebhyo yasya smaraṇamātrataḥ || 4||

स्वयमायान्ति तस्यैव निश्चलाः सर्वसम्पदः ।राजानो दासतां यान्ति वह्नयो यान्ति शीतताम् ॥ ५॥

svayamāyānti tasyaiva niścalāḥ sarvasampadaḥ |rājāno dāsatāṃ yānti vahnayo yānti śītatām || 5||

जलस्तम्भं रिपुस्तम्भं शत्रूणां वञ्चनं तथा ।ॐअस्य श्रीगोपालशतनामस्तोत्रस्य नारदऋषिः अनुष्टुप् छन्दःश्रीगोपालः परमात्मा देवता । श्रीगोपालप्रीत्यर्थे शतनामपाठे विनियोगः।ॐगोपालो गोपतिर्गोप्ता गोविन्दो गोकुलप्रियः ।गम्भीरो गगनो गोपीप्राणभृत् प्राणधारकः ॥ ६॥

jalastambhaṃ ripustambhaṃ śatrūṇāṃ vañcanaṃ tathā |oṃasya śrīgopālaśatanāmastotrasya nāradaṛṣiḥ anuṣṭup chandaḥśrīgopālaḥ paramātmā devatā | śrīgopālaprītyarthe śatanāmapāṭhe viniyogaḥ|oṃgopālo gopatirgoptā govindo gokulapriyaḥ |gambhīro gagano gopīprāṇabhṛt prāṇadhārakaḥ || 6||

पतितानन्दनो नन्दी नन्दीशः कंससूदनः ।नारायणो नरत्राता नरकार्णवतारकः ॥ ७॥

patitānandano nandī nandīśaḥ kaṃsasūdanaḥ |nārāyaṇo naratrātā narakārṇavatārakaḥ || 7||

नवनीतप्रियो नेता नवीनघनसुन्दरः ।नवबालकवात्सल्यो ललितानन्दतत्परः ॥ ८॥

navanītapriyo netā navīnaghanasundaraḥ |navabālakavātsalyo lalitānandatatparaḥ || 8||

पुरुषार्थप्रदः प्रेमप्रवीणः परमाकृतिः ।करुणः करुणानाथः कैवल्यसुखदायकः ॥ ९॥

puruṣārthapradaḥ premapravīṇaḥ paramākṛtiḥ |karuṇaḥ karuṇānāthaḥ kaivalyasukhadāyakaḥ || 9||

कदम्बकुसुमावेशी कदम्बवनमन्दिरः ।कादम्बीविमदामोदघूर्णलोचनपङ्कजः ॥ १०॥

kadambakusumāveśī kadambavanamandiraḥ |kādambīvimadāmodaghūrṇalocanapaṅkajaḥ || 10||

कामी कान्तकलानन्दी कान्तः कामनिधिः कविः ।कौमोदकी गदापाणिः कवीन्द्रो गतिमान् हरः ॥ ११॥

kāmī kāntakalānandī kāntaḥ kāmanidhiḥ kaviḥ |kaumodakī gadāpāṇiḥ kavīndro gatimān haraḥ || 11||

कमलेशः कलानाथः कैवल्यः सुखसागरः ।केशवः केशिहा केशः कलिकल्मषनाशनः ॥ १२॥

kamaleśaḥ kalānāthaḥ kaivalyaḥ sukhasāgaraḥ |keśavaḥ keśihā keśaḥ kalikalmaṣanāśanaḥ || 12||

कृपालुः करुणासेवी कृपोन्मीलितलोचनः ।स्वच्छन्दः सुन्दरः सुन्दः सुरवृन्दनिषेवितः ॥ १३॥

kṛpāluḥ karuṇāsevī kṛponmīlitalocanaḥ |svacchandaḥ sundaraḥ sundaḥ suravṛndaniṣevitaḥ || 13||

सर्वज्ञः सर्वदो दाता सर्वपापविनाशनः ।सर्वाह्लादकरः सर्वः सर्ववेदविदां प्रभुः ॥ १४॥

sarvajñaḥ sarvado dātā sarvapāpavināśanaḥ |sarvāhlādakaraḥ sarvaḥ sarvavedavidāṃ prabhuḥ || 14||

वेदान्तवेद्यो वेदात्मा वेदप्राणकरो विभुः ।विश्वात्मा विश्वविद्विश्वप्राणदो विश्ववन्दितः ॥ १५॥

vedāntavedyo vedātmā vedaprāṇakaro vibhuḥ |viśvātmā viśvavidviśvaprāṇado viśvavanditaḥ || 15||

विश्वेशः शमनस्त्राता विश्वेश्वरसुखप्रदः ।विश्वदो विश्वहारी च पूरकः करुणानिधिः ॥ १६॥

viśveśaḥ śamanastrātā viśveśvarasukhapradaḥ |viśvado viśvahārī ca pūrakaḥ karuṇānidhiḥ || 16||

धनेशो धनदो धन्वी धीरो धीरजनप्रियः ।धरासुखप्रदो धाता दुर्धरान्तकरो धरः ॥ १७॥

dhaneśo dhanado dhanvī dhīro dhīrajanapriyaḥ |dharāsukhaprado dhātā durdharāntakaro dharaḥ || 17||

रमानाथो रमानन्दो रसज्ञो हृदयास्पदः ।रसिको रासदो रासी रासानन्दकरो रसः ॥ १८॥

ramānātho ramānando rasajño hṛdayāspadaḥ |rasiko rāsado rāsī rāsānandakaro rasaḥ || 18||

राधिकाऽऽराधितो राधाप्राणेशः प्रेमसागरः ।नाम्नां शतं समासेन तव स्नेहात्प्रकाशितम् ॥ १९॥

rādhikā''rādhito rādhāprāṇeśaḥ premasāgaraḥ |nāmnāṃ śataṃ samāsena tava snehātprakāśitam || 19||

अप्रकाश्यमयं मन्त्रो गोपनीयः प्रयत्नतः ।यस्य तस्यैकपठनात्सर्वविद्यानिधिर्भवेत् ॥ २०॥

aprakāśyamayaṃ mantro gopanīyaḥ prayatnataḥ |yasya tasyaikapaṭhanātsarvavidyānidhirbhavet || 20||

पूजयित्वा दयानाथं ततः स्तोत्रमुदीरयेत् ।पठनाद्देवदेवेशि भोगमुक्तफलं लभेत् ॥ २१॥

pūjayitvā dayānāthaṃ tataḥ stotramudīrayet |paṭhanāddevadeveśi bhogamuktaphalaṃ labhet || 21||

सर्वपापविनिर्मुक्तः सर्वदेवाधिपो भवेत् ।जपलक्षेण सिद्धं स्यात्सत्यं सत्यं न संशयः ।किमुक्तेनैव बहुना विष्णुतुल्यो भवेन्नरः ॥ २२॥

sarvapāpavinirmuktaḥ sarvadevādhipo bhavet |japalakṣeṇa siddhaṃ syātsatyaṃ satyaṃ na saṃśayaḥ |kimuktenaiva bahunā viṣṇutulyo bhavennaraḥ || 22||

इति श्रीहरगौरीसंवादे श्रीगोपालशतनामस्तोत्रं सम्पूर्णम् ।

iti śrīharagaurīsaṃvāde śrīgopālaśatanāmastotraṃ sampūrṇam |