विष्णोर्स्त्रिंशोपचारपूजन Vishnu Trimshopachara Pujanam 30 Parts

१ ध्यानम्सुरकदम्बकैः प्रश्रयेण वै नियतसेवितं गोकुलोत्सवम् ।किरीटकुण्डलं पीतजाम्बरं खलनिषूदनं चिन्तये विभुम् ॥ २ आवाहनम्खगपवाहनं क्षीरजाप्रियं भवभयापहं भुक्तिमुक्तिदम् ।सुरपतिं जगन्नाथमीश्वरं कमलभासमा वाहयाम्यहम् ॥ ३ आसनम्विधिमुखामरैर्नम्रमूर्तिभिः प्रणतसंश्रितं दुर्धरादिमत् ।वरमणिप्रभा भासुरन्नवं जनपगृह्यतां स्वर्णमासनम् ॥ ४ पाद्यम्कुसुमवासितं गन्धविस्तृतंमुनिनिषेवितं सादरेण वै ।ध्रुवपराशराभीष्टद ! प्रभोजनपगृह्यतां पाद्यमुत्तमम् ॥ ५ अर्घ्यम् ः-कनकसम्पुटे स्थापितं वरं जलसुवर्णमुक्ताफलैर्युतम् ।करसरोरुहाभ्यां घृतम्मया जनपगृह्यतामर्घ्यमुत्तमम् ॥ ६ आचमनीयम्तव रमायुजः सेवनाज्जनानृपतिसन्निभाः सम्भवन्ति हि ।सुरतरङ्गिणी शुद्धवारिभिर्जनपगृह्यतामाचमं शुभम् ॥ ७ स्नानम्हरिपदाम्बुजा नर्मदामही सरयूचन्द्रभागाभ्य आहृतम् ।जलजवासितं स्नानहेतवे जनपगृह्यतामर्पितञ्जलम् ॥ ८ पयःस्नानम्सुरगवुद्भभवं वीर्यवर्धकं निखिलदेहिनां जीवनप्रदम्शशधरप्रभं फेनसंयुतम् जनपगृह्यतामर्पितं पयः ॥ ९ दधि स्नानम्शुचिपयः समुद्भूतमुतप्रदंव्रजनिवासिभिः स्वादितं शुभम् ।रजतसंनिभं शीततामयंजनपगृह्यतामर्पितन्दधिम् ॥ १० घृतस्नानम्हुतवहप्रियं क्षीरजोद्भवं सकलदेहिनां सत्त्ववर्धकम् ।कुमुदसदृशं विष्णु दैवतं जनपगृह्यतामर्पितङ्घृतम् ॥ ११ मधुस्नानम्मधुलतोद्भवं स्वादुमञ्जुलं मधुपमक्षिकाद्यैर्विनिर्मितम् ।मधुरतामयं गन्धसम्प्रदं मधुहतेऽर्पितं गृह्यताम्मधु ॥ १२ शर्करा स्नानम्मदनकार्मुकाद्या विनिर्मिता मधुरतान्विता सर्वपापहा ।सरसताङ्गता तारकोपमा जनपगृह्यतां शुद्धशर्करा ॥ १३ उद्वर्तन स्नानम्कदम्बकेतकी पुष्पसम्भवंमृगमदान्वितं यन्त्रनिर्मितम् ।जनुपकारिणा भक्तितो मयाजनपगृह्यतां तैलमर्पितम् ॥ १४ शुद्धोदक स्नानम्हरिपदाम्बुजा नर्मदामहीसरयूचन्द्रभागाभ्य आहृतम् ।जलजवासितं स्नानहेतवेजनपगृह्यतामर्पितञ्जलम् ॥ १५ वस्त्रम्विविधतन्तुभिर्गुम्फितं नवंसुतपनीयभं सोत्तरीयकम् ।मधुरिपो जगन्नाथ माधवजनपगृह्यतां वस्त्रमर्पितम् ॥ १६ यज्ञोपवीतम्त्रिगुणितं सितैरर्कतन्तुभिः कृतमिदम्मया शुद्धचेतसा ।निगमसम्मतं बन्धमोचकः जनपगृह्यतामुपवीतकम् ॥ १७ गन्धम्-चन्दनम्मलयसम्भवं पीतवर्णकं मृगमदाधिभिर्वासितं वरम् ।मुक्तिषट्पदं कुङ्कुमान्वितं जनपगृह्यतां गन्धमर्पितम् ॥ १८ अक्षतान्कमलसम्भवा मौक्तिकोपमास्त्रिपथगोदकैः शालिताः शिवाः ।अगरुकुङ्कुमैर्मिश्रितावराजनपगृह्यतामर्पिताक्षताः ॥ १९ पुष्पमालातरुणमल्लिका कुन्दमालतीबकुलपङ्कजानां समुच्चयैः ।सततसुत्रितं भक्तितो मयाजनपगृह्यतां हारमर्पितम् ॥ २० श्वेत चूर्णकदम्बकेतकी वृक्षसम्भवं विविधसौख्यदं कान्तिवर्धनम् ।सितकरोपमं स्नेहसत्कृतं जनपगृह्यतां श्वेतचूर्णकम् ॥ २१ रक्तचूर्ण ;अमरजादिभिर्देववृन्दकैः शिरसिवैधृतं प्रश्रयेण वा ।तपनसदृशं दृष्टिमुत्कलं जनपगृह्यतां रक्तचूर्णकम् ॥ २२ सिन्दूर चूर्णगणपतिप्रियं बालसूर्यभंपवनसूनुना स्वीकृतं सदा ।सुरभिवासितं सूक्ष्मचूर्णकंजनपगृह्यतां नागसम्भवम् ॥ २३ धूपम्अगरगुग्गुला ज्यादिमिश्रितंतपनयोगजोद् भूतसौरभम् ।अमरवृन्दकैः स्नेह सत्कृतंजनपगृह्यतां धूपमुत्तमम्। ॥ २४ दीपम्अनलतैलिनी गोघृतान्वितं तिमिरनाशकं दीप्ततन्तुभिः ।कनकभाजने स्थापितम्मया जनपगृह्यतां दीपमुत्तमम् ॥ २५ नैवेद्यम्पनसदाडिमाम्रादिसत्फलंसुघृतमोदका पूपपायसम् ।रजतभाजने स्थापितम्मयाजनपगृह्यतां खाद्यमुत्तमम् ॥ २६ जळ-आचमनीजलधिगोद्भवं शीततामयंसकलप्राणिनां प्राणदायकम् ।विधिसमर्पितं शुद्धचेतसाजनपगृह्यतामाचममं शुभम् ॥ २७ मुखवास (पूगीफलं ताम्बूलं)खपुरसम्भवं पूगचूर्णयुग्मृगमदेलुका वासितं वरम् ।फणिलतादलैः क्लृप्तबीडकंजनपगृह्यतामास्यभूषणम् ॥ २८ दक्षिणानिखिलयाचिनां श्रेष्ठभोगदानिगमसम्मता कर्मपूर्णदा ॥सकलभूजनैर्वाञ्छिता सदाजनपगृह्यतां हेमदक्षिणा ॥ २९ नीराजनम्हुतवहप्रियैर्मिश्रितं वरंजलधिजैर्युतं सर्वपापहम् ।मुखविलोकनार्थाय संस्कृतंजनपगृह्यतामार्तिकं शुभम् ॥ ३० प्रदक्षिणाम्वरदसञ्चितं पूर्वजन्मभिर्दहति किल्विषं त्वत्प्रदक्षिणा ।नरहरिमुदा शुद्धचेतसा सततमीश्वरं त्वां नमाम्यहम् ॥

1 dhyānamsurakadambakaiḥ praśrayeṇa vai niyatasevitaṃ gokulotsavam |kirīṭakuṇḍalaṃ pītajāmbaraṃ khalaniṣūdanaṃ cintaye vibhum || 2 āvāhanamkhagapavāhanaṃ kṣīrajāpriyaṃ bhavabhayāpahaṃ bhuktimuktidam |surapatiṃ jagannāthamīśvaraṃ kamalabhāsamā vāhayāmyaham || 3 āsanamvidhimukhāmarairnamramūrtibhiḥ praṇatasaṃśritaṃ durdharādimat |varamaṇiprabhā bhāsurannavaṃ janapagṛhyatāṃ svarṇamāsanam || 4 pādyamkusumavāsitaṃ gandhavistṛtaṃmuniniṣevitaṃ sādareṇa vai |dhruvaparāśarābhīṣṭada ! prabhojanapagṛhyatāṃ pādyamuttamam || 5 arghyam ḥ-kanakasampuṭe sthāpitaṃ varaṃ jalasuvarṇamuktāphalairyutam |karasaroruhābhyāṃ ghṛtammayā janapagṛhyatāmarghyamuttamam || 6 ācamanīyamtava ramāyujaḥ sevanājjanānṛpatisannibhāḥ sambhavanti hi |surataraṅgiṇī śuddhavāribhirjanapagṛhyatāmācamaṃ śubham || 7 snānamharipadāmbujā narmadāmahī sarayūcandrabhāgābhya āhṛtam |jalajavāsitaṃ snānahetave janapagṛhyatāmarpitañjalam || 8 payaḥsnānamsuragavudbhabhavaṃ vīryavardhakaṃ nikhiladehināṃ jīvanapradamśaśadharaprabhaṃ phenasaṃyutam janapagṛhyatāmarpitaṃ payaḥ || 9 dadhi snānamśucipayaḥ samudbhūtamutapradaṃvrajanivāsibhiḥ svāditaṃ śubham |rajatasaṃnibhaṃ śītatāmayaṃjanapagṛhyatāmarpitandadhim || 10 ghṛtasnānamhutavahapriyaṃ kṣīrajodbhavaṃ sakaladehināṃ sattvavardhakam |kumudasadṛśaṃ viṣṇu daivataṃ janapagṛhyatāmarpitaṅghṛtam || 11 madhusnānammadhulatodbhavaṃ svādumañjulaṃ madhupamakṣikādyairvinirmitam |madhuratāmayaṃ gandhasampradaṃ madhuhate'rpitaṃ gṛhyatāmmadhu || 12 śarkarā snānammadanakārmukādyā vinirmitā madhuratānvitā sarvapāpahā |sarasatāṅgatā tārakopamā janapagṛhyatāṃ śuddhaśarkarā || 13 udvartana snānamkadambaketakī puṣpasambhavaṃmṛgamadānvitaṃ yantranirmitam |janupakāriṇā bhaktito mayājanapagṛhyatāṃ tailamarpitam || 14 śuddhodaka snānamharipadāmbujā narmadāmahīsarayūcandrabhāgābhya āhṛtam |jalajavāsitaṃ snānahetavejanapagṛhyatāmarpitañjalam || 15 vastramvividhatantubhirgumphitaṃ navaṃsutapanīyabhaṃ sottarīyakam |madhuripo jagannātha mādhavajanapagṛhyatāṃ vastramarpitam || 16 yajñopavītamtriguṇitaṃ sitairarkatantubhiḥ kṛtamidammayā śuddhacetasā |nigamasammataṃ bandhamocakaḥ janapagṛhyatāmupavītakam || 17 gandham-candanammalayasambhavaṃ pītavarṇakaṃ mṛgamadādhibhirvāsitaṃ varam |muktiṣaṭpadaṃ kuṅkumānvitaṃ janapagṛhyatāṃ gandhamarpitam || 18 akṣatānkamalasambhavā mauktikopamāstripathagodakaiḥ śālitāḥ śivāḥ |agarukuṅkumairmiśritāvarājanapagṛhyatāmarpitākṣatāḥ || 19 puṣpamālātaruṇamallikā kundamālatībakulapaṅkajānāṃ samuccayaiḥ |satatasutritaṃ bhaktito mayājanapagṛhyatāṃ hāramarpitam || 20 śveta cūrṇakadambaketakī vṛkṣasambhavaṃ vividhasaukhyadaṃ kāntivardhanam |sitakaropamaṃ snehasatkṛtaṃ janapagṛhyatāṃ śvetacūrṇakam || 21 raktacūrṇa ;amarajādibhirdevavṛndakaiḥ śirasivaidhṛtaṃ praśrayeṇa vā |tapanasadṛśaṃ dṛṣṭimutkalaṃ janapagṛhyatāṃ raktacūrṇakam || 22 sindūra cūrṇagaṇapatipriyaṃ bālasūryabhaṃpavanasūnunā svīkṛtaṃ sadā |surabhivāsitaṃ sūkṣmacūrṇakaṃjanapagṛhyatāṃ nāgasambhavam || 23 dhūpamagaraguggulā jyādimiśritaṃtapanayogajod bhūtasaurabham |amaravṛndakaiḥ sneha satkṛtaṃjanapagṛhyatāṃ dhūpamuttamam| || 24 dīpamanalatailinī goghṛtānvitaṃ timiranāśakaṃ dīptatantubhiḥ |kanakabhājane sthāpitammayā janapagṛhyatāṃ dīpamuttamam || 25 naivedyampanasadāḍimāmrādisatphalaṃsughṛtamodakā pūpapāyasam |rajatabhājane sthāpitammayājanapagṛhyatāṃ khādyamuttamam || 26 jaḷa-ācamanījaladhigodbhavaṃ śītatāmayaṃsakalaprāṇināṃ prāṇadāyakam |vidhisamarpitaṃ śuddhacetasājanapagṛhyatāmācamamaṃ śubham || 27 mukhavāsa (pūgīphalaṃ tāmbūlaṃ)khapurasambhavaṃ pūgacūrṇayugmṛgamadelukā vāsitaṃ varam |phaṇilatādalaiḥ klṛptabīḍakaṃjanapagṛhyatāmāsyabhūṣaṇam || 28 dakṣiṇānikhilayācināṃ śreṣṭhabhogadānigamasammatā karmapūrṇadā ||sakalabhūjanairvāñchitā sadājanapagṛhyatāṃ hemadakṣiṇā || 29 nīrājanamhutavahapriyairmiśritaṃ varaṃjaladhijairyutaṃ sarvapāpaham |mukhavilokanārthāya saṃskṛtaṃjanapagṛhyatāmārtikaṃ śubham || 30 pradakṣiṇāmvaradasañcitaṃ pūrvajanmabhirdahati kilviṣaṃ tvatpradakṣiṇā |naraharimudā śuddhacetasā satatamīśvaraṃ tvāṃ namāmyaham ||

इति विष्णोर्स्त्रिंशोपचारपूजनं सम्पूर्णम् ।

iti viṣṇorstriṃśopacārapūjanaṃ sampūrṇam |