विष्णुपूजास्तोत्रम् Shrivishnupujastotram

शान्ताकारं भुजगशयनं पद्मनाभं सुरेशंविश्वाधारं गगनसदृशं मेघवर्णं शुभाङ्गम् ।लक्ष्मीकान्तं कमलनयनं योगिभिर्ध्यानगम्यंवन्दे विष्णुं भवभयहरं सर्वलोकैकनाथम् ॥ १॥

śāntākāraṃ bhujagaśayanaṃ padmanābhaṃ sureśaṃviśvādhāraṃ gaganasadṛśaṃ meghavarṇaṃ śubhāṅgam |lakṣmīkāntaṃ kamalanayanaṃ yogibhirdhyānagamyaṃvande viṣṇuṃ bhavabhayaharaṃ sarvalokaikanātham || 1||

आराधयामि मणिसन्निभमात्मविष्णुंमायापुरे हृदयपङ्कजसन्निविष्टम् ।श्रद्धानदीविमलचित्तजलाभिषिक्तंनित्यं समाधिकुसुमैरपुनर्भवाय ॥ २॥

ārādhayāmi maṇisannibhamātmaviṣṇuṃmāyāpure hṛdayapaṅkajasanniviṣṭam |śraddhānadīvimalacittajalābhiṣiktaṃnityaṃ samādhikusumairapunarbhavāya || 2||

ज्योतिश्शान्तं सर्वलोकान्तरस्थमोङ्कारारव्यं योगिहृद्ध्यानगम्यम् ।साङ्गं शक्तिं सायुधं भक्तसेव्यं सर्वाकारं विष्णुमावाहयामि ॥ ३॥

jyotiśśāntaṃ sarvalokāntarasthamoṅkārāravyaṃ yogihṛddhyānagamyam |sāṅgaṃ śaktiṃ sāyudhaṃ bhaktasevyaṃ sarvākāraṃ viṣṇumāvāhayāmi || 3||

कल्पद्रुमे मणिवेदिमध्ये सिंहासने स्वर्णमयं सरत्नम् ।विचित्रवस्त्रावृतमच्युत प्रभो गहाण लक्ष्मीधरणीसमन्वित ॥ ४॥

kalpadrume maṇivedimadhye siṃhāsane svarṇamayaṃ saratnam |vicitravastrāvṛtamacyuta prabho gahāṇa lakṣmīdharaṇīsamanvita || 4||

पादोदकं ते परिकल्पयामि पुण्यं सरित्सागरतोयनीतम् ।पाद्यं प्रदास्ये सुमनस्समेतं गृहाण लक्ष्मीधरणीसमन्वित ॥ ५॥

pādodakaṃ te parikalpayāmi puṇyaṃ saritsāgaratoyanītam |pādyaṃ pradāsye sumanassametaṃ gṛhāṇa lakṣmīdharaṇīsamanvita || 5||

ब्रह्मेन्द्ररुद्राग्निमुनीन्द्रसेव्यपादारविन्दाम्बुदसन्निभाङ्ग ।अर्ध्यं गृहाणाश्रितपारिजात श्रिया सहाम्भोजदलायताक्ष ॥ ६॥

brahmendrarudrāgnimunīndrasevyapādāravindāmbudasannibhāṅga |ardhyaṃ gṛhāṇāśritapārijāta śriyā sahāmbhojadalāyatākṣa || 6||

तीर्थोदकं गाङ्गमिदं हि विष्णो त्रिविक्रमानन्त मया निवेदितम् ।दध्याज्ययुक्तं मधुपर्कसंज्ञं गृहाण देवेश यथाक्रमेण ॥ ७॥

tīrthodakaṃ gāṅgamidaṃ hi viṣṇo trivikramānanta mayā niveditam |dadhyājyayuktaṃ madhuparkasaṃjñaṃ gṛhāṇa deveśa yathākrameṇa || 7||

आकल्पसंशोभितदिव्यगात्र राकेन्दुनीकाशमुखारविन्द ।दत्तं मया चाचमनं गृहाण श्रीकेशवानन्त धरारिदारिन् ॥ ८॥

ākalpasaṃśobhitadivyagātra rākendunīkāśamukhāravinda |dattaṃ mayā cācamanaṃ gṛhāṇa śrīkeśavānanta dharāridārin || 8||

तीर्थोदकैः काञ्चनकुम्भसंस्थैस्सुवासितैर्देव सुमन्त्रपूतैः ।मयार्पितं स्नानमिदं गृहाण पादाब्जनिष्ठ्यूतनदीप्रवाह ॥ ९॥

tīrthodakaiḥ kāñcanakumbhasaṃsthaissuvāsitairdeva sumantrapūtaiḥ |mayārpitaṃ snānamidaṃ gṛhāṇa pādābjaniṣṭhyūtanadīpravāha || 9||

मन्दाकिनी जह्नुसुतार्य गौतमी वेण्यादितीर्थेषु च पुण्यवत्सु ।आनीतमम्भो घनसारयुक्तं श्रीखण्डमिश्रं कुसुमादिसंश्रितम् ॥ १०॥

mandākinī jahnusutārya gautamī veṇyāditīrtheṣu ca puṇyavatsu |ānītamambho ghanasārayuktaṃ śrīkhaṇḍamiśraṃ kusumādisaṃśritam || 10||

कामधेनोस्समुद्भूतं देवर्षिपितृतृप्तिदम् ।पयो ददामि देवेश स्नानार्थं प्रतिगृह्यताम् ॥ ११॥

kāmadhenossamudbhūtaṃ devarṣipitṛtṛptidam |payo dadāmi deveśa snānārthaṃ pratigṛhyatām || 11||

चन्द्रमण्डलसङ्काशं सर्वदेवप्रियं दधि ।स्नानार्थं ते मया दत्तं प्रीत्यर्थं प्रतिगृह्यताम् ॥ १२॥

candramaṇḍalasaṅkāśaṃ sarvadevapriyaṃ dadhi |snānārthaṃ te mayā dattaṃ prītyarthaṃ pratigṛhyatām || 12||

आज्यं सुराणामाहारमाज्यं यज्ञे प्रतिष्ठितम् ।आज्यं पवित्रं परमं स्नानार्थं प्रतिगृह्यताम् ॥ १३॥

ājyaṃ surāṇāmāhāramājyaṃ yajñe pratiṣṭhitam |ājyaṃ pavitraṃ paramaṃ snānārthaṃ pratigṛhyatām || 13||

सर्वौषधिसमुत्पन्नं पीयूषममृतं मधु ।स्नानार्थं ते प्रयच्छामि गृहाण परमेश्वर ॥ १४॥

sarvauṣadhisamutpannaṃ pīyūṣamamṛtaṃ madhu |snānārthaṃ te prayacchāmi gṛhāṇa parameśvara || 14||

इक्षुदण्डसमुद्भूत दिव्यशर्करया हरिम् ।स्नपयामि सदा भक्त्या प्रीतो भव सुरेश्वर ॥ १५॥

ikṣudaṇḍasamudbhūta divyaśarkarayā harim |snapayāmi sadā bhaktyā prīto bhava sureśvara || 15||

स्वर्णाञ्चलं चित्रतरं सुशोभितं कौशेययुग्मं परिकल्पितं मया ।दामोदर प्रावरणं गृहाण मायाबलप्रावृतदिव्यरूप ॥ १६॥

svarṇāñcalaṃ citrataraṃ suśobhitaṃ kauśeyayugmaṃ parikalpitaṃ mayā |dāmodara prāvaraṇaṃ gṛhāṇa māyābalaprāvṛtadivyarūpa || 16||

सुवर्णतन्तूद्भवयज्ञसूत्रं मुक्ताफलस्यूतमनेकरत्नम् ।गृहाण तद्वत्प्रियमुत्तरीयं स्वकर्मसूत्रान्तरिणे नमोऽस्तु ॥ १७॥

suvarṇatantūdbhavayajñasūtraṃ muktāphalasyūtamanekaratnam |gṛhāṇa tadvatpriyamuttarīyaṃ svakarmasūtrāntariṇe namo'stu || 17||

कस्तूरिकाकर्दमचन्दनानि काश्मीरसंयोजितगन्धसारैः ।विलेपनं स्वीकुरु देवदेव श्रीदेविवक्षोजविलेपनाङ्ग ॥ १८॥

kastūrikākardamacandanāni kāśmīrasaṃyojitagandhasāraiḥ |vilepanaṃ svīkuru devadeva śrīdevivakṣojavilepanāṅga || 18||

श्रीगन्धं चन्दनोन्मिश्रं कर्पूरेण सुसंयुतम् ।विलेपनं सुरश्रेष्ठ प्रीत्यर्थं प्रतिगृह्यताम् ॥ १९॥

śrīgandhaṃ candanonmiśraṃ karpūreṇa susaṃyutam |vilepanaṃ suraśreṣṭha prītyarthaṃ pratigṛhyatām || 19||

ष्लोक २० मिस्सिन्ग्।सेवन्तिकावकुलचम्पकपाटलाब्जैःपुन्नागजातिकरवीररसालपुष्पैः ।बिल्वप्रवालतुलसीदलमल्लिकाभिःत्वां पूजयामि जगदीश्वर मे प्रसीद ॥ २१॥

ṣloka 20 missing|sevantikāvakulacampakapāṭalābjaiḥpunnāgajātikaravīrarasālapuṣpaiḥ |bilvapravālatulasīdalamallikābhiḥtvāṃ pūjayāmi jagadīśvara me prasīda || 21||

आरामपुष्पाणि मनोहराणि जलाशयस्थानि सुपल्लवानि ।सुवर्णपुष्पाणि मयार्पितानि त्वं गृह्यतां देववर प्रसीद ॥ २२॥

ārāmapuṣpāṇi manoharāṇi jalāśayasthāni supallavāni |suvarṇapuṣpāṇi mayārpitāni tvaṃ gṛhyatāṃ devavara prasīda || 22||

केयूरकटके चैव हस्ते चित्राङ्गुलीयकम् ।माणिक्योल्लासि मकुटं कुण्डले हारशोभितम् ॥ २३॥

keyūrakaṭake caiva haste citrāṅgulīyakam |māṇikyollāsi makuṭaṃ kuṇḍale hāraśobhitam || 23||

नाभौ नायकरत्वं च नूपुरे पादपद्मयोः ।अङ्गुलीमुद्रिकाश्चैव गृहाण पुरुषोत्तम ॥ २४॥

nābhau nāyakaratvaṃ ca nūpure pādapadmayoḥ |aṅgulīmudrikāścaiva gṛhāṇa puruṣottama || 24||

श्रीखण्ठलाक्षासितकाष्ठदिव्यकर्पूरकालागुरुकर्दमानि ।स्वचोरकाचन्दनदेवदारुमांसीनखं शैलजपूतिकाश्च ॥ २५॥

śrīkhaṇṭhalākṣāsitakāṣṭhadivyakarpūrakālāgurukardamāni |svacorakācandanadevadārumāṃsīnakhaṃ śailajapūtikāśca || 25||

कालागुरुप्रचुरगुग्गुलुगन्धधूपैर्नानाविधैस्सुरभितैः खलु धूप्यमानैः ।त्वां धूपयामि रघुपुङ्गव वासुदेवलक्ष्मीपते मयि दयां कुरु लोकनाथ ॥ २६॥

kālāgurupracuraguggulugandhadhūpairnānāvidhaissurabhitaiḥ khalu dhūpyamānaiḥ |tvāṃ dhūpayāmi raghupuṅgava vāsudevalakṣmīpate mayi dayāṃ kuru lokanātha || 26||

सूर्येन्दुकोटिप्रभ वासुदेव दीपावलिं गोघृतवर्तियुक्ताम् ।गृहाण लोकत्रयपूजिताङ्घ्रे धर्मप्रदीपान्कुरु दीप्यमानान् ॥ २७॥

sūryendukoṭiprabha vāsudeva dīpāvaliṃ goghṛtavartiyuktām |gṛhāṇa lokatrayapūjitāṅghre dharmapradīpānkuru dīpyamānān || 27||

स्वामिन् लक्ष्मीश देवेश भक्तलोकदयानिधे ।ज्ञानतोऽज्ञानतो वापि भक्त्या शक्त्या समर्पितम् ॥ २८॥

svāmin lakṣmīśa deveśa bhaktalokadayānidhe |jñānato'jñānato vāpi bhaktyā śaktyā samarpitam || 28||

मयोपनीतं नैवेद्यं पञ्चभक्ष्यसुभोजनम् ।मक्षिका मशकाः केशाः पृथु बीजानि वल्कलाः ॥ २९॥

mayopanītaṃ naivedyaṃ pañcabhakṣyasubhojanam |makṣikā maśakāḥ keśāḥ pṛthu bījāni valkalāḥ || 29||

पाषाणमस्थिकं सर्वं कृमिकीटपिपीलिकाः ।एतान्सवान्परित्यज्य शुचिपाकानि यानि वै ॥ ३०॥

pāṣāṇamasthikaṃ sarvaṃ kṛmikīṭapipīlikāḥ |etānsavānparityajya śucipākāni yāni vai || 30||

तानि सर्वाणि गृह्णीष्व मया दत्तानि माधव ।कदलीपनसाम्राणां सुपक्वानि फलानि च ॥ ३१॥

tāni sarvāṇi gṛhṇīṣva mayā dattāni mādhava |kadalīpanasāmrāṇāṃ supakvāni phalāni ca || 31||

अन्नं चतुर्विधं सूपं सद्यस्तप्तघृतं दधि ।मया समर्पितं सर्वं सङ्गृहाण श्रिया सह ॥ ३२॥

annaṃ caturvidhaṃ sūpaṃ sadyastaptaghṛtaṃ dadhi |mayā samarpitaṃ sarvaṃ saṅgṛhāṇa śriyā saha || 32||

सौवर्णस्थालिमध्ये मणिगणखचिते गोघृताक्तागन् सुपक्वान्भक्ष्यान्भोज्यांश्च लेह्यानपरिमितमहाचोष्यमन्नं निधाय ।नानाशाकैरुपेतं दधिमधुसुगुडक्षीरपानीययुक्तंताम्बूलं चापि विष्णो प्रतिदिवसमहो मानसे कल्पयामि ॥ ३३॥

sauvarṇasthālimadhye maṇigaṇakhacite goghṛtāktāgan supakvānbhakṣyānbhojyāṃśca lehyānaparimitamahācoṣyamannaṃ nidhāya |nānāśākairupetaṃ dadhimadhusuguḍakṣīrapānīyayuktaṃtāmbūlaṃ cāpi viṣṇo pratidivasamaho mānase kalpayāmi || 33||

सुपूगरवण्डैश्च सुशुभ्रपर्णैस्सुशङ्खचूर्णैर्धनसारमिश्रैः ।मयार्पितं देव दयासमुद्र ताम्बूलमेतत्प्रमुदा गृहाण ॥ ३४॥

supūgaravaṇḍaiśca suśubhraparṇaissuśaṅkhacūrṇairdhanasāramiśraiḥ |mayārpitaṃ deva dayāsamudra tāmbūlametatpramudā gṛhāṇa || 34||

नीराजनं स्वीकुरु देवदेव नीलोत्पलश्रीकर नीरजाक्ष ।गृहाण देवासुरमौलिरत्नमरीचिनीराजितपादपद्म ॥ ३५॥

nīrājanaṃ svīkuru devadeva nīlotpalaśrīkara nīrajākṣa |gṛhāṇa devāsuramauliratnamarīcinīrājitapādapadma || 35||

पुष्पाञ्जलिं स्वीकुरु पुष्कराक्ष प्रसन्नकल्पद्रुमपारिजात ।इन्द्रादिवृन्दारकवन्द्यपाद नमोऽस्तु ते देववर प्रसीद ॥ ३६॥

puṣpāñjaliṃ svīkuru puṣkarākṣa prasannakalpadrumapārijāta |indrādivṛndārakavandyapāda namo'stu te devavara prasīda || 36||

यादि कानि च पापानि जन्मान्तरकृतानि च ।तानि तानि प्रणश्यन्ति प्रदक्षिणपदेपदे ॥ ३७॥

yādi kāni ca pāpāni janmāntarakṛtāni ca |tāni tāni praṇaśyanti pradakṣiṇapadepade || 37||

पापोऽहं पापकर्माहं पापात्मा पापसम्भवः ।त्राहि मां कृपया देव शरणागतवत्सल ॥ ३८॥

pāpo'haṃ pāpakarmāhaṃ pāpātmā pāpasambhavaḥ |trāhi māṃ kṛpayā deva śaraṇāgatavatsala || 38||

अन्यथा शरणं नास्ति त्वमेव शरणं मम ।तस्मात्कारुण्यभावेन रक्ष रक्ष जनार्दन ॥ ३९॥

anyathā śaraṇaṃ nāsti tvameva śaraṇaṃ mama |tasmātkāruṇyabhāvena rakṣa rakṣa janārdana || 39||

नमोस्त्वनन्ताय सहस्रमूर्तये सहस्रपादाक्षिशिरोरुबाहवे ।सहस्रनाम्ने पुरुषाय शाश्वते सहस्रकोटियुगधारिणे नमः ॥ ४०॥

namostvanantāya sahasramūrtaye sahasrapādākṣiśirorubāhave |sahasranāmne puruṣāya śāśvate sahasrakoṭiyugadhāriṇe namaḥ || 40||

आवाहनं न जानामि च जानामि विसर्जनम् ।पूजां चैव न जानामि क्षमस्व परमेश्वर ॥ ४१॥

āvāhanaṃ na jānāmi ca jānāmi visarjanam |pūjāṃ caiva na jānāmi kṣamasva parameśvara || 41||

यस्य स्मृत्या च नामोक्त्या तपः पूजाक्रियादिषु ।न्यूनं सम्पूर्णतां याति सद्यो वन्दे तमच्युतम् ॥ ४२॥

yasya smṛtyā ca nāmoktyā tapaḥ pūjākriyādiṣu |nyūnaṃ sampūrṇatāṃ yāti sadyo vande tamacyutam || 42||

मन्त्रहीनं क्रियाहीनं भक्तिहीनं जनार्दन ।यत्पूजितं मया देव परिपूर्णं तदस्तु ते ॥ ४३॥

mantrahīnaṃ kriyāhīnaṃ bhaktihīnaṃ janārdana |yatpūjitaṃ mayā deva paripūrṇaṃ tadastu te || 43||

अपराधसहस्राणि क्रियन्तेऽहर्निशं मया ।दासोऽयमिति मां मत्वा क्षमस्व परमेश्वर ॥ ४४॥

aparādhasahasrāṇi kriyante'harniśaṃ mayā |dāso'yamiti māṃ matvā kṣamasva parameśvara || 44||

मत्समो नास्ति पापिष्ठः त्वत्समो नास्ति पापहा ।इति सञ्चिन्त्य देवेश यथेच्छसि तथा कुरु ॥ ४५॥

matsamo nāsti pāpiṣṭhaḥ tvatsamo nāsti pāpahā |iti sañcintya deveśa yathecchasi tathā kuru || 45||

भूमौ स्खलितपदानां भूमिरेवावलम्बनम्त्वयि जातापराधानां त्वमेव शरणं मम ॥ ४६॥

bhūmau skhalitapadānāṃ bhūmirevāvalambanamtvayi jātāparādhānāṃ tvameva śaraṇaṃ mama || 46||

गतं पापं गतं दुःखं गतं दारिद्र्यमेव च ।आगता सुखसम्पत्तिः पुण्याच्च तव दर्शनात् ॥ ४७॥

gataṃ pāpaṃ gataṃ duḥkhaṃ gataṃ dāridryameva ca |āgatā sukhasampattiḥ puṇyācca tava darśanāt || 47||

रूपं देहि जयं देहि यशो देहि द्विषो जहि ।पुत्रान् देहि धनं देहि सर्वान्कामांश्च देहि मे ॥ ४८॥

rūpaṃ dehi jayaṃ dehi yaśo dehi dviṣo jahi |putrān dehi dhanaṃ dehi sarvānkāmāṃśca dehi me || 48||

इति विष्णुपूजास्तोत्रं सम्पूर्णम् ।

iti viṣṇupūjāstotraṃ sampūrṇam |