गुरुवायुपुरेश्वराष्टोत्तरशतनामस्तोत्रम् Shri Guruvayupureshvara Ashtottarashatanama Stotraratnam

श्रीविद्याराजगोपालाभिधश्रीमहावैकुण्ठेश्वरस्वरूपश्रीगुरुवायुपुरेश्वराष्टोत्तरशतनामस्तोत्ररत्नम् ॥पार्वत्युवाचदेवदेव महादेव महावैष्णवतल्लज ।जीववातपुरेशस्य माहात्म्यमखिलं त्वया ॥ १॥

śrīvidyārājagopālābhidhaśrīmahāvaikuṇṭheśvarasvarūpaśrīguruvāyupureśvarāṣṭottaraśatanāmastotraratnam ||pārvatyuvācadevadeva mahādeva mahāvaiṣṇavatallaja |jīvavātapureśasya māhātmyamakhilaṃ tvayā || 1||

मन्त्रतन्त्ररहस्याढ्यैः सहस्राधिकनामभिः ।अद्य मे प्रेमभारेणोपन्यस्तमिदमद्भुतम् ॥ २॥

mantratantrarahasyāḍhyaiḥ sahasrādhikanāmabhiḥ |adya me premabhāreṇopanyastamidamadbhutam || 2||

महावैकुण्ठनाथस्य प्रभावमखिलं प्रभो ।सङ्ग्रहेण श्रोतुमद्य त्वरायुक्तास्म्यहं प्रभो ॥ ३॥

mahāvaikuṇṭhanāthasya prabhāvamakhilaṃ prabho |saṅgraheṇa śrotumadya tvarāyuktāsmyahaṃ prabho || 3||

यस्य श्रवणमात्रेण जीववृन्देषु सर्वतः ।नातिकृच्छ्रेण यत्नेन लसेयुः सर्वसिद्धयः ॥ ४॥

yasya śravaṇamātreṇa jīvavṛndeṣu sarvataḥ |nātikṛcchreṇa yatnena laseyuḥ sarvasiddhayaḥ || 4||

तादृशं सुलभं स्तोत्रं श्रोतुमिच्छामि त्वन्मुखात् ।ईश्वर उवाचमहादेवि शिवे भद्रे जीववातपुरेशितुः ॥ ५॥

tādṛśaṃ sulabhaṃ stotraṃ śrotumicchāmi tvanmukhāt |īśvara uvācamahādevi śive bhadre jīvavātapureśituḥ || 5||

माहात्म्यवारिधौ मग्नः पूरयामि त्वदीप्सितम् ।पूर्वं यन्नामसाहस्रं तस्य देवस्य भाषितम् ॥ ६॥

māhātmyavāridhau magnaḥ pūrayāmi tvadīpsitam |pūrvaṃ yannāmasāhasraṃ tasya devasya bhāṣitam || 6||

तस्यादौ विजृम्भमाणैरष्टाधिकशतेन तु ।नामभिर्निर्मितं स्तोत्रं सर्वसिद्धिविधायकम् ॥ ७॥

tasyādau vijṛmbhamāṇairaṣṭādhikaśatena tu |nāmabhirnirmitaṃ stotraṃ sarvasiddhividhāyakam || 7||

पठितुं नामसाहस्रं अशक्ताः सन्ति ये शिवे ।तेषामर्थे स्तोत्रमेतत्सङ्गृहीतं फलप्रदम् ॥ ८॥

paṭhituṃ nāmasāhasraṃ aśaktāḥ santi ye śive |teṣāmarthe stotrametatsaṅgṛhītaṃ phalapradam || 8||

अनुकूलौ देशकालौ यस्य स्तो जगतीह तु ।पठितव्यं तेन नामसाहस्रं यत्नतः शिवे ॥ ९॥

anukūlau deśakālau yasya sto jagatīha tu |paṭhitavyaṃ tena nāmasāhasraṃ yatnataḥ śive || 9||

आलस्यदूषिते चित्ते विश्वासरहिते तथा ।गुरुवातपुरेशस्य न हि मूर्तिः प्रसीदति ॥ १०॥

ālasyadūṣite citte viśvāsarahite tathā |guruvātapureśasya na hi mūrtiḥ prasīdati || 10||

गुरोरन्यत्र विश्वासी तथा वातपुरेशितुः ।कथमेतत्फलं प्रोक्तं यथावदधिगच्छति ॥ ११॥

guroranyatra viśvāsī tathā vātapureśituḥ |kathametatphalaṃ proktaṃ yathāvadadhigacchati || 11||

एक एव गुरुर्यस्य वैकुण्ठो यस्य दैवतम् ।तस्य भक्तस्य नूनं हि स्तोत्रमेतत्फलिष्यति ॥ १२॥

eka eva gururyasya vaikuṇṭho yasya daivatam |tasya bhaktasya nūnaṃ hi stotrametatphaliṣyati || 12||

अद्य ते देवि वक्ष्यामि नाम्नामष्टोत्तरं शतम् ।स्तोत्रराजमिमं पुण्यं सावधानमनाः शृणु ॥ १३॥

adya te devi vakṣyāmi nāmnāmaṣṭottaraṃ śatam |stotrarājamimaṃ puṇyaṃ sāvadhānamanāḥ śṛṇu || 13||

स्तोत्रस्यास्य ऋषिः प्रोक्तो दक्षिणामूर्तिरीश्वरः ।छन्दोऽनुष्टुप् तथा देवो गुरुवायुपुरेश्वरः ॥ १४॥

stotrasyāsya ṛṣiḥ prokto dakṣiṇāmūrtirīśvaraḥ |chando'nuṣṭup tathā devo guruvāyupureśvaraḥ || 14||

रमाशक्तिस्मरैर्बीजैः बीजशक्ती च कीलकम् ।धर्मार्थकाममोक्षेषु विनियोगः प्रकीर्तितः ॥ १५॥

ramāśaktismarairbījaiḥ bījaśaktī ca kīlakam |dharmārthakāmamokṣeṣu viniyogaḥ prakīrtitaḥ || 15||

मूलमन्त्रस्य षड्भागैः कराङ्गन्यासमाचरेत् ।महावैकुण्ठरूपेण ध्यातव्यात्र हि देवता ॥ १६॥

mūlamantrasya ṣaḍbhāgaiḥ karāṅganyāsamācaret |mahāvaikuṇṭharūpeṇa dhyātavyātra hi devatā || 16||

इन्द्रनीलसमच्छायं पीताम्बरधरं हरिम् ।शङ्खचक्रगदापद्मैर्लसद्बाहुं विचिन्तयेत् ॥ १७॥

indranīlasamacchāyaṃ pītāmbaradharaṃ harim |śaṅkhacakragadāpadmairlasadbāhuṃ vicintayet || 17||

ध्यानम्क्षीराम्भोधिस्थकल्पद्रुमवनविलसद्रत्नयुङ्मण्टपान्तःशङ्खं चक्रं प्रसूनं कुसुमशरचयं चेक्षुकोदण्डपाशौ ।हस्ताग्रैर्धारयन्तं सृणिमपि च गदां भूरमाऽऽलिङ्गितं तंध्यायेत्सिन्दूरकान्तिं विधिमुखविबुधैरीड्यमानं मुकुन्दम् ॥अथ अष्टोत्तरशतनामस्तोत्रम् ।महावैकुण्ठनाथाख्यो महानारायणाभिधः ।तारश्रीशक्तिकन्दर्पचतुर्बीजकशोभितः ॥ १९॥

dhyānamkṣīrāmbhodhisthakalpadrumavanavilasadratnayuṅmaṇṭapāntaḥśaṅkhaṃ cakraṃ prasūnaṃ kusumaśaracayaṃ cekṣukodaṇḍapāśau |hastāgrairdhārayantaṃ sṛṇimapi ca gadāṃ bhūramā''liṅgitaṃ taṃdhyāyetsindūrakāntiṃ vidhimukhavibudhairīḍyamānaṃ mukundam ||atha aṣṭottaraśatanāmastotram |mahāvaikuṇṭhanāthākhyo mahānārāyaṇābhidhaḥ |tāraśrīśaktikandarpacaturbījakaśobhitaḥ || 19||

गोपालसुन्दरीरूपः श्रीविद्यामन्त्रविग्रहः ।रमाबीजसमारम्भो हृल्लेखासमलङ्कृतः ॥ २०॥

gopālasundarīrūpaḥ śrīvidyāmantravigrahaḥ |ramābījasamārambho hṛllekhāsamalaṅkṛtaḥ || 20||

मारबीजसमायुक्तो वाणीबीजसमन्वितः ।पराबीजसमाराध्यो मीनकेतनबीजकः ॥ २१॥

mārabījasamāyukto vāṇībījasamanvitaḥ |parābījasamārādhyo mīnaketanabījakaḥ || 21||

तारशक्तिरमायुक्तः कृष्णायपदपूजितः ।कादिविद्याद्यकूटाढ्यो गोविन्दायपदप्रियः ॥ २२॥

tāraśaktiramāyuktaḥ kṛṣṇāyapadapūjitaḥ |kādividyādyakūṭāḍhyo govindāyapadapriyaḥ || 22||

कामराजाख्यकूटेशो गोपीजनसुभाषितः ।वल्लभायपदप्रीतः शक्तिकूटविजृम्भितः ॥ २३॥

kāmarājākhyakūṭeśo gopījanasubhāṣitaḥ |vallabhāyapadaprītaḥ śaktikūṭavijṛmbhitaḥ || 23||

वह्निजायासमायुक्तः परावाङ्मदनप्रियः ।मायारमासुसम्पूर्णो मन्त्रराजकलेवरः ॥ २४॥

vahnijāyāsamāyuktaḥ parāvāṅmadanapriyaḥ |māyāramāsusampūrṇo mantrarājakalevaraḥ || 24||

द्वादशावृतिचक्रेशो यन्त्रराजशरीरकः ।पिण्डगोपालबीजाढ्यः सर्वमोहनचक्रगः ॥ २५॥

dvādaśāvṛticakreśo yantrarājaśarīrakaḥ |piṇḍagopālabījāḍhyaḥ sarvamohanacakragaḥ || 25||

षडक्षरीमन्त्ररूपो मन्त्रात्मरसकोणगः ।पञ्चाङ्गकमनुप्रीतः सन्धिचक्रसमर्चितः ॥ २६॥

ṣaḍakṣarīmantrarūpo mantrātmarasakoṇagaḥ |pañcāṅgakamanuprītaḥ sandhicakrasamarcitaḥ || 26||

अष्टाक्षरीमन्त्ररूपो महिष्यष्टकसेवितः ।षोडशाक्षरमन्त्रात्मा कलानिधिकलार्चितः ॥ २७॥

aṣṭākṣarīmantrarūpo mahiṣyaṣṭakasevitaḥ |ṣoḍaśākṣaramantrātmā kalānidhikalārcitaḥ || 27||

अष्टादशाक्षरीरूपोऽष्टादशदलपूजितः ।चतुर्विंशतिवर्णात्मगायत्रीमनुसेवितः ॥ २८॥

aṣṭādaśākṣarīrūpo'ṣṭādaśadalapūjitaḥ |caturviṃśativarṇātmagāyatrīmanusevitaḥ || 28||

चतुर्विंशतिनामात्मशक्तिवृन्दनिषेवितः ।क्लीङ्कारबीजमध्यस्थः कामवीथीप्रपूजितः ॥ २९॥

caturviṃśatināmātmaśaktivṛndaniṣevitaḥ |klīṅkārabījamadhyasthaḥ kāmavīthīprapūjitaḥ || 29||

द्वात्रिंशदक्षरारूढो द्वात्रिंशद्भक्तसेवितः ।पिण्डगोपालमध्यस्थः पिण्डगोपालवीथिगः ॥ ३०॥

dvātriṃśadakṣarārūḍho dvātriṃśadbhaktasevitaḥ |piṇḍagopālamadhyasthaḥ piṇḍagopālavīthigaḥ || 30||

वर्णमालास्वरूपाढ्यो मातृकावीथिमध्यगः ।पाशाङ्कुशद्विबीजस्थः शक्तिपाशस्वरूपकः ॥ ३१॥

varṇamālāsvarūpāḍhyo mātṛkāvīthimadhyagaḥ |pāśāṅkuśadvibījasthaḥ śaktipāśasvarūpakaḥ || 31||

पाशाङ्कुशीयचक्रेशो देवेन्द्रादिप्रपूजितः ।लिखितो भूर्जपत्रादौ क्रमाराधितवैभवः ॥ ३२॥

pāśāṅkuśīyacakreśo devendrādiprapūjitaḥ |likhito bhūrjapatrādau kramārādhitavaibhavaḥ || 32||

ऊर्ध्वरेखासमायुक्तो निम्नरेखाप्रतिष्ठितः ।सम्पूर्णमेरुरूपेण सम्पूजितोऽखिलप्रदः ॥ ३३मन्त्रात्मवर्णमालाभिः सम्यक्शोभितचक्रराट् ।श्रीचक्रबिन्दुमध्यस्थयन्त्रसंराट्स्वरूपकः ॥ ३४॥

ūrdhvarekhāsamāyukto nimnarekhāpratiṣṭhitaḥ |sampūrṇamerurūpeṇa sampūjito'khilapradaḥ || 33mantrātmavarṇamālābhiḥ samyakśobhitacakrarāṭ |śrīcakrabindumadhyasthayantrasaṃrāṭsvarūpakaḥ || 34||

कामधर्मार्थर्फलदः शत्रुदस्युनिवारकः ।कीर्तिकान्तिधनारोग्यरक्षाश्रीविजयप्रदः ॥ ३५॥

kāmadharmārtharphaladaḥ śatrudasyunivārakaḥ |kīrtikāntidhanārogyarakṣāśrīvijayapradaḥ || 35||

पुत्रपौत्रप्रदः सर्वभूतवेतालनाशनःकासापस्मारकुष्ठादिसर्वरोगविनाशकः ॥ ३६॥

putrapautrapradaḥ sarvabhūtavetālanāśanaḥkāsāpasmārakuṣṭhādisarvarogavināśakaḥ || 36||

त्वगादिधातुसम्बद्धसर्वामयचिकित्सकः ।डाकिन्यादिस्वरूपेण सप्तधातुषु निष्ठितः ॥ ३७॥

tvagādidhātusambaddhasarvāmayacikitsakaḥ |ḍākinyādisvarūpeṇa saptadhātuṣu niṣṭhitaḥ || 37||

स्मृतिमात्रेणाष्टलक्ष्मीविश्राणनविशारदः ।श्रुतिमौलिसमाराध्यमहापादुकलेवरः ॥ ३८॥

smṛtimātreṇāṣṭalakṣmīviśrāṇanaviśāradaḥ |śrutimaulisamārādhyamahāpādukalevaraḥ || 38||

महापदावनीमध्यरमादिषोडशीद्विकः ।रमादिषोडशीयुक्तराजगोपद्वयान्वितः ॥ ३९॥

mahāpadāvanīmadhyaramādiṣoḍaśīdvikaḥ |ramādiṣoḍaśīyuktarājagopadvayānvitaḥ || 39||

श्रीराजगोपमध्यस्थमहानारायणद्विकः ।नारायणद्वयालीढमहानृसिंहरूपकः ॥ ४०॥

śrīrājagopamadhyasthamahānārāyaṇadvikaḥ |nārāyaṇadvayālīḍhamahānṛsiṃharūpakaḥ || 40||

लघुरूपमहापादुः महामहासुपादुकः ।महापदावनीध्यानसर्वसिद्धिविलासकः ॥ ४१॥

laghurūpamahāpāduḥ mahāmahāsupādukaḥ |mahāpadāvanīdhyānasarvasiddhivilāsakaḥ || 41||

महापदावनीन्यासशताधिककलाष्टकः ।परमानन्दलहरीसमारब्धकलान्वितः ॥ ४२॥

mahāpadāvanīnyāsaśatādhikakalāṣṭakaḥ |paramānandalaharīsamārabdhakalānvitaḥ || 42||

शताधिककलान्तोद्यच्छ्रीमच्चरणवैभवः ।शिरआदिब्रह्मरन्ध्रस्थानन्यस्तकलावलिः ॥ ४३॥

śatādhikakalāntodyacchrīmaccaraṇavaibhavaḥ |śiraādibrahmarandhrasthānanyastakalāvaliḥ || 43||

इन्द्रनीलसमच्छायः सूर्यस्पर्धिकिरीटकः ।अष्टमीचन्द्रविभ्राजदलिकस्थलशोभितः ॥ ४४॥

indranīlasamacchāyaḥ sūryaspardhikirīṭakaḥ |aṣṭamīcandravibhrājadalikasthalaśobhitaḥ || 44||

कस्तूरीतिलकोद्भासी कारुण्याकुलनेत्रकः ।मन्दहासमनोहारी नवचम्पकनासिकः ॥ ४५॥

kastūrītilakodbhāsī kāruṇyākulanetrakaḥ |mandahāsamanohārī navacampakanāsikaḥ || 45||

मकरकुण्डलद्वन्द्वसंशोभितकपोलकः ।श्रीवत्साङ्कितवक्षःश्रीः वनमालाविराजितः ॥ ४६॥

makarakuṇḍaladvandvasaṃśobhitakapolakaḥ |śrīvatsāṅkitavakṣaḥśrīḥ vanamālāvirājitaḥ || 46||

दक्षिणोरः प्रदेशस्थपराहङ्कृतिराजितः ।आकाशवत्क्रशिष्ठश्रीमध्यवल्लीविराजितः ॥ ४७॥

dakṣiṇoraḥ pradeśasthaparāhaṅkṛtirājitaḥ |ākāśavatkraśiṣṭhaśrīmadhyavallīvirājitaḥ || 47||

शङ्खचक्रगदापद्मसंराजितचतुर्भुजः ।केयूराङ्गदभूषाढ्यः कङ्कणालिमनोहरः ॥ ४८॥

śaṅkhacakragadāpadmasaṃrājitacaturbhujaḥ |keyūrāṅgadabhūṣāḍhyaḥ kaṅkaṇālimanoharaḥ || 48||

नवरत्नप्रभापुञ्जच्छुरिताङ्गुलिभूषणः ।गुल्फावधिकसंशोभिपीतचेलप्रभान्वितः ॥ ४९॥

navaratnaprabhāpuñjacchuritāṅgulibhūṣaṇaḥ |gulphāvadhikasaṃśobhipītacelaprabhānvitaḥ || 49||

किङ्किणीनादसंराजत्काञ्चीभूषणशोभितः ।विश्वक्षोभकरश्रीकमसृणोरुद्वयान्वितः ॥ ५०॥

kiṅkiṇīnādasaṃrājatkāñcībhūṣaṇaśobhitaḥ |viśvakṣobhakaraśrīkamasṛṇorudvayānvitaḥ || 50||

इन्द्रनीलाश्मनिष्पन्नसम्पुटाकृतिजानुकः ।स्मरतूणाभलक्ष्मीकजङ्घाद्वयविराजितः ॥ ५१॥

indranīlāśmaniṣpannasampuṭākṛtijānukaḥ |smaratūṇābhalakṣmīkajaṅghādvayavirājitaḥ || 51||

मांसलगुल्फलक्ष्मीको महासौभाग्यसंयुतः ।ह्रींङ्कारतत्त्वसम्बोधिनूपुरद्वयराजितः ॥ ५२॥

māṃsalagulphalakṣmīko mahāsaubhāgyasaṃyutaḥ |hrīṃṅkāratattvasambodhinūpuradvayarājitaḥ || 52||

आदिकूर्मावतारश्रीजयिष्णुप्रपदान्वितः ।नमज्जनतमोवृन्दविध्वंसकपदद्वयः ॥ ५३॥

ādikūrmāvatāraśrījayiṣṇuprapadānvitaḥ |namajjanatamovṛndavidhvaṃsakapadadvayaḥ || 53||

नखज्योत्स्नालिशैशिर्यपरविद्याप्रकाशकः ।रक्तशुक्लप्रभामिश्रपादुकाद्वयवैभवः ॥ ५४॥

nakhajyotsnāliśaiśiryaparavidyāprakāśakaḥ |raktaśuklaprabhāmiśrapādukādvayavaibhavaḥ || 54||

दयागुणमहावार्धिर्गुरुवायुपुरेश्वरः ।फलश्रुतिःइत्येवं कथितं देवि नाम्नामष्टोत्तरं शतम् ॥ ५५॥

dayāguṇamahāvārdhirguruvāyupureśvaraḥ |phalaśrutiḥityevaṃ kathitaṃ devi nāmnāmaṣṭottaraṃ śatam || 55||

गुरुवायुपुरेशस्य सर्वसिद्धिविधायकम् ।कृष्णाष्टमीसमारब्धमासेनैकेन सिद्धिदम् ॥ ५६॥

guruvāyupureśasya sarvasiddhividhāyakam |kṛṣṇāṣṭamīsamārabdhamāsenaikena siddhidam || 56||

कृष्णाष्टमीं समारभ्य यावदन्याऽसिताऽष्टमी ।तावत्कालं स्तोत्रमेतत् प्रत्यहं शतशः पठेत् ॥ ५७॥

kṛṣṇāṣṭamīṃ samārabhya yāvadanyā'sitā'ṣṭamī |tāvatkālaṃ stotrametat pratyahaṃ śataśaḥ paṭhet || 57||

मातृकापुटितं कृत्वा हित्वाऽऽलस्यं सुमङ्गले ।एकान्तभक्तियुक्तो हि गुरुवायुपुरेश्वरे ॥ ५८॥

mātṛkāpuṭitaṃ kṛtvā hitvā''lasyaṃ sumaṅgale |ekāntabhaktiyukto hi guruvāyupureśvare || 58||

जीवन्नेव स भक्ताग्र्यो माधवाधिष्ठितो भवेत् ।तप्तकाञ्चनगौरे हि तच्छरीरे सदा लसन् ॥ ५९॥

jīvanneva sa bhaktāgryo mādhavādhiṣṭhito bhavet |taptakāñcanagaure hi taccharīre sadā lasan || 59||

गुरुवायुपुराधीशोऽद्भुतानि हि करिष्यति ।अत आवां महेशानि गच्छावः शरणं हि तम् ॥ ६०॥

guruvāyupurādhīśo'dbhutāni hi kariṣyati |ata āvāṃ maheśāni gacchāvaḥ śaraṇaṃ hi tam || 60||

कारुण्यमूर्तिमीशानं गुरुवायुपुरेश्वरम् ।उड्डामरेशतन्त्रेऽस्मिन् पटले क्षिप्रसाधने ॥ ६१॥

kāruṇyamūrtimīśānaṃ guruvāyupureśvaram |uḍḍāmareśatantre'smin paṭale kṣiprasādhane || 61||

महावैकुण्ठनाथस्य गुरुवायुपुरेशितुः ।अष्टोत्तरशतं नाम्नां सर्वसिद्धिविलासकम् ।अध्यायं सप्तमं पूर्णमवदातं करोत्युमे ॥ ६२॥

mahāvaikuṇṭhanāthasya guruvāyupureśituḥ |aṣṭottaraśataṃ nāmnāṃ sarvasiddhivilāsakam |adhyāyaṃ saptamaṃ pūrṇamavadātaṃ karotyume || 62||

इति श्रीगुरुवायुपुरेश्वराष्टोत्तरशतनामस्तोत्ररत्नं सम्पूर्णम् ।॥ शुभम् ॥

iti śrīguruvāyupureśvarāṣṭottaraśatanāmastotraratnaṃ sampūrṇam ||| śubham ||