वैष्णवकवचस्तोत्रम् रोगनाशनम् अथवा सर्वव्याधिहरम् Roganashana or Sarva Vyadhi Hara Vaishnava Kavacham

हरिरुवाच ।सर्वव्याधिहरं वक्ष्ये वैष्णवं कवचं शुभम् ।येन रक्षा कृता शम्भोर्दैत्यान्क्षपयतः पुरा ॥ १॥ शम्भोर्नात्र कार्या विचारणा

hariruvāca |sarvavyādhiharaṃ vakṣye vaiṣṇavaṃ kavacaṃ śubham |yena rakṣā kṛtā śambhordaityānkṣapayataḥ purā || 1|| śambhornātra kāryā vicāraṇā

प्रणम्य देवमीशानमजं नित्यमनामयम् ।देवं सर्वेश्वरं विष्णुं सर्वव्यापिनमव्ययम् ॥ २॥

praṇamya devamīśānamajaṃ nityamanāmayam |devaṃ sarveśvaraṃ viṣṇuṃ sarvavyāpinamavyayam || 2||

बध्नाम्यहं प्रतिसरं नमस्कृत्य जनार्दनम् । प्रतीकारंअमोघाप्रतिमं सर्वं सर्वदुःखनिवारणम् ॥ ३॥

badhnāmyahaṃ pratisaraṃ namaskṛtya janārdanam | pratīkāraṃamoghāpratimaṃ sarvaṃ sarvaduḥkhanivāraṇam || 3||

विष्णुर्मामग्रतः पातु कृष्णो रक्षतु पृष्ठतः ।हरिर्मे रक्षतु शिरो हृदयञ्च जनार्दनः ॥ ४॥

viṣṇurmāmagrataḥ pātu kṛṣṇo rakṣatu pṛṣṭhataḥ |harirme rakṣatu śiro hṛdayañca janārdanaḥ || 4||

मनो मम हृषीकेशो जिह्वां रक्षतु केशवः ।प्रातु नेत्रे वासुदेवः श्रोत्रे सङ्कर्षणो विभुः ॥ ५॥

mano mama hṛṣīkeśo jihvāṃ rakṣatu keśavaḥ |prātu netre vāsudevaḥ śrotre saṅkarṣaṇo vibhuḥ || 5||

प्रद्युम्नः पातु मे घ्राणमनिरुद्धस्तु चर्म च ।वनमाली गलस्यान्तं श्रीवत्सो रक्षतामधः ॥ ६॥

pradyumnaḥ pātu me ghrāṇamaniruddhastu carma ca |vanamālī galasyāntaṃ śrīvatso rakṣatāmadhaḥ || 6||

पार्श्वं रक्षतु मे चक्रं वामं दैत्यनिवारणम् ।दक्षिणन्तु गदादेवी सर्वासुरनिवारिणी ॥ ७॥

pārśvaṃ rakṣatu me cakraṃ vāmaṃ daityanivāraṇam |dakṣiṇantu gadādevī sarvāsuranivāriṇī || 7||

उदरं मुसलं पातु पृष्ठं मे पातु लाङ्गलम् ।ऊर्ध्वं रक्षतु मे शार्ङ्गं जङ्घे रक्षतु नन्दकः ॥ ८॥

udaraṃ musalaṃ pātu pṛṣṭhaṃ me pātu lāṅgalam |ūrdhvaṃ rakṣatu me śārṅgaṃ jaṅghe rakṣatu nandakaḥ || 8||

पार्ष्णी रक्षतु शङ्खश्च पद्मं मे चरणावुभौ ।सर्वकार्यार्थसिद्ध्यर्थं पातु मां गरुडः सदा ॥ ९॥

pārṣṇī rakṣatu śaṅkhaśca padmaṃ me caraṇāvubhau |sarvakāryārthasiddhyarthaṃ pātu māṃ garuḍaḥ sadā || 9||

वराहो रक्षतु जले विषमेषु च वामनः ।अटव्यां नारसिंहश्च सर्वतः पातु केशवः ॥ १०॥

varāho rakṣatu jale viṣameṣu ca vāmanaḥ |aṭavyāṃ nārasiṃhaśca sarvataḥ pātu keśavaḥ || 10||

हिरण्यगर्भो भगवान्हिरण्यं मे प्रयच्छतु ।साङ्ख्याचार्यस्तु कपिलो धातुसाम्यं करोतु मे ॥ ११॥

hiraṇyagarbho bhagavānhiraṇyaṃ me prayacchatu |sāṅkhyācāryastu kapilo dhātusāmyaṃ karotu me || 11||

श्वेतद्वीपनिवासी च श्वेतद्वीपं नयत्वजः ।सर्वान्सूदयतां शत्रून्मधुकैटभमर्दनः ॥ १२॥ सूदनः

śvetadvīpanivāsī ca śvetadvīpaṃ nayatvajaḥ |sarvānsūdayatāṃ śatrūnmadhukaiṭabhamardanaḥ || 12|| sūdanaḥ

सदाकर्षतु विष्णुश्च किल्बिषं मम विग्रहात् ।हंसो मत्स्यस्तथा कूर्मः पातु मां सर्वतो दिशम् ॥ १३॥

sadākarṣatu viṣṇuśca kilbiṣaṃ mama vigrahāt |haṃso matsyastathā kūrmaḥ pātu māṃ sarvato diśam || 13||

त्रिविक्रमस्तु मे देवः सर्वपापानि कृन्ततु । सर्वपापान्निगृह्णतुतथा नारायणो देवो बुद्धिं पालयतां मम ॥ १४॥

trivikramastu me devaḥ sarvapāpāni kṛntatu | sarvapāpānnigṛhṇatutathā nārāyaṇo devo buddhiṃ pālayatāṃ mama || 14||

शेषो मे निर्मलं ज्ञानं करोत्वज्ञाननाशनम् ।वडवामुखो नाशयतां कल्मषं यत्कृतं मया ॥ १५॥

śeṣo me nirmalaṃ jñānaṃ karotvajñānanāśanam |vaḍavāmukho nāśayatāṃ kalmaṣaṃ yatkṛtaṃ mayā || 15||

पद्भ्यां ददातु परमं सुखं मूर्ध्नि मम प्रभुः ।दत्तात्रेयः प्रकुरुतां सपुत्रपशुबान्धवम् ॥ १६॥ दत्तात्रेयः कलयतु

padbhyāṃ dadātu paramaṃ sukhaṃ mūrdhni mama prabhuḥ |dattātreyaḥ prakurutāṃ saputrapaśubāndhavam || 16|| dattātreyaḥ kalayatu

सर्वानरीन्नाशयतु रामः परशुना मम ।रक्षोघ्नस्तु दशरथिः पातु नित्यं महाभुजः ॥ १७॥

sarvānarīnnāśayatu rāmaḥ paraśunā mama |rakṣoghnastu daśarathiḥ pātu nityaṃ mahābhujaḥ || 17||

शत्रून्हलेन मे हन्याद्रमो यादवनन्दनः ।प्रलम्बकेशिचाणूरपूतनाकंसनाशनः ।कृष्णस्य यो बालभावः स मे कामान्प्रयच्छतु ॥ १८॥

śatrūnhalena me hanyādramo yādavanandanaḥ |pralambakeśicāṇūrapūtanākaṃsanāśanaḥ |kṛṣṇasya yo bālabhāvaḥ sa me kāmānprayacchatu || 18||

अन्धकारतमोघोरं पुरुषं कृष्णपिङ्गलम् ।पश्यामि भयसन्त्रस्तः पाशहस्तमिवान्तकम् ॥ १९॥

andhakāratamoghoraṃ puruṣaṃ kṛṣṇapiṅgalam |paśyāmi bhayasantrastaḥ pāśahastamivāntakam || 19||

ततोऽहं पुण्डरीकाक्षमच्युतं शरणं गतः ।धन्योऽहं निर्भयो नित्यं यस्य मे भगवान्हरिः ॥ २०॥

tato'haṃ puṇḍarīkākṣamacyutaṃ śaraṇaṃ gataḥ |dhanyo'haṃ nirbhayo nityaṃ yasya me bhagavānhariḥ || 20||

ध्यात्वा नारायणं देवं सर्वोपद्रवनाशनम् ।वैष्णवं कवचं बद्ध्वा विचरामि महीतले ॥ २१॥

dhyātvā nārāyaṇaṃ devaṃ sarvopadravanāśanam |vaiṣṇavaṃ kavacaṃ baddhvā vicarāmi mahītale || 21||

अप्रधृष्योऽस्मि भूतानां सर्वदेवमयो ह्यहम् ।स्मरणाद्देवदेवस्य विष्णोरमिततेजसः ॥ २२॥

apradhṛṣyo'smi bhūtānāṃ sarvadevamayo hyaham |smaraṇāddevadevasya viṣṇoramitatejasaḥ || 22||

सिद्धिर्भवतु मे नित्यं यथा मन्त्रमुदाहृतम् ।यो मां पश्यति चक्षुर्भ्यां यञ्चः पश्यामि चक्षुषा ।सर्वेषां पापदुष्टानां विष्णुर्बध्नातु चक्षुषी ॥ २३॥

siddhirbhavatu me nityaṃ yathā mantramudāhṛtam |yo māṃ paśyati cakṣurbhyāṃ yañcaḥ paśyāmi cakṣuṣā |sarveṣāṃ pāpaduṣṭānāṃ viṣṇurbadhnātu cakṣuṣī || 23||

वासुदेवस्य यच्चक्रं तस्य चक्रस्य ये त्वराः ।ते हि छिन्दन्तु पापान्मे मम हिंसन्तु हिंसकान् ॥ २४॥ पापानि

vāsudevasya yaccakraṃ tasya cakrasya ye tvarāḥ |te hi chindantu pāpānme mama hiṃsantu hiṃsakān || 24|| pāpāni

राक्षसेषु पिशाचेषु कान्तारेष्वटवीषु च ।विवादे राजमार्गेषु द्यूतेषु कलहेषु च ॥ २५॥

rākṣaseṣu piśāceṣu kāntāreṣvaṭavīṣu ca |vivāde rājamārgeṣu dyūteṣu kalaheṣu ca || 25||

नदीसन्तारणे घोरे सम्प्राप्ते प्राणसंशये ।अग्निचौरनिपातेषु सर्वग्रहनिवारणे ॥ २६॥

nadīsantāraṇe ghore samprāpte prāṇasaṃśaye |agnicauranipāteṣu sarvagrahanivāraṇe || 26||

विद्युत्सर्पविषोद्वेगे रोगे वै विघ्नसङ्कटे ।जप्यमेतज्जपेन्नित्यं शरीरे भयमागते ॥ २७॥

vidyutsarpaviṣodvege roge vai vighnasaṅkaṭe |japyametajjapennityaṃ śarīre bhayamāgate || 27||

अयं भगवतो मन्त्रो मन्त्राणां परमो महान् ।विख्यातं कवचं गुह्यं सर्पपापप्रणाशनम् ।स्वमायाकृतिनिर्माणं कल्पान्तगहनं महत् ॥ २८॥

ayaṃ bhagavato mantro mantrāṇāṃ paramo mahān |vikhyātaṃ kavacaṃ guhyaṃ sarpapāpapraṇāśanam |svamāyākṛtinirmāṇaṃ kalpāntagahanaṃ mahat || 28||

ॐ अनाद्यन्त जगद्बीज पद्मनाभ नमोऽस्तु ते ।ॐ कालाय स्वाहा । ॐ कालपुरुषाय स्वाहा । ॐ कृष्णाय स्वाहा ।ॐ कृष्णरूपाय स्वाहा । ॐ चण्डाय स्वाहा । ॐ चण्डरूपाय स्वाहा ।ॐ प्रचण्डाय स्वाहा । ॐ प्रचण्डरूपाय स्वाहा । ॐ सर्वाय स्वाहा ।ॐ सर्वरूपाय स्वाहा । ॐ नमो भुवनेशाय त्रिलोकधात्रे इह विटिसिविटि सिविटि स्वाहा । ॐ नमः अयोखेतये ये ये संज्ञापय वर् संज्ञायापात्रदैत्यदानवयक्षराक्षसभूतपिशाचकूष्माण्डान्तापस्मारकच्छर्दनदुर्धराणामेकाहिकद्व्याहिकत्र्याहिकचातुर्थिक मौहूर्तिकदिनज्वररात्रिज्वरसन्ध्याज्वरसर्वज्वरादीनांलूताकीटकण्टकपूतनाभुजङ्गस्थावरजङ्गमविषादीनामिदं शरीरंमम पथ्यं त्वं कुरु स्फुट स्फुट स्फुट प्रकोट लफटविकटदंष्ट्रः पूर्वतो रक्षतु ।ॐ निवि निवि प्रदीप्तज्वलनज्वालाकार महाकपिल उत्तरतो रक्ष ।ॐ विलि विलि मिलि मिलि गरुडि गरुडि गौरीगान्धारीविषमोहविषमविषमांमहोहयतु स्वाहा दक्षिणतो रक्ष ।मां पश्य सर्वभूतभयोपद्रवेभ्यो रक्ष रक्ष जय जयविजय तेन हीयते रिपुत्रासाहङ्कृतवाद्यतोभय रुदय वोभयोऽभयंदिशतु च्युतः तदुदरमखिलं विशन्तुयुगपरिवर्तसहस्रसङ्ख्येयोऽस्तमलमिव प्रविशन्ति रश्मयः ।वासुदेवसङ्कर्षणप्रद्युम्नश्चानिरुद्धकः ।सर्वज्वरान्मम घ्नन्तु विष्णुर्नारायणो हरिः ॥ २९॥

oṃ anādyanta jagadbīja padmanābha namo'stu te |oṃ kālāya svāhā | oṃ kālapuruṣāya svāhā | oṃ kṛṣṇāya svāhā |oṃ kṛṣṇarūpāya svāhā | oṃ caṇḍāya svāhā | oṃ caṇḍarūpāya svāhā |oṃ pracaṇḍāya svāhā | oṃ pracaṇḍarūpāya svāhā | oṃ sarvāya svāhā |oṃ sarvarūpāya svāhā | oṃ namo bhuvaneśāya trilokadhātre iha viṭisiviṭi siviṭi svāhā | oṃ namaḥ ayokhetaye ye ye saṃjñāpaya var saṃjñāyāpātradaityadānavayakṣarākṣasabhūtapiśācakūṣmāṇḍāntāpasmārakacchardanadurdharāṇāmekāhikadvyāhikatryāhikacāturthika mauhūrtikadinajvararātrijvarasandhyājvarasarvajvarādīnāṃlūtākīṭakaṇṭakapūtanābhujaṅgasthāvarajaṅgamaviṣādīnāmidaṃ śarīraṃmama pathyaṃ tvaṃ kuru sphuṭa sphuṭa sphuṭa prakoṭa laphaṭavikaṭadaṃṣṭraḥ pūrvato rakṣatu |oṃ nivi nivi pradīptajvalanajvālākāra mahākapila uttarato rakṣa |oṃ vili vili mili mili garuḍi garuḍi gaurīgāndhārīviṣamohaviṣamaviṣamāṃmahohayatu svāhā dakṣiṇato rakṣa |māṃ paśya sarvabhūtabhayopadravebhyo rakṣa rakṣa jaya jayavijaya tena hīyate riputrāsāhaṅkṛtavādyatobhaya rudaya vobhayo'bhayaṃdiśatu cyutaḥ tadudaramakhilaṃ viśantuyugaparivartasahasrasaṅkhyeyo'stamalamiva praviśanti raśmayaḥ |vāsudevasaṅkarṣaṇapradyumnaścāniruddhakaḥ |sarvajvarānmama ghnantu viṣṇurnārāyaṇo hariḥ || 29||

इति श्रीगारुडे महापुराणे पूर्वखण्डे प्रथमांशाख्ये आचारकाण्डेवैष्णवकवचकथनं नाम चतुर्नवत्युत्तरशततमोऽध्यायः ॥ग़रुदपुरन पूर्वार्ध अध्याय १९४ – १/२९

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍevaiṣṇavakavacakathanaṃ nāma caturnavatyuttaraśatatamo'dhyāyaḥ ||ग़rudapurana pūrvārdha adhyāya 194 – 1/29