नृसिंहस्तोत्रम् (नारकिकृत नृसिंहपुराणान्तर्गतम्) Narakikritashrinrisimhastotram

श्रीगणेशाय नमः ॥ओन्नमो भगवते तस्मै केशवाय महात्मने ।यन्नामकीर्तनात्सद्यो नरकाग्निः प्रशाम्यति ॥ १॥

śrīgaṇeśāya namaḥ ||onnamo bhagavate tasmai keśavāya mahātmane |yannāmakīrtanātsadyo narakāgniḥ praśāmyati || 1||

भक्तप्रियाय देवाय परस्मै हरये नमः ।लोकनाथाय शान्ताय यज्ञेशायादिमूर्तये ॥ २॥

bhaktapriyāya devāya parasmai haraye namaḥ |lokanāthāya śāntāya yajñeśāyādimūrtaye || 2||

अनन्तायाप्रमेयाय नरसिंहाय ते नमः ।नारायणाय गुरवे शङ्खचक्रगदाभृते ॥ ३॥

anantāyāprameyāya narasiṃhāya te namaḥ |nārāyaṇāya gurave śaṅkhacakragadābhṛte || 3||

वेदप्रियाय महते विक्रमाय नमो नमः ।वराहायाप्रतर्क्याय वेदाङ्गाय महीभृते ॥ ४॥

vedapriyāya mahate vikramāya namo namaḥ |varāhāyāpratarkyāya vedāṅgāya mahībhṛte || 4||

नमो द्युतिमते नित्यं ब्राह्मणाय नमो नमः ।वामनाय बहुज्ञाय वेदवेदाङ्गधारिणे ॥ ५॥

namo dyutimate nityaṃ brāhmaṇāya namo namaḥ |vāmanāya bahujñāya vedavedāṅgadhāriṇe || 5||

बलिबन्धनदत्ताय वेदपालाय ते नमः ।विष्णवे सुरनाथाय व्यापिने परमात्मने ॥ ६॥

balibandhanadattāya vedapālāya te namaḥ |viṣṇave suranāthāya vyāpine paramātmane || 6||

चतुर्भुजाय शुद्धाय शुद्धद्रव्याय ते नमः ।जामदग्न्याय रामाय दुष्टक्षत्रान्तकारणे ॥ ७॥

caturbhujāya śuddhāya śuddhadravyāya te namaḥ |jāmadagnyāya rāmāya duṣṭakṣatrāntakāraṇe || 7||

रामाय रावणान्तकाय नमस्तुभ्यं महात्मने ।अस्मानुद्धर गोविन्द पूतिगन्धिन्नमोऽस्तु ते ॥ ८॥

rāmāya rāvaṇāntakāya namastubhyaṃ mahātmane |asmānuddhara govinda pūtigandhinnamo'stu te || 8||

स्तोत्रमेतत्पठेद्यस्तु निरयान्मुच्यते च सः ।नास्त्यत्र संशयः स्वल्पः प्रत्यहं पाठमाचरेत् ॥ ९॥

stotrametatpaṭhedyastu nirayānmucyate ca saḥ |nāstyatra saṃśayaḥ svalpaḥ pratyahaṃ pāṭhamācaret || 9||

इति श्रीनृसिंहपुराणे नारकिकृतं श्रीनृसिंहस्तोत्रं सम्पूर्णम् ।नरसिंहपुराण । अध्याय ८/३२३९॥नरसिंहपुराण । अध्याय ८/३२-३९॥

iti śrīnṛsiṃhapurāṇe nārakikṛtaṃ śrīnṛsiṃhastotraṃ sampūrṇam |narasiṃhapurāṇa | adhyāya 8/3239||narasiṃhapurāṇa | adhyāya 8/32-39||