नारायणस्तुतिः देवैः कृता Devaih Krita Narayanastutih

(एकलिङ्गमाहात्म्ये)देवा ऊचुःमत्स्यः कूर्मो वामनस्त्वं नृसिंहोरामो विष्णुः शूकरो भार्गवश्च ।दत्तात्रेयो बुद्धरूपोऽथ भावीकल्किरूपः पालयामास विश्वम् ॥ १८॥

(ekaliṅgamāhātmye)devā ūcuḥmatsyaḥ kūrmo vāmanastvaṃ nṛsiṃhorāmo viṣṇuḥ śūkaro bhārgavaśca |dattātreyo buddharūpo'tha bhāvīkalkirūpaḥ pālayāmāsa viśvam || 18||

भूमेर्भारं त्वदृते कः समर्थोवोढुं दैत्यान् हन्तुमन्यो न चास्ति ।मात्स्यं रूपं यो विधायार्णवाम्भस्तूर्णं भित्त्वा सर्वविद्यामयत्वम् ॥ १९॥

bhūmerbhāraṃ tvadṛte kaḥ samarthovoḍhuṃ daityān hantumanyo na cāsti |mātsyaṃ rūpaṃ yo vidhāyārṇavāmbhastūrṇaṃ bhittvā sarvavidyāmayatvam || 19||

नावं कृत्वा तत्र विश्वं निधायवेदान् यो वै ब्रह्मणे तान् ददौ हि ।कूर्मो भूत्वा स्वस्य पृष्ठे निधायक्षोणीं न्यस्य तत्र चैनं शिरस्सु ॥ २०॥

nāvaṃ kṛtvā tatra viśvaṃ nidhāyavedān yo vai brahmaṇe tān dadau hi |kūrmo bhūtvā svasya pṛṣṭhe nidhāyakṣoṇīṃ nyasya tatra cainaṃ śirassu || 20||

विश्वं दध्रे विश्वकर्ता य एकःकस्ते पारं ज्ञातुमन्यः समर्थः ।कृत्वा रूपं शूकरं यो महात्मामग्नां पृथ्वीं हेलयोच्चैश्चचार ॥ २१॥

viśvaṃ dadhre viśvakartā ya ekaḥkaste pāraṃ jñātumanyaḥ samarthaḥ |kṛtvā rūpaṃ śūkaraṃ yo mahātmāmagnāṃ pṛthvīṃ helayoccaiścacāra || 21||

सैंही मूर्तिः कशिपु यो हिरण्यपूर्वं दद्रे पाणिजैर्वक्षसीह ।अजो जातो वामनो वामनः सन्ह्रस्वाद्ध्रस्वं यो विधायाच्छरूपम् ॥ २२॥

saiṃhī mūrtiḥ kaśipu yo hiraṇyapūrvaṃ dadre pāṇijairvakṣasīha |ajo jāto vāmano vāmanaḥ sanhrasvāddhrasvaṃ yo vidhāyāccharūpam || 22||

धाताऽदित्यां पुत्रतां प्राप्यमानःपाताले वैरोचनं चच्छलेन ।रामेण त्रिःसप्तकृत्वो रुषा तुहन्तुं क्षत्रं हैहयं वै विजित्य ॥ २३॥

dhātā'dityāṃ putratāṃ prāpyamānaḥpātāle vairocanaṃ cacchalena |rāmeṇa triḥsaptakṛtvo ruṣā tuhantuṃ kṣatraṃ haihayaṃ vai vijitya || 23||

ह्रदं कृत्वाऽसृग्भिराशु स्वकीयान्यो वै पितॄनतर्पयत् रामकूपे ।दशग्रीवं यो निहत्याजिभूमौरामौ भूत्वा लक्ष्मणेनानुयुक्तः ॥ २४॥

hradaṃ kṛtvā'sṛgbhirāśu svakīyānyo vai pitṝnatarpayat rāmakūpe |daśagrīvaṃ yo nihatyājibhūmaurāmau bhūtvā lakṣmaṇenānuyuktaḥ || 24||

बध्वा सेतुं वानरैः सागरेऽपिपौलस्त्यं यो वै मैथिलीमानिनाय ।देवक्यां यः पुत्रतामेति भूयःकंसं जित्वा भूमिभारस्य हर्ता ॥ २५॥

badhvā setuṃ vānaraiḥ sāgare'pipaulastyaṃ yo vai maithilīmānināya |devakyāṃ yaḥ putratāmeti bhūyaḥkaṃsaṃ jitvā bhūmibhārasya hartā || 25||

हत्वा चैद्यान्नारकादींश्च सर्वान्इन्द्रे राज्यं कल्पयामास नाके ।योगं यो(ऽ)गा(द्)यो बुधस्यैव रूपोनिर्व्यापारो विश्वकृद्विश्वरूपः ॥ २६॥

hatvā caidyānnārakādīṃśca sarvānindre rājyaṃ kalpayāmāsa nāke |yogaṃ yo(')gā(d)yo budhasyaiva rūponirvyāpāro viśvakṛdviśvarūpaḥ || 26||

ध्यानं चक्रे योगमालां गृहीत्वायोगिध्येयो नास्ति पूज्योऽस्य कश्चित् ।स्मर्तुं वेदानत्रिपुत्रो भवांश्चदत्तात्रेयो विश्वयोनेः सकाशात् ॥ २७॥

dhyānaṃ cakre yogamālāṃ gṛhītvāyogidhyeyo nāsti pūjyo'sya kaścit |smartuṃ vedānatriputro bhavāṃścadattātreyo viśvayoneḥ sakāśāt || 27||

हृतान् मत्वा मायया विप्रपुत्रान्भूयोऽदाद्वै ब्राह्मणेभ्यो महात्मा ।यो वेदानां बहुमार्गं व्यधत्तपाराशर्यो विश्वमुख्यस्य हेतोः ॥ २८॥

hṛtān matvā māyayā vipraputrānbhūyo'dādvai brāhmaṇebhyo mahātmā |yo vedānāṃ bahumārgaṃ vyadhattapārāśaryo viśvamukhyasya hetoḥ || 28||

विस्तारत्वं यश्चकाराथ वेदेसंसाराब्धौ पातितं विश्वमीक्ष्य ।एवं विश्वं यो बिभर्ति स्वरूपैरासङ्ख्येयैस्तस्य सङ्ख्यां न विद्मः ॥ २९॥

vistāratvaṃ yaścakārātha vedesaṃsārābdhau pātitaṃ viśvamīkṣya |evaṃ viśvaṃ yo bibharti svarūpairāsaṅkhyeyaistasya saṅkhyāṃ na vidmaḥ || 29||

इति एकलिङ्गमाहात्म्ये देवैः कृता नारायणस्तुतिः सम्पूर्णा ।॥ एकलिङ्गमाहात्म्यम् । नवमोऽध्यायः इन्द्रवरदानम् । ९\।१८२९॥– ॥ एकलिङ्गमाहात्म्यम् । नवमोऽध्यायः – इन्द्रवरदानम् । ९।१८-२९ ॥

iti ekaliṅgamāhātmye devaiḥ kṛtā nārāyaṇastutiḥ sampūrṇā ||| ekaliṅgamāhātmyam | navamo'dhyāyaḥ indravaradānam | 9\|1829||– || ekaliṅgamāhātmyam | navamo'dhyāyaḥ – indravaradānam | 9|18-29 ||