दण्डायुधपाणिस्वामीसुप्रभातम् Shridandayudhapanisvami Suprabhatam

उत्तिष्ठोत्तिष्ठ गाङ्गेय उत्तिष्ठ शिखिवाहन ।उत्तिष्ठ करुणासिन्धो त्रैलोक्यं मङ्गलं कुरु ॥ १॥

uttiṣṭhottiṣṭha gāṅgeya uttiṣṭha śikhivāhana |uttiṣṭha karuṇāsindho trailokyaṃ maṅgalaṃ kuru || 1||

श्रीपार्वतीवदनपद्मदिवाकर श्रीशम्भोर्ललाटनयनोद्भव रक्तवर्ण ।श्रीहंसवाहन जनार्दनवन्दनीय श्रीसुप्रभातमधुना कुरु दण्डपाणे ॥ २॥

śrīpārvatīvadanapadmadivākara śrīśambhorlalāṭanayanodbhava raktavarṇa |śrīhaṃsavāhana janārdanavandanīya śrīsuprabhātamadhunā kuru daṇḍapāṇe || 2||

श्रीपञ्चवक्त्रपरमेश्वरवामभागाऽलङ्कारयोषिदवलम्बनपूर्णरूप ।गङ्गासुतप्रिय वरप्रद दानशील श्रीसुप्रभातमधुना कुरु दण्डपाणे ॥ ३॥

śrīpañcavaktraparameśvaravāmabhāgā'laṅkārayoṣidavalambanapūrṇarūpa |gaṅgāsutapriya varaprada dānaśīla śrīsuprabhātamadhunā kuru daṇḍapāṇe || 3||

बालार्कभास पवनासन बाहुलेय धातुस्स्वदर्पहर तारकदैत्यहारिन् ।

bālārkabhāsa pavanāsana bāhuleya dhātussvadarpahara tārakadaityahārin |

ज्ञानार्णवाभिध शिवोद्भवपूर्णचन्द्र ज्ञानप्रभाभिरभिभासितलोकमूर्ते ।श्रीचूतमुक्तफलमाप्तुमितस्थितोऽसि श्रीसुप्रभातमधुना कुरु दण्डपाणे ॥ ५॥

jñānārṇavābhidha śivodbhavapūrṇacandra jñānaprabhābhirabhibhāsitalokamūrte |śrīcūtamuktaphalamāptumitasthito'si śrīsuprabhātamadhunā kuru daṇḍapāṇe || 5||

बालेन्दुमौलिपरमेश्वरपूजकस्य पद्मासुरस्य मलपाशविमोचनाय ।कल्याणदानकरुणार्णवपूर्णरूप श्रीसुप्रभातमधुना कुरु दण्डपाणे ॥ ६॥

bālendumauliparameśvarapūjakasya padmāsurasya malapāśavimocanāya |kalyāṇadānakaruṇārṇavapūrṇarūpa śrīsuprabhātamadhunā kuru daṇḍapāṇe || 6||

लक्ष्मीनिवासनयनोद्भवकन्यकाभ्यां वल्ली महेन्द्रतनयापरिशोभनाङ्ग ।श्रीमच्छिवे गिरिवरेऽपि विराजमान श्रीसुप्रभातमधुना कुरु दण्डपाणे ॥ ७॥

lakṣmīnivāsanayanodbhavakanyakābhyāṃ vallī mahendratanayāpariśobhanāṅga |śrīmacchive girivare'pi virājamāna śrīsuprabhātamadhunā kuru daṇḍapāṇe || 7||

कन्दर्पदर्पहर सुन्दर दिव्यमूर्ते मन्दारमुख्यबहुपुष्पसुपूजिताङ्घ्रे ।मन्दस्मितेन परिपूर्णकृपाप्रदान श्रीसुप्रभातमधुना कुरु दण्डपाणे ॥ ८॥

kandarpadarpahara sundara divyamūrte mandāramukhyabahupuṣpasupūjitāṅghre |mandasmitena paripūrṇakṛpāpradāna śrīsuprabhātamadhunā kuru daṇḍapāṇe || 8||

सिन्दूरवर्ण शिवभस्मविलेपिताङ्ग दिव्यैर्विचित्रनवरत्नसुवर्षिताङ्घ्रे । सुभूषिताङ्घ्रेकौपीनदण्टधरहस्तविराजमान श्रीसुप्रभातमधुना कुरु दण्डपाणे ॥ ९॥

sindūravarṇa śivabhasmavilepitāṅga divyairvicitranavaratnasuvarṣitāṅghre | subhūṣitāṅghrekaupīnadaṇṭadharahastavirājamāna śrīsuprabhātamadhunā kuru daṇḍapāṇe || 9||

पादारविन्दपतितं निजभक्तमस्मिन् लोकत्रयेऽपि परिपूजितपीठवेशिन् ।धर्मार्थकामपुरुषार्थफलप्रदान श्रीसुप्रभातमधुना कुरु दण्डपाणे ॥ १०॥

pādāravindapatitaṃ nijabhaktamasmin lokatraye'pi paripūjitapīṭhaveśin |dharmārthakāmapuruṣārthaphalapradāna śrīsuprabhātamadhunā kuru daṇḍapāṇe || 10||

शक्तेर्वियापिनि परे समनोन्मनान्त श्रीसुप्रभातमधुना कुरु दण्डपाणे ॥ ११॥

śakterviyāpini pare samanonmanānta śrīsuprabhātamadhunā kuru daṇḍapāṇe || 11||

प्रातर्निदर्शसमये निजबालरूप मध्याह्न विप्रजनवेषसुरूपधारिन् ।सायह्न राजधृतवेष सुयोगि रात्रौ श्रीसुप्रभातमधुना कुरु दण्डपाणे ॥ १२॥

prātarnidarśasamaye nijabālarūpa madhyāhna viprajanaveṣasurūpadhārin |sāyahna rājadhṛtaveṣa suyogi rātrau śrīsuprabhātamadhunā kuru daṇḍapāṇe || 12||

कालत्रयेऽपि तनुतां करुणाभिवृष्ट लोकत्रयेऽपि विनुत त्रिदशैश्च नित्यम् ।तत्त्वत्रयोपरिनिविष्टविभूतिदेय श्रीसुप्रभातमधुना कुरु दण्डपाणे ॥ १३॥

kālatraye'pi tanutāṃ karuṇābhivṛṣṭa lokatraye'pi vinuta tridaśaiśca nityam |tattvatrayopariniviṣṭavibhūtideya śrīsuprabhātamadhunā kuru daṇḍapāṇe || 13||

भक्ताग्रभूतमरुणाचलनामधेयं मुक्ताद्यनेकविविधस्तुवितं दयालो ।बद्घात्मसौख्यवरदत्त महाप्रभो मे श्रीसुप्रभातमधुना कुरु दण्डपाणे ॥ १४॥

bhaktāgrabhūtamaruṇācalanāmadheyaṃ muktādyanekavividhastuvitaṃ dayālo |badghātmasaukhyavaradatta mahāprabho me śrīsuprabhātamadhunā kuru daṇḍapāṇe || 14||

विश्वार्तिभञ्जन विशालसुलोचन श्रीकोणं कुरुष्व कृपया पतिताय मह्यम् ।लोकोद्धराय परमाद्भुतभूरिमूर्ते श्रीसुप्रभातमधुना कुरु दण्डपाणे ॥ ९५॥

viśvārtibhañjana viśālasulocana śrīkoṇaṃ kuruṣva kṛpayā patitāya mahyam |lokoddharāya paramādbhutabhūrimūrte śrīsuprabhātamadhunā kuru daṇḍapāṇe || 95||

विना दण्डपाणिं न नाथो न नाथस्सदा दण्डपाणिं स्मरामि स्मरामि ।प्रभो दण्डपाणे प्रसीद प्रसीद प्रियं दण्डपाणे प्रयच्छ प्रयच्छ ॥ १६॥

vinā daṇḍapāṇiṃ na nātho na nāthassadā daṇḍapāṇiṃ smarāmi smarāmi |prabho daṇḍapāṇe prasīda prasīda priyaṃ daṇḍapāṇe prayaccha prayaccha || 16||

अहं त्वा दिनादौ नमस्कृत्य नित्यं तवैवाश्रितस्सर्वकार्यं करोमि ।त्वमेवासि मामुद्धराय प्रवृत्तस्त्वमेवासि सर्वं सुकर्तुं च भोक्तुम् ॥ १७॥

ahaṃ tvā dinādau namaskṛtya nityaṃ tavaivāśritassarvakāryaṃ karomi |tvamevāsi māmuddharāya pravṛttastvamevāsi sarvaṃ sukartuṃ ca bhoktum || 17||

गिरौ सन्निविष्टस्सुरेशानपुत्रस्सदा दण्डहस्तश्चिदानन्दगात्र ।मुदा राजवेषः परानन्दहासस्स नः पातु देवो गुहो बालरूपः ॥ १८॥

girau sanniviṣṭassureśānaputrassadā daṇḍahastaścidānandagātra |mudā rājaveṣaḥ parānandahāsassa naḥ pātu devo guho bālarūpaḥ || 18||

शुभं रक्तवर्णं शिवं शम्भुसूनुं कराम्भोजयुग्मान्वितं पङ्कजस्थम् ।शिवानन्दसन्दोहबद्धं प्रपद्ये भवाम्बोधिपारं गुहं षण्मुखाख्यम् ॥ १९॥

śubhaṃ raktavarṇaṃ śivaṃ śambhusūnuṃ karāmbhojayugmānvitaṃ paṅkajastham |śivānandasandohabaddhaṃ prapadye bhavāmbodhipāraṃ guhaṃ ṣaṇmukhākhyam || 19||

हरिब्रह्मदेवेन्द्रवन्द्यं सुरेशं निधिवृन्दसंसेवितस्यात्मजापम् ।गुरुं ग्रामपालप्रियं तारकारिं भजे भुक्तिमुक्तिप्रदं भीतिनाशम् ॥ २०॥

haribrahmadevendravandyaṃ sureśaṃ nidhivṛndasaṃsevitasyātmajāpam |guruṃ grāmapālapriyaṃ tārakāriṃ bhaje bhuktimuktipradaṃ bhītināśam || 20||

गिरिजाकरपल्लव सल्ललितं गिरिजोद्भवमूलसुविग्रहगम् ।गुरुमूर्तिमनन्तवरं ददतं करुणाजलधिं भज दण्डधरम् ॥ २१॥

girijākarapallava sallalitaṃ girijodbhavamūlasuvigrahagam |gurumūrtimanantavaraṃ dadataṃ karuṇājaladhiṃ bhaja daṇḍadharam || 21||

शिवभोगसमुद्भवकीर्तिधरं शुभयोगवरप्रदमूर्तिवरम् ।परिपालितधर्मकुलं वरदं करुणाजलधिं भज दण्डधरम् ॥ २२॥

śivabhogasamudbhavakīrtidharaṃ śubhayogavarapradamūrtivaram |paripālitadharmakulaṃ varadaṃ karuṇājaladhiṃ bhaja daṇḍadharam || 22||

प्रणवान्तरनादकलादिवरं प्रणतार्तिहरं प्रणतां विहितम् ।फलदं बलदं वरसन्निहितं करुणाजलधिं भज दण्डधरम् ॥ २३॥

praṇavāntaranādakalādivaraṃ praṇatārtiharaṃ praṇatāṃ vihitam |phaladaṃ baladaṃ varasannihitaṃ karuṇājaladhiṃ bhaja daṇḍadharam || 23||

विधिवद्विनुतैर्विधिवद्विनुतं विविधा विनुतैर्विविधा विनुतम् ।परितुल्यफलप्रदतं करुणाजलधिं भज दण्डधरम् ॥ २४॥

vidhivadvinutairvidhivadvinutaṃ vividhā vinutairvividhā vinutam |paritulyaphalapradataṃ karuṇājaladhiṃ bhaja daṇḍadharam || 24||

स्तवराजशिवार्चितपादयुगं स्तुतिराजसुकीर्तनवाक्यगतम् ।निजबालकुटुम्बसुपालवरं करुणाजलधिं भज दण्डधरम् ॥ २५॥

stavarājaśivārcitapādayugaṃ stutirājasukīrtanavākyagatam |nijabālakuṭumbasupālavaraṃ karuṇājaladhiṃ bhaja daṇḍadharam || 25||

कल्पवृक्षाय नमतां करुणासगराय च ।कौपीनदण्डहस्ताय कन्दर्पायुतभासिने ॥ २६॥

kalpavṛkṣāya namatāṃ karuṇāsagarāya ca |kaupīnadaṇḍahastāya kandarpāyutabhāsine || 26||

ईतिभीतिनिवाराय चान्धकारनिरोधिने ।ज्ञानप्रदाय शान्ताय श्रीस्कन्दगुरवे नमः ॥ २७॥

ītibhītinivārāya cāndhakāranirodhine |jñānapradāya śāntāya śrīskandagurave namaḥ || 27||

स्वामिने कामिनां कामपूरणाय कलौ युगे ।वरदामलकारण्यवासमानाय मङ्गलम् ॥ २८॥

svāmine kāmināṃ kāmapūraṇāya kalau yuge |varadāmalakāraṇyavāsamānāya maṅgalam || 28||

परिपूर्णतनुस्थाय कदम्बवनवासिने ।पळणीगिरिवासाय भासमानाय मङ्गलम् ॥ २९॥

paripūrṇatanusthāya kadambavanavāsine |paḷaṇīgirivāsāya bhāsamānāya maṅgalam || 29||

भाग्यप्रदाय ते बालसुब्रह्मण्यनुताय च ।भूरिभोगप्रदानाय भोगपूज्याय मङ्गलम् ॥ ३०॥

bhāgyapradāya te bālasubrahmaṇyanutāya ca |bhūribhogapradānāya bhogapūjyāya maṅgalam || 30||

वरदानकराब्जाय वासिने शिवपर्वते ।भयपीडितभक्तैश्च वन्दितायास्तु मङ्गलम् ॥ ३१॥

varadānakarābjāya vāsine śivaparvate |bhayapīḍitabhaktaiśca vanditāyāstu maṅgalam || 31||

सर्वमङ्गलरूपाय सर्वमङ्गलकारिणे ।ज्ञानमङ्गलरूपाय ज्ञानस्कन्दाय मङ्गलम् ॥ ३२॥

sarvamaṅgalarūpāya sarvamaṅgalakāriṇe |jñānamaṅgalarūpāya jñānaskandāya maṅgalam || 32||

ळोर्द् षुब्रह्मन्य

ḷord ṣubrahmanya