सुब्रह्मण्यषोडशमूर्तिध्यानभेदाः Shri Shubrahamanyasya Shodashamurtidhyanabhedah

ज्ञानशक्तिधरः स्कन्दो देवसेनापतिस्तथा ।सुब्रह्मण्यो गजारूढः शरकाननसम्भवः ॥ १॥

jñānaśaktidharaḥ skando devasenāpatistathā |subrahmaṇyo gajārūḍhaḥ śarakānanasambhavaḥ || 1||

कार्तिकेयः कुमारश्च षण्मुखस्तारकान्तकः ।सेनानीर्ब्रह्मशास्ता च वल्लीकल्याणसुन्दरः ॥ २॥

kārtikeyaḥ kumāraśca ṣaṇmukhastārakāntakaḥ |senānīrbrahmaśāstā ca vallīkalyāṇasundaraḥ || 2||

बालश्च क्रौञ्चभेत्ता च शिखिवाहन एव च ।एतानि स्वामिनामानि षोडश प्रत्यहं नरः ॥ ३॥

bālaśca krauñcabhettā ca śikhivāhana eva ca |etāni svāmināmāni ṣoḍaśa pratyahaṃ naraḥ || 3||

यः पठेत्सर्वपापेभ्योः स मुच्येत महामुने ।एतेषां प्रतिरूपाणां ध्यानभेदमथोच्यते ॥ ४॥

yaḥ paṭhetsarvapāpebhyoḥ sa mucyeta mahāmune |eteṣāṃ pratirūpāṇāṃ dhyānabhedamathocyate || 4||

(१) अथ शक्तिधरस्वामिध्यानम्एकास्यं द्विभुजं वामे वज्रं दक्षिणजे करे ।इच्छाज्ञानक्रियाशक्तिरूपं शक्तिधरं भजे ॥ ५॥

(1) atha śaktidharasvāmidhyānamekāsyaṃ dvibhujaṃ vāme vajraṃ dakṣiṇaje kare |icchājñānakriyāśaktirūpaṃ śaktidharaṃ bhaje || 5||

(२) स्कन्दस्वामिध्यानम्कल्पद्रुमं प्रणमतां कमलारुणाभंस्कन्दं भुजद्वयमनामयमेकवक्त्रम् ।कात्यायनीसुतमहं कटिबद्धदामकौपीनदण्डधरदक्षिणहस्तमीडे ॥ ६॥

(2) skandasvāmidhyānamkalpadrumaṃ praṇamatāṃ kamalāruṇābhaṃskandaṃ bhujadvayamanāmayamekavaktram |kātyāyanīsutamahaṃ kaṭibaddhadāmakaupīnadaṇḍadharadakṣiṇahastamīḍe || 6||

(३) सेनापतिध्यानम्नौम्यादित्यप्रदीप्तं द्विदशनयनकं षण्मुखं मन्दहासंवामाङ्के सुस्थितायास्सरसिरुहधृतालिङ्गितायाः प्रियायाः ।उत्तुङ्गोरुस्तनाग्रे विहितकरतलं भीतिखेटादिशूलह्रादिन्युद्दीप्तशक्तीष्वसनवनगदाकुक्कुटाब्जेषु हस्तम् ॥ ७॥

(3) senāpatidhyānamnaumyādityapradīptaṃ dvidaśanayanakaṃ ṣaṇmukhaṃ mandahāsaṃvāmāṅke susthitāyāssarasiruhadhṛtāliṅgitāyāḥ priyāyāḥ |uttuṅgorustanāgre vihitakaratalaṃ bhītikheṭādiśūlahrādinyuddīptaśaktīṣvasanavanagadākukkuṭābjeṣu hastam || 7||

(४) सुब्रह्मण्यस्वामिध्यानम्सिन्दूरारुणमिन्दुकान्तिवदनं केयूरहारादिभिर्दिव्यैराभरणैर्विभूषिततनुं स्वर्गादिसौख्यप्रदम् ।अम्भोजाभयशक्तिकुक्कुटधरं रक्ताङ्गरागोज्ज्वलं (रक्ताङ्गरागांशुकं)सुब्रह्मण्यमुपास्महे प्रणमतां भीतिप्रणाशोद्यतम् ॥ ८॥

(4) subrahmaṇyasvāmidhyānamsindūrāruṇamindukāntivadanaṃ keyūrahārādibhirdivyairābharaṇairvibhūṣitatanuṃ svargādisaukhyapradam |ambhojābhayaśaktikukkuṭadharaṃ raktāṅgarāgojjvalaṃ (raktāṅgarāgāṃśukaṃ)subrahmaṇyamupāsmahe praṇamatāṃ bhītipraṇāśodyatam || 8||

अन्यच्चएकवक्त्रं द्विदोर्दण्डं कटिबद्धाभयान्वितम् ।तरुणारुणसङ्काशं सुब्रह्मण्यमुपास्महे ॥ ९॥

anyaccaekavaktraṃ dvidordaṇḍaṃ kaṭibaddhābhayānvitam |taruṇāruṇasaṅkāśaṃ subrahmaṇyamupāsmahe || 9||

(५) गजवाहनस्वामिध्यानम्एकाननं द्विनयनं वरकुक्कुटौ चवामद्वये निशितशक्त्यभयद्वयं च ।बिभ्राणमीश्वरसुतं तपनायुताभंनित्यं नमामि गजवाहनमिष्टसिद्।ह्ध्यै ॥ १०॥

(5) gajavāhanasvāmidhyānamekānanaṃ dvinayanaṃ varakukkuṭau cavāmadvaye niśitaśaktyabhayadvayaṃ ca |bibhrāṇamīśvarasutaṃ tapanāyutābhaṃnityaṃ namāmi gajavāhanamiṣṭasid|hdhyai || 10||

(६) शरवणभवस्वामिध्यानम्शक्तिं घण्टां ध्वजसरसिजे कुक्कुटं पाशदण्डौटङ्कं बाणं वरदमभयदं कार्मुकं चोद्वहन्तम् ।पीतं सौम्यं द्विदशनयनं देवसङ्घैरुपास्यंसद्भिः पूज्यं शरवणभवं षण्मुखं भावयामि ॥ ११॥

(6) śaravaṇabhavasvāmidhyānamśaktiṃ ghaṇṭāṃ dhvajasarasije kukkuṭaṃ pāśadaṇḍauṭaṅkaṃ bāṇaṃ varadamabhayadaṃ kārmukaṃ codvahantam |pītaṃ saumyaṃ dvidaśanayanaṃ devasaṅghairupāsyaṃsadbhiḥ pūjyaṃ śaravaṇabhavaṃ ṣaṇmukhaṃ bhāvayāmi || 11||

(७) कार्तिकेयस्वामिध्यानम्वरदकुलिशखेटं वामहस्तत्रये चदधतमभयशक्तिं खण्डमन्यत्त्रये च ।तरुणरविसमाभं साधुभिः पूज्यमानंकमलवदनषट्कं कार्तिकेयं नमामि ॥ १२॥

(7) kārtikeyasvāmidhyānamvaradakuliśakheṭaṃ vāmahastatraye cadadhatamabhayaśaktiṃ khaṇḍamanyattraye ca |taruṇaravisamābhaṃ sādhubhiḥ pūjyamānaṃkamalavadanaṣaṭkaṃ kārtikeyaṃ namāmi || 12||

(८) कुमारस्वामिध्यानम्सव्यद्वये निशितशक्त्यसिमादधानंवामद्वयेऽभिमतकुक्कुटखेटकं त्वाम् । (खेटकं च)वल्लीपतिं विबुधलोचनपूर्णचन्द्रंकल्याणदाननिरतं कलये कुमारम् ॥ १३॥

(8) kumārasvāmidhyānamsavyadvaye niśitaśaktyasimādadhānaṃvāmadvaye'bhimatakukkuṭakheṭakaṃ tvām | (kheṭakaṃ ca)vallīpatiṃ vibudhalocanapūrṇacandraṃkalyāṇadānanirataṃ kalaye kumāram || 13||

(९) षण्मुखस्वामिध्यानम्वन्दे सिन्दूरकान्तिं शरविपिनभवं श्रीमयूराधिरूढंषड्वक्त्रं देवसैन्यं मधुरिपुतनयावल्लभं द्वादशाक्षम् ।शक्तिं बाणं कृपाणं ध्वजमपि च गदां चाभयं सव्यहस्तैःचापं वज्रं सरोजं कटकमपि वरं शूलमन्यैर्दधानम् ॥ १४॥

(9) ṣaṇmukhasvāmidhyānamvande sindūrakāntiṃ śaravipinabhavaṃ śrīmayūrādhirūḍhaṃṣaḍvaktraṃ devasainyaṃ madhuriputanayāvallabhaṃ dvādaśākṣam |śaktiṃ bāṇaṃ kṛpāṇaṃ dhvajamapi ca gadāṃ cābhayaṃ savyahastaiḥcāpaṃ vajraṃ sarojaṃ kaṭakamapi varaṃ śūlamanyairdadhānam || 14||

(१०) तारकारिस्वामिध्यानंवरदमङ्कुशध्वजे च कटकौ चापवज्रमभयपाशचक्रखड्गमुसलशक्तिमन्वहम् ।द्विदशपाणिभिर्दधानमरुणकोटिसन्निभंभजत तारकारिमत्र भवविनाशकारणम् ॥ १५॥

(10) tārakārisvāmidhyānaṃvaradamaṅkuśadhvaje ca kaṭakau cāpavajramabhayapāśacakrakhaḍgamusalaśaktimanvaham |dvidaśapāṇibhirdadhānamaruṇakoṭisannibhaṃbhajata tārakārimatra bhavavināśakāraṇam || 15||

(११) सेनापतिस्वामिध्यानम्अभयमसिरथाङ्गं चाङ्कुशं शक्तिशूलंवरदकुलिशपाशं पद्मदण्डौ गदां च ।दधतमुभयपक्षद्वादशायामहस्तैर्द्विदशकमलनेत्रं देवसेनान्यमीडे ॥ १६॥

(11) senāpatisvāmidhyānamabhayamasirathāṅgaṃ cāṅkuśaṃ śaktiśūlaṃvaradakuliśapāśaṃ padmadaṇḍau gadāṃ ca |dadhatamubhayapakṣadvādaśāyāmahastairdvidaśakamalanetraṃ devasenānyamīḍe || 16||

(१२) ब्रह्मशास्तृध्यानम्वामे करे च युगले वरकुण्डिके चसव्येऽक्षसूत्रमभयं दधतं विशाखम् ।वल्ल्यायुतं वनजलोचनमेकवक्त्रंवन्दामहे वनजसम्भवशासितारम् ॥ १७॥

(12) brahmaśāstṛdhyānamvāme kare ca yugale varakuṇḍike casavye'kṣasūtramabhayaṃ dadhataṃ viśākham |vallyāyutaṃ vanajalocanamekavaktraṃvandāmahe vanajasambhavaśāsitāram || 17||

(१३) वल्लीकल्याणसुन्दरस्वामिध्यानम्हस्तद्वन्द्वेऽक्षमालामभयमपि धृतं कुण्डिकां श्रोणिबन्धंसव्ये वामे निषण्णः श्रवधृतविधिनाहूयमानेन युक्तम् ।सर्वालङ्कारयुक्तं जलकलशधृता विष्णुना चारुणाभंवल्लीकल्याणमूर्तिं सकलसुरगणैः स्तूयमानं प्रपद्ये ॥ १८॥

(13) vallīkalyāṇasundarasvāmidhyānamhastadvandve'kṣamālāmabhayamapi dhṛtaṃ kuṇḍikāṃ śroṇibandhaṃsavye vāme niṣaṇṇaḥ śravadhṛtavidhināhūyamānena yuktam |sarvālaṅkārayuktaṃ jalakalaśadhṛtā viṣṇunā cāruṇābhaṃvallīkalyāṇamūrtiṃ sakalasuragaṇaiḥ stūyamānaṃ prapadye || 18||

(१४) बालस्वामिध्यानम्पद्मसव्यकटिसंयुतवामंपद्मकान्तिनिभमेकमुखं च ।बालवृद्धिकरमीश्वरसूनुंबालमुन्नतभुजं प्रणतोऽस्मि ॥ १९॥

(14) bālasvāmidhyānampadmasavyakaṭisaṃyutavāmaṃpadmakāntinibhamekamukhaṃ ca |bālavṛddhikaramīśvarasūnuṃbālamunnatabhujaṃ praṇato'smi || 19||

अन्यच्चएकवक्त्रं द्विनयनं पद्मद्वयकरद्वयम् ।विप्रप्रियकरं वन्दे बालरूपं रविप्रभम् ॥ २०॥

anyaccaekavaktraṃ dvinayanaṃ padmadvayakaradvayam |viprapriyakaraṃ vande bālarūpaṃ raviprabham || 20||

(१५) क्रौञ्चभेदनस्वामिध्यानंअभयशितकृपाणौ शक्तिबाणौ च सव्येवरदकुलिशचापं खेटके चान्यहस्ते ।दधतममरसेनानायकं चाष्टबाहुंकमलवदनषट्कं क्रौञ्चभेत्तारमीडे ॥ २१॥

(15) krauñcabhedanasvāmidhyānaṃabhayaśitakṛpāṇau śaktibāṇau ca savyevaradakuliśacāpaṃ kheṭake cānyahaste |dadhatamamarasenānāyakaṃ cāṣṭabāhuṃkamalavadanaṣaṭkaṃ krauñcabhettāramīḍe || 21||

(१६) शिखिवाहनस्वामिध्यानंविद्रुमप्रभमेकमुखं विभुं वज्रशक्तिवरदाभयपाणिम् ।देवलोकरिपुघ्नमविघ्नदं नौमि रुद्रभवं शिखिवाहम् ॥ २२॥

(16) śikhivāhanasvāmidhyānaṃvidrumaprabhamekamukhaṃ vibhuṃ vajraśaktivaradābhayapāṇim |devalokaripughnamavighnadaṃ naumi rudrabhavaṃ śikhivāham || 22||

॥ इति श्रीकुमारतन्त्रे द्वितीयपटले श्रीसुब्रह्मण्यस्यषोडशमूर्तिध्यानभेदाः समाप्ताः ॥

|| iti śrīkumāratantre dvitīyapaṭale śrīsubrahmaṇyasyaṣoḍaśamūrtidhyānabhedāḥ samāptāḥ ||