शरवणप्तवदेवसेनेशषट्कम् Shri Sharavanaptavadevaseneshashatkam

करतलराजच्छक्त स्वरदपराभूतकुन्दसुमगर्व ।सुरवरनिषेविताङ्घ्रे शरवणभव पाहि देवसेनेश ॥ १॥

karatalarājacchakta svaradaparābhūtakundasumagarva |suravaraniṣevitāṅghre śaravaṇabhava pāhi devaseneśa || 1||

तटिदाभदेहकान्ते कटिविलसत्पीतवर्णकौशेय ।पाटितशूरासुर भो शरवणभव पाहि देवसेनेश ॥ २॥

taṭidābhadehakānte kaṭivilasatpītavarṇakauśeya |pāṭitaśūrāsura bho śaravaṇabhava pāhi devaseneśa || 2||

नीलग्रीवतनूद्भव बालदिनेशानकोटिनिभदेह ।कालप्रतिभटमोदद शरवणभव पाहि देवसेनेश ॥ ३॥

nīlagrīvatanūdbhava bāladineśānakoṭinibhadeha |kālapratibhaṭamodada śaravaṇabhava pāhi devaseneśa || 3||

पदजितपङ्कज पङ्कजभवपङ्कजनेत्रमुख्यसुरवन्द्य ।पदवीं प्रापय महतीं शरवणभव पाहि देवसेनेश ॥ ४॥

padajitapaṅkaja paṅkajabhavapaṅkajanetramukhyasuravandya |padavīṃ prāpaya mahatīṃ śaravaṇabhava pāhi devaseneśa || 4||

तारकदैत्यनिवारक तारापतिगर्वहारिषड्वक्त्र ।तारक भवाम्बुराशेः शरवणभव पाहि देवसेनेश ॥ ५॥

tārakadaityanivāraka tārāpatigarvahāriṣaḍvaktra |tāraka bhavāmburāśeḥ śaravaṇabhava pāhi devaseneśa || 5||

पर्वतसुतामनोऽम्बुजसद्यःसञ्जातवासरेशतते ।सर्वश्रुतिगीतविभो शरवणभव पाहि देवसेनेश ॥ ६॥

parvatasutāmano'mbujasadyaḥsañjātavāsareśatate |sarvaśrutigītavibho śaravaṇabhava pāhi devaseneśa || 6||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीशरवणभवदेवसेनेशषट्कं सम्पूर्णम् ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrīśaravaṇabhavadevaseneśaṣaṭkaṃ sampūrṇam |