कार्तिकेयशताष्टनामस्तोत्रम् Kartikeyashatashtanama Stotram

(शिवरहस्यान्तर्गते ईशाख्ये)(विष्णुब्रह्मादयो देवाः कृतम्)षण्मुखः सुमुखस्त्राता लेखसेनापतिः प्रभुः ॥ ५३\।२॥शक्तिहस्तो दुराधर्षो वीतिहोत्राङ्गजो बली ।क्रौञ्चाद्रिमथनो योगी सुब्रह्मण्यो मखेडितः ॥ ५४॥

(śivarahasyāntargate īśākhye)(viṣṇubrahmādayo devāḥ kṛtam)ṣaṇmukhaḥ sumukhastrātā lekhasenāpatiḥ prabhuḥ || 53\|2||śaktihasto durādharṣo vītihotrāṅgajo balī |krauñcādrimathano yogī subrahmaṇyo makheḍitaḥ || 54||

गाङ्गेयो वैद्युतोऽमोघस्तारकान्तकरो रविः ।महासेनो देववैद्यः प्रणवार्थप्रकाशकः ॥ ५५॥

gāṅgeyo vaidyuto'moghastārakāntakaro raviḥ |mahāseno devavaidyaḥ praṇavārthaprakāśakaḥ || 55||

महासेनः शरवणोद्भवो भवसुतोऽनघः ।विनायकानुजः श्रीमान् शूरसंहारकारकः ॥ ५६॥

mahāsenaḥ śaravaṇodbhavo bhavasuto'naghaḥ |vināyakānujaḥ śrīmān śūrasaṃhārakārakaḥ || 56||

सेनानीर्दुर्दुरो वीरो गर्भो विश्वपतिः कविः ।गुरुर्हरिहयः शास्ता शरासनकरः शरी ॥ ५७॥

senānīrdurduro vīro garbho viśvapatiḥ kaviḥ |gururharihayaḥ śāstā śarāsanakaraḥ śarī || 57||

व्यापकोऽनन्तशक्तिः सुकुमारः प्रोज्ज्वलाङ्गकः ।वीराबाहुर्गणाध्यक्षस्त्र्यक्षप्रीतो विशारदः ॥ ५८॥

vyāpako'nantaśaktiḥ sukumāraḥ projjvalāṅgakaḥ |vīrābāhurgaṇādhyakṣastryakṣaprīto viśāradaḥ || 58||

कान्तः शान्तो जितारातिरुमाकान्तात्मजोऽपरः ।वल्लीपतिर्जितारातिः कुक्कुटोत्तमकेतनः ॥ ५९॥

kāntaḥ śānto jitārātirumākāntātmajo'paraḥ |vallīpatirjitārātiḥ kukkuṭottamaketanaḥ || 59||

शिवलिङ्गार्चनप्रीतो गन्धपुष्पाद्यलङ्कृतः ।मुकुटी चाङ्गदी चक्री गदी शङ्खी शिखी जटी ॥ ६०॥

śivaliṅgārcanaprīto gandhapuṣpādyalaṅkṛtaḥ |mukuṭī cāṅgadī cakrī gadī śaṅkhī śikhī jaṭī || 60||

सनातनपरस्तारस्तारकस्तारकान्तकृत् ।संवर्तो यौवनी(?) वीरो बालो लीलाविनोदकृत् ॥ ६१॥

sanātanaparastārastārakastārakāntakṛt |saṃvarto yauvanī(?) vīro bālo līlāvinodakṛt || 61||

प्रसन्नाक्षः पङ्कजाक्षः शम्बरः शम्बरप्रियः ।सुपल्लवः शिवो धन्वी खड्गखेटधरः स्तुतः ॥ ६२॥

prasannākṣaḥ paṅkajākṣaḥ śambaraḥ śambarapriyaḥ |supallavaḥ śivo dhanvī khaḍgakheṭadharaḥ stutaḥ || 62||

विश्वप्रियोऽनन्तशक्तिः सुराध्यक्षो दुरासदः ।प्रमोदो मेघदमनः शक्रपूज्यः शतक्रतुः ॥ ६३॥

viśvapriyo'nantaśaktiḥ surādhyakṣo durāsadaḥ |pramodo meghadamanaḥ śakrapūjyaḥ śatakratuḥ || 63||

कृत्तिकासूनुरमलः कृत्तिवासःप्रियो विराट् ।स्वाहाप्रियः कार्तिकेयो हरणो वेगवत्तरः ॥ ६४॥

kṛttikāsūnuramalaḥ kṛttivāsaḥpriyo virāṭ |svāhāpriyaḥ kārtikeyo haraṇo vegavattaraḥ || 64||

स्वर्णवर्णः पारिभद्रस्ताम्रस्तारणकारकः ।सुपुष्करमहामालो ललिताङ्गः सुरावनः ॥ ६५॥

svarṇavarṇaḥ pāribhadrastāmrastāraṇakārakaḥ |supuṣkaramahāmālo lalitāṅgaḥ surāvanaḥ || 65||

यशस्करोऽमरपरो गीतवान् तत्प्रियोऽर्तिहा (तत्त्वप्रियोऽर्तिहा ? ) ।वीरभद्रमहागर्वस्तम्भनस्तत्परः सखा ॥ ६६॥

yaśaskaro'maraparo gītavān tatpriyo'rtihā (tattvapriyo'rtihā ? ) |vīrabhadramahāgarvastambhanastatparaḥ sakhā || 66||

निरञ्जनो निराधारः शक्रसेनापतिर्वटुः ।ब्रह्मचारी गिरिचरः सर्परूपो दुरासदः ॥ ६७॥

nirañjano nirādhāraḥ śakrasenāpatirvaṭuḥ |brahmacārī giricaraḥ sarparūpo durāsadaḥ || 67||

षष्ठीप्रीतः कुमारश्च स्मरस्मेरास्यसुन्दरः ।विज्ञानदः शिवो ज्ञानी शिवभक्तशिरोमणिः ॥ ६८॥

ṣaṣṭhīprītaḥ kumāraśca smarasmerāsyasundaraḥ |vijñānadaḥ śivo jñānī śivabhaktaśiromaṇiḥ || 68||

॥ इति शिवरहस्यान्तर्गते कार्तिकेयशताष्टनामस्तोत्रं सम्पूर्णम् ॥॥ श्रीशिवरहस्यम् । ईशाख्यः द्वादशमांशः । अध्यायः २१ कुमारसम्भवः । ५३६८ ॥

|| iti śivarahasyāntargate kārtikeyaśatāṣṭanāmastotraṃ sampūrṇam |||| śrīśivarahasyam | īśākhyaḥ dvādaśamāṃśaḥ | adhyāyaḥ 21 kumārasambhavaḥ | 5368 ||

– ॥ श्रीशिवरहस्यम् ।ईशाख्यः द्वादशमांशः ।अध्यायः २१ कुमारसम्भवः ।५३-६८ ॥

– || śrīśivarahasyam |īśākhyaḥ dvādaśamāṃśaḥ |adhyāyaḥ 21 kumārasambhavaḥ | 53-68 ||