शङ्करार्चनमहिमवर्णनम् Vishnuproktam Shankararchanamahimavarnanam

(सुदर्शनविष्णुसंवादे)मदर्चनेन ध्यानेन मोक्षेच्छा जायते नृणाम् ।मोक्षदाता महादेवो ज्ञानविज्ञानदायकः ॥ ४९\।११॥तदर्चनेन सम्प्राप्तं मया पूर्वं सुदर्शनम् ।सहस्रारं दैत्यहन्तृ साक्षात्त्र्यक्षप्रपूजया ॥ ४९\।१२॥तमाराधय यत्नेन भस्मधारणपूर्वकम् ।अग्निरित्यादिभिर्मन्त्रैस्त्रियायुषत्रिपुण्ड्रकैः ॥ ४९\।१३॥रुद्राक्षधारको नित्यं रुद्रपञ्चाक्षरादरः ।शिवलिङ्गं बिल्वपत्रैः पूजयंज्ञानवान्भव ॥ ४९\।१४॥वसन्क्षेत्रे महेशस्य स्नाहि तीर्थे च शाङ्करे ।अहं ब्रह्मादयो देवाः पूजयैव पिनाकिनः ॥ ४९\।१५॥बलिनः शिवलिङ्गस्य पूजया विप्रसत्तम ।यस्य भालतलं मेऽद्य त्रिपुण्ड्रपरिचिन्हितम् ॥ ४९\।१६॥ब्रह्मेन्द्रदेवमुनिभिस्त्रिपुण्ड्रं भस्मना धृतम् ।पश्य वक्षसि बाह्वोर्मे रुद्राक्षाणां स्रजं शुभाम् ॥ ४९\।१७॥पञ्चाक्षरजपासक्तो रुद्राध्यायपरायणः ।त्रिकालमर्चयामीशं बिल्वपत्रैरहं शिवम् ॥ ४९\।१८॥कमला विमला नित्यं कोमलैर्बिल्वपल्लवैः ।पूजयत्यनिशं लिङ्गे तथा ब्रह्मादयः सुराः ॥ ४९\।१९॥मुनयो मनवोऽप्येवं तथान्ये द्विजसत्तमाः ।नृपासुरास्तथा दैत्या बलिनः शिवपूजया ॥ ४९\।२०॥ज्ञानं मोक्षस्तथा भाग्यं लभ्यते शङ्करार्चनात् ।तस्मात्त्वमपि भक्त्यैव समाराधय शङ्करम् ॥ ४९\।२१॥पशवो विष्णुविधयस्तथान्ये मुनयः सुराः ।सर्वेषां पतिरीशानस्तत्प्रसादाद्विमुक्तिभाक् ॥ ४९\।२२॥प्रसादजनकं तस्य भस्मधारणमेव हि ।प्रसादजनकं तस्य मुने रुद्राक्षधारणम् ॥ ४९\।२३॥प्रसादजनकस्तस्य रुद्राध्यायजपः सदा ।प्रसादजनकस्तस्य पञ्चाक्षरजपो द्विज ॥ ४९\।२४॥प्रसादजनकं तस्य शिवलिङ्गैकपूजनम् ।प्रसादे शाम्भवे जाते भुक्तिमुक्ती करे स्थिते ॥ ४९\।२५॥तस्य भक्त्यैव सर्वेषां मोचनं भवपाशतः ।तस्य प्रीतिकरं साक्षाद्बिल्वैर्लिङ्गस्य पूजनम् ॥ ४९\।२६॥तस्य प्रीतिकरं साक्षाच्छिवक्षेत्रेषु वर्तनम् ।तस्य प्रीतिकरं साक्षात् शिवतीर्थनिषेवणम् ॥ ४९\।२७॥तस्य प्रीतिकरं साक्षाद्भस्मरुद्राक्षधारणम् ।तस्य प्रीतिकरं साक्षात्प्रदोषे शिवपूजनम् ॥ ४९\।२८॥तस्य प्रीतिकरं साक्षाद्र्रुद्रपञ्चाक्षरावृतिः ।तस्य प्रीतिकरं साक्षाच्छिवभक्तजनार्चनम् ॥ ४९\।२९॥तस्य प्रीतिकरं साक्षात्सोमे सायन्तनार्चनम् ।तस्य प्रीतिकरं साक्षात्तन्निर्माल्यैकभोजनम् ॥ ४९\।३०॥तस्य प्रीतिकरं साक्षादष्टमीष्वर्चनं निशि ।तस्य प्रीतिकरं साक्षाच्चतुर्दश्यर्चनं निशि ॥ ४९\।३१॥तस्य प्रीतिकरं साक्षात्तन्नाम्नां स्मृतिरेव हि ।एतावानेन धर्मो हि शम्भोः प्रियकरो महान् ॥ ४९\।३२॥॥ इति शिवरहस्यान्तर्गते विष्णुप्रोक्तं शङ्करार्चनमहिमवर्णनं सम्पूर्णम् ॥॥ श्रीशिवरहस्यम् । शङ्कराख्यः षष्ठांशः । अध्यायः ४९। ११३२॥

(sudarśanaviṣṇusaṃvāde)madarcanena dhyānena mokṣecchā jāyate nṛṇām |mokṣadātā mahādevo jñānavijñānadāyakaḥ || 49\|11||tadarcanena samprāptaṃ mayā pūrvaṃ sudarśanam |sahasrāraṃ daityahantṛ sākṣāttryakṣaprapūjayā || 49\|12||tamārādhaya yatnena bhasmadhāraṇapūrvakam |agnirityādibhirmantraistriyāyuṣatripuṇḍrakaiḥ || 49\|13||rudrākṣadhārako nityaṃ rudrapañcākṣarādaraḥ |śivaliṅgaṃ bilvapatraiḥ pūjayaṃjñānavānbhava || 49\|14||vasankṣetre maheśasya snāhi tīrthe ca śāṅkare |ahaṃ brahmādayo devāḥ pūjayaiva pinākinaḥ || 49\|15||balinaḥ śivaliṅgasya pūjayā viprasattama |yasya bhālatalaṃ me'dya tripuṇḍraparicinhitam || 49\|16||brahmendradevamunibhistripuṇḍraṃ bhasmanā dhṛtam |paśya vakṣasi bāhvorme rudrākṣāṇāṃ srajaṃ śubhām || 49\|17||pañcākṣarajapāsakto rudrādhyāyaparāyaṇaḥ |trikālamarcayāmīśaṃ bilvapatrairahaṃ śivam || 49\|18||kamalā vimalā nityaṃ komalairbilvapallavaiḥ |pūjayatyaniśaṃ liṅge tathā brahmādayaḥ surāḥ || 49\|19||munayo manavo'pyevaṃ tathānye dvijasattamāḥ |nṛpāsurāstathā daityā balinaḥ śivapūjayā || 49\|20||jñānaṃ mokṣastathā bhāgyaṃ labhyate śaṅkarārcanāt |tasmāttvamapi bhaktyaiva samārādhaya śaṅkaram || 49\|21||paśavo viṣṇuvidhayastathānye munayaḥ surāḥ |sarveṣāṃ patirīśānastatprasādādvimuktibhāk || 49\|22||prasādajanakaṃ tasya bhasmadhāraṇameva hi |prasādajanakaṃ tasya mune rudrākṣadhāraṇam || 49\|23||prasādajanakastasya rudrādhyāyajapaḥ sadā |prasādajanakastasya pañcākṣarajapo dvija || 49\|24||prasādajanakaṃ tasya śivaliṅgaikapūjanam |prasāde śāmbhave jāte bhuktimuktī kare sthite || 49\|25||tasya bhaktyaiva sarveṣāṃ mocanaṃ bhavapāśataḥ |tasya prītikaraṃ sākṣādbilvairliṅgasya pūjanam || 49\|26||tasya prītikaraṃ sākṣācchivakṣetreṣu vartanam |tasya prītikaraṃ sākṣāt śivatīrthaniṣevaṇam || 49\|27||tasya prītikaraṃ sākṣādbhasmarudrākṣadhāraṇam |tasya prītikaraṃ sākṣātpradoṣe śivapūjanam || 49\|28||tasya prītikaraṃ sākṣādrrudrapañcākṣarāvṛtiḥ |tasya prītikaraṃ sākṣācchivabhaktajanārcanam || 49\|29||tasya prītikaraṃ sākṣātsome sāyantanārcanam |tasya prītikaraṃ sākṣāttannirmālyaikabhojanam || 49\|30||tasya prītikaraṃ sākṣādaṣṭamīṣvarcanaṃ niśi |tasya prītikaraṃ sākṣāccaturdaśyarcanaṃ niśi || 49\|31||tasya prītikaraṃ sākṣāttannāmnāṃ smṛtireva hi |etāvānena dharmo hi śambhoḥ priyakaro mahān || 49\|32|||| iti śivarahasyāntargate viṣṇuproktaṃ śaṅkarārcanamahimavarṇanaṃ sampūrṇam |||| śrīśivarahasyam | śaṅkarākhyaḥ ṣaṣṭhāṃśaḥ | adhyāyaḥ 49| 1132||

– ॥ श्रीशिवरहस्यम् ।शन्कराख्यः षष्ठांशः ।अध्यायः ४९। ११-३२॥

– || śrīśivarahasyam |śankarākhyaḥ ṣaṣṭhāṃśaḥ |adhyāyaḥ 49| 11-32||